viccckkk's Profile

半年前開始幫襯，每星期都會叫一次外賣，一開始覺得唔錯，雞排夠大，跟餐凍啡都唔錯。最近幾次幫襯，雞排味唔同咗，難食咗唔識形容浸味，又細塊咗👎🏼 杯凍啡難飲到倒咗，超級甜。再幫襯俾多次機會叫凍奶茶，一樣難飲到倒咗，今次係無落糖加勁水。我明係食米線，飲品要求唔應該太高，但個餐又唔係平喎，食物又唔係出眾，杯嘢仲要唔係難飲咁簡單，係直情入唔到口🤮至於碗米線，試過酸辣湯底，無酸味唔啱我個人口味，今次都係叫返藤椒湯，米線煮得太淋，唯一滿意係雞翼，其他真係唔得…Read More

係外賣平台叫左一杯「炭熔烏龍香醇鮮奶小芋圓」再自己去取平時係其他分店都係飲開呢款，就係中意佢地既茶底。可惜旺角moko分店完全唔係平時飲開既味道，唔講以為飲緊第二間茶飲店🤢成杯奶茶係非常之水，（味道似飲緊超市樽裝午x之紅茶）要奶味無奶味，要茶味無茶味⋯打開黎睇見到杯奶茶既顏色都非常淺，好似溝左好多水咁☹️（我從來都係叫走冰，絕對唔係因為冰溶咗）至於芋圓味道就正常啦，分量不多不少。飲完成口糖漿味，唔想浪費，飲左半杯頂唔順就掉左😢…Read More

入到去坐左20分鐘都未有野食，見其他遲過自己既人全部都食緊，即刻問個呀姐，同我講無落單，我都算最多再等過。但飲品竟然要收我正價？！話過左6點無得計下午茶！我落單時係17:50！個樓面呀姐仲要話「唔關我地事！」做錯野完全無歉意，唔會幫襯！之前食過已經覺得味道不及荃灣，仲要咁既態度，永遠唔會再幫襯太子呢間！…Read More

酸辣湯面-湯底唔會好水，味道都ok, 但唔知點解湯入面好多啫喱狀物。豆沙鍋餅-個餅皮脆脆地質感幾好食，但啲豆沙個人認為唔夠多食食下聽到剪指甲聲，原來有個女侍應係廚房門口剪指甲！佢前面仲要有啲放食具食材既枱，見到即時無胃口🤮所以唔會再幫襯👎🏼…Read More

其他區熱門cafe都大排長龍，見到OpenRice 呢間評分唔錯就黎試下😋首先，要讚店員非常友善，服務態度相當好，主動提供熱水，每位食客用完座位都會進行消毒👍🏼All day breakfast 果然沒有令我失望，份量很夠飽👍🏼 賣相真係同食評啲相一樣，味道都好好！牛油果配牛角包一齊食好好味😋薯餅都好大塊！食完好滿足。今次去沒有叫飲品，下次去要試埋咖啡！…Read More

食完既感覺如題目。態度❌食物質素❌首先，入座時侍應完全無提過有入座限時或幾點要交枱。佢上菜速度唔算快，仲要未食完，侍應冷淡講一句：你張枱有客book左等緊。原本點左1杯黑糖珍珠奶茶，隔左一陣侍應行返黎，劃左我杯野飲同半頁落單紙，就咁掉返低張落單紙同筆，冷淡講句：呢啲無。再講食物，清湯8餸寬面，湯底只係靠落左大量既蒜去調味，完全食唔出有咩特別，8餸聽落好多，其實份量非常少，價錢卻收$58（好似仲要加1？）。之前食過尖沙咀個間覺得ok先再食，但今次食完寶琳呢間真係唔會再幫襯！…Read More

唔知啲好評係點黎？我自己點左- 北海道海鮮釜飯，串燒盛合北海道海鮮釜飯👎🏼刺生冇咩鮮味，個飯睇得出係用日本米既，但質感同食粥差唔多，無味之餘又濕又淋一pat野咁，唔知食緊咩！$148個飯話平唔平貴唔貴，但可唔可以俾多少少誠意做？串燒盛合👎🏼有雞翼 東菇 蕃薯仔 雞軟骨 等等⋯雞翼完全係無味，因為有骨先知自己食緊雞翼，雞軟骨實在太硬都咬唔到所以無食到總括然而，呢個價位可以有更多好好既選擇，唔洗食呢間。…Read More