lai_grass's Profile

今晚同朋友來打邊爐，同埋有小朋友一行三人，店員安排咗卡位我哋，非常好👍 個卡位都幾大，算幾乾淨；可能今晚客人不多，所以環境幾清淨，一d都唔嘈（星期六、日我就唔敢講）👍我哋叫了2個定食，定食入面肉的份量都夠食（女士ok, 男士可能會爭少少先夠；另外，如果蔬菜既份量可以比多d d 或蔬菜種類比多1-2種就更好（定食入邊嘅蔬菜好似得4-5片娃娃菜，三片油麥菜,兩片好薄嘅日本蘿蔔，唔肯定係咪仲有冇少少金菇）我哋叫咗壽喜燒湯底😋😋😋另外再叫左d岩小朋友食既火煱配料，如蟹柳、芝士腸咁。我覺得都幾啱同朋友一齊去慢慢打邊爐食住傾偈，下次應該都會再嚟😃…Read More

閒日下午茶時段幫襯，非繁忙時段，當時店內客人只有3-4枱，約8個人左右，不算多人。我叫左杯熱既抹茶鮮奶咖啡，杯飲品味道係好既👍👍如果可以減少少糖，應該會更加好👍可惜既係隻杯外圍同杯邊都好污糟，又有漬又痴立立咁😿。估計係店員撞d抹茶落去咖啡度嘅時候，份量多得滯，攪到d抹茶漏瀉哂出嚟…. 整到個玻璃杯外圍全是抹茶污漬，而店員又可能只係求其抹下個杯外面就比杯野飲我….最後，我唯有請店員要將杯飲品倒去另一隻杯比我，先至繼續飲… …Read More

今日lunch同個同事一齊去買飯，同事介紹食呢一間，其實佢都唔係新開…..門面又真係唔係好起眼，但都算好容易搵到入口。就在國基中心隔離。雖然佢食物款式不算多, 大約八到十個餸，但味道又可以喎！而且我食完也𣎴會覺得好口渴。叫個三餸飯要四十一蚊, 但如果想飲埋飲品就要加$啦，要額外加三蚊。呢度都好適合減醣人仕去幫襯，因為佢可以選擇要菜底，唔要飯底，咁都幾好呀。👍我叫了煎蓮禺餅（得一塊，但味道ok）、麻辣雲耳雜菜炒蓮禺（雲耳好食），南乳豬手（可以再炆淋d），走飯改菜底。在附近返工的，可以去試吓。…Read More

Lunch 時買了一杯試吓，杯咖啡係黑色嘅，似芝麻糊，但係味道不太適合我口味…但有興趣的話，不妨可以買杯試下，反正附近的 coffee shop都好似冇呢隻口味，係得佢有。…Read More

間野係公司附近，同同事食過好幾次，佢個手機落單apps真係非常好難用😒 。有好幾次都攪唔掂，要找店員幫手，店員算nice🤗食物方面其實好食嘅，沙律同意粉好味👍 …Read More