友藏心中的詩句's Profile

大約1點到, 唔洗等位, 先買飛90蚊一位D座位就有少少逼既, 出去拎野食都要小心D野食方面, 都叫幾多我第一次都拎左幾多, 因為無食早餐其中我拎左D"口水雞", 賣相真係似到十足, 好惹味不過你問我佢係用咩扮既, 我真係唔知但講到最中意食既, 係佢個Brownie, 甜食控朱古力味重到!!不過食開dark chocolate既人就唔好試, 因為真心甜但我好中意食到飽到腰圍38喇(本來34)真係估唔到食無肉餐都可以飽到呢個地步我見到佢地仲可以幫老人家買食卷, 好多人一次過買好多張其實就算唔買,  你食少D都間接做左善事我下次去就會節制下…Read More

去到間野, 無book都唔洗排, 可能仲早我就叫左158蚊 既飯, 兩舊腩加條尾, 長到出哂界呀比我想像中上菜上得幾快食落都幾有炭燒味, 不過有少少覺得佢燒多左都幾嫩既真心, 個腩係好食過條尾好多所以唔好慳, 一定要叫腩以為個飯好高好大, 點知D飯係薄薄一層架咋不過有得加飯既, 唔夠就同佢講就得呢度唔似佢地日本咁, D鰻魚汁放哂係枱, 你自己係咁加係到你加返佢先拎俾你服務都幾好既, 成個店面都係得兩個人咁多所以佢地都幾唔得閒, 但對客人都仲係好有禮貌, 有笑容…Read More

原來1蚊雞已經搞左成個月到佢last 幾日我先知咁就即刻衝去食啦四個人叫左2隻雞, 4個小菜, 2個飯1蚊雞無切原隻上, 因為如果要佢切就要加38蚊, 咁就無左食1蚊雞既快感啦不過佢有俾交剪同手套, 基本上都好易處理皮脆肉嫩, 正!!!另外叫左咕嚕肉, 欖角四季豆, 魚香茄子花膠煲同炒通菜相比之下, 呢幾個小菜就有D遜色魚香茄子花膠煲既花膠最怪, 係爽既, 同我地認知中既花膠相反四個小菜都合格既, 不過唔同飯一齊食, 就咸到癲另外, 服務真係唔太好, 無侍應既, 想落單, 舉手舉左勁耐都無人理, 要自己行去個侍應面前 …Read More

好耐之前已經喺電視睇過話呢款西瓜蛋糕喺澳洲好出名，當時仲覺得將西瓜放入蛋糕感覺好怪。😂但今日一個經好中意周圍食嘢嘅朋友高度推介，就終於試食咗呢個草莓西瓜蛋糕，然後竟然出奇地夾仲好好食！😋個蛋糕最頂嗰層有啲士多啤梨同玫瑰花瓣，睇返個介紹發現原來仲有開心果，不過食唔係好到，因為個玫瑰味好濃。雖然係濃，但又唔會好假，連平時唔太好花味嘅我都覺得好味。啲士多啤梨唔算好甜，甚至有一粒酸酸地，但同下面甜甜的cream夾埋一齊食又ok。然後，夾喺cream與cream之間嘅餅底又係另一個驚喜，佢有好多一粒粒杏仁碎喺入面，好香口，又為個蛋糕增添咗一個特別嘅口感，脆脆地嘅同時又保持到濕潤。再落一層就係戲肉，西瓜🍉！個西瓜食落係有西瓜爽爽地嘅口感，但個味又唔係好西瓜，而係好重玫瑰味（甚至有諗過佢係咪用玫瑰露浸過嚿西瓜😂）。$65一件小蛋糕唔可以話平，但個蛋糕嘅精緻同好味程度絕對令佢值回票價！…Read More

今次去食尚八食午市燒肉放題。原本想星期一至四去平啲（$108），但就唔到時間，就畀多$30星期六食啦！我哋前一日用電話book咗12點，去到佢哋都只係啱啱開舖。店員帶我哋一行四人去卡位坐，再問我哋揀咩餐，目標明確嘅我哋當然揀$138午市任食套餐。 套餐包咗兩碟頭盤，入面有牛肋骨、牛柳粒、牛舌、蠔、蝦等等。放題食材就主要係唔同調味嘅豬肉同雞肉 ，另外仲有蔬菜同少量海鮮。頭盤嘅牛肉果然係正啲，好腍好juicy！啲蝦同青口都好大隻，不過蝦要小心啲燒，如果唔係好易燶。 啲廣島蠔用咗好多油浸住嚟燒，食唔係好出個蠔本身嘅味，有啲失色。豬腩肉有分厚切同薄切，因為個肉好多肥膏，所以厚切就相對油膩，但如果燒耐啲就會好脆卜卜。薄切就似豬肉片，快啲熟。雞肉同雞翼就容易燒好多，雞翼仲好細心咁切成單骨，方便食。雞腎燒完都唔會韌，好食！不過食太多肉始終都要清下個胃，所以魷魚筒、鯖魚、菠蘿同甜蕃薯就啱啱好可以清清個胃。嘢飲方面都有ok多款，可樂、七喜、石榴汁同芒果汁等等，仲可以搵店員攞熱茶！店員服務態度都幾好，主動幫我哋換網，嘢食都送得幾快，同埋無話夠鐘就趕人走。$138一個人真係超值，認真推介！…Read More

今日去文輝買外賣返公司食，食佢嘅招牌菜——紫菜墨三鮮河（$46）。俾完錢一分鐘左右就拎得，好快，但因為等埋去第二度買嘢食嘅同事所以遲咗返去，搞到啲河粉索晒水漲咗，賣相變得無咁吸引。唔好睇相就以為淨係得粉、紫菜同丸，其實禾稈冚珍珠，好物沉歸底。啲粉下面係滿滿嘅墨魚仔同墨魚鬚！！ 妹妹: 啲墨魚丸好紮實，真材實料有墨魚粒喺入面。墨魚仔有好多好多隻，食嘅時候仲可以兜住啲湯，好鮮甜。墨魚鬚勁粗，好彈牙，好食！ 妹妹: 雖然價錢唔算平，但有咁多墨魚仔同墨魚鬚咁足料，我覺得都可以話幾抵食。…Read More

呢間距離奧海城大約10分鐘既小店如果唔係黎開呢邊都唔會知cafe入面既裝修幾靚 有種好chill既感覺上次食左lunch 所以今次試下teatea set有唔同款既牛角包加salad 唔同味既waffle加雪糕 cake同埋mini all day breakfast除左野食仲會包一杯野飲 有得揀咖啡 茶 或者梳打我就揀左mini all day breakfast同mini latteall day breakfast黎到都驚喜左 好啱影相打卡味道都唔錯 咖啡都好好飲總括黎講整體都好好 好啱同frd黎食傾下計咁好chill 會再幫襯👍🏻👍🏻👍🏻👍🏻…Read More

今日同人去食牛角午市燒肉套餐。我哋各自叫咗套餐B（一款貴肉加一款cheap肉），另外有一杯凍或熱飲，我地就叫左凍袖子蜜👍🏼。啲嘢食都好快送到嚟，沙律同昆布湯都係普普通通，不過不失咁啦。肉嘅話我就揀咗牛助肉加豬頸肉，每款各四件。雖然啲肉好厚身同幾靚，但夾埋得八件真係唔夠滿足，唯有食飯塞飽自己。🤷🏻‍♂️🤷🏻‍♂️🤷🏻‍♂️加一後$90左右，lunchtime忽然想過下燒肉都可以考慮下。…Read More

銅鑼灣越開越多一人一爐嘅鋪頭，今次去金百利7樓嘅小龍坎。入到去見到枱櫈嘅佈置有啲混亂， 不過坐落都舒適嘅。我叫咗個藥膳肥牛鍋。 每個餐都跟好多唔同配料， 例如豬頸肉、蟹棒、午餐肉等，仲可以自選兩粒丸/餃，比其他同類型嘅一人一爐多好多菜式。另外可以去自助調味櫃攞調味料，但其實個湯底已經好夠味（甚至可以話太鹹），唔使再沾醬都OK。啲餸都係不過不失。除咗豬頸肉砌到玫瑰花咁，更值得一提係個蝦丸同墨魚丸，好彈牙同真材實料。以$68一個午餐都算幾抵，可以再戰。…Read More

因為去完旅行，食咗成星期越南野，覺得口寡寡😕😕所以想食返啲野重口味食物，揀左雞煲依家雞煲真係開到總病一間喺左近但係越來越貴下下都二百幾以上所以都係揀返至尊平靚正👍🏼👍🏼👍🏼可能因為星期一又六點幾去嘅關係，基本上冇咩人直入就得啦服務都幾好，一坐低佢就即刻問你食咩辣度嘅雞我地揀左小辣上菜有少少慢，又或者可能因為我地肚餓😂啲雞都一如既往地惹味丸呀炸魚皮都一如既往地新鮮食到捧住個肚走🐷滿足返我過去清淡嘅一星期🤤🤤🤤…Read More

可能因為星期一所以冇乜人，七點幾呢個時段無book枱都可以唔使等就入得。其實餐廳驟眼睇幾乾淨，但坐咗無幾耐就俾我見到隻大烏蠅係隔兩張枱附近飛來飛去，之後仲降落咗咗係隻碗邊…唔知係咪店員太大愛定睇唔到，無人有打算處理隻烏蠅。我哋叫咗幾個餸share嚟食：1. 一品牛柳粒（$88）對於呢個小菜我真心有啲失望，睇菜單張相啲牛柳粒係大一倍，實際係甜椒配料就嚟多過肉而且隻碟勁細。不過因為有黑椒調味所以都幾惹味，而且啲青椒紅椒都幾爽甜…但值唔值$88就見人見智了。2. 招牌無骨海南雞（$138半隻）最愛無骨雞，方便易食。雞肉調味適中，份量十足。雞脾位置肉質鮮嫩，雞胸肉雖然比較乾身，但未算是柴。3. 馬來海鮮炒粉絲（$72）呢個炒粉絲算係全晚最出色嘅菜式。雖然粉絲炒到碎咗少少，但勝在夠鑊氣，條條分明而且唔會好油（有西芹/芹菜中和油膩感）。4. 芭堤雅蝦醬炒飯（$78）不過不失的一道菜。豬腩肉加蛋絲配蝦醬炒飯，味道幾好但無乜驚喜，但幾飽肚所以會係叫白飯以外嘅好選擇。5. 小食拼盤（$168）本來覺得有啲貴，但上菜時份量比我想像中多。蝦餅好彈牙多汁，春卷都好脆，雞翼同串燒就普通。但當中最好食嘅係個無骨鳳爪，個汁酸酸甜甜，鳳爪好爽口又唔使吐骨，好味又方便！總括嚟講呢度都算係一個同朋友聚餐嘅地點，食物價錢唔算好貴，環境頗舒適，而且當我哋已經食晒嘢店員都無趕我哋走仲不時幫我哋斟暖水，服務態度幾好。…Read More

之前聽到唔少關於呢間餐廳嘅幾好嘅評價， 所以期望都幾高。因為一早喺openrice度攞咗位， 所以去到就已經可以直入最埋邊嘅大枱坐。店員好熱心咁同我哋介紹 佢哋嘅主打 — flat iron steak， 就建議我哋揀medium rare。因為之前聽過話呢度其中一個賣點係任食薯條， 但餐牌寫住只係附送一份，所以我哋同行嘅人就問咗店員確認一下。 不過店員面對我哋咁唐突嘅問題， 態度都仲好好， 因為如果我哋唔夠食都可以refill畀我哋， 尤其因為我哋揀嘅餐咁啱個價錢同晚市一樣。 我哋原本全部人都揀薯條， 店員仲專登提多次我哋話薯條可以飲食，我哋可以 揀埋沙律同湯嚟試下。個沙律我只係食咗個車厘茄但係感覺幾新鮮，爽脆多汁。 啲薯條就好好食， 我估計係即叫即炸， 熱辣辣脆卜卜， 而且仲有黑松露味。不過，食得多就感覺鹹咗啲，要點啲茄汁中和下；另外，如果係粗薯條外脆內軟嘅話就仲好啦。我哋部分人聽咗店員推介叫咗flat iron steak，其他人就叫咗豬鞍。Flat iron個份量同豬鞍相比細好多，我望住對面個豬鞍餐覺得好吸引。講返塊牛扒，個質感我覺得幾特別。明明食落係冧嘅，但唔知點解又要花好多力咬好耐先食到…不過個牛味係充足嘅，點一點佢側邊啲鹽味道層次會再提升。總括嚟講食物質素係OK嘅，店員嘅服務態度令人感覺舒適。我個人覺得可以再去食多次試真啲個牛扒，又或者試下個賣相吸引嘅豬鞍。…Read More

Lunchtime諗唔到食咩， 去到銅鑼灣廣場一期見到9樓有極尚大喜屋就去試下。 一出𨋢淨係見到有寫放題嘅餐牌， 仲有啲驚冇午市定食， 之後問侍應話有就入咗去喇。午市定食嘅款式都幾多， 唔同價錢（$48、$58同$88）都有熱食同凍食，加$28仲可以出去自助拎多啲嘢食。我哋一行四人全部都揀曬最經濟實惠嘅48蚊餐。 送餐速度好不一，其中兩個就幾分鐘內到，另外兩個就等咗有啲耐，要追單。我揀左蟹籽三文魚甜蝦丼飯。 啲料都算好多， 尤其是係啲蟹籽多到撈曬成碗飯都綽綽有餘， 再加埋個餐附送嘅沙律同埋湯就好夠飽啦。 另外，飲品係出去個雪櫃度自己攞，種類都幾多。我就揀咗一個韓國嘅雪梨蜜糖飲品，聞落幾香，仲有果肉，都特別嘅。…Read More

我地三個人放工近近地喺銅鑼灣食個飯就去左牛一我地去左第三平既有雞🐔牛🐮豬🐷任食切得幾薄 好正 勁快食得出面都幾多菜 麵 丸 幾多choices飲品唔係好多選擇 但係竟然都有兩款酒D服務幾好 一舉手 加湯 加肉 都好快就黎三個都食到唔想再食館住走🤗…Read More

可能係因為外國名廚開既餐廳正常會期望高啲 本身已經有係尖沙嘴分店試過佢既dinner都覺得還好但今次係銅鑼灣食lunch真係覺得好麻麻地😕😕lunch set有湯同main course雖然唔知係咪啲野食係咪外國style 唔係太識欣賞湯真係好似用茄膏加少少熱水開出黎咁 太濃同好咸😵😵黑松露意粉無咩黑松露味同埋好膩整體野食都覺得好普通 同埋上菜真係好慢 同行有人等burger等左一個鐘先有😥😰😰😰…Read More