月巴肚腩's Profile

仲記得第一次食呢間餐廳既時候係荃灣既一條行仔入面，地方雖然唔大但覺得好好食，估唔到佢開到黎元朗。今次緊係要去再會一會佢啦 (食物叫左浦燒原條鰻定食﹑芝士吉列豚肉定食﹑小食就叫左雞泡魚乾﹑飲品就叫左薑啤同埋柑橘疏打)A) 環境  (3/5)餐廳座位算多，係社交距離限制下都無擠迫感，裝修相對荃灣新正，裝修較為簡撲唔igable。B) 食物質素  (4/5)第一次食荃灣都係食浦燒原條鰻定食，今次當然唔放過佢，定食用上完條鰻魚醬汁香濃，再配上飯素相當可口，重點係鰻魚食落唔會有骨同埋糖心蛋真係好好食而芝士吉列豚肉相當切，再加上芝士醬，食落唔覺油膩。另外追加既雞泡魚乾就不過不失，始終都係買返黎餐廳再加熱。飲品既選擇相面同區既日餐廳黎講都算多，而我地就叫左薑啤同埋柑橘疏打。C) 店員服務  (3/5)整體黎講店員服務都算係好既，笑容滿面，但可能因為假日午市比較多人，所以餐員反應好快將我地既餐盤拎走，感到上有d rush。D) 性價比  (3/5)因為元朗區實在太多好野食，相比之下好似有d失色，同埋可能依家做大左，反而比起當時係荃灣食有d比下去。不過整體黎講唔係話差，只係第一次食既時候太好，令我對佢既要求高左。…Read More

經開長沙灣探個就離開香港既朋友，順手搵個位同佢慢慢吹，最後去左雪山。 食物叫左以下幾樣: 招牌避風塘生炸脾配薯條﹑榛子醬西多士同樽仔奶荼A) 環境  (4/5)餐廳環境寛闊，雖然座位較多，但無因此而產生擠迫感，而裝修方面亦花左唔少心思去報置，有整幅壁畫名特色牆等等，而餐具及配料擺放整齊。B) 食物質素  (4/5)雖然餐廳做既都係街坊生意，但相對傳統茶記黎講一D都唔平凡。對於食開炸脾既我黎講最怕既係唔熟同Overcook引致肉質死實，而呢到既招牌避風塘炸脾有成隻手掌咁大隻，而且切開時仲非常多肉汁流出，而且口味比較特別，相當扺贊而薯條係粗薯條，食落口感當然比鏈鎖店好好多啦。 另一個主食叫左榛子醬西多士，熱焫焫既榛子醬夾係外脆內軟既西多內面再加牛油香同糖漿，非常好食。  而飲品大家都叫左樽仔奶荼，有茶味而唔太甜。C) 店員服務  (5/5)茶記黎講，我覺得姐姐既服務好好，笑容滿面而且親切友善，可能因為我地食下午茶時段，所以人流唔算多，店員服務都相當細心，仲驚我地位置係風口位，主動提出需唔需要較細冷氣，今時今日既服務態度真係相當細心。D) 性價比  (4/5)冰室黎講，有格局整齊，坐極唔會吹你走，而且食物水準唔錯既，我覺得性價比已經相當唔錯。 …Read More

經開元朗千色，雖然係連鎖店但都有人龍排緊，就買黎試下佢 2點左右，只係買左大份原味炸雞。A) 環境  (4/5)始終開左唔算好長時間，環境新正企理，不設堂食。B) 食物質素  (3/5)Order左原味炸雞，雞肉食落有D死實，可能同雞件部位有關，食落無肉汁，所以扣左D分，而味道同一般炸雞店一樣主要黎自味粉，唔算好特別。C) 店員服務 (4/5)店員服務唔錯，好有禮貌，仲會提提客人因為單多而需要等待時間。D) 性價比 (3/5)如果同樣價位既小食店係元朗區黎講真係有好多選擇，個人認為同其他炸雞店比較唔算特別出色，所以性價比真係一般般，不過未試過既朋友都可以試下既。…Read More

疫情一直好嚴重，唯有買外賣啦，經開元朗廣場就發現左佢喇~~(食物叫左德國辣雞堡同薯條; 飲品就橙汁汽水)A) 環境 ⭐⭐⭐ （3/5）一間主打外賣既小店，餐廳規模唔大設有一張巴枱，裝修上比較簡約，牆身有好多顧客留低既畫同字句B) 食物質素 ⭐⭐⭐⭐ （4/5）食品選擇算多，而我叫既德國辣雞堡份量十足，有大塊過手掌既炸雞同一條德國腸，配上辣椒醬同其他配料好有層次，而薯條係粗薯條，比較有口感C) 店員服務 ⭐⭐⭐⭐ （4/5）店員親切友善，滿臉笑容，因為外賣為主，所以唔多作評論喇。性價比 ⭐⭐⭐⭐ （4/5）性價比相當唔錯，burger雖然係單叫，但套餐價加20蚊可以要埋薯條同飲品，衡量價錢同份量既話呢間真係無得輸，而且品質唔差，對於大食既朋友黎講應該係唔錯既選擇…Read More

落左好多日雨，終於等到出太陽，即時出去行下，但疫情嚴重都係搵外賣為主，經開元廣發現左呢間小店 (食物叫左龍蝦牛油果沙律滑蛋牛角堡同朱古力煉奶窩夫; 飲品就叫左朱古力鮮奶咖啡)A) 環境 ⭐⭐⭐ （3/5）一間主打外賣既小食亭，剛剛新開無耐，裝修設計比較簡約，只設有一張巴枱。B) 食物質素 ⭐⭐⭐ （3/5）雖然牛角堡有少少鬆散同埋牛油香味唔太夠但用料算充足，而窩夫係做得唔錯，做到外脆內軟而且勁多醬，鍾情甜品既朋友仔應該會like爆，至於飲品方面就叫左朱古力鮮奶咖啡，咖啡同朱古力既味道平衡得幾好，唔會比朱古力既甜味蓋過。C) 店員服務 ⭐⭐⭐⭐ （4/5）店員親切友善充滿笑容🙂，備餐時好細心準備每一份食品性價比 ⭐⭐⭐⭐ （4/5）雖然我無食all day breakfast ，但以69蚊呢個水平黎講😱，我覺得已經打低唔少對手。雖然有不足既地方，但對於一間開店唔夠一個月既小店黎講已經做得唔錯，希望佢地繼續努力捱過疫情…Read More

農曆新年前咁岩經開觀塘，探好耐無見既大同，有空閒時間就當然想掃下街記得附近既駿運士多燒賣好出名，所以去試下佢因為不設堂食，所以今次只會講下佢地食物質素同店員服務。A) 食物質素 ⭐⭐⭐⭐ （4/5）叫左豬肉燒賣，份量大大粒仲係7蚊有6粒，燒賣望落十飽滿，咬開仲可以睇到一絲絲既豬肉肉絲，再加小店提供既辣椒油，真係好好食。而值得一提既係佢地既辣椒油係屬於好有後勁嗰種，開頭會甜甜地之後先黎料最可惜既係我唔係好食牛，試唔到佢地既牛肉球，有機會捉埋朋友黎食再分享下。B) 店員服務 ⭐⭐⭐⭐ （4/5）姐姐好好人好親切，臨近新年所以佢都同我講下d祝賀說話，覺得好有人情味👍🏻👍🏻…Read More

準備去見工，早左少少到，之前一直bookmark左但未去試，今次終於有機會喇(食物叫左椒鹽豬扒飯而飲品就叫左港式凍奶茶)A) 環境 ⭐⭐⭐⭐ （4/5）餐廳環境唔大座位較多，會有少少擠迫感，而裝修較為簡約，但店內有好多自家設計既餐廳logo🦐🍚，唔花巧亦有餐廳自己既風格，以港式茶記既標準黎講算幾四正。B) 食物質素 ⭐⭐⭐⭐ （4/5）椒鹽豬扒飯係即叫即炸，飯底炒得好好，色澤金黃粒粒分明，而且相當足料有五大塊豬扒‼️不過值得一提既係椒鹽豬扒比較重口味，有部分朋友仔未必太好，但個人而言係幾惹味😋C) 店員服務 ⭐⭐⭐⭐ （4/5）店員服務親切友善，而且姐姐好細心見落雨天🌧，主動幫手拎遮去遮架絕對抵贊D) 性價比 ⭐⭐⭐ （3/5）性價比方面算係合理水平，因為同區選擇較多，如果間唔中食下一個有水準既炒飯都會諗起呢到，都值得回頭再試既，下次要食蝦頭油炒飯🦐🔥🔥…Read More

約左朋友大年初四出黎行下食野順手拜年，上網Search下有咩推介，多正評就試試佢啦坐低order左以下幾樣食物 (前菜: 粟米湯同芝麻醬紅椰菜配蜜桃沙律; 主菜: 意式米蘭炸豬扒同辣味香蒜棷欖油意粉配紅蝦; 飲品: Latte Macchiato同Dirty)A) 環境 ⭐⭐⭐ （3/5）餐廳座位算多，可能因為農曆年假完結後大家都開始上班，人流比較少所以無擠迫感，至於餐廳裝修較為簡約唔太花巧，因此唔會有太多打卡位可言。B) 食物質素 ⭐⭐⭐⭐ （4/5）先講餐湯同餐包，餐湯係粟米湯入口有粒粒粟米溶，而餐包一食落暖笠笠十分鬆軟而且帶香料味。主菜意式米蘭炸豬扒雖然唔係咩特別既食物，但食落外脆內嫩，中間包住芝士同火腿，味道好好。而意粉方面，紅蝦鮮嫩彈牙，可惜整體較為油膩。至於飲品不過不失，個人認為Dirty如果可以再凍少少就更好，因為飲得Dirty都係想品嚐果種冷暖之間既層次感。C) 店員服務 ⭐⭐⭐⭐ ⭐ （5/5）店員友善親切，主動幫手拉座位，更主動幫手將我既背囊放入收納盒，十分抵贊。D) 性價比 ⭐⭐⭐ （3/5）性價比黎講，呢個價位有齊前菜、主菜、飲品同甜品已經算唔錯，屬於合理水平。…Read More

去開將軍澳探朋友，見時間尚早就搵間coffee shop hea下打下書釘 (食物order左NOC Benedict + potato gratin; 飲品就order左latte [單品豆])A) 環境 ⭐⭐⭐⭐ （4/5）餐廳環境寬敞地方夠大，即使座位算多但唔會感到好擠迫，因疫情關係堂食既就更少。而裝修較為簡約既工業風，設計採用落地玻璃，採光度十足🌞如果想hea下享受下一個悠閒既下午飲下咖啡，都係一個幾唔錯既選擇。B) 食物質素 ⭐⭐⭐⭐ （4/5）食物方面，傳統上🐔egg benedict會用荷蘭醬，今次配上牛油果醬、煙三文魚同酸種麵包味道唔錯好smooth。另外加多左個焗薯，入面用奶油同薯仔烤焗而成，好creamy。而Latte就要左單品豆，咖啡味好出好nutty。C) 店員服務 ⭐⭐⭐⭐ （4/5）店員服務友善細心，個人比較大意又唔記得攞遮☔，好在店員提醒♥️😅D) 性價比 ⭐⭐⭐ （3/5）性價比方面，因為用餐時間限左90分鐘🥲，對於我鍾意係coffee shop到打書釘既人黎講，性價比就一般般喇，因為食完個lunch同飲完咖啡都已經用左好多時間，係有d可惜既。…Read More

今日同屋企人去左朗屏站樓下既小店Next Station到搵食，坐低我地order左以下幾樣 (食物: 豬籠炒蛋貝果，港女最愛牛油果碎蛋沙律多士; 飲品: Dirty同埋Motcha Latte)，整體評分如下:A) 環境 ⭐⭐⭐ （3/5）餐廳座位算多，有少少擠迫感，裝修上加入左bearbrick壁畫及擺設🐻，同主題元朗國有少少格格不入，其實如果獨立黎睇每個唔同裝修黎講係唔錯既，只係配合起黎好似有D怪怪地。B) 食物質素 ⭐⭐⭐ （3/5）食物種類貴精不貴多，值得一提既係豬籠炒蛋begal份量算多味道唔錯，可能因為我分開一層層食，所以食到底部begal已經因為醬汁而變得太濕，個人認為餐廳可以係begal底層加少少牛油，避免因為炒蛋同豬扒既醬汁影響begal底層口感。而牛油果蛋沙律多士味道其實唔差，食到好香既黑胡椒味。至於飲品方案就不過不失。C) 店員服務 ⭐⭐⭐⭐ （4/5）店員服務算友善親。性價比 ⭐⭐⭐ （3/5）性價比黎講個人認為算係合理水平，但因為餐廳開業時間唔算耐，所以都仲有少少空間改進，希望黎緊會做得好d💪🏻…Read More

本身想係觀塘搵間coffee shop hea下享受下平靜既星期六，最後我係搵到一間幾有驚喜既茶室。(食物order左紅苺奶油戚風蛋糕，而飲品就order左茉莉茶latte)A) 環境 ⭐⭐⭐⭐ （4/5）環境寬敞座位唔算多，裝修簡約以純白牆物配木紋賿席營造茶座氣氛，空間感同舒適感十足，唯一美中不足既係地點可能有少少唔就腳。B) 食物質素 ⭐⭐⭐⭐（4/5）食物方面，唔想食太甜所以叫左紅苺奶油戚風蛋糕🍰，蛋糕鬆軟富空氣感，味道主要來自奶油加紅苺粒，清新可口。飲品order左茉莉茶latte，口感清新，奶味同茉莉花香十分平衡🍸C) 店員服務 ⭐⭐⭐⭐⭐ （5/5）店員十分細心友善，亦嘗試同我地講解不同茶種，而menu上有tasting note亦可以幫助客人了解不同飲品既味道。D) 性價比 ⭐⭐⭐⭐ （4/5）性價比黎講算唔錯，食物質素同環境都有返咁上下，係觀塘呢個人多過車既地方黎講，有時間可以坐低慢慢chill住享受生活又唔會趕你走，都幾寫意💖。用餐時段：下午茶人均消費：＄100左右…Read More

因為近排朗屏站附近開左好多新餐廳，所以今日同爸爸媽媽去左果到搵好野食，結果搵到間有d驚喜既餐廳坐低左我地order左以下幾樣野 (食物: Chicken Aglio Olio, Porcini Mushroom and Truffle Risotto同埋Bistro Chicken Burger with Side Fries; 而飲品就Order 左 Flat White, Vanilla Latte同埋English Breakfast Tea)A) 環境 ⭐⭐⭐⭐⭐ （5/5）餐廳環境寬敞，座位算多，但唔會有擠迫感，裝修精緻走歐陸風格，坐落幾都幾有氣氛幾chill❤可過疫情關係，如果可以食晚餐就應該更有氣氛。B) 食物質素 ⭐⭐⭐⭐ （4/5）食物方面，set lunch唔係好多選擇 (共5種)，Chicken Aglio Olio 雞肉食落口唔會死實，醬汁帶有微辣幾有層次; Porcini Mushroom & Truffle Risotto個人覺得一般般，因為雞湯味比較濃蓋過左Truffle既味; Bistro Chicken Burger就低食夾大件; 至於飲品就不過不失，整體食物質素黎講會算係中上水平。C) 店員服務 ⭐⭐⭐⭐ （4/5）店員服務較為有善，美中不足既係餐牌係全英文，如果客人唔係太熟識各種食材既話會有尷尬位（尤其是對我呢隻元朗牛黎講🐮）。雖然都明白餐廳應該係想走中上層路線，但都要照顧小部分人事既需要🥲性價比 ⭐⭐⭐⭐ （4/5）性價比黎講黎認為係合理水平，食物質素同環境都有返咁上下，個人認為唔過份。…Read More

天氣不似預期，有少少雨但無阻我去搵好東西食既決心，近近地去左錦上路附近搵間Cafe慢慢坐A) 環境 ⭐⭐⭐⭐ （4/5）環境係唯一彈既地方，店鋪分開兩邊，一邊係落order連接廚房地方較細，另一邊就只供用餐，整體地方唔算好大，座位算多，但落完order需要等店員經過戶外再送到你面前💬雖然戶外都係幾步路，但始終天雨關係，感覺上都唔係太好，所以被扣左少少分。B) 食物質素 ⭐⭐⭐⭐⭐ （5/5）食物種類算多，同時質素真係有驚喜，咖啡叫左比較考功夫既Piccolo Latte☕，由於短笛🍼奶泡份量相對較少，好容易會因為控制espresso份量唔好而導致苦澀味蓋過奶味，真心覺得咖啡師功力唔錯，奶味同咖啡味平衡得好好，亦係尾段感受到咖啡豆既果酸🍒，再加上嗰幾粗杏仁真係好nutty，食物叫左蘑菇炒蛋加Begal，質素就不過不失，但絕對唔係Hea做，只係杯咖啡太高分C) 店員服務 ⭐⭐⭐⭐ （4/5）店員服務算友善親切，只係我比較挑剔，雖然Menu入面有提唔同咖啡豆既特徵，但如果可以由店員介紹多少少就更好，等客人可以了解多D唔同豆既特徵，亦幫到客人選購自己鍾意既味道。D) 性價比 ⭐⭐⭐⭐⭐ （5/5）性價比方面，以32蚊杯咖啡黎講真係完勝連鎖大店，咖啡相當有水準，值得推介🙌…Read More

食lunch嗰陣聽到同事間提起前帝苑總廚Tony Wong坐陣既Patisserie Tony Wong，近近地當然要試試佢A) 食物質素 ⭐⭐⭐⭐⭐ （5/5）🍰Order左Caramel Mousse Cake, Baked Chocolate Mousse Cake同埋Gold Medal，整體黎講唔算好甜，唔會有太甜滯口既感覺，食落有淡淡既酒味，非常平衡同時間賣相亦相當精美。😋B) 環境 ⭐⭐⭐⭐ （4/5）其實鋪位唔算大，但座位就算比較多，如果堂食既話會有少少擠迫感，唔夠chill。裝修格局黎講算幾精美，雲石枱加墨綠色座位，再配合牆身畫作，營造出一種貴氣，同時亦睇得出設計者既心思。不過因為疫情關係，我都係選擇左外賣拎返屋企食。C) 店員服務 ⭐⭐⭐⭐⭐（5/5）個人認為店員服務都幾貼心，唔單止會提醒客人留意食用時間，亦會好貼心用膠紙將每件蛋糕底固定，避免外賣途中移位，可見總廚對員工訓練落既工夫，相當抵贊💞。D) 性價比 ⭐⭐⭐⭐ （4/5）以50零蚊食到咁高質素既蛋糕同服務已經相當合理。…Read More

放工經過葵芳地鐵站，口痕痕又想食野，知道近排有被推到熱爆既強記小食，就當然唔可以放過佢A) 環境/店員服務 （偷懶mode😆🤞🏻）因為係街頭小食，所以環境同店員服務都唔評喇B) 食物質素 ⭐⭐⭐⭐ ⭐ （5/5）叫左串魚蛋同燒賣 （7蚊/串）魚蛋十分彈牙，而且好有陳皮味，再加上秘製醬油非常好食😋，終於明白點解會推到上神台條隊排到去地鐵站😅。至於魚肉燒賣十分大粒，飽滿有魚味，唔會好死實黏口。最可惜係我唔食牛，無得食牛肉球😂C) 勝價比 ⭐⭐⭐⭐ （4/5）只係7蚊串其實唔會太有要求😆同埋同附近既葵廣價錢差唔多，又近地鐵站所以比就分少少…Read More