ebyw's Profile

如無記錯，最早期千層蛋糕熱潮未開始嘅時候，沛公甜品已經賣緊，當時仲有好多分店，到後期有更多千層蛋糕專門店 (例如眾所周知嘅 Lxxx M)開左之後，沛公就有啲不復當年勇。不過，個人覺得沛公有個優勝之處，就係千層蛋糕款式選擇多，價錢夠親民。今日突然口痕，所以就過黎買番件蛋糕食下。對生果口味興趣唔大，所以揀左石板街味。餅皮一如以往冇令人失望，夠薄，有淡淡朱古力味，中間夾住棉花糖，份量好多，啱曬鐘意棉花糖嘅朋友。Cream份量適中，食完唔會膩。…Read More

平日中午，食完飯，經過出名好野食多嘅路德圍，見到呢間鋪豆腐花只賣$3，好吸引。今日唔趕時間，所以見條隊有啲長都照排。除左原味，仲可以揀溝其他味道，例如芝麻糊、紅豆沙、綠豆沙、花奶等等，全部一律$3，冷熱同價，唔想企街食的話，叫外賣則加$1，不過都絕對可以接受。今次就叫左一碗熱花奶豆腐花。 份量唔算少，豆腐花夠滑，有豆香味，而花奶就有少少稀，但唔係稀到冇味嗰隻，$3貨仔完全收貨，對比依家買碗糖水閒閒地都要$2X，$3豆腐花真係好抵食～…Read More

假日食飯時間，基本上每次都要等位，所以今次決定買外賣，不過等候時間都要預番十五分鐘左右。一直都覺得呢間餐廳性價比高，食物選擇多。今次我和友人各點了一款意粉，分別係邦哥尼意粉和菠菜煙三文魚意粉。邦哥尼意粉嘅蕃茄辣汁酸甜少辣，好惹味，蜆肉有十多隻，整體來說十分滿意。而菠菜煙三文魚意粉係友人每次嘅例牌，魚嘅鹹味有菠菜平衡番，醬汁味道同其他白汁唔同，感覺清爽些，唯一缺點係三文魚同菠菜每次嘅份量都唔同，時多時少。…Read More

良久未來過呢間位於銅鑼灣金百利中心的台式餐廳，客人如以往一樣偏少，依舊不用等位。令我一直間中光顧嘅其中一個原因係座位算闊落 坐得舒服。睇睇餐牌，發現餐廳推出左超值套餐，選擇都幾多，飯、麵餐都有，而價錢只係$45-$55，跟餐仲可以免費配珍珠奶茶等等嘅台式飲品。今次決定試下魯肉飯配大腸麵線。味道不過不失，唔會好味精，份量唔多，男士可能未必夠飽。 見正餐冇蔬菜，所以另外加左份A菜試下，份量偏少，菜同醬油膏嘅味道普通。…Read More

雞蛋仔有種神奇嘅魔力，令人間唔中就想買一底嚟食。柴灣區冇乜幾個地方有賣，所以既然行經樂軒臺，就買一底過下口癮。大家都覺得越簡單嘅野越可以試出真功夫，所以點了原味雞蛋仔。當時見只有我地買緊，付款後見店員馬上整，唔係整定嘅，等左十分鐘內就攞得。原味雞蛋仔($16)。咬落外皮唔脆。餡料係幾足，裡面絕對唔會係空心嘅，但原本完全唔重口味嘅大家都一致覺得冇蛋味又冇甜味，實在失望。溫馨提示：唔方便攞住個紙袋嘅話，可以問店員攞個膠袋。…Read More

此店開了不久，每次經過都見有不少人於門口等候取餐，認真誇張。看看餐牌，見各款飯麵平均都只係$30-$40，價錢的確吸引。紅炆牛筋腩麵(配上海粗麵)。牛腩係碎腩，份量不多，炆得夠稔。牛筋只有一小粒，不評論了。粗麵份量適中，偏稔，唔會食落成口麵粉味，不錯。牛肉湯底幾濃，正。沙薑雞飯 (要雞脾加$8)。沙薑味好濃，但又唔會太咸。雞脾肉幾滑。飯就中規中距。加完$8, 仍然$40有找，幾抵食。中湯 (跟飯送)。正正常常，湯渣有雪耳及紅蘿白。…Read More

冬天將至，不少中式食肆先後推出羊腩煲。見到一粥麵出左，一於入去試試!羊腩煲餐(跟唐生菜，白飯，中國茶)。以百元內的羊腩煲來說，羊腩份量適中，咬落算稔，羶味可接受。煲內其他配菜有枝竹，馬碲，冬菇。食量大的食客可選擇貴$10嘅餐，會額外有肥牛，而白飯可改要烏冬。另外，疫情關係，暫時沒有自取斟水處，想要水便要問員工了。當日有員工主動問顧客需要水與否，想起數月前連叫人執檯都難，甚至要受氣，服務質素實在進步不少。…Read More

周六與家人一起來到久未光顧過的Cafe Paradise享用午餐。一如過往，每人挑選了一個Set Lunch (包是日餐湯及飲品一杯，各式咖啡需加+$10)。是日餐湯 - 忌廉湯。味道不過不失，奶味稍重。西冷牛扒配薯菜。牛扒唔熱，好韌，好多筋，甚至切起上來也有難度，完全失望。薯菜份量略少，但論味道，它是今餐食物中最好的，薯仔味好重。西冷牛扒配意粉。牛扒評價同上。意粉普普通通。燒雞扒配薯菜。同牛扒一樣都係唔熱，似係整定，擺左一段時間。雞扒唔韌，但未至於滑，調味尚可。熱雲呢拿咖啡(左) 凍薄荷朱古力咖啡 (右) 熱榛子咖啡(下)。食物失望，不料咖啡更失望。好稀好水，咖啡味好淡，尤其是薄荷朱古力咖啡，家人表示唔知自己飲左咩。比起餐廳剛開張那時，質素實在退步太多。…Read More

週末夜晚突然想食壽司，於是同屋企人一齊黎呢間餐廳食晚餐。一坐低，急不及待叫壽司先，價錢係逐件計嘅，不同款式不同價錢。今次叫左21件，總計$99。壽司大件又新鮮，性價比頗高。大家一致認為希靈魚同象拔蚌最正。熱食方面叫左吉列豬扒拉麵 (+$5有罐裝汽水)。吉列豬扒嘅炸皮唔熱唔脆，裏面嘅豬扒似雪藏左好耐，咬落好淋冇乜肉味。拉麵就不過不失，份量適中。不得不提服務態度好好，落單快手，亦會不時留意客人有冇需要添水。…Read More

星期六12：30PM上到去，唔多人，有差不多一半空位。銅鑼灣分店座落於V Point 25樓，採用玻璃幕牆，可以一邊睇景一邊食. 部分座位仲可以睇到海景.兩個人叫左一客(無骨)鐵板軟芝士蜜糖咖哩燒雞，無骨雞肉大小適中食得方便，蜜糖甜味比咖哩味更突出。雞肉好嫩滑，用鹹香軟芝士包住食夠曬邪惡，啱曬重口味嘅朋友. 附送嘅蘿蔔酸酸甜甜好開胃。服務方面則比較失色，當時個場食客已經唔多，但連兩杯水都叫左幾次先拎黎，更遑論添水。…Read More