bouji's Profile

已不是第一次光顧。每次食物質素都唔錯。午餐$128包主食，兩個小食同一杯飲品，no complaints 啦。餐廳環境又靚，好有殖民地特色。係德福少有優質餐廳。值得推介！…Read More

上一次試過整體感覺已經麻麻地，今次再試，等咗成45分鐘先入座，已經有啲忟忟地，入到去，見到勁多吉檯，唉，嘥我啲時間！點咗個炸魚配牛油果醬牛角包，個賣相已經麻麻，食落仲大鑊，炸魚好鯹，牛油果醬仲配芒果，個味好怪，個牛角包竟然烘底，得個乾字。咖啡還可以。老實講，人均超過$200 食哩啲質素，出面真係有好多選擇! How to live well? 如果哩間餐廳想教人生活得好啲，佢deliver 出嚟嘅野仲差好遠，要努力改善食物質素，否則好快被淘汰！…Read More

我唔係第一幫襯連文記，過去咁多次都冇問題！今次叫嘅冬菇花膠米粉亦唔係第一次食。我地一食個冬菇已經食到有叔味，試第二舊一樣有叔味，即刻同侍應講，佢話哩隻冬菇係咁，今日賣咗好多，都冇人話有問題，就咁打發我。 OK我唔同你嘈，我出去埋單時，我再講你d冬菇係叔咗，我唔係第一次食，佢話佢係知d冬菇有d味，我話咁你同事仲咁答我！這就是真正嘅連文記！食物中毒係可以預防嘅，明知食物有問題都照賣，就冇乜良心囉。我唔會再幫襯。…Read More

1288二人餐以為可以食番餐鮑魚前菜無得彈可惜之后無樣啱獅子頭配一粒飯廚房係咪唔夠飯奶油芝士大頭蝦個汁𠍇過carbona南瓜花膠哩啖湯飲完完全唔疏乾XO醬稻庭烏冬食茶記我仲輕鬆秘製肉末青瓜片差d辣到我斷片所謂必食片皮鴨又肥又油點Q吔紫薯燕窩燉鮮奶中規中矩冇野瀨1288食哩d希望羲和認真d侍應反應著急d我諗我會gur一d…Read More

人人都話東寶好，親身試驗有幾好，點左六餸逐樣數，完全無一樣野好。咕嚕味道唔討好，粟米魚塊無味道，二百八十半隻雞，高級洒店都食到，香草豆腐無質素，椒鹽鮮魷就更糟，蒜蓉豆苗算做到，可惜分量細碟到，最後食咗成千銀，真係想拍枱走佬，簡單而言食哩d，市面一定有更好，唔黎絕對無走寶!…Read More

同一地點，幾年之前，試過一次，味道奇差，服務不周，近哩幾年，絶無光顧。今日偶然，重遊舊地，心𥚃想著，人誰無過，經過幾年，或有改進，一試無妨。六半入座，五分鐘后，已經點菜。再五分鐘，五樣餸菜，全部送上。上菜速度，佢係第一，可惜味道，恕我直言，上次好差，今次仲差！XX姥姥，XX婆婆，好食過佢，絶不誇張。有兩個菜，一定要講。蟹粉湯包，味道奇鯹，詢問侍應，佢話係鯹，正常不過，叫我不如，多加薑絲，蓋過鯹味。到擔擔麵，毫無味道，麵條好長，撓埋一齊，食得辛苦！簡單而言，哩間餐廳，唔會再去。堂堂又一，揾個好D，絶不困難。哩個品牌，任你點改，花樣年華，明日黃花！…Read More

四時點菜，兩樣主食，一杯莫卡。咖啡先來，味道一般，半個鐘后，意粉才到，份量偏少，質素平平，再半個鐘，班㦸先到，味道下等，紙包蛋糕，好食過佢。等成個鐘，完全唔值。成間餐廳，裝修簡陋，抽氣唔夠，成身油味。簡單而言，準備不足，強行營業，實屬趕客。盡快檢討，否則繼續，只會更差。…Read More