LA ROSSA's Profile

兩個月前去完日本旅行，係當地食過出名的炸豬扒。 回到香港，又是想回味一番。今日特登去咗尖沙咀食飯，訂咗位，但一點鐘都唔係太多人。點咗兩客雙併1) 吉列豬柳、吉列蝦(2) 吉列豬扒、吉列蠔一年幾前食過一次，吉列炸物保持水準。加上任加的椰菜絲，配上兩種汁料(醋汁，紫菜汁) ，最後送上甜點西瓜，感覺一D都唔油膩。因為趕住返工，食咗一個鐘就走了。但我可以講呢一餐好食過係日本食的炸豬扒。…Read More

之前去旅行係北海道小樽食過樹輪蛋糕，覺得十分好食，於是發覺香港有得賣，有機會終於買來試下。蛋糕可以保存二至三星期，有期待，但味道不是太驚喜，同想像般有一段距離，可能係小樽食的時候係即整即食。但如果未食過類似的蛋糕，這個都值得一試。…Read More

今日帶住小朋友去食下午茶，油塘附近都是連鎖式快餐，加上成個商場都係人，都係找間餐廳有人serve.等咗30分鐘，終於有位。下午茶的選擇唔太是自己的心水，而且略貴，所以點咗個26蚊的西多套餐。呢個西多都有D賣點，就是三層，夠厚，但略覺炸得太過火，20幾蚊的價錢都算過得去。不過由於等位時間太長，加上下午茶價錢略貴，服務都是一般，下次下午茶就不會再來。…Read More

放咗工，唔想煮。 稻香上個月做一蚊雞優惠，晚晚都企滿人。七點幾，都唔多人。見到做緊優惠 HK$68 有一條清蒸大青班，order 咗，加多一碟金銀蛋菜。條青班等咗30分鐘，十分有份量，好似去飲咁，夠成圍食。條班都好滑，以咁抵的價錢真係超值。埋單都係一百幾十，抵! 值得推介。 …Read More

上兩個月新開張，東涌其實沒有甚麼好選擇，所以一試。十二時開門，準時到無需等位。十二點四，已經開始要等。證明東涌真係無野好食。餐牌有四款set lunch ，叫咗美式烤雞意粉。等咗兩分鐘，有例湯，青紅蘿蔔湯，奇怪，西式 main course 只可揀中式湯。中湯無特別。之後差不多等多二十五分鐘 main course 先上，漏單。$40 蚊一個lunch，烤雞的味道經已係水準以上，製作尚算認真，但意粉不彈牙，唔啱自己口味。之後點咗奶茶，居然係西式，亦唔啱自己口味。不過，埋單唔駛加一，算驚喜。平過連鎖式快餐店。…Read More

開車經過九龍城，特登去買豆腐花。星期六早上十點，得兩三個客人。好快就買到。順便都買咗腐乳。豆腐花好滑而且有香濃豆味豆味，好好食。係我食過最好味的豆腐花。腐乳就一般，沒有大驚喜。…Read More

一直都想食的 High Tea，星期六日實在太多人，今日星期一專登請假來試。知道平日都多人，1 點30分便到達。 開車到酒店門口，有代客泊車，消費$600，有兩小時免費。今日只要等20分鐘，就安排就坐。 大部份是外藉遊客和香港人，好似沒有內地人坐係附近，加上樓底高，感覺真是寧靜同舒適。最下層的scone 配上紅梅果醬，有期待但味道一般，食一個就好飽肚，文華的味道比較好。中層的糕點都是一般酒店水平，印象較深的算是三文魚卷。最上層的甜點， 就沒有什麼特別，連我甘鍾意食甜品的人都覺得偏甜。中間加上附送的當日甜品，但味道一般。餐飲點咗咖啡，味道沒有驚喜。侍應有生手的亦有有經驗的，新來的侍應服務就有代改善。大約四點中離開，仲有一條人龍，大約二十人到。整體來講味道是不俗的，但係預期中的質素，沒有太大驚喜。不過，半島high tea一生人都是值得一試的。…Read More