awnovel's Profile

每次經過港鐵站都傳來香噴噴的泡芙香氣，引到大家口水流，雖然日日話減肥，但都係食埋先減啦。泡芙款式好多，個人喜歡水果口味，但朱古力也很吸引。除了經典忌廉口味，也有皇牌嘅乳酪口味同埋北海道3.6牛乳口味。乳酪帶點酸甜，配合士多啤梨和芒果水果鮮甜，不會膩滯。朱古力三重奏$31朱古力三重奏，朱古力味濃郁可口，入口即溶，配合泡芙外脆內軟的一流口感，真係好難忍口！芒果乳酪$32士多啤梨乳酪$31太多款式，一次過買曬三款返屋企歎…Read More

☀️最近葵芳新都會廣場餐廳大革新，☝️媽媽就眼利發現➡️the Pantry Café的外圍雅座，對準商場中庭的大電視，😍兩口子可以一邊追蹤奧運熱潮，😋一邊品嚐美食，超享受! 📍Parma Ham & Melon Salad $120巴馬火腿，哈密瓜，Mozzarella芝士，黑醋醬，雜菜配柚子汁🔖夏天比較愛吃比較清涼健康的菜式，Parma Ham配蝦蜜瓜的沙律，淋上黑醋和柚子醬汁，酸酸甜甜，作為頭盤開胃健康。📍Sea Urchin & Scallop Linguine $ 178🔖新鮮的海膽、惹味的香煎帶子，配合香滑濃郁的蟹肉海膽忌廉汁意粉，每一口吃出海鮮滋味!📍British Trifle Pancake $155🔖一向喜歡Ricotta 厚班戟，驚喜士多啤梨啫喱藏在班戟之下，淋上吉士醬、鲜忌廉、脆餅和新鮮士多啤梨，單是七彩繽紛的顏色已夠吸睛，😋入口鬆鬆軟軟，幼滑，超sweet 享受。📍士多啤梨奶昔 $56📍薄荷朱古力奶昔 $59🔖多種口味的香滑奶昔，總有一款合心意，個人覺得若可以輕甜一點會減少邪惡感。…Read More

小朋友成日同我講好想飲珍珠奶茶，今日放工經過新世紀廣場，一間專賣純素珍珠奶茶店，推出咗圓貝媽寶，全新兒童飲品系列，以自家製植物奶拼搭新鮮蔬果和純素醬料，⁠無咖啡因，選用健康糖，每杯都有唔同營養價值，健康輕怡，小朋友都消化得到! 全新圓貝兒童系列的飲品名稱很可愛，色彩繽紛的奶茶設計，小朋友見到爭住飲啊，媽媽點齊一人一杯囉~ 藍圓貝的「Baa Baa Black Pearl 爸爸羊」，以藍藻、牛油果、香水檸檬、菠蘿、椰子奶、椰子花蜜、排毒炭黑珠 調製，酸甜清新，幫助兒童發展腦力! 綠圓貝加入可可碎、開心果、海鹽雲尼拿米蓋、杏仁奶、牛油果、純素珠古力醬、排毒炭黑珠的「Groot In the Woods 小樹人」屬於高纖之選，軟滑的牛油果，加入朱古力的香味，輕甜好味! 媽媽很喜歡依杯粉紅圓貝「Peppa George 佐治小豬」，因為有清甜嘅士多啤梨、藍藻、海鹽雲尼拿米蓋、杏仁奶、椰子花蜜、排毒炭黑珠，吸收維他命C，增強抵抗力! 小朋友最愛朱古力，依杯啡圓貝「Cookie Monster 曲奇怪獸」邪惡好味，成分包括麻糬、可可碎、朱古力米蓋、杏仁奶、純素珠古力醬、特濃朱古力麻糬曲奇、香蕉、排毒炭黑珠，甜甜蜜蜜，紓壓調節好心情! …Read More

無時間返娘家，係香港都可以「望梅止渴」，食到原汁原味嘅韓國美食，主打手工炸雞嘅Yadllie Plate有幾家分店，就算平日晚市都人坐無虛，回味韓國滋味，點可以唔推薦一下! 黃金蒜香無骨雞 $128Yadllie Plate嘅手工炸雞，採用韓國空運到港的走地雞醃製，無骨雞啖啖肉，蒜香惹味，皮脆肉嫩，入口充滿肉汁，最讚係外皮沒有厚重漿粉， 即是油炸也沒有膩滯口感。鮮蝦沙律 $118習慣健康飲食，要平衡番食炸雞嘅邪惡心理，沙律是頭盆必然之選，粒粒大蝦配合酸甜醬汁，清新開胃!白切五花腩$288五花腩係韓國聚餐當然首選，肥瘦相間的肉質，晶瑩剔透，在鍋上熱蒸的五花腩，目的是要去除油膩，保持口感軟滑，聞到肉香四溢的五花腩，以生菜醬料包裹入口，別有一番滋味。八爪魚煎餅 $128 韓食太多香口美食，個人很喜歡這道八爪魚煎餅，薄薄煎餅與八爪魚份量比例恰到好處，金黃色的煎餅，外圍香脆，中間酥軟，大愛! 水冷麵 $88水冷麵的湯頭是這道菜式的重點，一般以蒜末、生薑、糖、檸檬汁等烹調，令到湯頭酸酸甜甜，湯頭雪凍和打冰，鋪上冷面，冰震上碗，混合芥末來吃，更添一番韓國風味!香蕉沙冰 $68蜜瓜沙冰 $68韓國人鍾愛凍飲，就算冬天也喝冰水，點了水果沙冰，為整頓豐富晚餐加上一點甜。…Read More

很久沒逛荃灣，原來荃灣廣場地庫大革新，開多了很多食肆，難得兩母女撐枱腳，一眼就被《Homeland》的花系裝潢吸引眼球，仲有五彩繽紛的座位設計，看得出餐廳的用心。溫泉蛋素煙肉凱撒沙律 $58前菜先來一客沙律，簡單開胃。黑松露牛肝菌芝士薄餅 $128Pizza的芝士超豐富，芝士拉絲停不了，配上黑松露濃郁香味，薄餅香脆惹味。惹味桂花釀啤酒雞 $298店員強烈推介的招牌菜式，要花上三天時間用自家製的桂花啤酒醬料醃製的烤全雞，原隻香烤的肥美燒雞，熱騰騰的鮮嫩雞肉，每一口滲透桂花清甜和啤酒的麥芽芳香， 讓人一試難忘。焙茶手工芝士蛋糕 $68自家製的芝士蛋糕，淡淡的焙茶淡香，輕甜而帶點渾厚的口感。活乳酸草莓果蓉梳打 $51輕甜的乳酸特飲，中和了肉類和芝士的膩滯。…Read More

在旺角逛了大半天，在商店林立嘅旺角入面，座落了一間讓人take a ‘Pause’的咖啡店。主打手功拉花咖啡的’Pause It’ ，以落地玻璃廚窗最為吸晴，遠看到店內寫意人生的食客，歎著咖啡寫意慢活的步伐，我也叩門內進了。開揚的店子，落地玻璃的設計，讓店內分外明亮，給人精力充沛的感覺，跟朋友點了兩客意粉和咖啡，慢慢細心品嚐。虎蝦青醬意大利粉 $98啖啖肉的虎蝦，爽口鮮嫩，以羅勒（九層塔）、蒜、橄欖油調製嘅青醬意粉，帶有清草香氣，吃得津津樂道。蜆肉辣茄醬意大利粉 $98帶點香辣嘅茄醬意大利粉，拼搭蜆肉肉質肥美有口感，惹味開胃。竹炭鮮奶咖啡 $42獨特的竹炭咖啡，不是一般咖啡店找得到，奶泡香滑，打卡一流薄荷朱古力咖啡 $42店員送上咖啡，看到美美的unicorn拉花即時心心眼，輕甜的薄荷朱古力咖啡，濃淡恰怡，女生必愛~…Read More

在職媽媽假日比返工還要忙碌，事關平日上課勞累，孩子的興趣班都會被安排在週末，一整天的奔波，加上陽光普照的天氣，花斑茶社的水果冰茶成為了媽媽們嘅「心靈雞湯」❤️用了「胡氏這一家」cute cute紙杯乘載嘅一杯冰凍茶飲，讓人感覺活力充沛，點了「完熟蘋果冰茶」以四季春茶作為茶底，蘋果清甜，配合花香甘甜的茶韻，消暑解渴。花斑茶社的水果茶平均$28一杯，性價比高，朋友多點了一杯「柳丁綠茶 」，入口酸甜，混合綠茶清香，完全沒有苦澀，喝過都説讚！…Read More

🚶🏻‍♀️去開銅鑼灣，朋友約我去米之蓮食府食好嘢，😋緊係奉陪到底啦！✌🏻步入「天天海南雞飯」，裝潢很有氣派，每枱都有射燈照明，📷加上波希米亞風的餐具，別有特色。👏🏻未點餐已上餐前小食，酸甜的熱情果與哈密瓜作為豐富晚餐的引旨，❤️清新開胃。🔖黑松露墨魚蝦多士 $109香脆的多士，單是晚上已經很吸引，墨魚蝦軟心，以木魚絲點綴，邪惡但停唔到口。🔖天天海南雞 $189（大份）配上獨家風味醬汁，啖啖肉的招牌海南雞。🔖蟹籽蟹肉西蘭花 $109爽口西蘭花，包含蟹籽和蟹肉鮮味，一口滋味。🔖食神魚籽菠蘿海鮮炒雞油飯 $139超豐富的粒粒蟹籽口感，混合海鮮雞油香味炒飯，以酸酸甜甜菠蘿乾伴碟，色彩繽紛的可口主食。…Read More

饞有貪吃、愛吃的意思，饞。台式食堂由90 後台灣女生主理嘅料理，以木系簡約裝潢，打造了清新溫馨的美食環境。饞。牛肉三寶麵（鹵牛朒、牛筋、牛肚）（$88）台式經典牛肉麵一定要試，牛朒肉質鮮嫩，牛筋Q彈軟滑，配合三款湯底可選（紅燒/麻香/蔥燒口味），加上一口滲滿牛肉濃湯嘅台灣陽春麵，猶如置身台灣品嚐美食。 排骨酥麵 （$72）雖然很邪惡（哈），但以獨特醬汁醃製再酥炸至外酥內嫩的排骨，與 Q 彈台灣日曬陽春麵一起入口，滋味吸引，要是湯底可以有得選少咸會更適合清淡口胃的食客和小朋友。炸物拼盤（花枝丸、甜不辣、府城蝦卷、QQ球) （$68）台式炸物有誰不愛？彈牙的花枝丸，煙煙靱靭嘅甜不辣，外脆內軟嘅QQ球(甜)，脆滑蝦卷，全部要趁熱食曬去！ 烏龍奶茶 （$30 冷熱同價）苿香奶茶加仙草説到台食一定不能缺少嘅一定係台式茶飲， K11新店特設台式茶飲外賣位置，專賣台式奶茶、水果茶、沙冰、芝士奶蓋以及各種咖啡飲料等。個人最欣賞係店內所有奶類飲品均採用「鮮奶」調，保證新鮮健康無奶精，甜而不膩。…Read More

終於有時間可以試吓沙田充滿復古風尚的Butlery西式咖啡店，店子以橙綠配的對比用色，帶來輕鬆愉快的用餐氣氛。Butlery是受歡迎的餐廳，平日的晚餐時段需要等位入座。Buttermilk Chicken Salad $118烤雞扒、 牛油果、煙肉、溫泉蛋、羅馬生菜、蛋黃沙律醬前菜先點了一客開胃沙律，烤香的雞肉，新鮮的羅馬生菜，以粒粒牛油果和煙肉點綴，再配上滑溜的溫泉蛋，清新的田園系沙津打開了豐富晚餐的序幕!Sea Urchin & Scallop Linguine $178 新鮮海膽、香煎帶子、蟹肉海鹽忌廉汁意粉Butlery不只是一間咖啡店，fusion 的海膽意粉也讓味蕾有了新突破，質感細膩甘甜的海膽，入口即溶! 加上啖啖肉帶子，整碟意粉充滿海鮮滋味。Sour Cream Works Chips $55酸忌廉牛油果醬薯條香脆的粗薯條不容易找得到，酸忌廉拼搭牛油果醬原來是完美絕配，惹味必試推介! Tiramisu Pancake $122Ricotta 厚班戟，Tiramisu，燕麥松子仁，咖啡糖漿私心喜愛班戟甜點，一件等於三層厚度的Ricotta 厚班戟，淡淡咖啡的輕甜班戟，鬆鬆軟軟，口感細滑。Baileys & Cream Milk Shakes $70百利咖啡忌廉甜酒奶昔好奇想試吓加入Baileys的奶昔會係咩味道，充滿奶香的咖啡甜酒，口感幼滑豐盈，嗜甜的朋友一定忍唔住多啜幾口。…Read More

想要美食又要情調，趁住愛人生日，私心選了充滿法國浪漫氣氛的Royal INN, 一進店已被巴黎海旋門和古典水晶燈的裝潢吸引，仿如去了一趟巴黎之旅，真心唔打卡對唔住自己，哈哈~以有質素法國菜來說，平日午餐價格相對實惠，二人點了兩個3個course 嘅set lunch (1 starter+1 main course+ 1 drink)，每人都唔使 $300。兩口子前菜各選了法式龍蝦湯Lobster Bisque 和 炭燒八爪魚路易斯沙律Grilled Octopus Louie 。以鬆軟的法國麵包蘸點香濃的龍蝦湯，龍蝦鮮味好出，每一口湯都是豐富香濃的海鮮滋味。炭燒八爪魚路易斯沙律伴有半熟蛋和羅馬生菜，清新惹味。二人約會午餐都可以「据扒」，主菜當然點了燒安格斯西冷扒Grilled Sirloin Steak ，上碟時廚師已經幫忙切好，真係超細心的服務! Order了七成熟的牛扒，似乎比想像中熟了一點(下次可以order 五成熟)，但無阻牛扒入口的細膩Juice。餐飲選了較特別的Grapefruit Lemon Soda同埋Chocolate Banana Smoothie，梳打是清新輕甜的西柚檸檬果香，Smoothie是甜甜的朱古力香蕉口味，為生日午餐來個完美的總結。…Read More

燒、燒、燒，兩口子最近去咗食燒肉一番，聞名不如一試，親民價錢但可以吃到飽的份量，性價比超值，難怪peak hour人頭湧湧(建議大家節省等食時間，可以去GULU到先取票)! 依家的日式燒肉設計好貼心，嵌入式的燒肉爐有一定深度，唔怕衣服沾上煙薰肉味，亦唔怕烤肉肥油會彈到手，真心一家大細去食都好安全，(當然家長都要看顧小朋友) ，加上日式裝潢讓人感覺舒服，猶如去了一轉日本小旅行，整頓飯吃得稱心如意。燒肉一番主打烤牛肉，為食的兩口子二話不說點了兩客「牛肉三食套餐」，事關可以自選三份牛肉，一次過滿足曬口腹要求，新張期內仲可以添一份追加烤肉/小食，真心覺得超優惠! 原來下午茶(2-5pm)和宵夜時段(8-10pm)再降價，唔怪得之全場滿座! 吃燒肉再配上白提梳打、蘋果梳打凍飲,或者啤酒，爽歪歪!牛肉三食套餐(包牛五花、牛板腱、牛頸肉、牛舌及牛小排其中3款牛、白飯、前菜、麵豉湯)薄切的牛肉新鮮嫩滑，燒烤牛肉油脂肉香令人垂涎三尺，可以自主添加醬汁調味，滋味無窮!咩都想試下，所以多點了幾款小食，即點即炸的忌廉蟹肉薯餅、吉列蠔，仲有蟹籽沙律，最後來多客和風雪糕(綠茶、3.6牛乳) 甜點做總結，一定要再encore.…Read More

疫情唔可以係街食嘢，外賣雞蛋仔最怕焗到「淋」曬，好彩媽咪雞蛋仔有個超美的手抽透氣紙袋載住，就算隔咗一段時間，雞蛋仔依然保持外脆內軟，超美味! 媽咪雞蛋仔有多款口味，今次點了超邪惡的抹茶朱古力口味，選用日本丸久小山圓的抹茶的抹茶朱古力雞蛋仔，遠遠已經聞到抹茶清香，一口咬下溢出流心朱古力，甜而不膩，再加配一杯熱檸檬蘆薈蜜，清甜滋潤，食到停唔到口呢~忍唔住，順便單點了一客抹茶金莎醬的格仔餅同好友齊分享，見到鬆軟的格仔餅內滿滿的金莎醬，配合粒粒的意大利榛子粒，與帶來意想不到的口感。…Read More

趁疫情算係平穩的時間，兩口子把握機會四圍尋找好嘢食，首選緊係魚生刺生日食啦! 位於荃灣的鮨一日本料理，由荃灣西鐵站行去大概十分鐘，係正荃灣廣場隔離，位置好易搵得到。平日晚上的定食套餐，滿滿的新鮮魚生，連埋前菜、沙律、麵豉湯，都唔洗200蚊，性價比超值!特上三色丼定食 (連前菜、沙律、麵豉湯) $178三色丼的配搭很吸引— 超rich的海膽、配上粒粒三文魚籽、入口即溶的拖羅蓉，豐富層次的口感，大讚! 吞拿魚丼定食 (連前菜、沙律、麵豉湯) $198赤身、中拖羅、大拖羅、拖羅蓉，超新鮮的吞拿魚，色澤鮮明，入口即溶。鮨一千層海膽飯(小) $198海膽控真係唔可以錯過鮨一的千層海膽飯，澎湃的海膽山，灑上金箔點綴，滿口海膽奢華，拼搭拖羅蓉平衡海膽豐厚口感，滋味大滿足!北海道仙鳳趾真蠔 $88 (兩隻)是日推介北海道仙鳳趾真蠔，成隻手掌咁大的真蠔，肉質鮮嫩，海水咸香，要是省去醬汁，鮮味會更加特出。牛油果軟殼蟹反卷 $75香脆滋味的軟殼蟹，配合細膩草香的牛油果，減少了膩滯邪惡感。總結— 食物質素、店員服務、環境衛生都尚佳，值得encore!…Read More

講求五感享受的DK Cuppa Tea最新推出「幸福之約」下午茶，當然要跟閨密一齊品嚐色香味俱全的high tea set啦! 「幸福之約」不單純是一份下午茶，是以tiffany blue拼湊出和諧幻彩的藝術品，細緻的鹹甜點美點，猶如一幅唯美的圖畫，光是手機先吃也目不暇給。「幸福之約」下午茶 $298/person (+10% service charge) 鹹甜包括：1.珍寶北海道帶子薯蓉2.法國蝸牛3.番茄水牛芝士4.莎樂美腸奶酪餡餅甜點包括：1彩虹馬卡龍2迷你甜甜圈3烤餅配玫瑰果醬4「天使之霧」5 馬卡龍飲品：紐約有機茶一壺咸點中推介珍寶北海道帶子薯蓉，火炙的帶子真的是珍寶級數，肉身豐厚，爽口彈牙，配上香滑薯蓉，新鮮惹味。甜點入面「天使之霧」是重點推介，雪糕隱藏在棉花糖霧面內，點火燒熔，彷如雨點灑落，再淋上Espresso，變成完美的Affogato! Sweet的棉花糖和雲尼拿雪糕，中和了Espresso的苦溺，入口香滑細膩，充滿層次驚喜!至於Tiffany Blue 和 Baby Pink的馬加龍，單是色調的配搭已經賞心悅目，外脆內軟，口感是一如既往的清甜奇妙。Tiffany Blue的烤餅獨一無二，配上玫瑰果醬，酸甜開胃，中和了一般scone的牛油膩感。 不得不提，今次high tea set的有機茶非常特別，Chocolate tea & Lavender tea，薰衣草的花香配上帶朱古力香烤的有機花茶，再配上可食用的「快樂」花香精油，讓花茶香氣濃郁，讓人心情愉悅。DK Cuppa Tea set除了是味覺的享受，更兼顧精神上的治癒，DK Aromatherapy「五行系列」香薰精油以金、木、水、火、土成分配方，調配出適合身心狀態需要的香氣，幫助達到身心平衡的放鬆狀態，令免疫系統得以提升，在品嚐high tea set的同時，店員讓我們抽取magic card，滴上香薰精油，讓我們在香氣四溢的環境享受美點。…Read More