我是健身教練's Profile

哩間cambo係the one都一段時間啦，捱過埋疫情，到而家都係晚晚滿座，絕對有理由。因為我自己都係佢既棒場客，佢既出品高質得黎口味地道，而且價錢公道，有幾道signature dish仲有推廣價添。生菜包 $86肉碎酸辣味適中，包生菜食勁開胃，清爽中帶點香辣好正👍🏻咖哩軟殻蟹 $118其中一個signature dish, 堅好食必點之選! 一set有齊法包，咖哩鍋同埋炸軟殼蟹🦀法包唔係成個硬骨骨而係外脆內軟，超索咖哩汁! 哩鍋青咖哩微辣重椰汁香，絕對香濃惹味，而且落重料，好多蔬菜係入面，仲有唔少泰式茄子，全辣都入哂味! 仲有重點係有火爐一路煲住，keep住食到熱辣辣又香濃既咖哩超正❤️軟殼蟹即炸上枱時仲係熱辣辣，整得酥脆香口👍🏻連配菜薯仔都勁好食超香表面仲脆脆地!! 哩個價錢食到哩個質素同哩個setting，CP值超高，無唔食既理由!!!泰式炒椰菜苗 $80泰式炒菜硬係寧舍惹味😋椰菜苗爽脆多汁👍🏻龍眼冰 $29飲番個清涼解渴既龍眼冰，勁多龍眼肉，陣甜味都好natural唔係加糖水既死甜。…Read More

作為一名健身教練，黎到元朗上堂，行哂成條合益路都諗唔到食乜，最後決定都係 #天龍咖哩今次就試吓佢哋歌咖喱豬扒飯同埋牛肉薯餅大家都見到啲塊有骨大豬扒煎到金黃色、啖啖肉，有呀媽煎豬排果種味度！咖喱汁我就另外加咗辣油（個辣油有料到！），應該屬於中辣，問返老闆先知，個辣油都係自家制，唔怪得有種獨特既味道！！！！牛肉薯餅新鮮即炸外脆內軟，味道非常特別，想更滋味一定要加埋咖哩一齊食！#Curryten_天龍咖哩…Read More

作為一名健身教練，黎到元朗上堂，緊係要試吓元朗最出名既 #天龍咖哩 大家睇睇個咖喱汁幾足料！由幾十種香料煮成，淨係個汁已經可以餸到3碗飯！再睇埋塊雞排，每份都係即煎，皮脆肉嫩！追加一隻太陽蛋都係$6！！！最令我意想不到既係有雞皮餃子！餃子外皮係用原塊雞皮包，煎香後果陣雞油味真係令我食慾大增！另外一提，老闆話佢地個辣汁係自加制，辣味有別於其他餐廳，如果食自辣既朋友可以另試辣汁…Read More

向來咀刁既朋友推介依間話好野黎, 特登早兩星期BOOK定位同我食~ 上網睇好多人都揀$998餐, 食完就知點解, 我直情覺得抵食。依度樓底高唔迫狹, 我地坐窗邊位, 靜靜地環境唔錯。前菜三點估唔到前菜會有雞刺身, 味道比想像中淡, 有煙燻過既味道, 加DD檸檬汁開胃做前菜有幾新奇既感覺。季節生蠔蠔肉光澤飽滿, 口感爽滑成口都係蠔既鮮甜味。海葡萄沙律加左海葡萄之後食落多左脆卜卜口感。極上刺身五點款款都好鮮味而且佢比既都係貴價D既刺身黎, 拖羅都有厚切, 滿口油香。茶碗蒸加入左松露油令成個蒸蛋更香。 入直路啦, 師傅未煮之前, 先比我地睇下D海鮮同主食食材, 鮑魚仲係鮮活郁郁下, 虎蝦係KING SIZE, 好吸引。鮮活南非鮑魚鮑魚肉鮮嫩彈牙, 冇浪費連內臟都燒埋, 而且有點焦香好香口, 連平時唔食內臟既我都一啖接一啖食哂。另外底下仲用左鰹魚高湯配搭新鮮海帶, 配角都好用心做。 帝王虎蝦真係好大隻多肉, 師傅用番蝦本身既膏去煮成醬汁, 完全可以食番食材本身既味道, 啖啖鮮味勁多膏, 而且成隻蝦連殼連腳都係脆卜卜可以食, 依個真係食到我讚不絕口。安格斯牛柳雖然脂肪較少, 但師傅煎得完美5成熟, 入口鮮嫩多汁, 雖然師傅準備左3款醬汁, 但真係唔需要點, 用少少鹽或者配蒜片食已經係最正。最後仲有麵豉湯, 鐵板炒飯同埋荔枝雪糕做ENDING, 炒飯加左梅子同櫻花蝦, 味道好豐富, 食完一半可以加高湯做茶漬飯, 一飯兩食。食完超滿足好飽, 所有食材都新鮮高質, 師傅有料唔係求其煮, 每一樣野食都係水準之上, 仲有依度SERVICE都好好STAFF有禮貌, 真係好值得一試, 回頭指數極高!…Read More

依間榮哥望落無乜特別，印象中又唔係開左好耐，但就見成日好爆，門口見到有二人餐又幾岩食就試下。雖然座位唔算好闊落，但幾乎枱枱叫既野都有個gas爐，就係依度主打既明火滾住既湯鍋，就黎冬天，食依d真係幾正。前菜係麻醬拌四季豆。揀左個酸菜魚鍋，湯底酸香帶微辣，辣唔算好刺激，平時唔太食辣既都應該接受到。另外都好足料，大量酸菜木耳芹菜芽菜等等，索哂湯入味好食，魚塊份量都唔少，而且係連皮既魚塊，魚夠新鮮唔會一夾就散開👍🏻酸甜藍莓骨依個值得一試，幾特別而且出面未見過，走過油表面香脆，藍莓酸度唔會好高，微酸有果香，依個好食。另外見佢有咖啡骨又係好特別，留番下次試😋…Read More

係好耐冇食既牛大人呀!!食幾次都係覺得好正, 次次都食牛骨鍋, 今次終於試下新野, 試下古早野, 台灣鳳梨雞鍋~鍋底主要以鳳梨, 苦瓜, 雞腿肉同小魚乾熬製, 清熱唔油膩, 味道醇厚天然。經驗話比我知, 食牛大人一定係食澳洲極上和牛餐 $318/位, 因為CP值最高, 澳洲M9和牛牛丸都係一個亮點, 好鬼好食爆汁牛味又重!!另外可以任食其他餐食唔到安格斯牛小排, 手切封門柳, 澳洲和牛M5牛肩卷, 北海道十勝豚! 依幾款肉都係最正亦係我主攻既~~ 澳洲和牛M5牛肩卷軟熟有有牛香, 手切封門柳牛味重兼有口感, 牛小排油香滿滿, 北海道十勝豚香而不酥, 正~~ 海鮮都係回本必叫, 海蝦同蜆都好新鮮! 手打漿都係同出面放題好有分別, 依度既入口實淨彈牙, 推介真味牛肉漿, 牛味好重好足料!自助區台灣直送既蔬菜都好新鮮翠綠, 講到菜, 必須要試下佢台灣直送既水蓮, 爽甜爽甜~~ 其他丸類, 米血糕火鍋料等等多到一餐唔會試得勻!!特別想講下依度既鴨血, 勁好食麻辣味非常入味, 就算放左落湯度滾, 味道都一D都冇淡到, 真係好少食到咁入味, 口感又彈滑既鴨血! 每次都要飲既牛大人自家茶飲。最後一定要食番個甜品, 發覺佢自家甜品有時會轉, 今期有紅豆芋圓, 正呀!!…Read More

本人正是一名火鍋撚, 港式日式台式川式都無一倖免, 今日就去左依間相信係集合所有火鍋撚既地方。10幾款醬料任你混。蜂巢豆腐白湯鍋黎之前已經做定功課, 知道依度既湯係文火熬煮, 依個白湯仲同左雞, 豬, 人蔘, 紅棗, 牛奶等等材料同藥材, 感覺好滋補。上枱係好靚奶白色, 賣相吸引。味道香濃帶甜味, 大量蜂巢豆腐吸盡精華, 同本身既豆味好夾, 好好食!兩丁友叫左個桶蠔同一份大既手切本地牛。手切牛掛起一塊塊賣相唔錯, 顏色鮮嫩, 入口軟熟, 牛味頗香。桶蠔雖然未至於KING SIZE, 但都幾厚身, 而且係新鮮, 味道鮮甜。整體而言湯底出色, 值得一戰。…Read More

MOKO一田大減價, 買左幾袋零食重到死, 快快趣係MOKO搵間餐廳坐低食飯! 最後揀左依間丸十, 因為有我想食既壽司~~壽司拼盤(十貫)想講佢全部用料都好新鮮, 帆立貝好鮮甜, 刺身全部色澤油潤, 入口鮮味。而且佢個壽司飯亦做得好, 醋味同口感都岩岩好! 真係連個青瓜卷都好食D咁~日出富士丼食肉獸朋友一見到依個飯就話要叫, 賣相震撼, 係肉山呀～ 粉嫩既肉大大片，入口軟嫩，加埋溫泉蛋，流心蛋黃蛋味濃郁，加埋香甜既醬汁，配珍珠米飯一流～奇異果梳打 酸酸甜甜加埋梳打氣泡，飲落感覺清新!赤富士梳打提子味既汽水，幾香唔死甜，個樽仲幾靚🫶🏻…Read More

行完海港城再直落donki買完一大埋野，近近地係the one搵食，見到依間應該係新開既日本野，門口睇menu見佢d卷物都好得意！好多特式卷物，揀番兩款招牌先！金龍卷卷住炸蝦面頭再鋪左三文魚，口感好有層次，中意佢保持到炸蝦既香脆口感，蝦肉亦彈牙鮮味，醬汁帶出香香甜味，唔洗點豉油味道都夠哂豐富。煙花卷依個口味偏重，用上辣味三文魚同辣味吞拿魚，辣辣地又幾好食，加埋芝士仲香👍🏻龍卷風沙律份量好大兜，面頭有好多蟹柳絲同蟹籽，拌均後啖啖都食到沙律菜，蟹柳，蟹籽同埋栗米粒，清新又開胃！豚肉泡菜鍋非常足料，豬肉片鋪滿表面，下低係蔬菜，滑豆腐，泡菜，仲有粉絲添！水滾左之後所有材料mix埋，酸辣味都好突出，豬肉真係幾多，食極都有，粉絲索哂湯好好味😋古今日式煎餃好傳統日式煎餃，外皮口感煙韌，底部煎得香脆，菜肉餡飽滿，好味👍🏻勁飽! d卷物真係幾creative, 泡菜鍋都好好食! 下次再encore!…Read More

今晚HAPPY FRIDAY同朋友食泰國野, 有時想食比較地道風味既話我地就會揀九龍城, 由其係而家開埋宋王臺站, 要去食就更加方便LU!明爐香檸汁蒸烏頭 $172烏頭大大條, 好多肉, 肉質嫩中帶點結實。青檸汁酸辣開胃, 另外仲貼心準備多一碗, 可以係食既時候逐D逐D加入, 湯底味道KEEP住濃郁, KEEP住熱辣辣, 好好食! 湯既酸辣滲哂入魚肉, 好開胃唔膩!馬拉盞炒椰菜苗$91泰式炒菜真係好鬼香, 特別係用馬拉盞炒, 咸香帶點獲氣味, 送飯一流。椰汁冰 $29椰汁味重得黎唔會過甜, 香甜冰涼, 食泰菜必點!見到隔離食串燒好似好正, 下次黎再試下!…Read More

唔係朋友帶都唔知原來寶勒巷除左酒吧餐廳之外, 仲有間串燒店隱身左係度。店內環境有居酒屋風,帶點平民貼地既味道。 食物種類多, 今晚食左幾樣野, 發現依度無論海鮮同肉類都做得好, 食得過!蒜蓉燒貴妃蚌同埋蟶子皇都好正, King size不在話下, 貴妃蚌入口爆汁有鮮味, 加埋蒜蓉好惹味。蟶子皇好彈牙, 大大抽入口好滿足。燒新鮮脆皮白鱔厚身鱔肉好爽彈, 皮位燒到薄薄脆脆, 新鮮鱔個種香味好鮮!燒黑啤牛仔骨＊特厚重點係特厚, 好少食到咁厚身既牛仔骨, 而且係燒得香口兼JUICY 唔韌!燒虎椒唔太辣, 燒得香。香辣雞全翼味道出色, 香辣惹味有辣勁👍🏻肉唔會燒到乾柴。玉桂焦糖金菠蘿好好味😋平時燒菠蘿食得多, 依個特別加左玉桂, 味道好香, 同菠蘿既甜味好夾!…Read More

依間以HEROS為主題既BURGER店雖然店仔仔細細, 但係野食同環境都留到深印象比我!今日落開深水埗, 就幫襯下依間係地鐵站旁既分店睇下係咪都係咁好食。即叫即做, 等10分鐘左右有得拎, 包裝乾淨企理, 輕鬆拎到番屋企。Captain Burger煙肉蕃茄生菜芝士, 味道偏向Classic, 重點係漢堡肉Juicy兼有肉香, 加埋流心煎蛋既蛋汁香, 好味黑椒牛堡個人喜好, 因為我中意食辣, 重點當然落在個黑椒汁啦, 夠濃夠香夠辣, 雖然食既時候有D狼狽成手汁, 不過係屋企食又有乜所謂!洋蔥圈番到屋企雖然腍左D, 但仍Keep到微脆, 而且好香, 洋慕圈大大個, 炸粉唔厚, 如果新鮮即食應該超正。仲有薯條份量好大份, 仲係粗薯, 少少連皮其實更香薯味, 本身跟餐就有汽水同埋薯條, 依個薯條出色呀!今次食依然高質, 會繼續幫襯~…Read More

係奧海城睇完戲都成8點半, 咁岩戲院門口就有間幾靚既餐廳, 唔洗四圍搵餐廳~頭盤焦糖北海道帆立貝. 三文魚籽.青芥末枝豆蓉以香脆炸雲吞皮盛住煎得金黃既帶子, 醬汁既芥辣味突出但唔OVER, 整體味道同層次都好豐富。餐湯薑汁西洋菜濃湯.香脆煙肉湯既質感濃厚, 啖啖菜既甜味, 伴上咸煙肉, 估唔到又幾夾。法式香草雜果仁.烤羊係羊既表面塗左層果仁碎, 增添口感。而羊肉中心呈淺粉色, 略嫌熟左少少. 但入口依然軟腍, 羊味濃香。薰衣草奶凍．士多啤梨凍湯好特別既味道, 奶凍細滑, 薰衣草味道係舌尖上融入至整個口腔, 非常清香! 伴上士多啤梨凍湯, 香甜唔會有一絲膩感。…Read More

見過ig有人係個皇位度打卡，朋友又話依間好食，就趁晚市開番後衝過黎食!果然疫情無阻香港人打邊爐既熱愛♥️好鬼多人! peakhour時間建議卜定位先。餐廳環境睇得出落重本裝修，好多卡位而且仲整成一個個小宮殿，幾靚又幾得意之餘亦坐得舒服。九宮格調味料❗昭陽公主椰子雞湯鍋 $298依度有好幾款特色鍋好似卜卜蜆，花膠雞等，我地平時都成日食花膠雞鍋，今次叫個少食d既椰子🥥宮廷梗係氣派行先啦，乾冰效果上枱既湯底勁香，滿佈椰肉，即刻飲啖湯，鮮甜到! 原來入面除左雞，仲加左蜆，栗米，難怪咁鮮甜啦👍🏻椰子味都好出。脆炸芋頭魚 $58賣相靚，好似鯛魚燒咁，外皮香脆，內裡係滿滿綿滑既芋泥，超濃郁芋頭香味，又香口就咁食已經好好食，再沾一沾湯仲好食❗花花公主牛魔王拼盤 $498依個牛肉盤堅有氣勢，而且仲有特別既牛類，好似牛黃喉咁，爽脆彈牙。花雕浸牛肉超推介，一定要試下，花雕好香又入味，牛肉厚身滑嫩，坊間好少食到!日本和牛油香滿滿入口即溶勁香!安格斯牛柳粒唔韌之餘牛味重。牛舌片都好有牛香有口感。澳洲和牛大大塊，肉質嫩滑。自家製薏米水 $68淨係賣相比我打卡都抵番，好有質感既器皿! 自家製薏米水清爽解膩，而且一壺份量都多，兩個人飲都每人飲到兩杯多。依度環境同食材都高質，店員有禮服務好，會再約多d朋友黎食!…Read More

又到一年一度慰勞母親既節日, 卜唔到自助餐, 改去食放題, 母親大人一樣咁開心! 仲不斷話依度抵食!依間係亞太中心既分店好大, 而且設有好多卡位, 地方闊落, 唔洗同隔離有搭枱feel!中意佢用手機落單, 簡單方便唔洗成日叫店員, 自己可以CHECK番單, 今次亦冇漏單既情況出現。刺身選擇都有成十幾款, 三文魚係肥美既, 赤貝, 牧丹蝦, 帆立貝等全部新鮮, 可能依度客人多, 流量快, 對於佢刺身既新鮮程度唔洗擔心~~壽司方面都係超多款, 亦有創意壽司同卷物, 另外特別中意依度既手卷, 一定係必嗌, 竟然有海膽, 三文魚籽同埋璣煮鮑魚! 三樣都係靚野, 仲可以任食, 夫復何求!!!熱食方面都多到試唔哂, 埋單先記得我地仲未食天婦羅呀!! 不過其他野都已經好豐富~辣酒煮螺好大隻螺, 辣汁惹味!牛柳粒牛柳粒腍身, 牛味仲幾香添!醉鮑魚估你唔到有醉鮑魚食, 仲要又整得好食, 鮑魚彈牙唔韌, 花雕入味清香, 一人兩隻基本啦!!汁燒鰻魚係厚身既鰻魚!加埋香甜燒汁, 基本上同出面叫個鰻魚飯食既鰻魚一樣咁好食~~燒菠蘿食到飽飽濟濟既時候, 一定要叫番個燒菠蘿, 燒完之後又香又甜又JUICY, 酸酸地好開胃解膩!其他仲有蟲草花湯, 新鮮水果, 沙律, 仲有雪糕等等, 全部自助區無限量供應, 真係講唔哂, 下次再戰!…Read More