keungkhan's Profile

其實味道可以接受的，個葯材雞湯底都叫有葯材味但十五蚊一份牛腩，只係有四粒，係粒唔係片！四粒加埋，大約有正常牛腩河一片牛腩嘅大小！十五蚊豬大腸，又係四粒！應該係香港第一次見到咁細件嘅豬腸十五蚊尤魚鬚，四小條雲吞忘記幾多錢，兩粒！一般般，食肥仔記好食好多成碗嘅七十幾蚊我唔介意七八十蚊食碗車仔面！但都真係好過份！望下其他客人果碗，可能佢地點比較多蔬菜類，碗麵睇上黎俾我果碗好睇好多！尖沙咀中午一點都只係坐一半！證明唔係我一個人覺得有問題…Read More

朋友開張第一個星期去試，讚口不絕，今個星期再吃，說已經是完全兩回事！怎麼說都是國內飲食集團投資借蔡生名氣開店，都是早吃為妙。朋友投訴今個星期嘅湯變得較甜，其實澳洲越牛肉河湯頭一向帶甜，勇記也是，所以自己也頗習慣這種甜味，但今次的只是齋甜而無肉味，飲過後重癡喉嚨。。。應該真的肉少師傅多即制河粉真心好吃，重可免費添食，贏晒！肉，香葉，芽菜不處過不失，難有驚喜。個牛丸就真係垃圾，全粉味，求其小店廿蚊碗都好過佢。整體來說，唔介意味精湯，叫碗生牛河$68真係平靚正之選，加埋免費添食河粉係中環區物值無敵。但如果要排隊便算吧！叫多個蝦扒。。。。。又係全粉！但炸得鬆軟，唔介意点甜辣醬，只食醬味，都無問題的。啱鬼佬食！…Read More

越南牛河，之前係香港，澳洲，甚至法國的名店都食唔少，但當係越南食過錦麗，真係驚為天人，離開後亦朝思暮想幾時可以再返去食過。完全推翻蔡灡先生話，最好越南牛河在澳洲呢個觀點。當知道香港會引入呢個品牌，真係望穿秋水等佢開業。終於試到，感覺係第一，好食，抵食，物值高第二，唔好同越南本店比較先講湯底，本店係濃郁，牛胸油味重，入口先聲奪人！但食完後知道，湯底師傅份量唔少，會口乾。係澳洲同法國都有相同情況。但香港錦麗店湯底係清甜，牛肉味重而不濃。係就係無本店咁搶，但飲完唔口渴，明顯真材實料👍河粉方面，本店米味濃啲但香港店會滑的牛肉就香港用澳洲牛，同越南本地黃牛係兩回事。但香港店嘅牛丸，真係唔錯，敢講比市面九成粉面店好。所以，唔好用比較嘅心態去食，絶對值得一試，加上呢價，肯定全港物值最高…Read More

唔知係邊睇到介紹，好想試呢間新派韓國菜館，今日終於有機會。可能星期二關係，座位只有七成滿。座位寬敞但談不上舒適，但整體都算乾淨企利。整餐飯，菜式都比到新鮮感，但食完出黎總係覺得爭咁D野，若有所失嘅感覺，睇返啲相先知為乜，原來成餐飯都無一啖KimChi! 無左堆kimchi,換左堆沙拉做陪菜，似食西餐多過似食韓國菜，堆沙拉其實係新鮮好食的，但可能我老派，無Kimchi 嘅韓國菜係無靈魂嘅！出品講真唔差的，價錢亦甚為大眾化，,啱後生仔，點都好過School Food, 可以一試。…Read More

現殺現燒鰻魚飯，我好懷疑香港有幾多家，不得不試。要試就試清楚的，晚飯叫了最貴的廚師發版。所有用料是合格的，對得起千二蚊位呢個價錢，各前菜，煮物，魚生，牛肉等，味道，㕑功亦無問題，好食，穩穩陣陣但欠缺驚喜。主打嘅鰻魚飯，燒功真的不錯，表皮香脆，可惜用嘅鰻魚不夠肥美，肉質有點乾身，油脂亦不足。醬汁味道有層次但亦不會過濃甜。配上那碗鰻肝清湯，在香港水平來說，記憶中已經是我吃過最好的。和經理討論鰻魚的問題，他們也知道是不夠肥美，但基於成本問題，現在中午一客鰻魚飯套餐已經要價四百多，再用更好的，價錢客戶會完全接受不到！真可惜，就是差那一點點，令水平依然和日本有差距！又要怪香港租金吧！但如果鰻魚飯癮超又去唔到日本，還是可以值得試試，頂到一時三刻的…Read More

可能真係點錯菜，碗仔翅唔要雞絲換上幾粒龍蝦肉，好似有創意但味道上無驚喜，賣七十元呢個價，值唔值真係見人見至:(喇沙本身味搶，蓋過晒龍蝦味，當一般喇沙吃是okay的，但食唔到龍蝦湯底特色下次再經過，應該要叫飯,烏冬之類至見到真章:)…Read More