hooosynthia's Profile

之前經過呢間新開小店，試業冇耐就已經有人響出面排隊。今日八號風球見鋪頭正式開張，入面都照做生意，就入去食個早餐。舖頭裝修企理夠光猛，坐得舒服乾淨，係新式茶餐廳風格。咁啱今日開張，幾位老細響度切燒豬，伙計就繼續快手做野，坐低冇耐就過黎問我食咩。今日唔算好餓，叫左個魚柳包試下。出菜幾快，賣相不錯，魚柳炸得脆唔會太薄，沙律醬同菜配搭得剛好👍🏼 呢間小店係傳承九龍城德昌魚蛋粉，老字號德昌成日排長龍，出名用料高質。下次會再黎試下呢度d魚蛋粉，睇下有冇傳承到德昌出品咁好先。…Read More

食完lunch set即訂當晚8點黎試串燒，疫情關係只能吃到10點，所以我們都很準時到達這家海傍小店。開左一個星期左右已經坐到滿哂，好受歡迎！我地一行四人有得坐卡位，有私隱度又坐得舒服。店員態度好親切，成晚都好專業細心介紹菜式，服務周到，有傾有講，對住個個客都係VIP服務，唔坐bar枱氣氛都好好！裝修都好有格調同心機，睇得出係落足本有要求的小店。食物方面以串燒為主，仲有d其他小食同飯團烏冬等主食。我地叫左好多串燒，用料上乘，調味做得恰到好處，能帶出食物本身味道。最愛必食係免治雞肉棒，佢入面有加入雞軟骨有少少咬口，個汁係用日本蛋黃同秘製醬汁做成，蛋黃比出面食既杰d令醬汁可以沾哂上雞肉棒，醬汁調味都好好，唔係度度都做到，簡直完美配搭！另一推介係燒黃油雞翼，皮脆肉嫩，火候控制同黃油雞的油香好正👍🏼👍🏼 仲有第二種雞既雞翼，店員話係肉質會更彈牙，睇得出小店對用料好講究，下次會試下。其他雞串如雞胸骨、雞皮、雞尾等等都好食，值得一試。其他串燒如牛舌、五花腩、煙肉荔枝卷都誠意推介。炸小河蝦係驚喜，唯一不足係啱啱開所以未有完整日本酒menu，小河蝦用黎送sake就真係完美😋疫情影響十點就要走真係不夠盡興，呢間小店新開做得唔錯，價錢合理，食物環境服務高質，小細節上都做到好足，一定會再黎。三五知己開開心心食完串燒，響出面海傍行下，一生一大樂事！…Read More

今日來到堅尼地城海旁，見到有間新開的日本串燒小店，見裏面裝修不錯，店員也很熱情，就進去了。除了見到師傅燒串燒既吧枱，裏面還有一些卡位可以坐。很喜歡他們的裝修，簡約又有格調，而且圍繞著enso的主題用了圓形，好有日本風格。原來他們現時只在週末做lunch，星期一至五只開晚市。餐牌上有四個選擇，都是定食餐。我們兩個分別叫了柚子胡椒赤雞扒定食和鹿兒島黑豚肉定食，都叫了少飯。定食包括麵豉湯、一杯果汁、沙律、漬物同甜品。雞扒燒到塊皮好脆，有驚喜。黑豚肉就有帶少少肥肉，但調味同燒出黎都好香，好好送飯。碗飯係用靚既米，同埋成個定食色香味俱全，係一家用心做好食物的餐廳。食飽飽之後覺得滿意，好想試下d串燒，即刻搵多兩個朋友訂當日晚飯再黎。…Read More

今天來到九龍城想吃泰國菜，走下走下看見這家小店門外有排隊，就試試看。因為疫情關係，店舖裏的桌與桌之間都有一塊隔板，也有滾水提供讓我們洗碗碟，很體貼。椰青很清甜，芒果沙冰用料真確。泰式生菜包有一點辣辣的，很惹味，讓人一食上癮。蝦醬炒椰菜苗比較濕，多芡汁，味道也很不錯。另外青檸明爐蒸烏頭是我們的最愛，熱辣辣的架在火爐上，湯裏面還有很多配菜，很合我們的心意！最後我們還多叫了一杯龍眼冰，龍眼肉非常非常多，不太甜所以很滿意。別看這間店舖不大，裏面的顧客都吃得很開心，是難得的誠意小店，會再光顧！…Read More

一家有趣的樓上餐廳！位於杜老誌道的杜老誌大飯店，裝修充滿老香港街頭特色，取名自杜老誌舞廳，很有心思。食物方面，餐牌上的都是大排檔名菜。椒鹽鮮魷炸皮剛剛好，酥脆美味。柚子骨甜甜的，有些柚子碎但醬汁柚子味不算濃。臭豆腐配上甜醬辣醬簡直是街頭小吃的味道，不算最好吃但也做的不錯。最欣賞的是花甲蒸水蛋，水蛋蒸的超級滑，蒸的時間掌握的剛剛好，而且賣相也很好看，送飯一流！加上蔥花和豉油，好正！甜品菠蘿皮西米焗布甸，皮薄味道不錯，比較重custard味，其外份量好大。…Read More

今天來到這家越南餐廳，一進去覺得裝修比較簡單，不過之後就有驚喜了！看了一下菜單，發現食物價錢合宜，不過因為不太餓所以只叫了三樣食物，包括有鮮蝦米卷，牛肉河，香茅雞翼，同一杯凍咖啡沙冰。鮮蝦米卷有四個跟外面的份量差不多，味道不錯，米卷的質地煙韌，會再吃的。而到牛肉河，配料俾得好足，芽菜新鮮，湯底清新，肉嘅份量偏多，兩個女仔食一碗都夠哦。之後輪到雞翼，個人認為牛油味好夠但香茅味不足，不過佢炸得好脆好鬆軟，好值得一試同再食！咖啡不錯不會太甜。值得再來的餐廳！…Read More

今天經過大坑想食熱野，點知周圍都係cafe 多 所以openrice左見到呢間餐廳，就試下。本身都鐘意肉骨茶，覺得呢間都係食過裡面數一數二好食，店員話佢地係全球比賽頭五十名，都算名副其實。肉骨茶夠清同香，米粉撈湯好正！串燒也好好吃！另外有個馬拉盞炒蘿蔔糕，份量好足味道配料都滿意。食物質素高價錢亦可以，尤其係午餐套餐，非常划算。不過店鋪位置較入，開地圖需要行多一陣路，揸車入都可以，店內還有攝像頭顯示街上泊車。推薦！…Read More

今天來到這家位於佐敦的印度菜試一下，環境不錯，但餐廳人流比較少。點了兩道咖哩，一個是雞肉，一個是芝士。可能不是很多人喜歡吃芝士，但我總覺得印度菜的咖哩芝士別有一番風味，值得一試！雞肉那一碟的咖哩味道偏甜，芝士的咖哩香料味濃郁，味道不錯。叫了兩杯飲品，包括mango lassi 以及 salted lassi，兩杯奶昔都挺好喝的。整體來說，味道比其他印度餐廳的調味偏甜，如果喜歡吃比較甜的咖哩可以來這裡試試！…Read More

今天下午突然想食酸菜魚，中午黎到川婆婆滿足食慾！以前晚飯黎過打邊爐，感覺正宗所以再次來試試看其他的菜色。一入黎果陣川菜味聞到好開心，好興奮。客飯餐好抵食，叫左一個大盤雞餐同一個酸菜魚餐，兩道菜份量適中，可選大中小辣。酸菜魚味道比較淡，叫了大辣但是感覺不夠辣，味道有點單一，不過好欣賞有菜飯，為我地都市人平時多肉少菜既diet加菜…Read More

我們一行三個人，點了三個set lunch，分別是三色海鮮don（有油甘魚、吞拿魚、三文魚子），香蔥拖羅蓉飯，網燒安格斯牛。用料非常新鮮，每一塊生魚片在嘴裡都融化，尤其是吞拿魚，入口融化，至於牛肉就稍微熟了一點。份量大但同時每一個部分都做得剛好，蒸蛋份量比外面餐廳大，味道亦很好很滑。set lunch還有一杯飲料同一個抹茶mochi，我們三人捧著大肚子飽飽的離開。不過建議先看看餐牌，價格略貴，如果追求質素，值得一試！…Read More

這家小店位於九龍城廣場對面，座位有限，非常適合外賣回家吃，一進去店內就被刺身櫃吸引著，看到有幾條新鮮的魚，可惜今晚只有兩人食，未能買來試試。其他的刺身都是包裝好的，竟然看到牛肉刺身！總體來講價錢適宜，味道新鮮度同價錢成正比，會有下一次的。…Read More

餐廳位於教會大廈裡面，取名Manna係甘露的意思。在counter買了餐找座位等一陣，就有得食啦！雞扒三明治同牛扒餐都好高質素，仲有沙律同水果同飲品，非常滿意的午餐…Read More

來到這家小店，點了香港經典豬油渣麵及碗仔翅。平時唔多食呢兩樣野，但今日有人話想食就黎試下。豬油渣麵好香，唔油膩，是我一直誤解左佢，好味道呀！碗仔翅多料，好豐富既口感，加醋仲正！平靚正的小店…Read More

路經小店，芋圓控發作！叫左碗黑糖芋頭芋圓珍珠涼粉😋😋黑糖味好重，芋圓同珍珠都好煙韌，芋泥好香好好味！完全可以滿足芋圓控既craving! 涼粉令成碗野唔會膩，完美的平衡😋…Read More

有朋自遠方來，一行7人黎到呢間自己揀扒既餐廳。叫左幾塊牛扒，同樣都是medium rare，但生熟程度完全不一樣，同一間餐廳好少遇到，但覺得問題不大所以照食，後來有同經理反映左，都好有禮貌地回應。仲叫左漢堡包，三文魚，mac n cheese，creme brulee，味道都幾好，價錢就唔會好抵，但都算食得開心！…Read More