zxcasdyou's Profile

📍 石門豐鍋雞煲 最近去咗石門豐鍋雞煲。環境舒適，服務貼心，店員會幫你炒雞煲。最重要係食材新鮮，湯底濃郁！🍖 極品本地手切牛頸脊牛頸脊切得厚薄適中，肉質嫩滑有彈性帶有濃郁牛肉香。🥩 頂級安格斯牛小排安格斯牛小排係高質之選，油花分佈均勻，入口軟嫩多汁。🐑 羊肉片羊肉片新鮮無羶味，薄切得啱啱好，煮熟後嫩滑可口，沾點自家辣醬，味道更上一層樓！🥟 自家制響鈴 (必試)夠晒脆，同埋非常多層！🍃 牛柏葉牛柏葉新鮮爽脆，涮熟後口感依然彈牙。🍡 十優狀丸(No2 必食)包括有黑松露丸、墨魚丸、蝦丸同魷魚丸。蝦丸非常新鮮彈牙！石門嚟講依間打邊爐算係依度最高質！…Read More

🌙✨ Shahrazad Lebanese Dining Lounge & Bar — 中環黎巴嫩風味之旅 🥙🍷位於中環成個feel好似同阿拉丁食飯咁。一入門，裝潢充滿阿拉伯異國情調，金色吊燈、花磚、絲絨坐墊，有濃厚中東氛圍。配埋 Lounge 音樂，感覺真係 幾chill。而且仲有。dancer跳舞氣氛一流。📍地點方便，氣氛一流，適合約會、朋友聚會或者想試啲唔同口味嘅你。性價比高，食物有誠意，服務亦都親切，會再去！…Read More

【#九龍城火鍋 | 瀛鍋】呢間位於九龍城嘅火鍋店「瀛鍋」，主打中日火鍋料理。有刺身同海鮮！肉類選擇超多元~仲有私人包房可以開Party，最啱生日/ 聚會打卡！推介菜式包括：•特選刺身拼盤|帶子、希靈魚、鮪魚等一應俱全，而且十分新鮮！•酥炸蝦餅|新鮮炸非常脆口！•牛豬羊拼盤|有本地牛+澳洲牛＋羊• 手工魚餃|賣相精緻，而且大大粒好滿足！•新鮮魚卜|非常特別，有咬口！最窩心嘅係佢有代客泊車服務，適合駕駛人士。…Read More

今次嚟到土瓜灣呢間日式x西班牙fusion餐廳，食咗佢哋嘅 二人套餐，味道同賣相都幾好！✨ 二人套餐內容（Still Set for 2）：•西班牙蒜香蝦：蒜香味濃郁，蝦肉爽口彈牙，帶少少辣勁超惹味。•炭燒八爪魚：口感煙韌，炭香滲入每一啖，帶有海水嘅鮮味。•香煎鱸魚：魚皮煎到脆卜卜，魚肉嫩滑無腥味，配上醬汁更出色。•M6和牛肋條：肉味香濃，脂香滿溢。•蘋果金寶：熱辣辣嘅蘋果配上酥脆金寶面層，甜度啱啱好，食完超滿足。環境寧靜有格調，坐位舒適，非常適合情侶或朋友聚餐。…Read More

今個週末我哋嚟到東涌 Maison Du MEZZE，試咗佢哋逢星期六、日限定嘅 中東Brunch Buffet首先要試嘅係 Eggplant Salad，茄子燒得香口又煙韌，仲帶煙燻味，加香料一齊食超級開胃！之後係必食嘅 Turkish Egg，流心蛋黃配酸乳酪再加香料油，滑得嚟又有層次感，味道好有中東特色。海鮮方面都有驚喜，生蠔夠新鮮、凍蝦彈牙，酒店水準，唔係求其整嘅嗰種！甜品除咗熱辣辣嘅 Um Ali，仲有 Rice Pudding，香滑帶少少肉桂味，唔會過甜最正係場內仲有個 Bar枱，想Chill吓可以點 Cocktail / Mocktail…Read More

最近喺筲箕灣發現咗間性價比小店 TheStarred !鐵板美國牛封門柳配鮮菇燒汁（$130）鐵板上枱，加埋汁滋滋聲連香味都攻陷晒味蕾～封門柳夠晒厚，保留到肉汁，燒汁鹹香得嚟又有啲菇香。安格斯牛肉眼扒配黑松露燒汁（$200）夠晒大塊，食完一定好飽。表面燒得啱啱好，肉汁滿滿～黑松露香氣好突出！琺鍋慢煮牛面珠＋雜菜＋紅糙米飯（$80）牛面珠腍到唔洗咬，滷得入味又暖笠笠～連紅糙米心形夠晒打卡！最後甜品！西班牙巴斯克芝士蛋糕（$20）焦香面層＋濃郁芝味唔過甜，＄20算幾抵食！…Read More

呢間餐廳啲刺身真心新鮮，每塊都滑溜冇筋，擺盤又靚。海膽夠新鮮可以同日本嗰啲相比，配吞拿魚啱啱好，完全冇腥味，份量又唔會吝嗇，誠意十足。串燒就燒得幾好，外面微焦，入面仲係嫩嘅，調味啱啱好，不過仲有其他款未試，我諗其他都唔會好差。蕃茄海鮮湯幾開胃，酸酸甜甜好醒神，重點係海鮮落得夠多，大蝦爽口，飲落唔會得個湯，真係有料！天婦羅外皮炸得夠酥脆，唔會油淋。滑蛋鰻魚丼飯超正，鰻魚入口即溶，飯粒仲吸晒鰻魚汁，拌埋滑蛋食一流，最正係飯底仲有啲焦香。銀鱈魚西京燒都係亮點，燒得啱啱好，外層微脆，魚肉嫩滑帶少少油香，鹹甜味調得好掂。紅酒燉牛肉香濃夠入味，肉質超腍，配埋溫泉蛋一齊食簡直絕配！最後試咗燒酒柿打，帶淡淡梅子味，甜甜哋又易入口，幾特別！…Read More

尊貴海鮮套餐包含多款優質海鮮，每款都極具鮮味，簡單蒸煮已經可以帶出天然甜味，完全唔需要額外調味。龍蝦肉質彈牙，蝦頭仲帶少少甘香，入口鮮甜濃郁；青仔蟹蟹膏豐富，膏香四溢，蟹肉嫩滑；九孔鮑魚煙韌有嚼勁，滷煮得相當入味。韓國珍珠蠔厚身飽滿，一啖爆汁，蠔味濃郁；野生海虎蝦爽口彈牙，每口都充滿海水鮮味；新西蘭刀貝蛤肉質細嫩，微微帶甜，味道層次豐富。海鮮食材非常新鮮，每一款都能夠食到其天然原味。環境乾淨企理，蒸煮過程有專人指導時間，確保最佳口感。整體體驗滿足度高，特別適合鐘意海鮮又想食得健康鮮味嘅朋友。…Read More

今次介紹旺角性價比極高天婦羅店。餐廳設有分店。今次試咗旺角呢一間。店名捌加廿陸系取自日文嘅諧音。餐廳環境下層唔算寬闊。但設有樓上cafe用餐區。下層更可以睇住廚師即煮天婦羅。最推薦自選天婦羅套餐，可以自選麵同埋天婦羅。嗌幾多都可以自己選擇。而且價錢唔算好貴，基本上你係120蚊，一定食到好飽。唔想選擇嘅都可以試特盛天婦羅丼。份量都非常足夠。另外，天婦羅龍蝦大大隻超級滿足。熱辣辣上菜。而且食龍蝦頭都會上埋，可以打個卡。…Read More

今次嚟到燒肉801，位於尖沙咀。主打日式燒肉，餐廳以紅色為主題。入到餐廳唔會好大煙。座位都唔會好迫。推薦二人餐$498，有鹽味牛舌，入口彈牙！仲有黑毛和牛腹柳小排，有雪花紋，油花感會重啲，入口即溶嘅感覺。黑毛和牛上肩，肉質細膩柔軟。而最推薦就係呢一個極上厚切牛胸腹柳 ，因為夠厚同大嚿，保留到入邊嘅肉汁，而且好有口感，牛味濃郁。蔥鹽味雞腿肉，都算新鮮唔會有雪藏味。黑毛豚無骨小排，都好Juicy。另外仲有間飯同埋湯。飲食完都已經夠晒飽。…Read More

Biva 依間係位於黃竹坑southside嘅餐廳。由外國人主理。餐廳含有多國風情嘅食物例如意大利同墨西哥菜。而且餐廳仲有多種酒類飲品提供。呢度嘅Pizza種類都非常多，最推薦燒烤雞肉薄餅，上菜時已經非常香。上面亦都非常足料，芝士睇落超級邪惡。餅底夠香脆。另外都推薦招牌雞翼，上面會淋上BBQ醬，酸酸甜甜。龍蝦意粉非常大碟，龍蝦肉煮得啱啱好唔會好乾。飲品就點咗Zombie nation ，入邊包含咗多款酒類，但飲落一啲都唔苦好易入口。…Read More

潮城餐廳位於麥花臣側邊。需要行入內街先至見到位置偏僻較難搵到，所以餐廳唔算多人去。餐廳設有兩層而平日晚市第二層都未有人，想食得清靜啲，同朋友靜靜地傾偈嘅非常建議依間。餐廳主打潮汕牛肉火鍋。有多款肉同埋配菜可以食。想飲水的話，要另外加錢購買支裝水。推薦牛骨湯底，湯底夠鹹。店員會上醬料同調味料$68俾我哋自行選擇，非常有儀式感。食物方面:牛肉匙柄，上菜時已經好似大陸餐廳咁有一個好靚嘅擺盤俾你打卡。另外嫩肉嘅擺盤都一樣。二建議牛肉煮3秒就食，如果唔係牛肉會好韌。而且餐廳仲有好多丸同菜可以任君選擇。…Read More

今次想介紹呢間旺角老字號韓式燒肉店，佢哋而家營業時間仲會去到凌晨兩點！想食吓宵夜嘅朋友非常推薦呢間。入到餐廳已經好似去咗韓國咁樣，仲會播K-Pop，氣氛一啲都唔差。先會有韓式伴菜:泡菜、大豆芽菜、紫菜和酸蘿蔔，而且無限添加先係重點！而且店員會喺鐵板上面整爐邊蛋，我第一次食，但都覺得好好味。例牌要食嘅一定係呢個牛氣沖天和牛拼盤，分別有美國上肩胛肉、美國牛小排、美國下肩胛、日本A4背峰肉、日本A4上腦肉、日本A4牛肉眼、1++轉牛肉眼、澳洲和牛頸脊同澳洲和牛舌。肉質同味道一啲都唔差。韓式海鮮湯，入面非常足料。湯底偏辣，建議食得辣嘅朋友先點。另外仲叫咗韓式部隊飯。份量十足。店員仲會即場整埋俾我哋。酸酸甜甜非常推介！唔夠飽建議食埋呢個。…Read More

位於中環蘭桂坊附近西餐廳，餐廳環境非常有格調同氣氛。有吧枱，提供唔同嘅Cocktail或者moctail 而且設有戶外用餐空間，更加有氣氛。前菜有萵筍絲沙律$68鍾意食菜嘅朋友非常建議呢一個。赤背蘆筍$138，赤貝非常新鮮，調味有層次。最特別就一定係依個炭烤鰻魚$288，店員會即場用炭烤鰻魚嘅外皮。令表皮有淡淡炭燒味。肉質唔差，不過唔算大嚿。另一個最特別嘅就係竹炭麵包吉烈A4和牛$328。麵包鬆脆。而吉列和牛肉質軟腍，油脂味豐富。非常推薦呢一個。不過稍為覺得吉列嘅表皮會搶咗少少個味道。焦糖南瓜$88，上菜嘅時候覺得好一般。但係原來識落非常香。做到表層燒焦嘅味道。南瓜食落都好甜。Cocktail有Hutton jadeite$148 ，酒味濃郁，適合鍾意重口味人士。…Read More

今次嚟咗依間隱世酒店西餐。地點唔容易察覺，應該唔算多人知道。 餐廳裝修有格調同氣氛，而且有多種cocktail選擇。先講講食物。前菜吞拿魚牛油果泡沫他他配自製羅辣油，味道特別，食落百感交集。成碟菜食落酸酸甜甜。加上牛油果感覺非常健康。另外有帕馬火腿沙律。份量十足，而且火腿唔係臭腳味，加埋生果同埋沙律菜，夠晒飽。香煎牛封門柳，賣相一流，以牛來講價錢唔算好貴，肉質唔會好乾，點埋醬式味道唔差。和風醬油大蝦煙肉意粉，味道香濃。最後當然要試試呢度嘅Cocktail 。呢杯paradise 打卡絕對一流。味道就因人而異。個人比較鍾意重酒味。呢杯crimson samurai唔差，酒味濃郁。…Read More