大姐吃吃吃的個人專頁

見到食評唔錯，裝修幾靚諗住去試吓，點知中咗大伏叫咗菠菜汁煙三文魚意粉，點知冇晒煙三文魚俾咗啲疑似雪藏蝦，一啲都唔好食，成碟意粉冇乜味，最特別就係成碟都綠色最激氣最差嘅係嗌咗咁簡單一個意粉，居然等咗差唔多一個鐘先有得食，我明白係Cafe，我但係都係想食嘢先嚟嘅啫，等咁耐先有得食，餓到唔餓。隔籬枱有一堆人影緊相，跟住有個疑似老闆娘既人好差嘅態度大大聲叫佢哋細聲啲同埋執返好啲枱凳，真心覺得個服務態度有好大改善空間，個態度唔使咁衰，惡到黐線，有一枱有隻好乖無出聲坐係主人度既小狗，人地準備埋單先無啦啦發惡鬧人話唔得，之後又喺度鬧個後生個女員工點解俾人哋入嚟，個後生女員工服務態度好好，又好溫柔，會講唔好意思啲食物咁遲先黎，見到佢俾人鬧都覺得好慘。今次體驗好差，一定唔會再去。…查看更多

夜晚九點行過買咗三碗糖水外賣，成間舖頭冇乜人得三枱客，不過個阿姐超級差態度咁話夜晚外賣一定唔可以喺舖頭入邊坐低等，一定要企喺舖頭外邊條街度等，條街又熱又污糟，同埋因為出邊啲檔口好多執咗笠，有好多建築廢料同埋垃圾，實在唔明白舖頭入邊根本冇乜人都唔俾人坐喺度等，早知係咁寧願唔買，旺角大把糖水舖唔使搞到咁麻煩要喺條街企喺度呆等。其實講真如果佢一早講咗話買外賣要喺外邊等咁起碼會有心理準備知道再決定買唔買，而唔係買完之後先態度勁差咁逼你企喺條街等，講真一碗糖水外賣仲要加一蚊仲貴過你喺入邊食，感覺勁差一定唔會再幫襯。…查看更多

套餐百幾蚊有湯或沙拉，主菜同甜品，係抵既，總體味道唔錯。另叫左個炸芝士埋單每人唔洗二百，中環靚靚地既餐廳而言不算貴。餐廳新開不久，可能冇乜宣傳，當日中午只有我們一枱客，所以岀餐算快，服務都好好。…查看更多