胖虎使大人's Profile

叻沙 $50入面有兩隻大大隻既蝦,魚片,蛋,螄蚶,叻沙葉...米粉油麵兩溝我未去過星馬所以唔知正宗既味道係點,但呢個係我係香港食過最好味既叻沙味道好濃,少少辣,材料豐富,$50一碗都好合理呢間迷湯其實主打肉骨茶,我覺得個湯幾好但肉就比較肥,所以就冇再叫過,但係我見其他人都中意叫肉骨茶,個人口味啦不過呢間野真係幾細,入面得兩張枱八個位,平日午市office想來食冇咩可能,所以我通常都係下晝或者星期六去記住呀佢星期日唔開架!!!!…Read More

Panda Burger一直都係我最中意既漢堡飽店第一位!!因為係佢個羊肉漢堡真係好好味!!!!!中意食羊既朋友一定會中意XD我其他唔食羊既朋友就通常都係食牛肉漢堡,我就次次都抵唔住羊肉漢堡既吸引所以一直都未試其他漢堡今日因為去送機,返來既時侯經過奧運站,就...落左車今次俾我發現有新產品:鐵版流心蛋芝士薯條!!!呢D咁重口味既野好岩我,即刻叫來食即刻整所以真係要等好耐...鐵版流心蛋芝士薯條餐 $45 其實真係冇諗過個份量咁大,咁多芝士,咁豐富,咁抵食我都係第一次見有餐廳食物既實物豐富,大份過menu張相片不過真係好高熱量好重口味,所以都係share食好d…Read More

呢間坤記其實係一間好普通好普通既街坊小食店! 來食野既人好多都係街坊,特別多老人家,因為腸粉炒米之類合老人家食XD 我就有時經過大圍站突然想食野,就會落一落車去食,通常食來食去都係個幾間XD 今日介紹住一間先 就係呢間好有人情味既坤記腸粉!!!其實呢間味道就正正常常,但係就會令人想再來食,再來坐,應該係個種慢慢消失既環境吸引大家來~ Btw豆槳真係好好飲!!!!腸粉 $7,粉果 $8,豬皮 $8,豆槳 $6…Read More

百利冰室其實本身已經好出名好多人,店出面長期都有人係度等位 今日遲左起身再睇埋套戲已經四點鐘,諗緊呢個鐘數百利應該唔洗等位,於是就過來食個中式All-day breakfast哈哈岩岩好真係唔洗等位XD但唔代表入面冇人,其實係岩岩好坐滿人!最中意呢種坐滿人但又唔洗等位既狀態!!!XD1.特餐 $27一份特餐有齊餐肉通粉,火腿奄列,餐包,熱奶茶!!!$27真係好抵好好味!!!特別係個通粉,我每次都會唔小心飲哂d湯糖係呢個銀色既筒入面,一直都覺得好特別2.鮮油咖央多士 $12呢份鮮油咖央多士真係超超超好味!!!!唔驚肥既一定要叫來食!!!我每次來食都見唔都到有人叫,可能仲冇咩人知:埋單$39好滿足的早餐…Read More

好啦講左幾年要寫食評終於實行啦 今年知道深水埗夜晚有個可以同台灣鬥既港式街頭美食夜市,年初三又好似係最後一晚,所以就過左來深水埗掃街掃街既野就唔細講啦總之就超超超級正啦!!!希望以後年年都有啦!!!因為好口乾又想坐下,見有間糖水店唔洗等位價錢又唔算貴就入左來啦~1.魔鬼雙圓 - $20天生中意食黑糖同埋芋圓,所以一見到就叫左來食,清清地唔算特別好味,但係幾解渴XD2.榴槤雪花冰 - $32天生中意食榴槤,呢個雪花冰榴槤味好濃,好好味!!!如果可以轉水果同埋醬就好啦朱古力醬+香蕉同榴槤唔係咁合...3.燒賣 - $6呢個係因為家姐太中詫食燒賣先叫既,味道我就唔係咁中意啦~食食下發現店入面其實有個排行榜,大家可以試下跟個排行榜叫野食,我今次叫既三樣野食其實都三甲不入XD整體來講唔洗等位,食物同價錢都okay…Read More