bak123的个人专页

大埔墟好多隱世小店，真係橫街窄巷隨時都有一間高質小店。呢排成日OT,有日又係八、九點先收工，就決定去大埔墟搵食，慰勞下自己。呢間一鳴丼食堂其實留意到佢好耐，門面超級有日本氛圍，木門、門簾都好還原日本風情！入到去見到咁夜都仲有一檯客，我就拿拿臨揀嘢食唔好阻人收工個menu真係好有心思，全部都係手繪風嘅食物，以為自己去咗台灣文青cafe!因為好鐘意食左口魚，所以我都即刻決定咗叫一個四重火焰盛，再加一份三文魚腩刺生，話咗要慰勞自己丫嘛！嘢食上檯真係哇一聲！圖片與實物冇十成都有九成相符，就係咁浮誇！刺生真係好肥美，口感細膩魚生丼俾料一啲都唔孤寒阿！有三文魚、帶子、左口魚同埋芝士蟹柳，每種魚起碼都有3片以上！睇佢細細碗，但其實真係好足夠。食到飽飽咁滿足地離開。…查看更多

呢日難得放半日假，就同同事去觀塘極上大喜屋食放題。眾所周知，觀塘都有好多好嘢食，但估唔到呢間會有咁多人去食，好彩早啲上去攞位，如果唔係，就冇辦法享受到呢餐美酒佳餚啦！作為魚生迷，我就梗係order咗好多魚生，啲魚生絕不欺場㗎，魚生片片都好厚，各款鮮味都突出，當日嘅三文魚尤其出色，鮮甜得來又Juicy，所以我哋後續都嗌埋三文魚壽司。除此以外，佢哋嘅串燒都好出色，我哋尤其推介雞軟骨，餐廳做到剛炸好便送上枱，加上調味，鹹鹹的，啱晒鍾意食炸物嘅朋友們。另外佢嘅牛舌串燒亦都一定要嗌啊！咬落去充滿牛味，又唔會覺得油膩，我哋最後都encore左幾碟。佢好食嘅食物唔知以上講嘅幾款，寫到呢度，我都好期待下一次再去食啊！…查看更多

一直都有留意到呢間「果子」，由招牌到餐廳室內都好文青，不過平時好少會過太和食飯，今次終於的起心肝同媽咪過黎嘗鮮！入去個陣人唔算多，檯檯凳凳都係木為主，有一啲植物、掛畫裝飾，環境舒服。無骨海南雞媽咪最鐘意食海南雞，我地兩個人叫咗半隻。份量一啲都冇欺場，雞有連埋一碗飯，我地緊係揀咗油飯啦！油飯入口軟糯有甘甜味，媽咪讚不絕口呀。至於雞肉上檯係少少凍，肉質唔鞋口，口感係嫩滑嘅！本身我仲驚兩個人半隻太多，點知轉過頭就掃哂半隻雞軟殼蟹火山包呢味係果子嘅招牌特色菜之一，係餐牌一見到佢就即刻決定要order!上檯個陣我真係哇咗一聲，材料十分豐富，絕對同照片相符。除咗大大隻軟殼蟹外，有青口、蝦、蜆，農夫包焗到脆一脆，點埋佢個特製醬汁，惹味到停唔到口串燒拼盤有豬頸肉，同牛雞豬串燒各2串，兩個人share絕對夠食。串燒中我認為牛肉最好食，肉味夠之餘個沙嗲汁絕對有加分！嘢飲我地都係揀咗fresh d嘅梳打。香橙梳打有好多應該係橙皮係底架！橙味夠濃又有咬口，食邪惡嘢用黎解膩一流！仲有好多菜色未試到，有機會絕對會再黎！…查看更多

平時係大埔太和行出行入都會見到呢間木屋大排檔，當屋企人就好少機會過太和食飯，今日就約埋朋友一齊試下呢間已經屹立於大埔好耐嘅泰國菜！個名叫大排檔，其實入面裝修風格完全唔係大排檔座位好闊落，當日坐係門口第一排，開門關門會有少少熱，不過影響不大。鮮蝦炒金邊粉同朋友食第一啖都有種驚喜感覺，乾濕程度啱啱好，金邊粉口味偏甜，啱哂我同唔食辣嘅朋友。馬拉盞通菜係連個細煲仔一齊上的，通菜炒得好淋，夠惹味豆腐卜墨魚滑呢個小食十分脆口，怕熱氣同朋友share就啱喇，個汁係偏鹹，如果係有少少甜酸相信會更加夾！飲品方面我揀咗脆爆芒果園，而朋友就揀忌廉泰奶。上一檯我地都嚇一跳，超大杯鐘意超濃芒果嘅朋友千祈唔好錯過，芒果味又濃又香甜，好似直接食緊芒果咁！總括而言，份量十足，價錢公道，絕對值得一試！…查看更多

德美位置離屋企比較遠，所以之前都未食過。自從有次同同事落黎食過一次lunch之後，我就成日都念念不忘，好想過黎食飯。午市冇加一，每個lunch set都會有湯、沙律、茶碗蒸同埋甜品。當日係同媽咪黎食，我就獨孤一味，照舊嗌我最愛嘅吞拿魚茸飯。三文魚籽同生嘅鵪鶉蛋係畫龍點晴之筆，吞拿魚茸俾得一d都唔小氣，醋飯亦都有加入到飯素拌勻，食落會帶點鹹香。媽咪就揀咗是日推薦嘅三文魚+吞拿魚茸望落去材料大同小異，只係鵪鶉蛋變咗做溫泉蛋，青瓜同大蔥就變咗沙律菜。整個組合似乎比起吞拿魚茸飯遜色，果然我嘅眼光係比較好 佢魚生/熟食都好多選擇，推薦俾大家，值得一試。…查看更多

屋企人個個禮拜都起碼去大埔墟熟食中心食早餐一次，有時食魚蛋粉食到悶，我就會揀林記嘅蒸牛肉飯。呢塊牛肉餅同點心嘅牛肉球，無論係口感、味道上都好唔一樣架。牛肉飯嘅牛肉比較彈牙，少咗"軟淋"但多咗結實嘅口感，飯大部分時候都係粒粒分明，有時候唔好彩焗耐咗，就會覺得黏成一團，太濕。燒賣一向都係大大粒，豬肉同蝦好鮮味，有時候我一個人食3粒都嫌唔夠。佢嘅蝦餃都係皮薄餡靚，不過通常我都會買燒賣，因為食落鐘意啖啖肉。…查看更多

Beans一向人氣高企，平時間唔中都會同班同事落黎食lunch,好彩我地lunch hour提早咗，唔太需要等就可以入座。講真beans嘅lunch一開始我都試過幾款，到後來每次黎都只會嗌一樣嘢-手撕豬仔肉漢堡！豬仔肉撕成條狀，被又香又惹味嘅燒烤醬包裹，入面夾帶些許煮到軟哂嘅洋蔥。漢堡仲有太陽蛋同生菜，漢堡包體脆得黎有d硬度，同軟淋淋嘅食材好夾。呢個set仲有大量薯條同沙律菜，係成個lunch menu入面我本人覺得最抵食嘅一款。自從愛上咗呢個漢堡後，我去beans冇再食過任何其他嘢同事/屋企人話想同我share其他嘢食我都完全冇興趣…查看更多

講起大埔東記應該大部分人都諗起係大埔墟熟食中心個間東記上海麵，有日經過廣福道，發現開咗一間新嘅東記！興沖沖即刻同同事約落黎「嘗鮮」，係熟食中心個間東記就幫襯得多，唔知呢間新嘅有冇咩唔同呢？入到去冷氣好夠，座位之間都十分闊落，比起熟食中心多咗幾分舒適。食東記當然要食豬扒或者雞翼啦，我當時揀咗豬扒拼菜肉雲吞，講真係第一次食佢地炸物以外嘅嘢。一上檯即刻覺得好抵食，雲吞有成4粒，大大粒好飽滿，而豬扒一如既往，脆口外皮同結實嘅豬扒，啖啖肉夠哂滿足。…查看更多

間唔中就會三四個人一齊入荃灣打牌，當晚都係因為打麻雀而入黎，住係到嘅朋友之前推薦過呢間日本嘢，今晚我地其中兩個就決定買呢間外賣上樓打牌三味三文魚丼我地兩個揀咗同一樣嘢，就係三味三文魚丼，分別有三文魚刺身、黑椒三文魚，以及三文魚茸。開頭都驚佢會唔會好細片，或者刺身份量好少，點知返到去打開真係驚喜。每片三文魚都係大大片，魚料多到可以cover哂成個飯。黑椒三文魚係出面比較少見，比起普通三文魚刺身多咗黑椒少少辣味，而三文魚茸係有醃過嘅，味道正常。除咗個丼以外仲可以揀一樣小食，我揀咗三文魚手捲，朋友就揀咗芥辣八爪魚。食完個丼其實都好飽，同埋好多飯，建議大家唔好再揀手捲類小食…查看更多

同朋友係旺角睇戲，揀咗位於戲院附近嘅呢間丼燃食堂。由menu、店內裝修、甚至連玻璃水杯都好有設計感，真係有種去咗日本嘅感覺。焦糖三文魚卷一上檯個陣，店員會用火槍燒著碟上面嘅白色粉末，同朋友研究咗一陣都唔知個d係咩粉末，哈哈！三文魚卷表面有香脆嘅焦糖，灸燒過嘅三文魚充滿油脂香味，呢個搭配點都唔會輸啦！虎燃丼我地食個陣係lunch hour, 我同朋友都係揀咗虎燃丼，入面有三文魚、甜蝦、蟹柳同蟹籽，而醬汁方面我揀咗明太子醬。醋飯偏淡，配上鹹香嘅明太子醬啱啱好，至於魚料就一般貨仔，無驚無喜，合格過關。…查看更多

朋友仔呢排間唔中會去馬鞍山返工，當晚就約好係馬鞍山食飯。呢排keep住落大雨，呢間burger店鋪面細細，只有一張窄長嘅bar檯，最多夠坐三個人。以做外賣為主，我地食嘢期間外賣order完全係停過，人氣十分旺。我地叫咗兩個set，每份都係一個漢堡+一份小食+飲品。單層sick burger(牛肉）牛肉漢堡煎到超級香，麵包胚鬆軟，搭配pickle、cheese同埋少少沙律菜，簡單又滋味。炸魚漢堡雖然炸魚本體同平時食到嘅漢堡差唔多，但個sauce就有驚喜！類似青木瓜沙律嘅醬汁，中和炸魚嘅熱氣油膩，食到真係想叫佢多醬阿洋蔥圈及蕃薯條洋蔥圈份量唔多，味道正常反而蕃薯條望落去平平無奇，但炸得有少少焦香，反而愈食愈香口！Staff都好有禮貌好nice,如果有機會都想再黎食過…查看更多

當日同朋友去Mega Box睇戲，本身講好咗買完戲飛先覓食，一落車突然醒起九份飽就係淘大，點解唔去食呢？！即刻拉住朋友衝向九份飽！本身最愛都係雞排或者排骨魯肉飯，不過呢排太熱氣，我地就冇叫到。擔仔麵第一次係呢度叫擔仔麵，麵入面有半隻滷蛋、一隻蝦、一粒貢丸，台味十足。鹽酥雞一片九層塔作點綴，雞炸得外酥內嫩，熱辣辣好惹味。海苔肉鬆起司蛋餅蛋餅真係我嘅all time favourite，外表煎得脆脆，辣醬同醬油膏搭配得好好，朋友都讚咗幾次佢個醬好食！每次黎九龍灣都好想食九份飽，最愛蛋餅！…查看更多

是日同friend黎到中環補影admission相，天氣開始轉熱，不過我地一早傾好要黎呢間食拉麵。睇門面真係唔似拉麵店，入到去燈光比較黯淡，餐檯、餐椅都係黑色為主調。朋友揀咗金鶴雞白湯拉麵，而本人就揀咗一向比較鍾意嘅黑蒜醬油拉麵。雞白湯拉麵上菜嘅時候即刻吸引住我地嘅目光！湯底望落去已經十分濃郁，陣陣雞湯香味散發出黎，試飲咗湯底一啖嘅我當時都有啲後悔冇叫到雞白湯。黑蒜醬油拉麵相對起來就顯得失色，好彩肉量搭夠，兩片雞胸肉滑嫩juicy ，叉燒大大片味道正常。絕對推薦大家試下佢嘅雞白湯拉麵，仲有唔同口感（例如creamy)選擇！…查看更多

呢間大元邨美食平台新開嘅富山居，已經食過幾次。早餐水準keep到之餘，價錢合理，CP值頗高。十勝豬扒包豬扒巨型得黎又juicy、厚切口感一流，份量十足。唔會煎到太乾而鞋口，豬仔包焗得鬆軟，入面有洋蔥，同少許燒汁、黑胡椒，整體十分惹味，口感豐富羅勒蕃茄通粉+牧場吐司+炒蛋湯底濃郁夠哂味，食到粒粒蕃茄，仲帶有羅勒嘅香草味牧場吐司，類似丹麥酥嘅吐司，偏向酥軟而非酥脆，食落會好香牛油味炒蛋則略嫌份量較少同埋炒得好散…查看更多