討歷公情司's Profile

The attitude of the staff there are very bad. The CP value is not that high to compensate this drawback.Not recommend to go. In Cheung Sha Wan, there are many restaurants and many options. Therefore, really a bad choice to go there. The above is my personal experience..you may have a try if you think your time is invaluable …Read More

一上枱，見到個賣相同燒味部位，已經冇咩胃口所謂半肥瘦叉燒仍是瘦叉，切雞俾埋頭頭尾尾，不了。啲飯一舊一舊，真心唔建議大家黎食。仲要一碟$71的雙拼搞成咁，失敗失敗。…Read More

今日去i square 行，見到間好有田園風格嘅餐廳，決定係到食Dinner。入到面餐廳裏面已經見到佢有種香草，完全感受到餐廳對食材嘅重視。我地先叫左個海膽忌廉餅，一碟有四件，咬落去海膽忌廉即刻流出尼，忌廉好creamy。海膽味比想像中更加出。跟住我哋叫咗個蟹肉牛油果他他，呢個係我嘅至愛，佢嘅牛油果撈得啱啱好，夾埋蟹肉係絕配。再嚟我哋叫咗兩杯嘢飲，一杯係紅菜頭Smoothie，令一杯就係紅肉火龍果smoothie。兩杯都好Fresh，好襯呢度嘅style。尼到主菜我哋就就咁叫咗一個牛仔肉意粉，呢個做法有啲似中西合璧嘅感覺，發現原來creamy嘅汁加牛肉都好夾。佢個意粉硬度亦都啱啱好，手工出名果然係唔同啲。最後我哋叫咗一個甜品作為結尾，就係水果窩夫。窩夫外層趣波波，內裏鬆軟有蛋味。窩夫夾埋雪糕唔爭個感覺好滿足，甜品嘅裝飾亦都好有心思，配合返整體嘅田園風格。總結：整體嚟講佢每一樣菜式我都好滿意，特別在佢加咗好多香草作裝飾，令成件事更有藝術氣息。…Read More

早前同女朋友book咗間火鍋食，價格合理，新鮮食材，所以覺得幾好。餐廳環境唔錯，啲座位都坐得好闊落，想有feel啲嘅話可以坐長椅，加埋個屏風，有古代風格。店員服務非常貼心，會幫我哋喺我鍋到洗埋餐具，當然湯底會用另一個鍋啦。我哋叫咗花膠雞湯，啲雞食得出係新鮮，好滑。本身個湯已經有雞味，但再放埋啲雞落去煲的話，我覺得個味更加出。想講講個手打墨魚丸同聖子，叫咗四粒手打墨魚丸，真材實料，因為我食到粒粒墨魚肉係裏面。聖子有鮮味，唔韌，完全唔使落醬汁係最食得出嘅。總結：呢個價錢絕對對得起啲食材，店員好有禮貌服務好好，值得再去。…Read More

好耐冇飲湯又費事自己煲，唯有叫外賣，紅磡巷仔有一間自家煲嘅湯，未試過，所以今次想試吓。叫咗碗海底野百合玉竹豬骨湯，但好冇味，只可以肯定一樣嘢，完全冇味精，個人認為落得太多水，或者唔夠了，又或者煲嘅時間唔夠。作為一間主打賣湯嘅餐廳，我覺得唔合格。因為嗌外賣最低消費要$80，所以我仲叫咗個鮑汁豬手，豬手位置並唔係最靚嗰個位，$31，3隻豬手，比兩個唔靚個位我，相信冇顧客會開心。豬手夠淋嘅，但個鮑汁可以更濃更甜，真係有待改善。總結：試過一次我唔會再試。…Read More

今日同朋友去咗銅鑼灣買啲嘢，又近登龍街，上咗嚟食咗個自選丼飯，發現唔錯。款式十分豐富，搞到我揀咗好耐都揀唔到，到最後我決定揀油甘魚，火炙三文魚，火炙銀雪魚。有沙律同蒸蛋做前菜，個蒸蛋用料十足，食到仲有貝柱，有味道又足料，唔錯。除咗依兩樣，仲有麵豉湯，味道濃郁，冇咩好彈。丼飯一上枱都好吸睛，每樣刺身有四片，都算豐富啦，夾埋有12片魚生。銀雪魚魚油好重，有啲似左口魚，但魚肉再厚啲，比較有咬口，同埋幾香。火炙三文魚，燒到半生熟，些微入口即溶嘅感覺。至於油甘魚都尚算係厚切，肉身飽滿，肉色亦都好靚仔。伴菜有啲酸蘿蔔，姜同蛋，仲有紫蘇葉。總結：有質素嘅，座位亦都好闊落。$168貨很對辦，鍾意食日本嘢嘅朋友不妨一試。…Read More

藍馬商業大廈出名多好嘢食，今次同女朋友揀咗一間幾得意既餐廳，草民。餐廳裏面有個Area係用仿草做base，有啲似韓國feel咁樣食嘢。我都揀咗坐嗰度，做個草民。嘢食方面我叫咗青口配叼草忌廉，鮮蝦汁蟹肉蘆筍扁意粉，黑松露牛肝菌意大利飯，嘢飲叫一杯和茗同菠蘿柚子梳打。:)青口肉質唔錯，幾實正，個忌廉汁嘅味道都唔錯，小食前菜嘅一個好選擇。好多好多鮮蝦汁同蟹肉，個配搭都唔錯，扁意粉硬到啱啱好，配搭少量蘆筍。意大利飯有激濃嘅黑松露味，大量嘅牛肝菌，賣相唔錯，但有點值得一提嘅係飯煮得啱啱好，食到每一粒嘅意大利飯，食得出一粒粒嘅感覺。和茗幾香花味同果味，係唔同普通嘅茶，味道比較豐富。菠蘿柚子梳打都好好飲，睇到三層，因為三樣野密度唔同，撈埋一齊再飲，就啱啱好啦。總結：嘢食同飲品都唔錯，感覺到餐廳係有心小店。…Read More

細細個已經中意食餃子，香港亦都唔少好食嘅餃子鋪。但除咗食餃子，好多餃子鋪都會主打靚湯，依家亦都唔例外，亦都做得幾出色。我叫咗元貝豬肉餃10隻，女朋友就叫咗龍鳳松茸餃10隻。另外叫咗涼皮，手拍青瓜，同皮蛋。元貝豬肉餃如果要比分的話，我會比10分滿分。首先用料好足，隻隻都好大粒。另外，真係食得到好多元貝喺裏面，望落去都望到元貝絲，個味道仲要好出，每一啖都好好味。但係在想講講，就係碗湯。飲得到係冇味精，清甜，重粉葛味，下火既良品。龍鳳餃我食咗一兩隻，味道有啲似黑松露嘅感覺，幾好味。皮蛋切得大小岩岩好，食落剛好。總結：一定會再嚟食過，主要都係會食返個元貝餃同飲啖靚湯，又健康又美味。…Read More

聽朋友講九龍城除咗泰國嘢食，仲有依間台灣嘢食都唔錯，所以今晚去左試試佢。叫咗個滷肉飯，鹽酥雞扒面。小食叫咗個蚵仔煎，嘢飲叫咗個芝士奶蓋阿華田。舖頭裝修精緻，坐位尚算闊落，有好多值得打卡嘅位置。滷肉飯味道唔錯，有味得來唔會好鹹，分量亦都好好，唔怕唔夠滷肉撈飯，仲有半隻滷蛋。鹽酥雞扒，我可以話大塊到非常誇張，上枱嗰陣時都嚇一嚇。雞扒外脆內軟，肉汁鮮嫩。但最想講講嘅係個面嘅湯底，好好飲，清甜，有少少藥材味道，好味。湯底嘅蘿蔔亦都好淋好入味。蚵仔煎之後比較似港人口味，有啲似奄列，蚵仔落足料。芝士阿華田奶蓋幾特別，出邊都係通常飲芝士奶蓋茶，份量的話，就非常夠啦，味道幾好，下次黎會試其他奶蓋。:)總結：嘢食同飲品都非常好，唔怪得知有咁多個like。亦都發現原來九龍城唔單止有好味泰國菜，仲有好味台灣嘢。…Read More

今日嘅晚飯黎到尖沙咀，揀咗呢間，環境幾舒適，夠晒chill嘅餐廳。叫嘅嘢食並唔多，但都夠晒飽，有飽足成晚嘅感覺。分別叫咗個海膽蟹肉闊條麵同德國鹹豬手。嘢飲我叫咗杯mocktail try try, ginger and tonic. 闊條麵用料豐富，有蟹肉，海膽，三文魚子，蕃茄仔同芝士碎。忌廉同芝士非常掛麵，淡淡都食到蟹肉加三文魚子嘅感覺。海膽就有兩大舊，食落一啲都唔失禮。德國鹹豬手就有酸菜同薯條，有茄汁同埋芥末醬。我覺得豬手整得非常好，外皮脆到不得了，但裏面啲肉仲係好柔嫩，少許粉紅色，仲保持到個水份。薯條亦都非常新鮮好味，口感極佳。嘢飲味道有少少似薑味汽水，但唔會好甜，微微嘅酸味，幾好飲。總結：場內環境幾好，嘢食亦都幾好味。款式多選擇，下次黎會試唔同嘢。…Read More

今日本身開開心心去長洲玩，點知食到甘永泰魚蛋，心情一沉，希望唔好影響到之後嘅心情同旅程。事件是咁的，見到佢一串串唔同嘅嘢食放咗上枱面，叫咗一串之後，佢拎出嚟擺喺個鐵盤上面，我問佢，食得㗎啦？佢話係。再者，食落去係唔熱嘅，然之後再見到佢有幫其他客返熱。我知我嗰舊已經食咗，好難再為我個串返熱。但一開始係咪都可以問吓我一句，需唔需要返熱呢？總結：啲油鯨晒係豆卜都，服務態度又差，$20買個難受，不食也罷。…Read More

之前聽朋友講有間餐廳好得意，因為佢主打CBD，對於唔清楚咩係CBD嘅朋友，可能呢度要稍作解釋先。CBD係大麻提取出嚟嘅化合物，係合法嘅，亦都證明咗有治療同放鬆嘅功效。而依間餐廳就喺嘢食上邊落咗CBD，真係非常有趣同一大特點。一入到餐廳，成個氣氛都好chill好relax，座位亦都好闊落。總之就係舒服到爆啦覺得。嘢食方面嗌左帶子蟹肉牛油果他他，鐵板青咖喱安格拉雞卷，日本芥末忌廉香煎廣島蠔闊條麵，甜品叫咗流心芝士撻。帶子蟹肉牛油果他他擺盤非常漂亮，份量亦都幾好，兩個人食就啱啱夠啦。已用了上面呢亦都冇揸流攤，帶子同埋蟹肉都非常多，食落去仲要食到切粒帶子嘅鮮味，他他上面仲有三文魚子，再加上個黑醋汁，食落去真係好開胃，甜甜酸酸，咬爆三文魚子個刻有返啲鹹味，中和得幾好。我放啲他他落去薄多士上面，又吹又軟，係一度唔錯嘅前菜。鐵板青咖喱安格拉雞卷青咖喱都有啲辣，我就覺得啱啱好，但如果唔係好食得辣嘅朋友就小心啲。雞卷外皮整得啱啱好，唔會話淋晒，少脆。雞肉冇overcook，配料仲要非常豐富，有三色椒同埋翠玉瓜。雖然冇個前菜咁出色，但其實都好好味，鍾意食雞卷嘅朋友不妨一試。日本芥末忌廉香煎廣島蠔闊條麵整個配搭都好夾。芥末同埋忌廉嘅份量啱啱好，令到兩隻味都好出。掛汁既闊條麵好吸引，食得出闊條麵煮嘅時間好好，好有咬口。廣島蠔剪到啱啱好有少少燶邊，蠔味濃郁，配搭芥末忌廉嘅味道，就更顯特別。順帶一提，原來仲有少量三文魚子，令到整個闊條麵層次更加豐富，更多元流心芝士撻我覺得呢個流心芝士撻，可以稱得上係今日嘅冠軍。先講講價錢，只係$48，出邊甜品舖都未必做到呢個價，但依度嘅芝士撻係物超所值。唔單只係即焗，而係焗得出色。一上枱仲係熱辣辣，要即刻食，外皮感覺就好似牛油曲奇咁嘅味道，裏面啲流心芝士好濃但甜味同鹹味都好適中，其實就咁食個芝士撻都已經100分。但睇得出餐廳知道客人有機會覺得太膩，所以喺擺盤上提供左士多啤梨醬同士多啤梨，如果覺得太重口味，仲可以即刻refresh返，冠軍非佢莫屬。最後想講講兩杯嘢飲，一杯係Oreo雲呢拿沙冰，另一杯係熱情果柚子伯爵茶梳打。第一杯如果鍾意飲麥旋風味道嘅飲品，我會好建議，賣相亦都非常吸睛。第二杯我就覺得幾特別，可能坊間都唔係話特別多伯爵茶嘅特飲，熱情果柚子加伯爵茶，飲落去非常清新，唔會好甜，earl grey味道亦都好出。順帶一提，食完真係會有少少眼瞓，感覺的確係幾relax嘅，畢竟成個環境都已經令人好relax。如果係失眠嘅朋友仔，不妨感受完美食之餘，再瞓番一個好覺？總結：絕對可以再嚟，兩個人有好約埋一班朋友都好，我覺得都會係一番好嘅體驗，食物如是，飲品如是，旅程如是。…Read More

今日嚟咗荃灣食晚飯，係食我最心愛嘅日本嘢。呢間餐廳都幾出名，相信唔使介紹，除非一早book定枱，如果唔係都幾肯定要等位。每人一個丼飯，分別係吞拿魚丼定食，火炙魚生丼定食。定食有前菜，有中華沙律，沙律，麵豉湯，但唔係重點。吞拿魚丼分別有拖羅蓉，赤身，中拖羅，大拖，各兩件。放到滿滿，有少少菇同紫蘇葉做配菜。吞拿魚好新鮮，大拖羅魚油爆滿，好滿足。火炙魚生丼材料非常豐富，但呢度主要想講趕火炙白身魚同碟邊魚。兩種魚非常適合火炙，油同魚香出晒嚟。另外仲叫咗燒油金魚鮫，外皮脆，魚肉水分冇流失，岩岩好，都好大舊。蘿蔔蓉加埋啲汁，少少酸，點完之後更加開胃。食完丼飯怕太涼，食啲熱野中和番。叫左仙風趾真蠔，$88一隻，都值得。成隻蠔偏長身形，好大隻，我女朋友要分開兩啖黎食，我就覺得一啖先係真正嘅食法。整體來講，好清甜，少少礦物味，感覺非常清新，好正。最後仲嗌左兩舊壽司，一舊係劍魚腩，另一個係甜蝦。兩舊都好高質，壽司飯整得好好，大細岩岩好，食落好舒服。劍魚腩魚油爆曬出嚟，好似食咗好耐咁樣。甜蝦一啲都唔膠，新鮮，仲要係大隻甜蝦。總結：下次我應該會主攻壽司，因為質素唔差，價錢合理，食完會有再食同埋會記得嘅感覺。…Read More

今日去咗尖沙咀食飯，上OpenRice睇到依間好似唔錯，所以嚟咗，發現嘢食質素唔錯喎。想講講我杯嘢飲同埋嘢食。我就叫咗杯Old Fashion, 幾特別，橙皮係杯whisky 裏面，比起加橙汁，味道更出，別有橙味。叫咗半打生蠔，精選即開，$178。有個仲貴啲嘅，但今次試吓個平啲嘅先。好在，呢個價位已經夠高質，六隻蠔冇一隻係伏，隻隻size都幾大下，味道鮮甜同比較creamy，餐廳仲提供左三種醬汁，有柚子醬，泰式醬，cocktail醬，隻隻都好好味。柚子醬可能未必個個都接受到，但如果鍾意淡淡清香同清新味道，就會覺得好正。另外仲叫咗個龍蝦意大利飯，龍蝦汁鋪面，食得出龍蝦係新鮮嘅，因為非常易去肉，同埋睇得出隻龍蝦係即烤既，水份仲keep到，都唔錯，因為烤龍蝦真係幾難保持個肉質。成個意大利飯，每一啖都有龍蝦汁送，幾入味，幾好食。總結：下次嚟可以嗌特選即開生蠔，我估應該更加震撼，the world is my oyster.…Read More

今日去咗堅尼地城上堂，上完就要搵晚飯食，搵吓搵吓就搵到依間食串燒而又幾啱feel嘅餐廳。成間舖頭偏工業風，有格調得黎又幾年輕。嘢食就主打串燒，我就叫咗雞心，雞腿肉，牛舌，廣島蠔，帆立貝，雞腎，燒大鱔，原條茄子，秋葵，蘆筍，嘢飲叫咗杯mocktail, 名叫Kelly green同purple rain, 幾清新。嘢食主要想推介燒大鱔，雞腎，原條茄子。燒大鱔肉汁豐富，魚味濃郁，有啲似食緊鰻魚嘅感覺，但係冇咗燒汁味，所以識落更加原汁原味咁樣。雞腎，呢度嘅雞腎我係強烈推介，平時食嘅雞腎，高質素的話，裏面嘅肉仲係彈牙，但係外皮有機會會燒得比韌較同硬。但依度嘅雞腎係成粒都彈牙，由外到內都係咁樣，所以一咬落去，就已經好難忘。至於原條茄子，分別就係在於平時會蒜蓉燒，呢度嘅茄子就唔會食到你口臭，少少嘅調味都唔會令你覺得好dry，食到茄子嘅鮮味。至於嘢飲方面，杯嘢飲真係有奇異果同埋青瓜，有得食埋，飲落好解渴好清新，如果唔鍾意飲Cocktail嘅朋友仔，可以試吓依杯。總結：可能堅尼地城會有啲偏僻，但如果咁啱經過或者嚟到依度，都可以黎依家試吓。最後，一定要叫雞腎。…Read More