人有多大膽 飯有多大餐的个人专页

元朗真係咩都有得食 今日就同朋友入左元朗搵食 最後我地揀左食雞煲 要左小辣 我覺得呢個辣度啱啱好 小小辣味可以增添雞件既香味同惹味程度 太辣就會遮蓋食材本身既原味 個雞煲賣相好吸引 雞件嫩滑 醬汁亦好濃郁 加埋d吸滿汁既洋蔥 好好味 另外叫左個小食試下 椒鹽魷魚鬚 呢個食落香脆可口 粉漿唔厚 魷魚鮮味 條條都大大條 抵食 傾下計食下雞肉食下魷魚鬚 話咁快就清哂佢地 跟住就加湯打邊爐啦 我地叫多頗多配料 例如雲吞 我幾中意食雲吞 呢度既雲吞粒粒都大大舊 入面仲有大大隻爽口鮮甜既蝦 個皮包得幾薄 唔錯 個魚皮都好正 食落好脆 好香口 但唔知點解又唔覺得油膩wo 而且調味啱啱好 唔會過鹹 就咁食或者放落湯滾下先食一樣咁脆咁好味 不過略嫌分量有d少 好快食哂 可能我太中意食所以食得太快啦  然後個肥鵝腸又係必叫 雖然望落好邪惡 好多脂肪 不過真係好肥美 而且又新鮮又洗得乾淨 食左d咁邪惡既野真係要食翻d蔬菜中和下 等自己個心好過d哈哈 有菜心同生菜 兩款都新鮮 洗得亦乾淨 我至愛生菜 爽脆得黎配埋吸收左多樣美味食材既濃郁醬汁 正…查看更多

系公司離開嘅時候，已經九點幾，又系加完班既夜晚，心身俱疲，正好系銅鑼灣，就來金田家享受下「一個人的晚上」。入到去，間舖一眼望晒，座位廿幾個，有吧枱、普通枱，重有一個開放式廚房，牆上掛左一D佢地曾經得攞過既獎狀同拉麵相。整體黎講裝修簡潔、乾淨，這個以食物為主嘅拉麵店，我諗已經足夠。望望餐牌，有三款拉麵揀，分別系經典叉燒、荳芽叉燒同至尊拉麵，而可以選擇有唔同變化，包括麵的軟硬度、多葱少葱、加唔加配菜同麵底等。我就叫左個經典叉燒，少蔥硬麵，加支Asahi，當放鬆下。等左無耐，個拉麵就到啦。侍應話而家正值優惠期，每食一碗拉麵，送一隻溏心蛋。有得免費食，真系唔錯! 無啦啦多左隻溏心蛋，梗係開心啦。睇落個賣相，都幾吸引，紫菜鋪系側邊，叉燒肥瘦均勻，整齊把好系碗入面，有幾片另上，呈奶白色嘅湯，有少少起泡，加埋D配菜同溏心蛋，重有陣陣湯嘅香味，成個畫面，引人入「食」。先食個麵，麵條幾幼，由於自己叫嘅系硬麵，食落都有D嚼口，又吸收左D湯嘅豬骨味，連埋D蔥一齊食，味道口感更豐富。之後食塊叉燒，薄薄地一塊肥瘦均勻，食落唔太乾，而且有D醃製過嘅香味。湯底雖然有少少起泡，但飲落，豬骨味濃又唔膩，好香滑。老實講，近年來，已經好少食到禁有質素嘅拉麵。食食下麵，望下周圍，發現佢地D服務唔錯，雖然侍應大半都好後生，但無論系介紹餐單, 到奉上食物, 再到更換枱上餐具、玻璃樽, 以及食完之後收回湯碗嘅每個細節, 都親切有禮，睇得出有用心去「做好呢份工」﹗有好服務、好環境、好食物，加埋好啤酒，呢一夜雖然系一個人，但都好享受。下個月，又有加班嘅，又黎過享受下「一個人的浪漫」。…查看更多

晨早山長水遠黎到尖沙咀，系排緊dazzling cafe既時候就去食個醒晨早餐先。隨便入一間餐廳，黎到，因為人較少既關係，坐左望風景既位，增添不少環境分數。叫左個健康多樣化早餐，有菜有肉有甜品有野飲，50幾蚊之餘又夠飽，系尖沙咀黎講算系幾抵食。但味道就一般般。個小窩夫好硬，切左好耐先切得開。另外個大菇就有小小怪怪的味道，因為平時冇食開菇既，可能系我五鐘意呢隻味。最好食系個蛋，滑且夠味。…查看更多

之前聽朋友講過話深水埗有間鋪食蛋牛治好好味，所以有日唸唔到食乜既情況下就入左去試。本身我份人都唔係話特別對呢d三文治有興趣，因為平時都唔會叫腿蛋治、餐蛋治食，又唔飽肚，又唔特別。但係今次食完新香園既蛋牛治，我真係覺得原來兩塊多士夾野都可以好好味。新香園既蛋牛治，入面既材料絕對無偷工減料，份量十足，而且熱辣辣出晒湮，食落去d肉汁同蛋汁既味道憑住佢既熱力出晒黎，完全非一般茶餐廳既三文治，所以真係無得彈 。另外，好多時茶餐廳既多士烘完都係唔脆而且唔熱，但係今次食既蛋牛治既多士又熱又脆，同食平時個D多士比，已經分左兩個層次。炒蛋同牛肉其實呢兩樣野估唔到夾堆一齊食會咁特別，牛肉既肉汁會比炒蛋鎖住，一咬落去蛋汁同牛肉汁都會一次過享受得到，同平時夾奄列無得比，牛肉既口感、同鮮味實在太好。所以去新香園記住食蛋牛治!!…查看更多

係門口就見到入面既裝修很特別, 有水晶吊燈, 天花板嘅牆紙又特別, 好令, 好吸引。同朋友分別點左蕃茄洋蔥意式燴飯同香蒜意粉配pizza蕃茄洋蔥意式燴飯好juicy, D飯煙煙韌韌, 好有口感, 因為有蕃茄, 所以個飯酸酸地好好胃口。香蒜意粉配pizza, 充滿香蒜味, 意粉好入味, pizza 好好食因為有D泰式辣醬巴關係, 酸酸辣辣,幾野味!!…查看更多

再戰美心！ 今次叫左一個窩蛋肉醬意大利粉($31) 同埋焗豬柳飯($41)。飲品係要另外加錢嘅，因為佢唔係套餐。不過唔緊要啦因為佢個橙汁($9.5)都好似幾好飲， 寫明係菓汁先生！食野之前飲一啖橙汁， 酸酸地甜甜地， 好解渴， 真係好重橙味！之後食一口意大利粉， 亦都係好酸，因為佢係有番茄， 大量番茄肉醬。夾埋d 有少少硬嘅意粉， 唔算最好食但可以接受。之後試個豬柳飯， 記住佢係豬柳唔係豬扒，所以肉係得好少， 反而勁多洋蔥， 我唔係太鍾意。飯好乾好硬， 下次應該唔會再叫。總結而言今次食嘅餐，橙汁最好飲。…查看更多

餐廳感覺好舒服, 裝潢有心思, 格調懷舊, 有好多野睇。 呢到叫餐幾特別, 係要拎住餐牌出去叫。啲食物雖然有啲貴，但味道唔錯，台式，韓式同西式都有，同FD分別叫左台式鹽酥雞扒麵同煙肉雞蛋沙律。台式鹽酥雞扒麵認真唔錯, 鹽酥雞扒炸得夠哂脆, 味道岩岩好, 調味OK, 唔會過咸。 D麵煙煙韌韌, 口感十足!! D湯會淡因為就番鹽酥雞扒。另外個煙肉雞蛋沙律, 唔好睇個名以為得好少野, 點知送到黎原來都有幾多配料, 加埋D 醬汁撈埋一齊好fresh!!…查看更多

夜晚係學校做完野,大約10點幾,果陣樂富中心得番AOK仲開緊, 同同學拿拿臨去食飯。我地分別叫左粟米肉粒飯, 粟米斑腩飯同冬蔭公蝦餅公仔面。雖然價錢叫有D貴,都要$4x, 但勝在大大碟,份量足夠, 粟米好大粒,好香甜,肉粒好夠味,忌廉汁好香, 好岩送飯。另外， 粟米斑腩飯都係粟米好大粒,好香甜, 斑腩好大塊好入味, 唔會煮到好散。最後， 冬蔭公蝦餅公仔面有好香既冬蔭公湯味, 辣度岩岩好, 好岩食得辣既我, 蝦餅夠哂味, 湯仲有D粟米粒, D甜味可以補充番辣味。…查看更多

中午做完service後同同事一齊去到附近秀茂坪曉麗苑商場既呢間舖頭食午餐，入去見到menu都覺得價錢$3X都叫差唔多,唔算貴, 我地一個叫左牛肚牛腩河加底,一 個叫左魚片頭米線。牛肚牛腩份量夠, 牛肚唔會太林, 有口感, 煙煙韌韌。牛腩夠林, 入哂味。湯底有香濃既腩汁另外，魚片頭夠哂大片又多, 好有魚味又唔會太咸。整體上，呢間店既粉面係有水準,價錢合理, 有足夠份量。…查看更多

食左大快活早餐大大話話都有好多年，D早餐越黎越好味，個超值早餐真係超值。多士加花生醬同埋煉奶一絕配搭!! 花生醬好香好滑,而且又有好多花生粒, 夠哂咬口。煉奶增加甜度,又唔會太甜。火腿通粉份量岩岩好,太陽煎蛋蛋黃煎得令,可以保持蛋漿係入面,唔會太熟。撈落通粉食好有蛋香味。熱奶茶夠哂香、濃、滑!!另外個FD叫左個超值早餐配腸加黑椒汁, 黑椒汁分開裝好好,可以自己控制食幾多汁，而且黑椒汁唔會太辣,又唔會過咸。凍咖啡有好香咖啡味，唔會太苦同澀，奶既份量岩岩好!!…查看更多

住喺新蒲崗附近,成日聽fd話呢間幾好食都無食過款式都算幾多,飲品最鍾意就係個盒綠茶,呢盒野平時出面都幾難買到d 魚生都算幾新鮮幾好味個鹽燒雞翼推介,嗌左幾次真心好味呢度d 燒物都唔錯真心推介無乜點漏單可能得2個人食但個海鮮拼盤真係喊出黎....d生蠔勁唔新鮮又多沙其他海鮮又無乜味既 :( 不過要食靚既生蠔都好難喺自助餐or 放題食咖啦其實除左個海鮮其他都算ok既飲品都幾多野揀 …查看更多

講真風月堂食過幾次,呢度環境真係幾好,唔會太嘈,同埋幾闊落唔會坐到好逼好唔舒服不過一個餸都已經好貴但每樣野都真心好食同埋賣相都幾好好多次同班fd慶祝生日就係喺呢度侍應的服務態度都幾好可能我唔太鍾意食呢種三文魚沙律,真心唔太鍾意食紫椰菜 :( 個青口同蝦都好好味幾貼心,甜品會問我地可以上未,唔會一次過上晒所有餸雪糕窩夫真心推介,次次黎親都一次食,但竟然唔記得影相 :(雖然甜品係會上得慢d但係好味就唔介意等多陣:)…查看更多

Monster sushi真係唔知食過幾多次成日都用佢個張coupon,用完真係勁抵食,好似嗌放題咁食每人都係150蚊認真食過朗豪坊同isquare, isquare好似多d款同好味d不過朗豪坊就食環境lor個鰻魚玉子真係好味到我同男友食親都一人嗌一個之前試過超級白痴嗌錯左淨玉子,不過都好好味,但食慣鰻魚就覺得無鰻魚會有點搎色麻醬烏冬又係要一人嗌一個 另外有個珍寶帶子都幾好味,勁大粒又鮮甜海膽軍艦勁足料,而且都好新鮮反而呢度推介果個哥斯拉卷我覺得麻麻串燒都推介！！唯獨係佢優惠既時間都幾夜,成9點幾,要捱住餓等,不過要食平野就係要咁…查看更多

平時一揀唔到食乜好，就會食車仔麵，因為好食又多選擇嘛！今次黎到林記，一揀就揀左油麵，真係無需要考慮，因為呢個係車仔麵特色。講講個湯，好濃腩汁味，唔咸但野味！雖然腩汁系重點，但唔只咁簡單～～配咩菜都要識揀架，因為魚蛋墨丸個Ｄ四圍都有，甚至自己整都得。所以我揀左Ｄ有風味又野味的送。今次揀，就係大腸！豬紅！雞腎！大腸，肥膏不多。豬紅，好少咁入味。雞腎，居然唔硬！呢三樣都真係有自己的味道，絕對無比腩汁覆蓋！重要分量好多，正呀！…查看更多

屋企唔想煮飯,就出美心,美心都有飯有送食。叫左個荷葉沙茶雞套餐，有飯，有湯，有茶。雞，幾滑，沙茶味重，入味，無乜肥膏。而且，雞肉大大件，好有咬口。但荷葉味就無乜，似裝飾多Ｄ。另外，叫左個蜜桃炒甜酸肉。無咕嚕肉咁好味，反而有少少奇怪。不過個包裝唔錯，有個炸麵做個鳥巢，樣幾靚。最後講講杯茶，好有中國特色。雖然唔俾轉汽水，但原來茶都好配個送同飯。下次食飯都會揀飲茶。…查看更多