小草先生的个人专页

都有一段時間冇寫食評... 冇乜深度感受就懶得寫🤣別忘了，真係忘不了🤣食物ok, 雖則選擇不多，不過都岩揀既~環境ok, 如果能坐在櫻花樹下感覺更好吧~不過，這些都不是令人難忘...🤣 難忘的是服務態度吧...🤔本來食得好好感覺良好，直到... 諗住最後order甜品，QR系統卻話已cut單... 問職員，check完話：係呀，15分鐘前會cut單... 擾攘一輪最終職員幫手落單...。 我唔可以話佢地錯，不過，好難要食客自己計住時間幾時是last order吧，如果職員主動提醒last order會更理想吧，免爭拗，大家好做🤔 其他火鍋店通常都會拿賬單來順便問last order... 這間是冇聲冇息cut你單的😏Times up Pens down!! 夠鐘要走我明白，不過職員做法是否可令人舒服d呢... 夠鐘就即過來執野收鍋叫人走, 其實已截單，只是食埋已經來左的食物啫，是否可俾d彈性時間處理？！如果出面有人排隊等位，我都還接受，然而，出面水靜鵝飛，是不是要用這方法叫人走呢...我唔可以話佢地錯，只是身為顧客的我，感覺唔好啫😏 別忘了，忘不了，冇下次🤣(提外話，十十下時我們還研究緊食物環境都幾好點解冇乜人幫襯，是不是位置比較偏僻少人知... 食完後，明白了🤣)…查看更多

點解話是隱世呢，因為表面是一間普通的吉野家，其實內裡是走文青路線的日系cafe~😹 唔講真係唔知😹新開張，門前是吉野家外賣櫃台，單看表面，只會以為是一間普通的吉野家分店😹 用餐期間見不少人坐下然後又走左，可能發覺以為是吉野家但又唔係吉野家~🤷🏽‍♂️說回正題~ 環境清新舒服 空間感大；食物質素OK份量足夠；價錢可接受 (作為一間文青cafe);QR落單，餐車機械人自動送餐；服務態度OK，可能新開張，有點手忙腳亂的感覺。話說order左杯巨峰乳酸特飲，因為QR冇得揀走冰，之後後補同侍應講完，不久就來了1杯走冰，隔一陣又來一杯有冰，再一陣又來多一杯走冰😹 前後加埋送左3杯來😹因為想坐窗口卡位，可能見客不多，就算我們得2個人，都肯俾坐窗口6人的卡位。$100_鹽燒和牛丼+唐揚雞+小山圓焙茶牛奶🍵 (開張優惠價~)$138_汁燒溫泉玉子豚肉丼+沙律+黑糖蕨餅+巨峰乳酪特飲🥤總的來說.... 正評~😹Remark: 唔知搶唔搶到頭炷香呢😹 寫這篇時未見有食評~😼…查看更多

偶然路過... 等了半小時... 7點出爐🐤~比想像中好食 + size都ok外賣回家做晚餐~門口有指示排隊位置，不過如可改善夠鐘有🐤賣時主動叫人過去更好... 因夠鍾開賣時，前面排頭位那位仍戇居居等，搞到後面成條龍一齊白等…查看更多

除夕大餐 搞下新意思，首試自家捉蝦自家燒🦐除夕夜在荃灣大鴻輝食野，超多人排隊搭lift排到出後巷... 可能大時大節大家一早訂座，出lift後沒有出現預想中門口人山人海等位情況入座後，員工簡介取餐流程，之後就自由發揮...相機食先📸📸📸整個過程，其實幾好玩，夾蝦🦐 d蝦真係會彈走...水花四濺😹 水缸2邊都坐人，一邊夾蝦時彈水花好易會彈到另1邊... 其實我覺得大家都不用太介意... 今次人家彈到你，下次到你彈番人地啫😹 證明🦐🦐新鮮囉😹其實夾蝦只是一個gimmick 都係貪得意夾左幾隻玩下食下... 因為出面真係有太多野食了... 貝殼類鮑魚仔帶子生豪全條魚... 串燒豬牛羊玻璃腸仔熟食雪糕飲品...在水缸夾出來的大頭蝦... 真係有蝦膏呢 串燒鱔... 真係好好味 可惜每人得1串總的來說... 食物環境服務都ok... 平時2人$800就覺得有點貴，但藉著大時大節就💸俾的爽快食得滿足玩的開心😹8:45開始任飲任食2.5個鐘... 可能last場... 夠鐘後都冇趕客走... 結果由今年食下食下食到下年😹 零晨離座😹題外話：雖然🦐🦐預左被吃，不過始終仍是活生生... 所以大家食幾多先夾幾多... 善哉善哉🙏🏼~…查看更多

原來有種面包叫法式布甸面包🥖街坊名物... 不過我不是街坊... 所以到最近在偶然情況下才聽聞這款面包今日難得夾岩時間地點人物... 工餘之時去朝聖之前做了功課知道4:30出爐... 4:50去到已售罄 幸好店員話5:30會出多轉5:35...第2次朝聖，見已經排緊隊，幸好前面只10多個... 終於買到了網上教學... 冷藏後焗番熱更美味... 因此成為了第2天的早餐結論... 焗熱後，半流心狀況，表面面包香脆... 真係不錯不錯$15個... 如果不想早上吃甜點，那麼作為飯後甜品都是不錯的選擇…查看更多

Outback.... 久不久都會食下 雖然價格中上，但份量足... 亦可以無限re-fill黑糖包🥖包你食到飽是晚xmas... 在沒有預謀之下最終卻去左食outback😹洋蔥花球🧅 賣相吸引，洋蔥我喜歡吃，炸物我又喜歡... 今晚終於第一次叫來食結果... 可能食左太多黑糖包 太飽...洋蔥花球味道質感都同我想像中不同 真的太油了💦 油到我居然吃不完...油到我望到都覺得油膩...不過... 總的來說... 總算在聖誕夜還了個心願以後不用再心思思叫這款😹題外話：我鍾意面包塗牛油... Outback最吸引我，都是黑糖包... 今次食左5條🥖🥖🥖🥖🥖😹…查看更多

🎄X'mas boxing day🎄行街路過hea食lunch味道正常唔難食，不過冇乜驚喜用羅宋湯做招牌...不過羅宋湯又唔覺特別正服務態度ok:)自己出去點餐... 然後員工送餐來付款時有點愕然 感覺收多左錢，後來睇單據原來有加一其實餐牌有寫，不過可能要出去點餐，冇諗過收加一所以冇留意吧 (之後睇其他人的食評，原來都好多人對這問題有疑問 )總的來說... 湯面+熱飲+加一... 接近$70... 性價比低其實唔難食，只是冇驚喜啫🥀題外話：如果可以餐具走塑，不用紙杯，環保d更理想…查看更多

openrice 個個都讚這間店, 難得去沙田一轉, 當然要試下~ 星期六&晚飯時間... 好多人... 要等位... 等幾耐都要睇彩數, 睇下你等緊那張台快不快閃啦~~ 咁多人推介這間, 讚美的說話就不多講了~~ 簡單地說, 咁的價錢, 咁的質素, 還想點~~ $102 汽水, 甜品, 意粉, 雞扒, 雞翼, 肉丸... 食得好滿足~~ 個個都必食肉丸果然不錯~ 如果沒有咁多人, 不用等位就更好了~~順帶一提, 這裡是自助形式~ 自己霸位, 自己拿野食(先攞後付款), 自己收拾餐盤~~ 還提供遊玩地方俾小朋友玩, 幾好~ …查看更多

某人話: 再唔食就無得食日本野啦!!~ 為左這個好無謂的原因... 差不多一星期內食左3次日本野...~~第一次來這間食放題, 之前看openrice 好多人都講到好有問題咁... 都有點兒擔心... 但入到佢又不是想像中咁喎~~有人話地方迫, 咁真係迫迫地, 不過也在可接受範圍啦... 好多地方再迫d都有~~有人話book左位都要排隊, 開頭我都覺奇怪, 去到真係要排喎!! 但諗深一層, 佢分2個時段, 咁當然要排隊進場啦~ 一個一個入去有秩序幾好啦~ 是排隊入場不是等位~ 有點分別吧~~有人話選擇少食物唔新鮮, 這樣就見仁見智了~ 我覺得都ok啦~ 其中鹽燒和牛, 羊架, 焗蠔都幾好味~ 刺生雖少了點鮮味, 卻也不是不能吃入口~ 有人話服務差, 我覺得都ok~ 我耍左同一個女侍應3次, 佢先有少少黑面 (我覺得啫~), 還想點~~ 哈, 你book左位後, 佢地好有責任心的~~ 早午都打來提你~~ 好搞笑~ 叫你要準時到然後係出面排隊~~ 不過都很有禮貌的~大家都是3百幾蚊, 係金水食完唔飽又唔好味, 這裡食飽你之餘, 食物質素服務態度比金水好好好好妤多啦!!總的來說, 我地食的好開心~ 或許俾openrice嚇完後發現與現實有點出入~ 更重要是看同邊個食吧~~ hehe~ 不懂講野, 還是睇相吧~~:) …查看更多

本來諗了好耐, 都決定不了去那, 到差不多到期還搵不了地方, 打去那一間, 那一間都話full. 諗住打定輸數... 突然諗起以前經過尖沙咀龍堡酒店, 佢\\\曾翻新過大堂, 都算金碧輝煌, 可以試試喎. 諗住會full 啦, 點知個waitress話\\\"梗係有位啦...\\\" 哈, 都好2難, 星六下午打電話還有位, 心諗會否d食物差, 冇人幫襯?? but 難得搵到個地方又係尖沙咀, 又有火雞生蠔魚生, 咁都試下啦, 唔試唔知...~~ 好了~ 剛剛食完回來~ 哈哈... ok喎~ 環境ok, 服務ok, 食物ok (雖不至於好好味, 卻不難食啦~), 氣氛ok... 有聖誕老人拍照, 送禮物, 有好多小玩意, 有輕氣球, 又有個識閃的柸(飲完可以攞番屋企喎~). 岩晒貪小便宜又貪得意的香港人啦~~ 真係又食又攞~~ hehe~~ 食物款式都好多~ 不過我主力都係食生蠔魚生沙律甜品~~~ 講真食物不是話好食到飛起, 不過尚可入口啦, 而且回氣又快喎, 見冇就加~ 值得一讚, d 服務真不錯, 見人拍照會主動幫手揸機, 最好野是有個隔離酒廊的琴手經過, 見我影緊相, 居然放低佢\\\ d食物, 話幫我們影... 今時今日這服務態度真令人窩心呢~~其實好多款食物我都未試... 因已經好飽了~~以後食buffet 可以多一個選擇呢~~…查看更多