member_10179's Profile

大坑不嬲岀名多野食，今次專登搵一d小店去試下！所以係 openrice揀左呢一間泰國野！未入到去就有個好熱情既waitress去介紹，叫我地入去食。因為預先book左位，所以睇睇個menu就入去。*個waitress係好熱情同helpful，但係尤其係成間餐廳得我地，感覺有點過份熱情，令到我地有少少做咩、講咩都會想加入我哋既話題，不過唔係唔好！只係會有啲壓迫感，個人覺得。講番野食先，我地都想試下岀名既名菜肉骨茶係好唔錯！好濃既藥膳湯底，$128來講都算多料，有腐竹豆卜，同埋都真係好多舊肉，所以特色菜係值得叫下！之後就叫咗個海鮮喇沙，睇上面張圖都見到好濃味，同埋海鮮都幾多，有青口，蜆，蝦，魚片，雖然係貴啲，但我覺得都算值得，推薦最後嗌多咗個小食，串燒，有雞有牛有豬，不過份量實在太少，亦都唔係燒得特別好食，嗰醬比較出色d，但係個主角即係啲串燒就真係一般。整體嚟講，我覺得呢間餐廳嘅嘢食係唔錯，大家鍾意泰國野，都可以試吓。…Read More

一直都冇留意原來潮州人上一手既台灣餐廳已經執咗笠。今日lunch time, 12:30pm左右見佢開左新既餐廳，即刻想試新野。一入到去都係比較迫，無辦法，地方淺窄，我地2位好彩地即刻有位，唔需要等。一定要試吓個推介，叫左個大既，係幾清，我個人好鍾意個湯底。個花膠都好淋，又好入味，配個米粉好夾，推薦菜就不錯，我覺得佢最好係生熟程度岩岩好，唔會太淋太硬，鮮甜既。不過我覺得份量可以大少少。呢個好值得叫，酒既味恰到好處！雞腎又淋，濃味得來同個米粉好夾！不過有個小投訴係，佢份量好不一，我見隔離枱個碟雞腎大過我哋個份都有3分1。同埋餐廳係講到明無水供應，只可以叫野飲，失色左d…Read More

上openrice見旺角串燒有得book位，又算多人like，就book位試試！一入去個環境就比較細同埋係舊d，同埋已經係用手機落單，都好方便。不過佢款色都唔太多，尤其係牛都係少款色。有個好大既問題係店面好多小昆蟲不停飛來飛去，打死一隻又有一隻手機Ordered左15分鐘左右，首先上左個茄子🍆其實呢一個係好食，又juicy唔會乾水，蒜蓉都好多，好入味。整體性價比係高。之後就都係大家介紹既蒜蓉蜆，味道都濃，不過係調味重。同埋有沙，應該係處理吐沙程序唔全面。以下既野食都係食左少少先記得影相，實在有小昆蟲飛來飛去，會好想食哂先菠蘿係好甜，不過”渣”多左d墨魚咀彈牙，都唔錯牛舌太多調味料，肉質都一般羊肉串都係調味料整體其實食物質素係唔差，不過衛生問題係真係會好影響，見到隔離枱都不停係到打死d昆蟲仔，呢一樣野就真係太差。:(…Read More

去開銅鑼灣，一定會經過呢一間出名打卡嘅越南餐廳，門口紅色牆身加上無數的燈籠🏮，非常吸睛所以一直都會想試吓嘢食嘅質素。因為今日好早就到，大約係晚上六點，餐廳都未有好多人，即時有位，仲要無限時既。我哋被安排到樓上的座位，有望上天花板就見到好多吊燈，好似一粒一粒星咁，令到成個感覺都好舒服，好 peaceful。所以事不宜遲即刻order岀名既野食試一試！首先叫咗個雜錦生牛肉河，多葱多芽菜。生牛肉好嫩滑牛丸都有牛汁湯底好濃郁黑柏葉就反而比較韌呢個非常喜出望外！個黃薑汁調得好好麵底都好彈牙花生好加分雞肉就失色一點，有啲鞋口落葉菜牛肉卷個人覺得一般，個牛肉有啲鹹，配埋紫菜個感覺一半。上面嗰啲薑蔥、花生有啲唔係太夾，所以建議唔好order不過整體都算好好，真係唔怪之得咁多人讚好！…Read More

南島呢一間餐廳都幾唔近地鐵站，不過之前一直都俾佢個裝修吸引左，一直都會想試試佢！見佢個大落地玻璃既門面，東南亞、泰國既渡假風裝修設計，入到門口都覺得好唔錯。入來既時候員工都好有禮貌、好熱情咁。我2點幾來到一心想試下個lunch set！ordered左個咖喱雞扒飯：咖哩汁好唔錯，佢個味好明顯香料比較多，係唔算好辣，但係好香。入口既感覺都好惹味，撈飯一流！個雞扒就好明顯有炸過、煎過，個皮好脆，肉質都好嫩，算juicy，不過係細塊d個汁我覺得有d少，所以我問佢再俾多少少少非常好人既waitress姨姨都好好地俾多一碗汁我不過講到杯凍奶茶走甜就真係一般，唔夠滑，茶味都有啲苦，有待改進一下…Read More

見咁多人排隊，又咁多人介紹既車仔麵，今日有時間可以早啲食晚飯就即管去試一試！6點15分已要排隊，等左差唔多10分鐘左右先入到去，不過排隊既時候可以睇家食咩，可以圈定要咩，一入到去就可以即叫。我地分別都叫左粗麵：首先一碗係豬紅、酸齋、咖哩牛柏葉、小麻辣。佢個麻幾入味，辣得幾過癮豬紅都質感都好好，唔會太淋咖哩牛柏葉好入味，又算彈牙酸齋都不錯，都係人氣之選反而我覺得個粗麵有d淋，無咩咬口之後一碗就係牛腩、時菜、豬頸肉、腩汁唔辣。時菜都好新鮮，唔會煮過龍太熟，食到尾都爽口牛腩都淋，都係d筋位附近既肉，特別好味豬頸肉個人覺得係咁多餸入面最出色佢又厚切，又香，唔會鞋口，推薦！整體都好唔錯，性價比好高，又唔算坐得唔舒服，所以有機會都會再幫襯！…Read More

今日想去食下日本野，好似雲壽司呢一間連鎖店都成日出現係我個openrice既suggested餐廳，所以今日專登打電話去即日book位，估唔到星期日都會有7點。一入到去見個環境都唔錯，係細d，不過坐落中環prime location都無辦法。坐低就有個任選既12件壽司套餐，有一貴一平，選擇其實都幾多！即刻睇下相個人覺得性價比都算好高，每件飯既壽司醋都好平均，因為我好多時都著重個飯既質地再加調味，今日食既都好唔錯！ 魚生都好新鮮尤其係火炙，推薦可以食下個右口魚，當然左口魚都好！有一樣唔太好就係軍艦既紫菜即做都淋得好快，扣左d分。之後再俾多個機會，要個三文魚手卷。紫菜就好d啦，不過都略嫌都係有d淋，但係值得讚既係好多三文魚，食到底都仲有！最後想講一講個service，佢每一個waiter都好有禮貌又好alerted，咁啱當晚叫到有另外一枱客倒瀉熱水，waiter哥哥即時好快地攞毛巾去處理，想表揚一下overall都好好，有唔好既就係坐既地方好細，諗真唔會係舒服。不過其他既野都好好！…Read More

聽朋友介紹講呢一間awesomweism食飯質素都好岀色，所以即日上openrice去book位，點知發現都仲有位，都知可能唔會好爆。一入到餐廳先發現係好似batman特色館，好明對裝修有一定既執著，不過可能我唔係fans，未有好大既感覺:)我地7點30左右到，直頭無客人。事不宜遲，我地ordered 一個3 courses dinner個南瓜湯味道係ok，不過唔知點解唔熱，係少少暖。呢個非常岀色！值得推介！佢帶子好鮮甜，無用太多調味，青瓜夾埋一齊食好清新大家一定要食係邊既芒果汁！好驚喜既夾到main既龍蝦意粉，廚師應該係有將汁同意粉再炒先上碟，因為好入味，每條意粉都好有龍蝦汁。份量都夠，我覺得好唔錯！呢個豬手都處理得好好，個皮好脆！肉都唔會太咸，個酸菜都正！我哋之後仲叫左前菜既芒果醬汁，都有另一番風味！推薦！呢杯americano都唔錯，有恰到好處既creama，咖啡都唔會太酸或苦Overall，都係好唔錯既餐廳，食物質素對得着個價錢有突，唔明點解無人來，不過埋單時，waiter哥哥話呢到做3月頭就唔做啦，我地趕得切結業前一試，滿意…Read More

呢間牛欄應該都開左好耐下，不過位置唔近地鐵站，會少啲人留意到。所以今次都會想小試一下！今日一去到已經好爆，滿坐。不過好快都有位，樓面姐姐都好幫手。一去到就叫碗三寶麵，即係牛腩、牛筋、牛肚，應該算啦特色野。賣相就一定唔算好，不過牛腩入味，牛筋都好林，牛肚都算爽口，麵底都彈牙，係個湯底胡椒味有啲重，我個人略嫌覺得有啲太咸。來得粥麵店，點都要試吓個魚皮。佢比我想像中大碟，而且都好脆！佢唔係好似幫間有一啲粥麵店，用有骨嘅魚去炸，第一般打邊爐嗰一種，我個人覺得好食！最後整返杯豆漿作結，只係有少少甜，算係太重糖水。…Read More

呢一間都岀名打卡既小店，好多次經過都想試下！一入去就要行個白白既樓梯，成間餐廳都係呢一個tone，加上一d簡單既畫作，個感覺係舒服同好光猛，絕對加唔少分！以下俾大家隔住個mon感受下成間餐廳之後一來到就ordered set lunch。都係無得選擇，個湯就冇乜特別。但係個餐包都幾有驚喜，佢係行左幾多事，有少少蒜蓉味，表示到佢幾用心！之後就嚟咗個主菜，飛魚子意粉，佢個汁調得好好，都幾thick，算係好入味！加埋啲蘆筍都煮得幾好，唔會太熟、太生。非常唔錯！之後到我最期待嘅肉眼牛扒，我叫咗五成熟。一上碟，咁多汁冚住個，感覺唔太良好。但係食落口又唔錯，生熟程度都到位，唯一想挑剔，就係太多汁同太少配菜。So far 都唔錯！值得推薦大家去試下！…Read More

一早係openrice book左位去試一試呢一間西餐。未入去係門口都覺得個裝修都係有用心，每個枱既距離都好足夠，因為book左位，佢哋留左大枱俾我哋。同埋waitress好細心咁confirm我地今日係紀念日，因為係openrice有marked低到。一來到就好清楚介紹我哋唔同款既生蠔，最後揀左推介既剛落飛機既法國「蠔王」！海水味重既，唔算好大隻，同員工介紹既一樣，十分滿意！之後揀左今日既set lunch，不過就無左牛扒，有d美中不足，無得試一試佢牛既質素。我哋揀左羊架同牛肋條！佢個set lunch係包自助沙律🥗。全部都新鮮，不過就款色少d，整體唔錯！是日餐湯，南瓜湯比預期既濃同好！羊架火喉都不錯，應該係medium rare，薯蓉都調味好岩我哋口味，唔會太咸。不過個汁就唔係咁好，有少少唔太夾，可能個人preference。一上菜，個擺盆presentation都好吸引，有個煲仔！不過呢個意粉就好失望，應該煮得太耐，口感好差，同埋應該無咩調味，唔落汁就無味。個牛肋條煮得幾入味，係ok既！之後order左個Apple crumble！係有anniversary字既！好好呀！佢會加個mint雪糕，好食😋個Applecrumble都整得好，唯一小小不足係佢下面既蘋果粒有啲唔夠入味。最後ordered埋2杯咖啡，加$18一杯，我個人個覺得好唔錯，咖啡豆係濃味無酸味…Read More

今日既lunch係預早一日book講定，之前食過一次，今次帶埋同事一齊去食。一入座，職員已經好熱情咁叫打招呼，而且即刻有前菜serve。一個醋做醬汁既沙律，正常味道，都唔算特別岀色。之後我地一行3人試下叫唔同既lunch set，試多啲唔同既款。便當個presentation都好唔錯，每一樣野都算好精緻，但又講唔岀邊一款特別好食，會好有深刻印象，所以對於佢收$188既性價比就略嫌有啲失色。之後拎有叫番角切魚生飯，平時都有去唔同地方食魚生飯，呢一間餐廳明顯係切得特別大件！係新鮮，不過又唔係特別好味，三文魚既油脂有啲少、吞拿魚就反而有啲食唔斷既肋，應該同切既部位有問題？最後呢一個雞壽喜燒，我個人覺得最岀色！可能天氣凍，熱湯會特別加分。未食個壽喜燒，個白飯明顯有用心，日本米同大大粒，我幾鍾意。之後個雞應該都係煎過先放入湯，好香口。不過湯底就唔係太濃味，係偏淡味一啲。Overall都算係唔錯既lunch experience，尤其係職員既服務態度，好友善、好有笑容，絕對唔會因為lunch而hea！所以服務個性價比好surprised! 個人覺得食物質素可以再加多d 特色，有少少覺得太中規中矩，如果要行偏高價lunch set，可能要加強一下！…Read More

今日大約2點左右去到葵芳，呢個時間諗住去一啲平時比較多人排隊的餐廳，一諗就諗起呢一間Simplylife。一去到非常好，唔使排隊，即時安排入座。一去到見到Menu，成個lunch set所有餐都係劃一$135，我地就揀左炸魚薯條同埋燒春雞。一來就飲左個餐湯-蘑菇湯！一貫既味道，都係好唔錯！蘑菇湯既蘑菇味好濃、個包都算新鮮，外脆內軟，加埋個牛油 （溫馨tip，可以加pepper係牛油上面先搽，個人覺得好食d）炸魚薯條🌟🌟🌟就唔太surprised，個薯條係脆同唔油膩，不過個魚就唔算太突出，中規中矩！同埋佢只係配茄汁，我地另外叫左沙律醬去點個魚，都唔算太夾。半隻燒春雞🌟🌟🌟🌟燒雞雞肉好嫩，雞皮都係脆既！一切落去都好juicy，但唔算太油！不過想重點講個汁、辣肉腸，令到成個dish都昇華哂！我個人好推薦呢一個lunch set!最後有啲美中不足係今日天氣好凍，佢個餐係無包熱飲，只可以要冰茶、汽水、紅、白酒。不過waiter哥哥都好好，提議我哋要冰茶走冰總結都算係一個好嘅lunch，decent customer service and good food。…Read More

今日一家人去排下呢一間老馮！真係每次經過都好多人排隊，本身以為佢新開，所以好多人會以試新餐廳所以好奇，點知開咗一段時間，午餐晚餐都有人喺出面排隊！去到等咗大概20分鐘，就有得入座，不過講到明只有60分鐘既用餐時間，而且冇得加單，第一轉落單，就需要叫晒所有嘢食。我地都叫左好多飲荼必叫，同埋寫住推介既點心：鳳爪🌟🌟🌟🌟個味道唔錯，係個汁略嫌甜咗啲，但係墊底既”麵筋”幾好食！蝦餃🌟🌟🌟🌟皮薄，蝦都爽！性價比算高！馬拉糕🌟🌟🌟🌟佢好鬆軟，同埋個味道都好香，好值得推介大寫試，不過要趁熱食！ XO醬炒蘿蔔糕🌟🌟🌟🌟呢個原來係新鮮炸起，每一粒都好脆！但裏面又好鬆軟！個XO醬好香，但係略嫌蘿蔔糕無乜XO醬味。牛腩腸粉🌟🌟🌟未叫嘅時候，以為佢點放牛腩入去腸粉入面，點知原來只係放係面。所以有啲失望，但係牛腩係唔錯，牛腩汁亦好入味。燒賣🌟🌟🌟🌟呢個唔錯，鮮蝦好爽，值得叫。牛仔骨🌟🌟呢個係老奉推介，不過個人覺得一般，正常味。鯪魚球🌟🌟🌟都係正常味道，略嫌覺得冇乜鯪魚味。牛肉球🌟🌟🌟🌟呢個做得好舊式既做法！落左多梳打粉，個味道好夠食，如果想食返以前飲茶的味道，呢個一定唔可以錯過！總括嚟講，嘢食都幾唔錯，價錢相宜，員工態度都非常好！排隊同埋限時60分鐘有啲失色！…Read More

我地預先open rice book左位，所以都好快安排就坐。一入到餐廳已經覺得係有裝修既餐廳，個感覺都係好舒服，即刻有加分👍👍用openrice 訂枱有得用優惠價order 2人餐，有一個salad buffet，我地就揀左青咖哩豬頸肉配roti同埋大蝦闊條麵。一開始見salad buffet個area都好乾淨、好整齊，亦有蝦。加上每一款都係有一d心思，好似羽衣甘藍沙律佢就加左合桃同cracker、生果(西瓜同火龍果)都加左甜品用既爆珠，所以係好唔錯🤤同埋我哋食左90分鐘，佢都一直有refill。青咖哩豬頸肉就無咩特別，不過不失。但係想讚下兩個湯！椰子雞湯同埋冬陰功湯係好飲，足料同唔太重味精。大蝦闊條麵係好食，2大隻蝦，有鮮味亦生熟控制得恰到好處，闊條麵都既汁都好入味，唔會太過heavy。不過有2樣野可以改善，第1，個闊條麵差唔多落單後60分鐘先上，追左3,4次。第2，就係員工又未至於唔禮貌，不過就無一種好友善既感覺，同可能太攰，都有啲目無表情。…Read More