鹿仔's Profile

早前看到某報章的專欄介紹下，已經有興趣想試下。適逢家人生日，父母亦是多年茹素者，於是一家人前來試下，並慶祝生日。我們11時準時到達，不需要等位。一盤盤的美食已準備好，包括：薄餅、各式壽司、各式沙律、各式天婦羅、 炸饅頭、 豆腐、 各類熱盤等。部分食物在進食期間，亦先後推出。食物美味，環境和食物亦很衛生。多年茹素的父母亦讚賞。我最喜歡是剪堆仔、炸饅頭，是剛剛出爐的，外脆內軟。另外，薑醋蛋很入味，亦不硬；小甜紫薯很好吃；豬仔包趣緻亦好吃，內裡是奶黃；桂花糕的甜度適中，充滿桂花味。糖水方面有兩款：雪耳核膠糖水和芋頭西米露。雪耳核膠糖水很滋補，適合秋冬季節，亦可美顏。若甜度略為少甜一點比較好。至於芋頭西米露，味道不錯，但芋頭有點硬，若果煮淋身一點比較好。飲品方面有五款包括：凍豆漿、紅菜頭檸檬水、羅漢果水，仲有茶包可以自己沖和熱水。凍豆漿、紅菜頭檸檬水、羅漢果水都很不錯，其中熱羅漢果水很適口秋冬季節的乾燥天氣飲用。 商場現時做了優惠，凡惠顧滿$500，即可換領現金券$200。下次在商場的食肆消費滿$100，即可用$50，優惠期至2020年1月31日。總括來說，是次午市自助餐很滿意，食物美味，乾淨，以午市來說，種類適中，環境舒適衛生，經理和店員的服務態度亦非常好，有禮貌，再加上商場推廣優惠，非常滿意。值得再度幫襯!…Read More

同閨蜜傾計坐得舒服又能享受美食，一諗就諗起「咖啡弄」。之前幫襯過總係排好長龍，早幾日試下有無電話book 位，驚喜原來可以。我地7pm 準時到達，可能時間較早，無需等位。由於喜歡食牛角包，我地叫了「玉米里肌起司可頌」，「豬扒三文治」，甜品控的我就叫了「黃金拿破崙千層派」。每次黎親呢度總會飲「熱水果茶」，今次也不例外，閨蜜就叫了「熱柑桔茶」。「玉米里肌起司可頌」牛角包很鬆軟，芝士味亦很香；「豬扒三文治」的豬扒煎得唔錯；「黃金拿破崙千層派」需時制作20分鐘，邊傾計邊等剛剛好，唔膩超喜歡。兩杯熱飲就酸酸地，胃口大開。😋😋邊享受食物，同閨蜜講不完的話題，吃了開心的一餐。付款只能以現金支付，如果可以用信用卡付款就方便得多。…Read More

係紅磡有水準又有人情味的越南菜館一定非「阿呂美食屋」莫屬，蝦餅、軟殼蟹、庶蝦、咖哩牛腩、越南春卷、香茅豬扒、椰青都是超正😋😋😋可惜早排因業主收樓結業。以為食唔返呢啲美食，早兩日經過觀音街，驚喜「阿呂美食屋」重開，新名為「食軒」。鋪頭乾淨衛生，店員服務態度很好，雖然我地叫外賣，大熱天時叫我地入內邊坐邊等。我地叫左「香茅豬扒套飯」及「越南春卷套飯」，套餐還附送「青檸冰」，我地每人加$10，轉了「斑蘭椰汁冰」和「斑蘭涼粉冰」。豬扒和春卷依然好味道，飲品椰汁味香亦解喝。紅磡有唔少好食的小店因加租壓力或其他原因，難以生存。支持老闆熱誠繼續經營💪🏻💪🏻💪🏻，讓我地繼續吃出好味道😋…Read More

一直好想試下傳聞充滿空氣感既梳乎厘斑㦸，奈何總係時間夾唔到。今日襯放假終於可以試下！早上去到立即落單，點知1:30至有得供應。由於一心想試，行完街街再返去。由於係平日，再返去都唔使等位，但落左單，點都要等到1:30。等果時見到唔少人都係一齊等緊食。唔係等呢款既當然好快有得食。原味，軟棉棉，配以少少糖醬👍🏻👍🏻蘋果焦糖味，估唔到比原味更加空氣感，味道也不錯👍🏻雖然要等一段時間，都係值得一試!…Read More

計兩年前食過鴻星大閘蟹，大家都一致好評後，我地一行三人今年再度幫襯。我地預先訂左枱，但去到都要再等，本身都覺得無所謂! 點知接待果個知客真係好唔掂，我地早到過人地，但佢地竟然俾左同係3人，walk-in d 人入去先，而預先訂位既客人竟然唔記得左??? 仲係度問 " 仲有無訂左3人既係度等呀?" 直頭當我地預訂左位既人唔存在! 我地入到去之後，被編左坐酒樓裡面近lift 口位，果張枱其實係4人枱，但係因為有2個位直情係 lift 口位，即係人地出出入入既位，梗本唔適合坐3個人，我地要求調去隔離果張無人既4人枱，個侍應話要問下，跟著個部長就話呢張枱有人訂左話要坐5個人，於是我地惟有好不滿咁坐返原先個lift 口位，隔左一陣，侍應帶左3個人坐果張隔離枱，根本唔係５個人! 足以證明佢地安排左客人入座，根本唔想幫客人調枱! 其實呢張 lift 口位枱，係我地對正都有一張，都係坐左2個人... 如果別無他處，我地都會接受，但係既然有位，又未有人坐，有咩理由唔俾人地調位! 仲有，開左茶之後，我地一直都無菜牌，連大閘蟹款餐單都無! 但係隔離枱同食大閘蟹既就有，侍應仲好好招呼添! 講返d 食物先：江蘇大閘蟹 ( 2 皇1后) ： 都算幾大隻，唔算係超級多膏，但係都ok :)紅燒雞絲翅：味道ok，翅甚少，"獻"汁略多!外婆菜手抓蝦仁：蝦夠大隻又新鮮，質地唔錯:)原隻鮑魚燴翡翠：糖心鮑魚，質地夠彈牙，配菜亦佳:)蟹粉小籠湯包：味道不過不失，湯包內較少湯!竹籠飄香飯：味道不俗，可能係用籠蒸關係，飯質較濕!杏仁凝香露：都算ok，甜味適中，略嫌杏汁較少，而奶味較重!橙汁：鮮柞橙汁，有果肉，ok!中途招待我地既侍應服務ok，上菜速度不慢，亦有禮貌!是次大閘蟹宴既感覺不算愉快，不過食物大致ok，主菜大閘蟹亦不過不失! 不過 d 職員 (尤其做招待果d 就應該要好好教育一下)，否則食物就算有幾好食，但係服務水準唔掂，都會大打折扣!…Read More

之前食過日航既tea buffet，覺得唔錯，尤其係甜品好得。上星期適逢honey生日，於是揀左呢度同佢慶祝生日!環境方面：起初電話reserve 時，waiter 話得番門口加位，當堂有點失望! 不過，好彩黎到，唔係坐門口，二人枱又夠大，可以足以擺到2, 3隻大碟，幾隻細碟。環境幾舒適，就算隔離枱有一枱大約8-10人既講家鄉話既人士都唔覺嘈。食物方面：未攞野食前，先每人一杯檸檬汁，即刻胃口大開!頭盤：長腳蟹、青口、龍蝦仔、壽司、翅身長腳蟹、青口很新鮮，長腳蟹同龍蝦仔亦很鮮甜，同honey 食左長腳蟹2大碟 壽司同翅身都ok，不過翅身款式不夠多。芝士焗蠔：芝士汁唔膩，good! 主菜：碗仔蛋：唔錯，碗仔蛋很滑。清酒煮硯：很鮮甜! 第1 次去攞時，好快俾人掃晒! 不過，隔左一陣，已經refill 好!燒牛肉：本身唔好食牛肉，不過一場黎度，試少少啦! 不過不失!炸物：炸番薯，都ok。咖哩雞、海膽炒飯、天婦羅、關東煮、車仔麪等... 由於要留肚食甜品，冇食!甜品：日航出名甜品，當然好多我都有食啦!豆腐花：很滑，配埋黃糖，正!焦糖燉蛋：至愛，吃了2碗，滑得黎甜味剛剛好! 斑戟：好味!雜果西米露：比較甜!榴槤布甸：好香榴槤味，唔錯!抹茶紅豆布甸：good!蛋糕：最鍾意蛋糕切到細細件，放入食物櫃內，感覺上乾淨d， 又唔會俾人切到爛晒! 最好食係朱古力蛋糕，朱古力唔會甜到膩，Tiramisu都ok!啫哩：夠彈牙!雪糕：有4款- haagen dizs (士多啤梨、朱古力、Vanillla、Nuts)。隻隻味都好味! 配以脆糖、士多啤梨汁，good~無梳乎梨就失色左d :(飲品：沙冰：任飲，有番石榴同青檸2款，個人覺得番石榴釨飲d~汽水任飲，仲有餐飲乙杯。拉茶：好少buffet 有拉茶，都真係幾辣，好薑味，試少少無妨。價錢方面：餐廳做緊優惠，只要係8, 9月生日，都會按年紀而享有折扣! 由於honey 係8月生日，所以有優惠，至於無折扣既我，因為用匯X 銀行簽帳，所以埋單都有8折優惠! …Read More