Aomo Aomo's Profile

蒸廬啲嘢出曬名好食大家都知. 對於經常喺荃灣搵食嘅人來講蒸廬喺荃灣有分店係一件好開心嘅事. 雖然位置並唔係核心地段, 但都鄰近同埋有天橋駁通主要商場, 都好方便！我最鍾意食蒸廬嘅點心同蒸飯. 蝦餃更加係精選中嘅精選. 細個嘅時候曾經喺酒樓食過一啲好好食嘅蝦餃，但過去幾十年嘅香港，好食嘅蝦餃好似消失咗. 都市傳說話九七前後有大量經驗豐富嘅點心師傅移民外地, 所以導致人才同味道同時流失. 不論是否屬實，自己的確喺香港尋尋覓覓搵咗好多年都搵唔到. 直至開始幫襯蒸廬@荃灣, 好食嘅蝦餃味道終於返返嚟. 不用我多講試過你就知㗎喇！😋😋對於畀味精荼毒多年嘅香港人(包括我自己)來講, 初嘗蒸廬會覺得味道有啲淡,冇乜好食. 但個人認為幫襯蒸廬係讓自己味覺重新啟動嘅一個好機會. 喺蒸廬我會真正品嚐到食物嘅味道, 唔會係一味靠味精搭夠食到大家眼乾乾口乾乾嗰種技倆.繁忙時間嘅蒸廬@荃灣人龍都好長, 滿坐時嘅舖頭都算有啲擠迫, 大家去幫襯嘅時候就要有心理準備未必會坐得好舒服. 遇著繁忙時間我食完就會馬上埋單走, 好讓其他排隊嘅朋友可以快啲入座. 今日我讓人他日別人又會讓我, 來來又回回, 大家都會開心.如果可以嘅話我建議大家選擇非繁忙時間去幫襯蒸廬@荃灣. 在可行嘅情況下侍應姐姐們都會好樂意為大家安排較舒適嘅座位讓大家可以慢慢嘆 - 好好享受精緻美食同埋殷勤服務.舖頭地方雖然唔係大但仍然可以盡量做到輪椅友善安排真係好難得. 讓輪椅人士亦可以舒適入座同家人朋友共享美好時光. 多得一班細心嘅侍應姐姐從客人需要出發, 努力去安排同協調. 好抵讚!🥰🥰一間地區小店能夠做到咁優質嘅食物同服務水平去邊度搵呢？有冇乜嘢cp值可以計下嘅呢？荃灣人香港人一定識得揀!…Read More