Legumev's Profile

見到食評多數都係打邊爐，聽人講午市都唔錯星期日早少少去等位，可能尚早，大概10分鐘就安排入座。座位好寬敞，坐得舒服，環境亦好靚。加上懷舊款熱水壺令同行老人家十分滿意。雖然主要係打邊爐，但午市點心一啲都唔馬虎，賣相好精緻，蒸類點心都係六角形蒸籠，仲有芫荽汁嘅叉燒腸同南瓜牛肉腸，變成綠色同橙色腸粉，打卡一流。除咗賣相夠哂靚，食物質素亦都十分出色，個人推介芫荽汁叉燒腸，同行朋友唔食芫荽亦都完全接受依種味道。仲有個人喜歡菜苗餃同奶黃流沙包，菜苗餃足料，而奶黃流沙包，流心效果有但唔係澎湃，唔會食到論論盡盡。本身以為埋單點心價錢都唔平，但大概人均消費都係150蚊內，性價比超高。唯一有美中不足之處係當日比較少員工在場，有時都等咗一段時間嗌幾次先有人協助。…Read More

朋友介紹依間餐廳，仲話超多人排隊，好彩Lunch Time即衝過去，大約5分鐘就入得。上餐亦都好快，試咗 咖哩同濃茄 和牛漢堡蛋包飯。咖哩汁比茄汁出色得多，典型日式咖哩，甜而不辣，送飯一流。反而茄汁對比上就淡味咗，但舊牛係超級淋，而和牛漢堡入口就溶化，亦將成個飯昇華哂，所以和牛漢堡亦係我每次都必需要點嘅嘢食。…Read More

上次點了牛柳粒意粉，但個意粉好硬，炒好後太乾也太硬，沒有味道，不會有下一次。意粉入面的牛柳粒完全沒有牛味。服務員詢問要什麼汁，但磨菇汁入面連少許磨菇粒也沒有！！…Read More

美景不嬲都好多好嘢食！依間八度半開咗幾個月，我都食咗幾次，個老闆都認得我了每次我都食鹽酥雞，每舊都好入味，外層脆卜卜，唔會槳口我今次就配麵，不過個人覺得配飯會好食啲，因為佢個麵有少少咸咸哋。之前食過小香腸撈麵，如果鐘意食台灣腸嘅 可以一試，但我就麻麻哋 有少少偏咸。另外嘢飲今次飲荔枝紅茶，我都幾鐘意佢嘅玉露系列，可惜今次佢無哂椰果！因為真係好足料！！不過建議唔太好甜嘅就要記得嗌少甜喇！已經幫襯過幾次，除咗嘢食好之外，老闆態度都好好！比錢都比得開心啲啦…Read More

喺葵廣血拼完 返屋企前需要充充飢 行過唯一 比佢嘅蔥油餅吸引 等咗唔算耐 $10都幾大塊！我等到返屋企先食，隔咗15分鐘左右 不過依然熱辣辣！一打開陣陣香味 啖啖蔥油味真係好正 不過嫌佢蔥可以再多啲！不過10$有兩塊又熱辣辣已經好抵！食到一半先記得影低 因為實在太忍唔住了！…Read More

芝士撻到到都有, 周圍愈開愈多, 每間都會話用咩咩芝士乜乜芝士.今次我就試下依間既芝士撻究竟係咩味.我見個外形同排成個鐘個間差唔多, 心諗應該都唔錯掛我同男朋友一人一個 行出門口就一齊食.如常掀開個底模打算食, 點知啲芝士重到個餅底都承托唔到, 一掀開佢就冧., 打算成個拎起食, 但一拎個餅邊就碎..咁我唯有就咁咬, 芝士味都幾幾重, 不過就真係好膩,由於我就咁咬, 給果個餅底就痴住哂個底模, 我就淨係食到芝士..…Read More

上班中途，同事外賣給我們食，同事說排了35分鐘左右，由銅鑼灣送到灣仔，都慢慢變凍了。不知是否凍了，皮會硬了，但反而變得更脆。由於凍了關係，芝士沒有流出來，但一樣軟林林，芝士味很濃郁，但一點都沒有太膩。吃完一個，不禁想多吃一個！不過價錢比其他貴，但也值得。過幾天經過想自己排，可惜眼見太多人，應該要排一個鐘左右，所以放棄了，還是等熱潮過了比較好。…Read More

友人介紹之下決定去試一試，去到才知道米之蓮一星，難怪那麼多人排隊，不過也很快，座位迫迫的，像澳牛一樣，吃完就要走。生煎包皮薄 底脆 汁都算多，不過跟正宗上海的，還有點距離，但不過不失吧！餐牌上食物不多，我想應該主要賣生煎包為主，下午三點去，上海雲吞都已售罄了。…Read More