KaKaCheong's Profile

食物方面十分創新, 尤其係虎蝦濃湯麵十分出色, 麵既硬度都岩岩好.不過唯一美中不足真是服務, 當日大約5:15pm, 我跟我的另一半係第2批入座的客人, 全餐廳都大把吉位, 侍應安排我倆入座後, 再安排1位單人客同我地搭枱😑 大佬, 成間餐廳大把吉位, 又唔係繁忙時間, 仲要搭枱果個人一路食一路咳, 影響晒食物體驗.間餐廳野食都唔便宜, 又唔係繁忙時間, 全場都係吉既, 果位帶位既女侍應仲要咁唔識變通, 強迫客人搭枱, 有冇搞錯呀整體黎講食物味道係ok, 但呢個價錢遇上呢種服務, 我保證唔會有回頭客, 唔好怪香港人番晒內地食野, 呢種服務質素真是令人卻步…Read More

拉麵舖花咁多錢請”食評家”, 不如提高一下食物質素以及服務質素入到舖頭, 第1感覺我以為係去左世界第一拉麵舖, 裝上這麼多的牌頭金句, 講到自己好天下無敵咁, staff話隨便坐, 明明個場咁吉, 仲要迫人搭枱😅到拉麵黎到, 試一啖湯, 好似冇味咁, 一試就知道湯頭唔係煮得好耐, 麵同配料都係現成, 唔明憑甚麼賣到咁貴, 食過一次唔會再食了呢間舖包裝到好似攞晒獎咁講到自己好出色, 但真係華而不實, 最火滾就係唔明點解會有咁多好評, 呃左唔少人黎食價錢偏貴, 味道真心麻麻, 唔建議食…Read More

好耐冇食過冰鎮咕嚕肉, 於是去三小漁食, 本身都食過2次, 呢間比我印象就係價錢並非便宜但場地算坐得舒服. 不過經過呢次之後就唔會再食1. 食物方面, 廚房的而且確係煮得好食, 冰鎮波蘿咕嚕肉, 牛腩煲, 金銀蛋浸時蔬, 波蘿芥末蝦球(?2. 服務方面, 樓面真係唔要得, 態度好似古惑仔咁…當初落單落左芥末蝦球, 黎到食左唔覺有芥末, 另一位朋友食完都話唔係芥末, 係芝士, 咁我就同男staff對一對張單, 果位男staff話落左芝士蝦球, 我話落錯單wo…佢就兇番我地轉頭, 話咁你地都食左啦, 之後勁快走左去唔再理我地…..? 如果我地唔食果碟蝦球又點知落錯單?? 明明落錯單係樓面同事, 但要我地負責番你地錯失之餘, 咁樣屈番客人轉頭都有….😅我地最後同部長反映呢件事, 事件最後解決左, 但睇番下面有其他人既食評原來有唔少都有講話呢間餐廳既員工態度有問題, 如果大家性格係比教林善既話, 唔擔保你地係呢間餐廳又遇到呢類情況, 小心又係會被果位男樓面兇番你地轉頭, 唔知落錯單既情況下你地又食左, 分分鐘要比貴40-50蚊左張冤枉單.希望三小漁真係要正視一下員工個服務態度問題. …Read More

放左工朋友話想試新野帶我去翠華食,入到去著黑衫類似經理高高地帶黃帽既員工真係好西安排我地上2樓坐,上到去坐走廊果張枱,期間不停有清潔員工於走廊位置穿插,其實走廊位置咁窄係咪唔應該係度開張枱給客人呢?下層有空置座位時,員工安排我地落下層,但無奈每位員工都無暇幫我地帶埋食物至下層都算,果時我仲未點餐,點餐時黑衫員工類似經理的高個子的員工,問我幾位,我話2位,到我點完餐時,佢問我另一位係邊,我話上面拎緊食物落黎,因為冇員工幫佢,佢就用呼喝態度責罵我"咁你又唔講?"跟住自己走左去服務其他大陸人,我真係o左對大陸人個態度變得咁快！？經過今次之後我真係唔敢再食翠華睇黎只招待大陸人,不了不了…Read More

約女朋友去海洋公園後,上OpenRice尋找餐廳,事前訂2人枱.當日早30mins到餐廳.現場氣氛十分適合聚會,拍拖,總算沒選錯地方.帶點陰暗燈光,座位沒算太多,客人數量相對地少,可以安靜地進食及細聲談天.餐廳價格大致上$100以上,不過連場地計算,價錢算合理,點了雜菌意大利飯,蟹肉意粉,水牛城雞翼,味道很滿意!女朋友亦讚餐廳食物很好整體來說,很滿意這間餐廳質素,不過建議事前訂座,因為餐廳座位不算太多PS:只看到樓面只有一個員工,看似有點辛苦!…Read More