娟姐's Profile

疫情下無晚晚市堂食，只可外賣返屋企。今次買咗例牌豬髀同埋炸蝦餅，電話落單職員態度有禮貌，出品時間亦都非常之快。豬脾例牌非常大份，好林味道好好，配上泰式辣醬味道一流。炸蝦餅非常鬆脆就算外賣回家都保持香脆可口。價錢外賣$140，性價比非常高絕對值得再次幫襯，店內新裝修非常乾淨同雅致，我甚至打算下一次晚市堂食。店內可使用現金外，又可以選擇其他電子支付工具，結帳10分方便。不明白之前的食評為何會大多是負評。…Read More

星期二晚上，想食小菜，honey帶我到屯門盈豐商場大排檔試新嘢。叁友鋪頭唔大，只可擺4張枱，而鋪外亦擺放5-6張枱，所以唔難揾位。我倆個人order 3樣嘢:)拔絲骨，賣相好靚，又有桃伴碟。我試第一塊時，覺得有驚喜，拔絲骨是新鮮炸，所以咬落去好脆而汁又調教得剛剛好，唔會太甜或太孫。椒鹽鮮魷，又是新鮮炸，而且外面脆張好薄，因此令到鮮魷好脆好鮮，好好味。蒜蓉炒菜，雖然最平凡但火喉剛剛好，不會太老而且唔油及唔鹹，啱哂我。最後要讚就係鋪頭乾淨而食具非常乾淨，根本可以唔使再用熱水洗，激讚。全單3餸加一個飯，$185，好食抵食。😁…Read More

今日來九龍城食糖水，試下九龍城出哂名嘅地茂館甜品。首先講我order嘅杏仁拼芝麻糊加湯圓，杏仁糊好傑又好香杏仁味再加芝麻少少苦苦甜甜味道，感覺一流，而湯圓好煙韌，有口感。我蝦子餅order，芝麻豆腐花，豆腐花好滑，本來加上芝麻糊已經是配搭，再加上兩匙羹杏仁糊，絕對是如虎添翼，無得彈。全單$44，超值。…Read More

今日同個男仔friend到屯門警署做gym，做gym前個friend帶我到canteen食個早餐。😊Canteen好光猛，乾淨。地方好大但一個客都無，我朋友話因並非食飯時間，所以警察叔叔唔會係Canteen出現。👮我點了一個肉丁福麵，拼餐肉旦三文治，加熱奶茶。丁麵好足料，大大碗，而餐肉旦三文治熱辣辣，即叫即整。加上杯熱奶茶就好飽，好滿足。一個早餐只需$20元超抵。朋友話Canteen只開放給警察，所以我有啲失望。😢…Read More

星期五去南丫島，下午茶到南島書蟲high tea。 鋪頭分兩邊，一邊露天茶座，另一邊是書室，但兩邊都好正，有一種relax的感覺。鋪內人手唔多，枱、落order會較慢。食物方面，我兩個人order了1個pizza及兩杯蒲公英咖啡。菠蘿，蕃茄pizza,一定是即叫即焗。pizza底脆卜卜，而上面滿是菠蘿及蕃茄醬，好fresh,好味。蒲公英咖啡，唔似一般咖啡，本身有咖啡味再加上蒲公英味道，令味道一向較濃的咖啡加上一種清新的感覺。枱上簡單擺了一些調味，而我最愛那瓶天自調制的醋，好味。全單$180，可享受一個寧靜的下午茶，good…Read More

星期5去南丫渡假，晚飯時間當然食海鮮。咁多間海鮮酒家，我哋去咗壽記。入到去，侍應哥哥好好招呼。座底，地方好干淨，坐位都好闊。到選海鮮，侍應好落力介紹啲最貴價海鮮，所以選海鮮時要諗清楚。廚房起菜速度好快，我首先叫咗3樣海鮮，之後先order菜同炒麵，如果一次過order哂，啲嘢就凍哂。首先講海鮮，豉椒炒聖子味道唔錯但係好多沙，例牌要$188唔抵食，而蒜蓉粉絲貴非螃，貴非螃肉地唔夠肥，每位要$70真係貴。:(豉油王花竹蝦就真係無介紹錯，豉油王味道剛剛好，唔太咸又唔太甜。蝦殼好脆，我連蝦腳都食埋。兩隻$220，我都覺得超值食完海鮮，order豉油王炒麵及招絲通菜，咁樣兩樣菜式先唔會凍。炒麵嘅麵底好彈牙，又夠鑊氣，而招絲腐乳通菜，腐乳汁較得好好味。而且每樣只係$50元，抵全單$720，覺得貴咗D，因為貴非螃同聖子真係好貴，好唔抵:(…Read More

星期一，到沙田行街，想食特式嘢，見IKI日本鐵板燒無人排隊，又好吸引，所以試一下。 鋪頭新裝修，座位闊，又整潔，侍應都好有禮貌，唔錯。 叫咗兩個鐵板，安格斯牛拼帶子，虎蝦，什菜。E 個鐵板牛肉好味，好新鮮。什菜吸咗牛肉汁好味，但帶子就凍冰冰。另一個安格斯牛拼鮑魚，蠔及虎蝦就更加好味。蠔及鮑魚剛熟，好新鮮肉質好嫩。但食物唔夠最大問題係唔夠熱，尤其係有什菜嗰個鐵板，同經理反映，佢哋都知有咁嘅問題已經積極改善，希望下次嚟嘅時候有所改善啦。每位180元，食到有質素嘅日式鐵板，我覺得扺食。…Read More

今日大坑一日遊，晚餐食馬來嘢。肉骨皇見食評唔錯，一於試下。鋪頭係路邊，條街大把位，加上店內有cctv望住條街，唔泊抄牌。🚘店內裝修唔錯，坐位好闊。本來點咗骨內茶，橋底朱手，黑木耳沙律，虾醬炒椰菜苗。點知7:15order,兩樣招牌菜已經賣哂，有無搞錯最後點咗肉骨茶及朱手。肉骨茶真係好味，加上上枱時再用爐番熱，熱辣辣。湯好重藥材味，又多朱骨，正，好味。$72，抵，早知叫個大煲。橋底朱手，其實係炸朱手，不過係即叫即炸，好脆，唔油膩。good。$108ok 。店舖服務真好有問題，埋單，計錯兩次單，全單$260，但第一次埋單比錯單$380，話佢知錯單，點知第二張單都錯，我哋order但賣哂嘅，佢都計埋，係好有問題。…Read More

今日同honey 尖沙咀食西餐，都係去返outback。我最愛黑糖麵包，又香，又甜，又鬆軟。熱辣辣，好味。小食，order爆谷虾，脆卜卜，又多叶，good。個忌廉湯，有多料，好豐富。Maincourse我order長腳蟹配肉眼扒，加什菜同薯條。長腳蟹加牛油正，再一塊鮮味7成熟肉眼，美味。全單440，都ok,因為好味…Read More

今日又再到屯門v city 行街，同時試下綠茶雪糕。夜晚9：30到，唔駛等位，但係個侍應就不停提就夠鐘收鋪，好煩。鋪頭新裝修，好靚，感覺好乾淨。綠茶雪糕同紅豆，味道好夾好match。葛軟糍，好有口感，好濃綠茶味，正。👍不過一個雪糕甜品$50，比較貴。😖…Read More

到元朗建業街大排檔，目的就係食雞翼同朱扒。今次首先講雞翼，豉油汁，咸味及甜味剛剛好，而且一叫就立即整。雖然等咗20分鐘先致有得食，但係真係值得等，雞翼鮮嫩多汁，比起其他事先整定嘅餐廳，根本無得同成記比。成記係大排檔又裝修，無service,其實地方有點污糟，但係為咗食好嘢，無問題啦。一個朱扒飯加4隻雞翼及一杯熱飲都係$62，兩公婆食剛剛好。…Read More

昨晚9點鐘，係屯門食飯，去咗 v city 羅麥記叫咗羅麥記雞翼小食及大虾專頭飯。先講雞翼，豉油汁好味，好鮮甜，加少少辣，正。但係雞翼真係好差，食得出係事先煮熟，然後返熱。$52得5隻，即$10.4 1隻雞翼，真係好唔抵食。:(個大虾專頭飯，無影相。但係一樣唔掂，個飯賣相唔錯，但啲飯無味，而且好 鞋，反而最好係個包，好脆，裏面好軟好熱辣辣。羅麥記完全係食裝修，食懷舊feel,我一定唔會再去。兩樣嘢$140，貴到飛起。…Read More

今日晚餐想食麵，兩個人到元朗士林食台灣麵。士林門外都有條人龍，不過唔算太長。我等咗10分鐘有位，坐街邊，侍應都好有禮貌。坐低即點紅燒牛肉麵，過橋餃子，雞扒麵，珍珠奶茶。先來珍珠奶茶，味道好香，有茶味，不太甜。再來紅燒牛肉麵，牛肉大舊又林又好味，麵底煮得剛剛好，湯底又正，好味。之後來雞扒，大大塊，又卜卜脆，好正。最後來的餃子熱辣辣，但由於我哋食完濃味嘢，令到食淡味嘅餃子時，覺得無乜味。全單$126，唔錯的晚餐。😊…Read More

嚟到上環川善high tea，鋪頭裝修精緻，擺設精美。中西合璧，帶出一種柔和感覺。主角，green tea brownie 出場啦真係好好味，好特別。最底是一熱辣辣的 brownie,上面是凍冰冰的雪糕加上綠茶汁，真係一種難以致信的好味道。👍…Read More

午餐到澳門茶餐廳，食午市套餐。唔洗等,鋪面乾淨，但通往廁所通道及廁所就好污糟。芝士吉烈朱扒撈麵，朱扒好脆，新鮮炸起正，而芝士撈麵我唔太多鍾意，好濕。叉燒通粉唔錯，大碗，通粉唔林。套餐最抵係選拼脆朱仔包，比起多士抵食。多士得半塊，朱仔包有一個。…Read More