幸福森巴豚's Profile

喺OP見呢間餐廳裝修幾得意，食物又幾吸引，所以book呢度同同事食生日lunch~ 點知勁尷尬囉，book咗12:30pm，我地早咗12:05pm前到達，接待嘅waitress叫我地等等，話張枱will be ready soon~ 當時ground floor都有其他人等帶位，ok咁我地都等啦。。。等到後來入嚟嘅客都被帶晒上2樓座位，我地都仲喺ground floor，於是問啦，個waitress竟然話枱係ready架，但因為我地book 12:30pm，所以只會喺約定時間15分鐘前先會被帶位(當時係12:13pm)。。。即係原來早到會被懲罰? 原來差2分鐘，就算張枱已set好、無人坐，都唔入得?後來幾句理論後，當然入到座，不過氣氛就無晒囉~ 真說話，食物係幾好食，2樓嘅waiter同waitress都好nice，唯reception失晒分，overall評分ok啦…Read More

公司附近有間gym, 入面有cafe~ 開頭以為玩gym先入得, 但原來cafe係welcome public架😀 星期日下午就試咗呢度, 裝修幾靚, 近窗邊有坐墊座位啱晒打卡~ 咖啡師推介三文魚扒同埋bagel, 於是叫咗🐟酸忌廉配三文魚扒伴甜辣小米:三文魚扒半生熟，外面少少脆，裡面剛剛熟仲有啲粉紅，魚油好香😋 🍩風乾牛肉貝果:bagel質感實在，風乾牛肉片的脂肪度比起常見的prama ham少，感覺無咁肥膩🐂☕咖啡 White:用日式杯盛載，加埋靚拉花，感覺好療癒😌咖啡香濃，夠熱，性價比高👍🏻雖然食品選擇唔係幾十樣咁多，但每樣都好精美，配好多蔬菜，又計過營養卡路里等等(應該係配合gym room概念吧)，所以都會encore再嚟~…Read More

之前都黎過食晚飯，湯和小菜都不錯的，是晚同屋企人來食生日飯🍰🎉就叫了幾款推介食品~滷水鵝片: 肥瘦均勻，滷水汁味道適中，有豆腐托底，配啤酒汽水一流川椒雙小炒(蝦肉&雞肉) : 醬汁香口而唔會過份惹味，蝦同雞的肉感也新鮮蠔餅 : 係我最喜歡的潮式蠔餅十分足料，超多蠔仔粒粒欖角骨 : 呢個好驚喜，開初唔係太知道欖角醬汁係點樣嘅味道，係店員誠意推薦我們試試~ 比起一般排骨醬汁少了點椒味辣味，卻有著欖角香味最後當然唔少得蠔仔粥 : 兩個字->足料街坊小店雖然舖面唔大，但食物質素好，店員有heart，下次會再幫趁~…Read More

星期六下午...本身打算收工後與友人去朗豪坊逛街食lunch...點知友人遲到, 搞到三點幾先食, 由食lunch變食tea我地行到10樓, 見到呢間應該係新開無耐的ishiyaki+cafe~裝修好靚呀!!!...木紋feel+淺色傢俱+柔和燈光=感覺好舒服~裡面有個好似open kitchen的位置, 門口有cake櫃, 店內仲有d公仔同擺設我地望一望個menu, 下午茶套餐價錢都係40幾至50幾蚊, 款式都幾吸引呀~而因為友人遲到而餓左勁耐的我, 一眼就睇中佢個午餐menu...有沙律主菜同飲品都係50幾蚊至70蚊, 好吸引!!! 唔好諗, 入去食!!!等左兩張枱就有位了, 我一坐低, 就見到我隔離張凳仔坐左隻龍貓!!! 得意到震   忍唔著拎左佢黎同我地一齊影相~友人叫左下午茶餐, 朱古力凍火山+飲品~冰凍朱古力雪糕配又暖又脆的麵包層, 好好味雪糕下面有係空心左的麵包層, 放左已切粒粒的脆麵包店員會配埋個"夾仔"俾你做餐具, 方便你食~而我就叫午餐, 泡菜豚肉石燒飯+沙律+飲品~首先個石鍋真係好勁, 我食到last果啖飯, 都仲熱辣辣的呢排天氣咁凍食就最正!!!其次個飯真係幾辣, 我稱之為"泡菜飯底"因為佢d泡菜唔係淨係鋪少少上飯面, 而係完全混和左落d飯度~夏天食一定出汗, 所以我決定今個冬天除左食煲仔飯, 點都會黎呢度食多次泡菜豚肉石燒飯~跟餐飲品方面唔一定飲普通茶啡, 可以加6蚊轉menu內任何飲品~店員推介左果醋, 於是我地叫左玫瑰花紅柚果醋飲品內有一粒粒玫瑰"花冧"同埋椰果粒, 果醋酸甜度適中, 花味就無乜, 感覺幾清新友人就話覺得酸左dd, 可能果醋始終啱女仔口味多d啦~其實我個午餐, 仲可以用優惠價加cake, 一次過滿足你n個願望  不過食左沙律同個飯, 又夾左友人d朱古力火山, 真係飽喇, 唯有下次黎再食!!!…Read More

去左公司附近的新商場食lunch...行過和平飯店...見到入面有卡位...那我們一行4人就試試吧~座位闊落...不過窗外是樓下未完成工程的球場景觀...有些搞笑~望望餐牌...價錢不貴...可能是新開張...有數款小食特價了只需廿幾蚊...我們點了醉雞...雞絲粉皮...擔擔麵...上海粗炒...小籠包...牛肉煎包...醉雞比想像中細份...雖說特價...但份量真係少左dd喎...又細舊...雞絲粉皮...一放下來...每人用筷子夾一小束...夾到最後果位已無咩剩...擔擔麵...唔得...真係唔得...好似辣油湯麵...無花生醬味...唔夠香亦唔係辣..唔知想點...上海粗炒...普通...無咩comment...小籠包...唯一比較好食及到位的食品...牛肉煎包...沒有預期中的肉汁...很普通的包子...整體食物及服務也予人warm up中的感覺...唔...坦白說...短期內沒甚麼興趣回頭再食~…Read More

努力了幾天...終於完成了些困身的工作...前往某某公司交了功課後...經過了漂漂亮亮的東海堂...頓時覺得要獎勵下自己看到多款精緻的cake...真是眼花撩亂!!!...唔知買邊款好...款款都想試!!!在店內逛了又想了...見到有人在買蛋撻......我望一望...是北海道牛乳蛋白撻驟眼看來是我喜歡的香脆曲奇皮類型!!! (因本人很怕那些一咬就狂跌薄薄酥皮的那種><)看到熱辣辣又香噴噴的牛乳蛋白撻...我就決定今次買撻不買cake...要了半打牛乳蛋白撻...打算俾錢走人...但看到櫥櫃裡的精緻小cake...又覺得不吃不安樂~於是選了一個士多啤梨開心果慕思小cake...這個我很不客氣地即食了...士多啤梨慕思很滑溜...甜度適中...而中間的深紅果醬也不會搶味...整體的士多啤梨味也頗自然~而底部大概是mix了些開心果的脆餅底吧? 雖然不會很分明的吃到開心果..但我很欣賞餅底紮實的口感...讚!!!至於牛乳蛋白撻...要拿回公司確實有段車程...開盒後我不由分說咬了一口...仍脆脆的:)蛋白部份...不論在口感還是味道...也是燉蛋白的感覺...覺得很足料...很抵食啊!!!我諗我下次要連蛋白撻也即買即食呢…Read More

來到朗豪坊搵食...可能比較夜吧...見到monster sushi不算人多排隊...就決定等下...之前已想食monster的了...只是每次等候的人也很多...一看見就放棄了~今次終於有機會試...我就在等候的時間已看定menu點了海膽蝦卷、芒果三文魚腐皮卷、三文魚三味、吞拿魚、帆立貝三味、蟹肉蟹糕玉子卷、燒牛舌等等等等...我推介以下三款:海膽蝦卷 鮮味十足!!! 海膽超正...蝦肉爽口...口感滿足...食完想encore...蟹肉蟹糕玉子卷 蟹糕香...玉子滑...一濃一淡的味道...很配:)燒牛舌 我以為只是一條串燒...原來是一碟精美小吃...牛舌軟滑可口...配了脆蒜片真是香到不得了...旁邊的小沙律也不馬虎...醬汁開胃...令人意猶未盡其實是不是明星開店....我不在乎...只要食物好味...就已嬴了一截...至於座位...因為今次是坐在店外類似露台的地方...頭上免不了有些商場的柱和橫樑...如果下次能坐店內就好好多了~…Read More

說實話...好多朋友也說墾丁茶坊不是用餐首選..因食物或服務也麻麻地...食一次就不會回頭...不過我自己還是想親身試一試...所以這天走到公司附近新開的墾丁茶坊來個午餐我很喜歡店子的藍 x 白裝修...和那半弧形梳化...很舒服悠閒的感覺...見到menu特別推介咖哩系列...就點了咖哩雞肉蛋包飯+熱奶茶...咖哩是偏香甜的..不辣...有配上一小碟自選醬 (好像有蕃茄..菠蘿..之類...)我選了蕃茄...但其實不肯定這是否撈落咖哩一併食？...但沒所謂吧...反正我全吃了:)蛋包飯不錯...食到最後有些飯不夠咖哩汁撈...所以如果咖哩汁可以多少少就更好...份量對女仔來說剛好...男仔就可能差少少先夠飽...熱奶茶方面奶味較重...本人受落...喝完之後會有點點飽和膩...讚與否...見仁見智呢服務方面...有時是要舉手耐些才有人回應...但不致於差既...我會俾d時間呢間新舖warm up下~…Read More

晚飯後, 與兩位知心寶貝去吃糖水...來到荃灣這處我稱之為「宵夜糖水街」的範圍, 我們就點指兵兵的選起糖水店來~點中了這間「木子甜品」...店內牆壁就像CHOCOLATE的裝修...是排狀的白朱古力形...個人對紫色的食品特別有好感...所以點了「甜蜜芋泥芋圓冷麵」我的重點在於兩球芋泥...香芋份量剛好...配上豆腐味的長方細麵條...口感清涼又可口芋圓方面有香芋味和南瓜味...就像是煙煙韌韌的麵團...以南瓜味較明顯..店內除中式、台式甜品, 都有心太軟之類的產品...不過應該吃中式、台式甜品比較好味吧？…Read More

約了兩位知心的寶貝食飯, 去了我很少去的荃灣區..這次由她們的帶路, 穿過兩商場...來到天橋底下的Olive Cafe & Bar~因為book了枱, 所以一入去就有位了, 店內燈光偏暗, 滿有情調:)我們3人點了鵝肝鴨胸卷、自選意粉(忌廉芝士汁、帶子、蟹肉、蝦)、Pizza先來了最基本的麵包和意大利醋作餐前小食...麵包有3款...口感不同...但個人喜歡新鮮熱辣的麵包...所以略嫌這籃麵包不夠熱...之後來的是鵝肝鴨胸卷...共6卷...鵝肝跟鴨胸味道配搭得宜...以薄片切割...可一啖放進口內品嚐...是挑起味蕾觸角的精緻小食..一向對白汁不大興趣的我...被這碟自選意粉感動了...這裡的忌廉芝士汁香而不膩...非常細滑...要給調配的廚師一個like很多時吃完忌廉汁都會有飽膩的感覺...反而這忌廉芝士汁越吃越開胃呢...!!!加上佈滿意粉的蟹肉...口感和味道都出乎意料的讚反而pizza...我就覺得普通左d本身想點甜品的, 聽講這裡的apple crumbles是必食的...可是今晚沒有供應...看來下次有緣再食…Read More

放工後去左金鐘廊某化妝品專櫃拎gift...點知去到金鐘廊...我完全認唔到路...因為變了Lab Concept仲要當晚做緊個opening event之類, 好多人呀!!!行完化妝品專櫃, 我見到裝修得好精緻的東海堂梗係去睇下有咩靚靚蛋糕~原來即場有得派小型拿破崙, 我當然要排隊拿破崙果然是東海堂的招牌出品, 酥皮+吉士忌廉, 超香甜又鬆脆!!本想多拿一個, 不過派晒了, 得番小型杏仁泡芙, 我照殺泡芙細細, 但塞滿了杏仁吉士忌廉, 好滿足呢~!!!看到凍櫃內各樣的cakes, 我決定要買一款黎試下, 其中一個叫海鹽玉桂香蕉蛋糕, 我就要試下點樣海鹽法:)一咬落去, 就感覺到是很香玉桂味的忌廉蛋糕, 中間夾住了香蕉本身以為會較甜, 但海鹽的咸味卻不知從哪裡走出來, 好像中和了偏甜的味道底層的蛋糕則比較"煙un", 吃這款cake真是多種口感和味道, 驚喜!!!…Read More

游水前要來個brunch, 又難得入到元朗, 就由元朗地膽朋友帶我搵食室外30幾度高溫, 朋友就推介去食醉雞麵, haha, 諗起都爽!!!舖仔細細, 聽說平時係好多人要排隊的, 好在今次我地個時間夠騎呢, 才不用等位原來主打醉雞同豬扒??梗係揀醉雞啦, 就來了3個醉雞麵, 加醉雞腳, 再加油菜!!!呵呵, 醉雞專門店果然強勁, 醉雞汁的香味令人按耐不著要一沾再沾, 後來更要倒在匙上沾麵食雞肉也很滑啊!!!但醉雞腳則稍後硬了一點, 是浸得不夠耐嗎??一邊食, 聽著外賣order不斷, 斬雞的聲音亦不斷, 相信這舖頭應很受街坊歡迎呢!!還有不得不提, 店內的飲品冰凍菊花茶, 真的正到爆, 消暑一流連我這個不愛喝菊花茶的森巴豚也喝光光~~滿足^^…Read More

俾個shopping魔女打電話來誘惑我, 於是放工後就近近地去了apm食飯行街, 好野, 今餐由shopping魔女請客唔算好餓, 於是大家都放棄食飯, 去左經過了n次都未真正入去食過的麵屋武藏食麵~之前都有睇過呢間麵屋的食評, 大部份人都話黑武骨沾汁麵好食, 所以我今次就試左呢個先!!黑武骨個湯有好香的香蔥味架, 不過可能太濃香蔥味, 所以唔太覺有豬骨味喎, 而個沾汁麵上有一片大大塊的叉燒, 賣相真係幾吸引呀!!食落口塊叉燒真係好鬆化, 正!!我同shopping魔女仲叫多兩個小食, 一個炸雞一個比目魚, 味道都不錯, 不過主角始終都係拉麵 個人推介黑武骨沾汁麵+比目魚, 會再食~…Read More

轉左形象的東海堂, 竟然多左泡芙賣 依家走「日歐式」甜品路線喎~ 今朝雜誌有介紹佢同COCO FRANS 的副線呀, 同樣都係sell泡芙, 喜愛甜食的森巴豚當然忍不住要試下 比較下之前食開的beard papa先!!!講品種, beard papa的泡芙口味就比較多, 吉士都n咁多隻味, 依家東海堂只有3種: 原味...曲奇...杏仁...純粹口癢, 買左一件「曲奇泡芙」...$17都ok啦! 拎上手都幾重手...幾足料...感覺上泡芙脆d同埋硬身d~~~ beard papa的就好似較為輕身d, 口感鬆化, 有少少「一陣風」的口感, 如果喜愛有口感的朋友們, 東海堂係唔錯的選擇~~~我覺得曲奇泡芙個曲奇面係最特別最吸引的, 但略嫌d曲奇食落朱古力味唔太夠喎~至於D吉士餡, 東海堂的Vanilla 餡好香, "杰"身同挺DD, beard papa就稀少少, 呢個我就比較喜歡東海堂的餡!! 好似抵食d 仲有一樣, 就係東海堂的泡芙係開邊架, 在中間唧吉士, 而beard papa就係底部唧入去, 唔係係咪因為咁樣, 東海堂的吉士會多d, 手工心機都唔少!!!好期待佢地會有吉士夾新鮮生果的泡芙, 可惜呢度無, 建議加士多啤梨吉士, 女生一定Like…Read More

家中的酥皮小妹於港島區番學, 成日話南記好味今天撞巧又是星期一的補假, 就同母親大人&尚未開學的酥皮小妹去銅鑼灣行街, 齊齊去南記~一點多去到, 擠滿了正值午飯時間的上班族~幸好很快等到座位, 便往收銀處點餐~~聽了酥皮小妹的推介, 我選了春卷+魚皮餃小辣米線, 再加錢飲汽水^^我同酥皮小妹對辣味是又愛又恨的, 所以安全一點, 選小辣就夠了, 母親大人嗜辣, 豪不猶豫選了大辣~魚皮餃幾彈牙, 但春卷則有點點兒失望, 因為我以為有甚麼秘方調配了甚麼特別味道呢 (是我想多了??)小辣其實就是不辣, 只為碗內帶來有一點點惹味, 是不錯的效果~母親大人的大辣, 對我來說是真的辣, 不過母親大人卻嫌未夠刺激="=整體是好吃的, 在銅鑼灣區以HK$30多元吃了一個頗滿足的午餐, 絕對acceptable~…Read More