wawa0208's Profile

這次我是叫外賣自取。叫了一個肉鬆蛋餅，蛋餅有一個辣醬，他放在隔油紙下邊，上邊放的是蛋餅，這個安排10分好，完全滿足了吃辣及不吃辣的朋友。我吃不了泰勒，就點一點點來吃。雞排也10分好吃，雞扒俾我手掌還大，一整塊吃，大啖大啖咬住大雞扒，雞扒咬落去唔會成口油，酥脆剛剛好， 10分滿足，吃完心情10分好不知道如果堂食的話，他會整塊上還是會切開來上呢？上次堂食 梅粉雞扒 （唔記得咗佢個名係咪叫梅粉雞扒？） 佢係切開上的。。。…Read More

消費卷用八達通，有些店舖如大快活都會有優惠卷（雖然減得唔多，但好過無）原價$30-$3（八達通優惠）= $27呢個餐第一次食肉燥撈米 拼 細皮蛋瘦肉粥 加檸水個粉第一啖，嗯，好特別，成個粉就如台灣肉燥那種比較干的感覺，食多2下就習慣我習慣粥會後食，因為一般個粥都會好熱個粥雖然話係《細》，但其實女仔係夠食的，同埋覺得幾大碗下，入口暖暖地，可以再熱啲唔知係咪個位凍？除左個檸水，其他2樣都覺得可以再熱啲～員工工作勤快…Read More

前幾日行過肚餓，見到間成日見到但未試過嘅店。$30一個 栥飯豆漿餐，價錢可以接受，加上比我堂食，所以就揀咗呢一間食～（本來以為栥飯得外賣）等食物個時見到原來呢間野都會搞搞新意思。。。有個牛筋腩腸粉同埋有啲餐係有小食的，好似有個餐係 腸粉+魚蛋+燒賣+雞翼配豆漿熱豆漿好好飲，好重豆品，入口好濃，正。10分推薦！佢仲有好多Max and match嘅豆漿，不過唔記得咗影低又唔記得左個名個栥飯就失望左少少🤏，唔夠熱～…Read More

這家的質素不錯 肉都可算是高質 不時同朋友每次都吃最高級 這次也是一樣有刺身 炸天婦羅時 大部分時間都會有職員從旁指導自己炸 好新鮮 好好食朋友們都很愛玩這個下次食牛火鍋 可以多個選擇…Read More

這間餐廳是第一次食，見網上評價都唔錯，所以預先訂位（唔係用呢個網，大家可以上網找找，係呢到講其他同類網好似唔係咁好）。接電話嘅係一位English speaker,所以我地以為所有服務員都係講英文，不過安排坐位的識少少中文 。環境很好，因為是慶祝朋友的生日飯，他們給我們安排了一個角落位置，舒服又安靜，食物也很好吃。朋友們都十分满意，不過上菜比較慢，不適合要趕快吃完的朋友。我們帶了cake，它的餅費也包給你分好給每一個人，服務不錯。推薦　：　牛面頰　（這個太好吃了！！！！）不推薦　：　有飯的是日８個人用餐，７個人比錢，每人不到二百元，吃了８個菜，２杯果汁，一支白酒價比性高！…Read More

今晚晚餐都未食完，朋友已經開始揾緊甜品店😂😂最後係openrice 揾到呢間係最近（因為好大雨，無辦法去咁遠😂😂）去到唔洗好等好耐，大約5分鐘就有位，好好彩，就到我地有位先落好大雨。。。我叫左個芒果椰果冰，朋友叫左個芒果双皮奶（奶怪食咩都要有奶🤦‍♀️）都係水牌上寫的必食推介。不過個名我有可能記錯我個黎先，有好多芒果冰加幾粒芒果粒同椰果粒。個冰好有芒果味，芒果粒都好甜，椰果同外面食個啲差唔多。整體唔錯芒果双皮奶過一陣都上埋。好大片的芒果下面好似係淡奶又比淡奶杰，好有芒果味，好好味。我食左好幾啖先見到下面啲双皮奶。呢個甜品係有啲驚喜。我同朋友都覺得價錢可以，但甜品真係唔錯，未試過可以值得一試。不過見到更多人係食榴蓮產品（唔得呢排太上火，都想試）二個甜品一共$73，佢地上得快，人流都走得好快。到埋單走個時，外面好大雨之時，排隊條龍都唔知去到邊😂好彩去得早，食完走人未到9點。…Read More

係長洲行左成個圈，都唔知去邊間食野去。行過呢間茶樓下面見到有人出黎，所以就試下呢間。呢間茶樓都有好多食物擇，好似金錢肚、牛拍葉、流沙包、蝦腸、蝦餃、燒賣、馬碲糕、排骨、讓辣椒。。。無影相，記憶有限個金錢肚好入味、牛拍葉都唔錯，但味道可以再濃啲。我食食下用金錢肚啲汁點牛拍葉😂😂食食下，發現所有有蝦的食物都有挑蝦腸，同埋係原只蝦係腸粉同蝦餃到。呢個真係無得頂個馬提糕同平時唔同，好似蒸咁，都好好味，最緊要係佢好大塊排骨都好好食，我食唔停。大舊得呢，好輕好入味讓辣椒對我呢個唔係好食得辣的人太辣了，試左一啖，未咬完啲辣就開始黎，最後我只食左啲魚肉。不過都好辣。。。就算我朋友佢地食得辣，都覺得佢呢只辣好有后勁。。。結論：碟碟都好大又比外面便宜，好抵食！…Read More

去長洲一定去呢間天然甜品店食野，因為好食得呢又平。唔知係咪星期日太熱，無咩人去長洲。平時都要等下位，今日一入去就有位。真好我地一行四人，食左招牌芒果糯米糍、榴連糯米糍、椰汁雪蛤黑糯米、雜果茯苓膏、糖不甩、仲有一個唔記得係咩什果我個黑糯米好足料，加埋椰汁好好味，椰汁分量都好多。芒果糯米糍不用完說，8蚊雞，糯米糍入面大大舊芒果，好好食。榴連糯米糍（8蚊雞）味道都好濃郁，好香，不過記得要食左芒果先，唔係就比榴連味蓋過芒果味食個時，坐係我對面個friend係咁話好大味😅😅😅我都試左少少個茯苓膏，有少少苦苦地，唔錯👍…Read More

今日去深水埗整完野之後肚餓，行過見到有雲吞麵、粥麵店，望望下見到間粥麵店原來有糖水食，所以就揀咗粥麵店啦。喺30度嘅天氣底下，一開門係好勁冷氣😌😌😌😌間店都幾多人食緊野，店裏面嘅姐姐好熱情咁幫我搵位😂😂😂要去粥麵店其實平時食開都係果幾樣，不外乎芝麻糊、紅豆沙、炒麵、鹹肉糭、炸兩。今日嗌咗芝麻糊同炸兩。個芝麻糊上左先，食落去嘅時候覺得佢唔係用粉開嘅，有少少磨左嘅口感，唔會好似外邊一舊一舊咁。芝麻糊唔錯，可以一試。其實見到佢個Menu上邊都有好多糖水可以揀，有啲仲可以雙併，好少粥麵店有咁多糖水可以揀👍炸兩過咗一陣先到，我諗可能係即叫即整掛。個腸粉皮真係好滑同埋好薄，個皮真係好好食。但係可能我係夜晚先來叫炸兩，個油炸鬼就唔係好夠脆，腸粉比我曬，油炸鬼剩返一半冇食到😬😬😬如果下次仲有機會去荔源嘅話，一定會再試吓個腸粉！個腸粉好正題外話：比我見到張枱度有芝麻，炒麵配大量芝麻係一個絕配。有好多鋪頭都唔會有芝麻，識食嘅一定會加芝麻係炒麵炒粉度😂😂😂芝麻糊＄9 炸兩$11 一張＄20紙搞掂一個晚餐 抵到爛😂😂😂😂…Read More

呢個apps其實有啲難用，呢一篇野我係第二次寫先成功。第一次寫完之後加相再發送系乜嘢都冇儲存到。有啲嬲嬲地諗住放棄唔寫，但如果唔係想寫我都唔會download佢。所以試埋今次如果都係唔得就真係會放棄。。。入返正題，係大概下午茶嘅時間去搵嘢食，其實附近有好多野可以選擇，但本身自己好鍾意食牛，所以就去咗食呢一間啦。落完單無耐個姐姐就即刻俾咗碗湯我，個飯同埋個牛腩都好快就到左。（不過係逐樣逐樣上😂）個牛腩好好味，啲牛腩汁都好好味。仲有啲菜係個底度，個菜索晒啲牛腩汁所以真係好好味。啲牛腩汁我基本上我撈飯撈曬，剩低啲汁其實我都飲埋🙈 個飯其實食唔晒，太大碟啦。早知叫佢小飯唔好浪費。食完之後先見到有張紙貼左係牆到，啲湯係好野來，唔好嘥。咁我都飲左幾啖，但係始終都唔夠牛腩汁好味😂個湯飲得出係有少少藥材味。睇得出係一間用心做嘅店👍…Read More