Normal Foodie's Profile

上次去counter落單，個店員已經叫話用QR code落單，你落唔到都無諗住幫你用機落單，最後俾唔到錢就走咗。今次再俾多次機會佢，去counter直接指話佢個牌話要「青檸芭樂鳥龍寒天Q」，個店員問要唔要加配料，我問佢係咪本身有寒天/蘆薈，而且明明個display寫話有蘆薈Q，個店員話無，剩係得果汁，我話但你個display寫住有蘆薈Q個店員俾錢個下又唔知禁咗啲咩轉咗剩係得果汁，冰量&糖度又無唔問，真心以後都唔會再幫襯，其實配料要加錢係無問題，我只係唔想加double份量先問，而且你個display又咁樣顯示。…Read More

開頭見大部分嘅食評都正面，碌多幾碌，原來唔至我覺得呢間餐廳同個舖頭名一樣，喺度做乜？因為有主題cafe，所以嚟咗呢度食，滿心期待咁去，食咗成肚氣。喺度做乜1 （服務質素）:- 知道有主題會full啲，預先訂咗位，結果都係walk in都無咩太大分別，求其搵個bar枱位俾你咁，個職員拎住本mark book枱嘅簿一臉迷惘，其實都唔知book嚟做乜？見到好多人book咗枱都俾人打尖入座先。同埋話訂位可以優先安排有主題佈置嘅位置，完全無。求其俾個位我坐都算，問佢拎張凳放嘢都無，真係多嘢度食唔到嘢先問你拎，其實有無預先考慮過應唔應付呢個人流先決定接生意？見隔離位啲人離開咗個位去睇啲主題佈置，個職員就即刻走去想清枱，求求其其咁問隔離啲唔係同行嘅客人話仲要唔要，已經答你話佢哋行開咗，要問翻佢哋先知，都仲要繼續問。知你想翻枱，但真係認真確保一下服務質素會好啲，我都係食咗半個鐘都無就感覺太有俾人催住走嘅感覺而走人，講真嚟得主題cafe都係想慢慢享受，而唔係食快餐咁。仲要收加一，真係唔知自己俾人serve咗啲咩，個餐有餐湯又係問先有嘅，寫話可以俾FPS，收錢個下又係到話「最好俾現金」，咁就麻煩改一改個餐牌。喺度做乜2（食物質素）:本身都知道因為係主題cafe，食物價錢會貴啲，但食落真係一啲都唔值，牛扒質素同茶記雜扒其實都不相伯仲，又硬又痴牙，啲餐湯都係開出嚟嘅粟米湯，啲薯角又唔脆，啲嘢食都只可以用微暖嚟形容，嘢飲只係可以自己沖嘅柚子茶，呢個價錢你可以有更好嘅選擇。整體嚟講，真係唔會再嚟食，都唔推介嚟試。只能說浪費咗有心搞呢個主題嘅人嘅心意。…Read More