今晚幾左幾個朋友食晚飯，帶埋唔夠兩歲嘅bb，因為食過佢地lunch覺得ok，又有蠔仔肉碎泡飯清清地覺得啱bb食（bb淨食肉碎同飯，唔會食蠔仔），就揀左呢間餐廳。坐落之前都保險問一句夜晚會唔會都有蠔仔泡飯？個侍應話有，咁就坐低左，但點知到落單時，另一個資深啲嘅侍應（負責收銀）先話夜晚冇蠔仔泡飯，啲湯都冇哂唔會整到。無奈但都坐低左，咁叫啲可以俾bb食嘅嘢都可以接受嘅。叫左一個$498嘅套餐，入面有海南雞又有烏頭魚，可以俾bb食非常好。又有蜆、蝦，加埋小食拼盤、炒通菜、炒金邊粉、甜品（流心芝麻球），真係覺得超值👍🏼再另叫多個生菜包開心下，滿心期待～可惜由第一道上嘅炒蜆開始出事⋯啲蜆好霉好唔新鮮。咖哩蝦有層紅油喺面，同啲咖喱好似溝唔埋咁⋯蝦係雪藏蝦都係明白嘅，唔評論。個馬拉盞通菜冇味⋯炒金邊粉除左有鑊氣，味道真係麻麻。終於明白點鮮有海鮮嘅套餐可以咁平⋯⋯😓慶幸個海南雞同烏頭都叫正常，最緊要bb食嘅嘢ok。只係海南雞上嘅時候，侍應話「唔好意思，冇哂雞醬」令人有啲愕然⋯連雞醬都冇！？但平心而論，小食拼盤同生菜包都係好味嘅👍🏼食到最後，叫資深侍應上甜品，諗住有甜品（流心芝麻球）結尾令成餐飯可以提升返啲滿足感。點知佢拎左4件一口椰青糕上枱就走左，我地好愕然再問佢「呢個係咩黎？唔係流心芝麻球咩？😲」佢好老奉咁答我地：「啲芝麻球冇哂㗎啦，得返椰青糕，係新鮮椰青整㗎」我地真係聽到呆左⋯我地想叫呢個餐係expect有芝麻球，如果冇係咪應該一早同個客講？我唔知芝麻球同椰青糕嘅價錢係咪一樣，或者新鮮椰青糕係咪矜貴好多⋯但好肯定成枱人都係想食芝麻球多啲⋯你俾唔到餐牌上面嘅嘢俾客，你要叫個客講清楚🙄結論：- 食物唔好味，特別海鮮唔新鮮。- 服務態度好差。- 想食嘅嘢最後一樣都食唔到。- 一定唔會再去…Read More
