火炭，對於我黎講真係去到世界盡頭咁遠，咁大個人都唔知去過幾多次……仲要去火炭搵野食真係第一次。話說友人生日，佢就喺火炭工業區返工的朋友提意去火炭呢間食海鮮蒸氣鍋，仲話野食同環境都好正！約埋火車站等，行過去大１０分鐘左右，其實都okay 既~坐位唔算多，到場都有幾張枱等緊。所以黎一家要記得記得訂位。入到去環境幾好feel😄，點都估唔倒火炭工廠大廈地下無有間咁有情調的餐廳，可惜係同我一班friend 黎…..👉👈。近門口有個小舞台，聽講有時會有人表演既，不過我食飯果日就無喇。一黎係個冷盤小食：流心皮蛋+蕃茄仔，食完即刻好開胃。聽講呢度出名粥底+海鮮蒸鍋。平時食既粥底火鍋，都係香粥＋水咁囉。呢度粥底相當講究，係用日本十六穀及麥米，配上粟米魚肚黑豚煲成。粥底準備好就開始蒸海鮮。大家估下呢個係乜？！好似越南旅行時買果頂帽。其實佢係蒸鍋個蓋，用黎蒸海鮮時候蓋上。蒸鍋食海鮮真係一流，打邊爐食海鮮，鮮味流失晒去湯底。蒸氣鍋可以鎖住海鮮肉汁，食落份外鮮甜，就算流出黎都係去返個粥果度～蒜心苗伴北海道扇貝扇貝超太粒，蒸6分鐘就夠喇。上面有幾粒豆豉同蒜心，應該係用等蒸既過程可以去走Ｄ腥味。蒸好之後扇貝既汁完全無流失，鮮甜原汁原味，真心推介❤️。蜆 貴妃蚌配莧菜蒸蜆會比較容易控制時間，有時打邊爐Ｄ蜆過熟，Ｄ肉會煮到實晒。貴妃蚌爽口鮮味，仲食倒Ｄ海水味。玫瑰花生豆腐賣相別緻，瘋狂影完相一輪先食得。因為加左蝶荳花，所以顏色灰灰藍藍。食落淡淡的花生味，配Ｄ豉油，好好味。最後當然要食埋吸晒海鮮精華既粥底啦! 粥底綿滑，加上十六穀及麥米食落煙韌有咬口。感覺原汁原味好健康。呢餐覺得環境同食物都滿分！食物份量剛剛好，每樣都好精緻。店員服務周到，每次食完就會更換蒸格，準備下一道菜。每道海鮮都有蒸既時間表俾你跟住，唔洗驚唔熟會肚痛，又唔會蒸過籠！…Read More
