食很大's Profile

夜晚12點搵食都幾難，睇OpenRice的食評後就行去落單，叫咗Padthai和串燒3串。我喜歡即叫即煮的餸菜，簡單的Padthai就睇餐廳的出品是否合格。由於我落單前已有2個外賣訂單，我大約等15分鐘左右就有。padthai的肉是雞肉，其口感不會太柴，沒有過火候。加返青檸汁後，食落都是易入口，不會太死甜和太酸，我認為是好食，一分錢一分貨，抵食，熱辣辣。✅串燒的部分，我叫咗雞肉、豬肉和豬頸肉，選擇了甜酸醬是明智，因為食Padthai加串燒一齊食，剛好配合到，酸甜酸甜，恰到好處。串燒的肉質是比較瘦，不肥，雖然沒有好juicy，不過蛋白質含量十足。。總括餐廳的門面算是光猛乾淨，食物出品是好食，老闆們是有禮，收銀和廚房都講泰文，我覺得100蚊有找既泰菜，可以支持再食。🥇…Read More

新餐廳，被吸引去試一試，外賣自取$204，慢煮北海道豬$136 特大Mega ($88+$48的組合），追加慢煮牛$68，選擇香橙醬。餐廳裝修不錯，有心機的外置配套，店鋪音響一流，服務也很好，有介紹菜單。✅👍不過，去到出品的部分是失晒分數，首先是拎上手時，外賣是輕飄飄，心諗可能是精品菜，好食就得，份量也是其次。點知返到屋企打開食，慢煮牛，肉質不嫩，有渣。另外，慢煮北海道豬就尚算可以，但烤製？燒製？方式不算是合格，是㊙️燶味㊙️，不是香烤的香味。最後只能說香橙醬是正常的，香橙醬味跟豬肉都夾。堂食可能會好啲，因為可以問點解咁勁的烤燶味。WHY?位置：於K11的二樓，店鋪都方便易搵。配置：裝修靚，座位舒服，餐牌清晰。食物：有待改善。…Read More

外賣時間：10點左右由於想食有質素的點心，見到佢地評價是正常，快快手就下單，但後悔了。味道是正常，但糯米雞好咸丫！完全是味蕾大刺激中中地伏：燒賣：味道ok，不太出色。咸水角：最正常，可以一試。紫薯煎餅：不太Sweet，油油地是正常。馬拉糕：ok，普通。糯米雞：死咸，咸到5小時後都好想飲水。以上是味道的評價，外觀及包裝都算正常，不過大家要食好味的點心前，可以睇睇是否合心水，偏咸的味道，您喜歡的話，go ahead。…Read More

芋蓉+芋圓+豆奶，味道良好。如果有一粒粒的芋頭的話，會更加有口感，支持小店，大家可以來試一試。人流不多，店內有坐位休息一下，下雨天都有位避下雨，唔錯唔錯。$36大杯。…Read More

又一日窮L搵食，沙田餐廳多又貴，從雲雲餐廳中找美食是困難，最後就去一去沙田連城廣場撞一撞運氣。眼見此店排隊人數不多，就立刻跟著隊尾。其實之前我去過尖沙咀的始祖店食過，當年韓風當道，那次食物質素一般，沒有韓國正宗既古早味，不過外表及味道有類似而已。因此，這次叫餸時，我都打起12分精神，叫了韓國粉絲牛肉飯和牛肉鍋飯，避開一些伏菜，例如海鮮餅及湯類。總捨是日晚餐95元二人，排隊時間5分鐘都冇，味道到位，不過鍋飯配菜少，不是正宗的bibimbap，好在仲有隻蛋。這個價位在沙田市中心，點都要讚好，抵食的，不過配料有待改善。…Read More

天時暑熱，特別想食泰國的冬陰公湯。黃昏時段，就決心上網睇Openrice有咩泰國餐廳在沙田。眼見在沙田的選擇不多，泰國餐廳十間都沒有，就試一試這間位於沙田城裡，雖然有點遠，不過就看餐廳沒有負評及是新餐廳，試一試吧。8小時左右到達，等位人數不多，等10分鐘都不用就有位。一開始就叫冬陰功蝦湯及鮮蝦炒金邊粉，因為自己總覺得愈簡單既菜色是好難煮得好食。等了5分鐘，冬陰功湯上菜，眼見都好快有得食。湯鍋外表細細，希望用料是多多，但一開鍋只見一隻開左邊既蝦仔、蔥、洋蔥、大蔥頭、菌片等，點解圖片不像現實的一樣，材料很有差。其味道普通，沒有材料而已，可以放棄此湯。鮮蝦炒金邊粉: 份量大，味道好味，不過鍋氣欠奉。之後再叫~軟殼蟹紙卷: 份量只有4份，汁醬好味，可以試多次。泰式柚子沙律: 中晒伏，沙律汁醬好L苦，大家不要試，問了職員後，回覆是苦的，少苦苦是正常，心諗餐牌要寫「苦柚子沙律」會比較貼切。椰子波蘿沙冰: 好飲，可以一試，椰子水總是最好的，沒有失望。最後，再叫了一碗豬肉碎湯粉，因為仲好肚餓，湯底好好食，不錯之選。總捨今餐既感受，不要學我這樣叫菜，因為不會滿足到食肉既朋友。食物水準有待改善，建議大家不要相信晒餐牌的圖片，不是完全一樣，只供參考。注意: 有加一服務費（二人用餐530元），同時價錢都唔便宜，真是酒店價錢茶記水準。…Read More

沙田城門河邊的河畔花園有很多餐廳，3點鐘時段既下午茶餐，下午茶餐有很多選擇，粉麵飯都有，天氣熱熱地想食金邊粉，餐廳環境舒服，冷氣温度很好。約5至10分鐘就上菜，可以見到是即叫即炒，不是凍冰冰的炒金邊粉，食物外觀一流，雖然天氣熱，見到熱呼呼的金邊粉，胃口都返晒來。材料有紮肉條、雞蛋等，炒金邊粉既火候不錯，沙律絲酸甜到位。凍飲拉茶加3元，大大杯既飲品，是輕食及休息好地方。眼見既地方都清潔，沒有油油穢穢的感覺，可以再試。注意: 有加一服務費。…Read More

中午時間1點鐘，等候時間正常，1人食飯當然食小王牛喇。還記得新開張時，份量及味道十分滿足。但是，現在食物的份量少了，叫了牛腩麵，不過變左碎腩麵，哈。1舊半肉及1大舊根係正常大小，不過其餘都是碎碎的肉粒。下次都係食返半根半腩麵。珍珠奶茶跟餐$8係抵，不過我希望可以食返以前咁好味，有待改善，俾多次機會先，因為我感到自己還是一個小王牛既死粉絲。哈。註：我在C8位牆上打死一隻小強（中等身形），希望小強兄一路好走。完。…Read More