Bianko's Profile

食物不錯，環境好舒服和放鬆。屯門分店第一次去，位置好格zip,在地下Aeon 再入。入到去坐又好舒服，好寧靜。一人combo 有salad+main+飲品+甜品，好夠飽，都幾好食。咖哩的話，有少少鹹。炸豬扒方堡好食，外脆內軟。價錢正常，例如一人combo$13x ,兒童餐$6x, 意粉類$7x +, 一般餐廳收費。食之前睇話cm,話員工服務未夠好，呢2次去都無咩特別，正正常常，反而有個叔叔收銀又幾有禮貌。會再幫襯…Read More

餐廳環境舒服，座位夠闊。食物精緻，飲品好靚又好飲，雪糕多士磚小朋友好中意。炒飯炒得幾好，粒粒分明煙韌，食物真係唔錯呀，上菜又快。樓面態度好正常，經理有禮貌，有提示樓面要留意既事。整體唔錯呀。:)…Read More

Dinner 價錢合理，由6:00食到10:30，食足4個半鐘。職員有善態度好好，不斷refill 食物（燒鵝除外，只有1round)整體食物都好食，款式多，座位好寬敞，坐得舒服，同鄰坐有點距離。冷盤生蠔新鮮冇腥味，蝦好大隻，龍蝦，蜆，螺，青口正常操作，不過今日唔見有蟹。刺身有吞拿魚，三文魚，希靈魚，八爪魚。。。。。新鮮。壽司無試，望落有5,6款 。仲好好多醃製既冷盤，沙律。沙律菜好新鮮好靚，芝士有4款，生果差唔多有10款。飲品有幾個雪櫃，有汽水，支裝啤酒。側邊有香檳。最多人飲一定唔係汽水，因為佢有手沖咖啡，多款即沖手沖飲品，有幾款熱茶（用保溫壺裝，keep warm好細心)，仲有膠囊咖啡機，果汁。甜品有好多款，高質有水準。個紅莓朱古力蛋糕真心高質，tiramisu 個咖啡係咖啡果凍黎，幾好食。巴斯克蛋糕一般，因為唔夠滑。斑籣蛋糕個樣平平無奇但又幾好食，有驚喜。雪糕有6款，無講咩牌子，其他蛋糕都好味全部都食哂。如果有waffles 食會加分。另外有candy corner.熟食好多款，個人鍾意去左皮既燘芥蘭，羊架，豬肋骨，鐵板燒，pizza，強烈推介法式千層蔬菜，真係好出色。仲有蒸龍蝦，烤蒜，烤雞，三文魚粉絲同tempura都好好味。炸物個人不喜好。有好多款式，唔記得左仲有咩...粉麵佢個手打麵好爽滑，係自家製。料可以揀龍蝦，海蝦，魷魚，同其他常見材料。強烈推介佢既喇沙湯底，好好味。Btw 想食意粉，但全場都無提供意粉。湯/粥一款蔘雞湯，好似滴雞精，幾濃，不過油。有海鮮粥，正常操作。無offer 西湯。麵包4款軟包、雜糧包、脆皮包、麥包，最好味係軟包，好香牛油味。整體10分滿分我比8.8分。…Read More

Encore 左呢間好多次，因為真係好好味！試過松露啡菇漢堡，個咖啡菇好Juicy,松露醬加生菜一齊食，一啲都唔油膩。雞扒漢堡，塊雞扒好厚好大塊，唔油青醬吉列蠔意粉，味道好好，蠔嘅味道正正常常。黃金雞塊，一般般。食物種類都好多，店員好有禮貌。值得推介，大家去食…Read More

自取外賣一碗豬頸肉魚湯米線，一打開，嘩！碗嘢好似俾人食過咁款，$54得果幾條豬頸肉，可憐到呢～加埋都唔知有冇半塊豬頸肉㖭啊。啲米線少到哭出來，可以媲美兒童餐嘅份量。平心而論味道唔係好差，係味精味重咗少少。不過講到份量的確過分左，唔係少少😏附近同區米線店，平過佢，大碗過佢，足料過佢，味道都好過佢，食譚仔都冇咁嬲～講真！以前食過呢間嘢，正常份量，依家少得太過分！咁嘅價錢，咁嘅份量，仲話係屯門名物！真係得啖笑！…Read More

今日晚上6:45 order 一份意大利雲吞，一份煎鱈魚，耐心等到7:15仲未上餐，追問一位waitress:「唔該，有2份餐未到。」waitress重複我嘅說話一次：「有2份餐未到？」重複完就行開咗，無講話會跟進。其他俾我遲嚟嘅，客人都已經上咗餐，差不多食完。直至7:30, 有另一位waitress話個餐準備緊。我已經等左好耐，諗住等到7:35個餐仲未黎就叫埋單走人，因為要趕住返工。7:35分個餐仲到，咁我點就請一位waiter幫手埋單，我同waiter講啲食物冇嚟過，佢竟然覺得奇怪。最後啲嘢食7:37先到。其實你漏咗單咪講囉，完全一句都冇交低，職員態度不知所謂。呢間嘢食物唔差，但服務態度真心垃圾。…Read More

今天叫外賣，叫左6個甜品，黎少左一個，打極舖頭電話都冇人聽，實在太過分。正一垃圾舖頭。其中嗌咗一個綠豆豆腐花，一打開個面起晒泡。究竟發生了什麼事？士多啤梨木糠布甸冇木糠。忌廉打到太實好難食。雙拼西米露，完全冇糖味，建議嚴重糖尿病嘅客人可以食。三拼黑白涼粉，亦是淡而無味，又唔捨得落花奶。朱古力雪糕罐，味道正正常常基本上都唔會錯。呢間舖頭食物質素求其，服務質素九流。建議全個屯門冇晒甜品舖先嗌佢。…Read More

今日公眾假期，附近食店都好多人，見芝味屋無乜客，就入去試吓，環境都幾闊落，冷氣夠哂涼。Set dinner 只有4個choice咁多, 叫左個炸雞飯，等足30分鐘先黎。隔離枱既人客不論係黎先定黎後，都係同一時間上個炸雞飯，唔知廚房係咪儲埋一堆單先開爐炸雞呢？個炸雞炸到燶哂都夠膽俾客食，都廢事叫佢換，再等又30分鐘，真係耐過去飲！另外叫左個芝士撈麵，呢個上菜時間快d,25分鐘就有喇😏成個撈麵乾到爆，仲乾過呀婆塊皮咁，一夾就一餅野咁夾上黎，即係要擘到個口勁大咁食。如果大家有時間都可以去呢間hea 吓，冷氣夠，又坐得耐，唔錯！…Read More