bettyu's Profile

一月一次的聚會, 決定去聞名而久的鹿鳴春.年初四打去訂枱, 一聽到話book夜晚, 便已經話滿座. 於是訂咗隔離家的京菜.是日去到附近, 友人決定walk-in一試. 又俾他揾到位. 去到時已8:30, 多張 "吉" 枱. 擺明唔想做生意咁. 當初又話滿座. 一心要試出名的填鴨同爆管庭, 但無爆管庭, 唯有試其他, 於是叫咗清炒蝦仁, 宮寶雞丁, 雜錦炒飯 及 蔥爆牛肉. 牛肉好軟滑, 蝦仁比想像中大粒. 唔錯.反而係期待之填鴨, 一睇就知唔好食, 一望下去, 外皮不似燒起, 肉又 "鞋", 就連粉皮都又厚又極重麪粉味. 真係又貴又唔好食. 有見及此, 連原本想試的甜品都唔叫啦. 費事失望多一次估唔到全晚最好食的係炒飯. 炒得乾身.唔知是否新春佳節, 有此情形. …Read More

一早想試自助餐, 昨晚終於有機會啦 !!6:15 去到, 侍應好有禮貌, 可先取飲品. 飲品選擇都十分多, 有fruit punch, 鮮橙汁... 另外仲有咖啡. 茶任飲. 一夠鐘便可以出去攞嘢食, 雖然選擇唔算好多, 但係樣樣都啱食, 冷盤有龍蝦仔, 翡翠螺, 凍蝦, 龍蝦仔偏鹹, 其他兩樣都好鮮味. 大路的刺身三文魚都唔錯. 吞拿魚偏淡. 熱盤有雞, 豬, 羊, 牛, 魚 各樣各有一款. 但原來到咗第二 round, 又轉咗款式. 每樣都唔錯. 另有火雞及燒牛肉, 燒牛內太 un, 唔好味. 仲有一個粉麪檔.最喜愛的甜品真的無令人失望, 格仔餅可以親手整, 可惜頭兩個整得太差, 侍應哥哥幫我掉咗. 終於侍應幫我整咗一個係成功的. 雪糕係最好味的Haggen Dazs, 有口款味道. 心太軟果然有水準, 唔太甜. 另有兩個朱古力噴泉, 一白一黑. …Read More

去開尖沙咀, 突然想起近期雜誌介紹的烏冬, 即管一試差唔多下午2點, 唔駛等位.叫咗個煮物, 再加一個吉烈豬扒熱湯烏冬. 個湯碗超大, 以為會好大碗食唔晒. 個蓋一開, 只係一個正常份量. 湯底幾清, 味較淡. 湯面有幾塊薄薄的蘿蔔, 幾清甜. 輪到試主角 – 烏冬….. 食咗一啖, 麫身頗粗, 有咬口, 有點煙靭, 但並唔係想像中的滑溜, 反而食到尾聲, 覺得咬到牙都有點累, 同 “大戶x” 或 “千x” 的烏冬比較, 明顯不及. 所以食到最後兩啖, 都放棄咗啦. :(配角 – 豬扒, 炸得幾脆, 唔油膩, 比起想像中好味:), 亦竟然較烏冬理想. 真係妹仔大過主人婆啦.煮物都係一般, 有5樣不同類型大細的魚蛋, 味道普通.埋單唔駛 $70, 只可以說是合理, 但唔會再試. 下次都係去番至愛的 “大戶x” 啦. …Read More

又係每月一次例會, 睇完食評, 即管到此一試去到門口, 果然唔係member都可以入去. 食晏都係叫點心, 估唔到叫咗碟 "福建炒飯" 係咁大碟的. 另叫咗幾個點心, 包括最愛的流沙包, 但係有少少失望, 唔夠 "流", 變成普通奶黃包咁樣.朋友叫咗兩個甜品, 一個芒果卷, 面層有椰絲, 唔太甜, 但芒果肉破酸. 另一個係桂花糕, 不太甜, 夠凍又好味, 啱晒大熱天時食. 可能係星期六的關係, 人唔多, 侍應招呼一般, 勝在環境清靜, 的確係一個傾計敍腳的好地方. 埋單有8折, 5個人, 每個人都唔駛 $50, 抵食. …Read More

約咗friend食晏, 於是揾咗呢間.上次試過一次, 水準幾高, 但稍貴, 每人約 $100今次同樣叫咗個燒牛仔骨的set, 朋友叫咗辣三文魚飯. 價錢比上次平, 水準都唔錯, 三文魚有少少辣, 上面鋪滿沙律醬, 第一啖食, 覺得滿是甜甜的沙律醬味, 再咀嚼幾下, 便覺得有微辣, 連唔食得辣的我, 都覺得唔錯. 至於個燒牛肉粒, 好香口, 但牛肉幾 "un".兩個set都有麪鼓湯, 加入小粒粒的菇, 十分有咬口. 甜品跟餐送的, 係兩件小小的Tiramisu. 味道唔錯. 每人埋單 $75, 比上次平咗. 服務都唔錯. 都算值回票價.…Read More

久違了, 好耐都無去天后, 今日專誠走過去, 買兩件超正的 "Napoleon", 順便想試試件 Gateau Victor .下午去到, 一望餅櫃, 差不多空空餘也, 想試的 Gateau Victor 已賣晒. 於是各買一件唔同味的 Napoleon.晚上忍唔住一口氣食晒兩件餅, 酥皮仍然好脆, 水準仍然保持. 但稍嫌 Custard太厚, 好難先可以將件餅切開, 食得有點 "論盡". 芒果有點酸. 士多啤利普普通通啦. 不過, 真的係大件又抵食. 仲要食酥皮的一定鍾意. 下次一定要試試心儀的 Gateau Victor.…Read More

天文台掛起酷熱天氣訊號, 由銅鑼灣行到千口甘, 一心想試試出名的甜品.下午無咩人, 坐低叫咗碗 "千口甘" 加雪糕, 老板問: cookie & cream好唔好, 無所謂啦.這碗千口甘十分 "正, 外面天氣咁熱, 食落真係透心涼. 仲有芒果汁, 內裏有魔豆, 酸酸地又開胃, 正合這悶熱的天氣. 唯獨涼粉唔夠凍, 雪凍 d 仲正. 好似睇過menu, 加雪糕要加錢的. 但老細都係收我 $28. 我會再來的 !!…Read More

今日去開又一城, 即管試試這間中茶館平時見食評話 "bb 豬"好味, 於是叫咗一客, 另加一碟 "薑汁芥蘭" 同 "炒牛河""bb 豬" 先到, 簡直難以忘懷, 皮香脆, 乳豬醬汁早已塗在乳豬底部, 十分味美. 一試難忘. 於是再Enchore, 嚟多一碟. 以為 "薑汁芥蘭" 係普通貨色, 又錯啦. 雖然薑汁味唔夠, 但芥蘭出奇地好味, 爽甜柔諗, 難得唔係當做都咁好味, 師傅將老同硬的莖削去, 只留下軟的部份, 一個字 : 正牛河只屬一般, 無什麼特別.…Read More

今早去咗Milk Top, 買咗兩杯雪糕, 分別係芝麻同藍苺. 以前未食過Milk Top, 第一杯試的係藍苺, ........ :( 好似鏟雪一樣, 無以往食雪糕的那種軟滑. 唔覺得特別好食. 仲有好重的奶味同煉奶味. 唔習慣生果雪糕有奶味. 容量有120ml, 價錢都合理. …Read More