eatateeaten.hk's Profile

NOC Coffee Co. - 閒日5點後就有，weekend就6點打後先有啊！1️⃣Basque Cheesecake $42 (原價）大推！我揀既三件之中最好!同埋40蚊本身一件都未買到🤣🤣🤣真係好抵！2️⃣Ham and Cheese Croffle $28 (原價）普通，因為呢啲擺過其實已經冇咁好食～3️⃣Chocolate Danish $28 (原價）普通，雖然個酥皮係整得好唔錯，不過都係擺過一段時間所以有啲梳左氣嘅感覺～😮‍💨但個朱古力味都正，濃但唔算甜！😆總括🥄整體泥講，值得一試啊～👍🏻尤其係用平時一件都可能未買到既價錢就買到三件返嚟！絕對推薦大家食cheesecake😚因為係比較上可以擺得嘅~唔會因為遲買而質感有差別🥳———————————————————————————📍 將軍澳唐俊街21號翩匯坊地下1A號鋪價錢：🎖🎖🎖🎖🎖食物：🎖🎖🎖🎖*5🎖為最高⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰🔍#是但求其將軍澳…Read More

馬祖 - 一間食邊爐放題既鋪，不過有米線定食套餐！🤓藥膳養生湯台灣花枝丸拼福茂貢丸米線 $46😮‍💨下午茶餐主要都只係配丸類同埋餃子類，如果想食肉可能就要叫返午餐啦！🥲花枝丸同貢丸各有三粒，兩隻丸都唔會好鹹，我覺得貢丸好食啲🤓，中間係有啲juicy果隻泥👍🏻個湯底味道真係好養生，係有啲當歸啊紅棗啊既味！雖然望個湯底好清，不過都有啲口渴😟！而啲米線份量比起中午泥講真係會少啲，同埋果日食啲米線有啲淋⋯😅台灣麻辣鴨血 $25 唔記得咗影～🥲不過係有6塊片切既鴨血，食落冇咩麻辣味😅一般般。總括🥄普普通通咁啦～😮‍💨下午茶食下都ok既！不過如果係我會覺得午餐抵食啲，午餐多啲選擇得泥份量仲多啲tim!🧐午餐既話大家可以試下醉雞湯底，真係幾香架！———————————————————————————📍 將軍澳唐德街1號將軍澳廣場1樓1021-1023號鋪價錢：🎖🎖🎖🎖食物：🎖🎖*5🎖為最高⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰🔍#是但求其將軍澳…Read More

【🤣🥳誤打誤撞既隱世美食？！】八兆屋 - 一間被位置而忽略咗既美食，係超市入面既餐廳？！🔍餐廳環境：🧐係一田入面，只有一張長bar才枱，得5-6個位！網燒豚肉溫泉蛋丼飯 $76 （套餐）🤩套餐會跟埋煎茶，麵豉湯同埋前菜～果日個前菜係涼拌海帶，仲落咗少少芝麻，幾好既開胃菜！之後個麵豉湯係白麵豉，所以味道比較淡啲，不過有啲豆卜幾有誠意！👍🏻而個煎茶好搞笑，係會俾杯熱水同茶包你自己落！🤣🤣🤣講到啲肉真係即刻係你面前燒，食落好香但落咗好多燒肉既醬汁，同埋啲肉有啲啱啱好，有啲就韌韌地😢，而食到落底啲飯會太咸！😮‍💨至於個溫泉蛋本身其實好靚的，蛋白冇同蛋黃分離，只係一fing就變咗依加咁既樣！😂總括🥄正！其實沙田真係美食沙漠？？😂好多連鎖餐廳，不過呢間真係誤打誤撞地幾好食喎！仲要好似平時啲高級日式餐廳，係正枱前面煮俾你🤣呢個價錢泥講咁既質素整體算好唔錯！👍🏻可以一試啊大家🫶🏻———————————————————————————📍 沙田沙田正街18號新城市廣場第3期1樓一田超市價錢：🎖🎖🎖食物：🎖🎖🎖🎖*5🎖為最高⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰🔍#是但求其沙田…Read More

六両三·台灣食 - 環境好大，坐得好闊落！牛肉麵 $75👀嘩！一上枱個賣相好唔錯，啲牛肉排列得好整齊，牛肉係薄切的，不過牛肉煮得啱啱好，唔會嚡又唔會冇曬牛肉味。🤩而個湯底顏色好深，但唔夠濃郁。麵係粗身既有啲似上海粗面，幾有咬口而且都可以掛汁！👍🏻總括🥄賣相好靚，食物都唔錯！🫶🏻唯獨個價錢比較貴～———————————————————————————📍觀塘巧明街107號國基集團中心4樓價錢：🎖🎖食物：🎖🎖🎖🎖*5🎖為最高⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰🔍#是但求其觀塘…Read More

一生懸麵 - 排咗成半個鐘多啲先食到！🥲特濃豚骨沾麵 $79有兩塊厚切叉燒，不過佢都係半肥瘦！我就覺得比較肥，尤其佢咁厚食落有啲油膩！🤧但叉燒係有再炙過面頭～所以食落會有啲燒肉既香味，但肉質食落有啲啲痴牙😢而麵質好煙靭！🤩🤩🤩不過好似有啲難掛汁，啲沾麵汁係好香既但我個人覺得偏鹹～我隻糖心蛋好似⋯唔係100%溏心🤣不過都唔錯🫶🏻 總括🥄整體泥講，其實都唔錯既～😘尤其對我泥講沾麵最緊要係啲麵啊！煙韌既麵係好吸引的，同埋鋪頭最好係有得揀返麵既硬度，而我揀咗正常同埋凍既～😚大家可以試！———————————————————————————📍 旺角通菜街73號地下價錢：🎖🎖🎖食物：🎖🎖🎖*5🎖為最高⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰🔍#是但求其旺角…Read More

小印度餐廳 - 只係咁啱行過入去食的🤣餐廳環境：小店都係比較少位同坐得窄啲！印度咖喱雞 $55可以配飯或者烤餅，我就叫咗烤餅既，好食好食😋，就咁跟餐係原味既烤餅，不過用泥點咖喱就啱啱好🫶🏻，同埋質感好煙韌，仲會搭左兩條春卷！😂啲雞肉比較少同嚡既🥲但個咖喱汁襯埋好香，咖喱雞個汁係偏辣的，唔食辣既大家未必啱！🤧馬來咖喱魚 $58咖喱魚啲咖喱比較甜，可能係因為佢係馬來風味？食落冇咁吸引，辣辣地會開胃啲。而且啲魚都係比較少的。🤧香蒜烤餅 $22係兩大塊鋪滿左蒜蓉既烤餅，好香好熱同好脆🫶🏻大家鐘意脆既烤餅可以係餐追加 $12就會有！👍🏻🤩總括🥄整體泥講，真係唔錯啊！咁既價錢，其實份量同味道都好抵食啊，如果大家經過絕對可以一試！🤣😚建議大家叫返印度咖喱好食啲！🫶🏻———————————————————————————📍 佐敦吳松街19號地舖價錢：🎖🎖🎖🎖食物：🎖🎖🎖🎖*5🎖為最高⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰🔍#是但求其佐敦…Read More

諸勝堂 - 日本野定港式野？好亂啊！😂招牌濃厚鮮茄汁燴意粉配豬肉眼扒 $58豬扒有兩塊不過唔算好大塊，但係冇骨嘅而且煎得啱啱好，豬扒肉質鬆軟容易咬🫶🏻😚意粉面頭會有一啲芝士粉，雖然食落又冇乜芝士味，但的確係好有蕃茄同茄汁味🤣係有少少似食兒童餐嗰啲意粉既感覺，但係佢酸酸甜甜嘅汁超開胃，會食到一啖又一啖咁停唔到口👍🏻🤩意粉入面都會有啲蘿蔔粒同埋洋蔥，食落唔會咁dry得意粉😚Drink熱絲襪奶茶其中一個原因覺得佢好港式，就係因為佢寫明左係絲襪奶茶！😂不過啲奶茶又真係幾好飲🫶🏻🥳有茶香又夠曬滑！總括🥄好食好食！我就絕對會再去食啦🥳大家經開都去試吓啦，簡稱即係平靚正啊❤️🫶🏻———————————————————————————📍西灣河筲箕灣道104號地下價錢：🎖🎖🎖🎖食物：🎖🎖🎖🎖🎖*5🎖為最高⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰🔍#是但求其西灣河…Read More

Das Bier - 德國餐廳但set lunch唔德國喎～🤣🤣🤣香煎豬扒配黑椒汁 $68豬扒幾大塊，而且都煎得好淋，但都幾油膩下～😮‍💨再加埋啲黑椒汁偏鹹味重，冇咩黑椒嘅辣味，我覺得啲汁如果可以放喺側邊比客人選擇自己點會更加好👍🏻意粉一般冇咩特別～蝦泡菜忌廉汁意大利粉 $78講真嗰句就咁睇都唔覺得有泡菜嘅感覺🤣，因為上枱嘅時候碟意大利粉係黃黃地，反而覺得佢有啲咖喱或者沙嗲feel~食落其實都冇泡菜嘅辣，只係食到忌廉汁既味！整體都係比較普通～不過估唔到啲蝦反而有啲驚喜，幾大隻又爽口🥳🫶🏻烤紐西蘭肉眼扒配蜜糖芥末燒汁 $98係lunch set入邊最貴嗰個餐😂我就叫咗五成熟，啲肉質都仲係咬到同唔會好嚡，不過舊肉眼扒本身就比較多筋，所以有啲位好韌！😮‍💨同埋都係嗰個問題，啲汁實在太多又全部淋晒上塊肉到。不過呢個意粉入面會落咗啲蒜蓉同埋黑椒，本身都會有啲味道。DrinkIced Coffee +$5咖啡⋯得啲苦澀味😮‍💨唔建議啊！Beer +$30去到德國餐廳梗係要飲啤酒啦！😂咁啱嗰日既指定啤酒仲要都係德國啤酒Erdinger Weissbier，好正啊！夏天食嘢配返杯冰涼嘅啤酒簡直一流～仲要呢一隻德國啤酒飲落甜甜地更加容易入口🥳🥳總括🥄同我想像中嘅有少少出入，餐廳好似主打德國菜，不過午市套餐好似比較普通，建議所有醬汁另外上又或者擺喺碟邊會好啲～😮‍💨———————————————————————————📍 將軍澳唐俊街28號海天晉滙1樓102號舖價錢：🎖🎖🎖食物：🎖🎖*5🎖為最高⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰🔍#是但求其將軍澳…Read More

Bacaba Restaurant & Bar - 地方好大坐得好闊落舒服，有分室外同室內空間🥳～StarterHouse Salad一般沙律🥗，啲醬汁有少少似泰式酸辣汁，味道都算中規中矩👍🏻MainBaby back ribs with fries $130🤩嘩！一上枱就已經好吸引。個ribs俾我想像中多，啲骨都唔算好大，唔會剩係得骨冇肉～🫶🏻至於啲肉質真係煮到好淋，基本上一切就會散開咁，我覺得幾唔錯！而啲薯條係粗既直薯泥既，好食好食🥳🥳🥳Augus sirloin steak 8oz $138叫咗5成熟，係有啲嚡既，如果大家食可能叫返3成會比較好😗！塊steak都算幾大塊，😮‍💨不過味道就比較普通，唔算好有牛味，亦都有啲筋位，不過唔算好多既！🤓而啲醬汁係普通既黑椒汁，好嘅位係佢分開上，可以選擇點或者唔點！👍🏻👍🏻👍🏻都係揀咗配薯條🍟Beach boy pizza $130聽個名真係完全唔知咩嚟！不過個menu會寫明左係ham pineapple pepperoni🍕，呢度嘅Pizza又係屬於薄批脆底既！上面唔算多材料，pepperoni個分佈唔係好平均😂，不過食落都好香芝士味既👍🏻Dessert 🍨 Tropical Cheese Cake 呢個唔記得咗影！不過係一舊好麻麻既cheese cake🍰，味道偏甜但有冇乜芝士味🥲反而覺得有啲蛋味，佢個質感係似焗過嘅芝士蛋糕😗Drink Iced coffee +$15唔錯～係一般咖啡機磨出嚟嘅咖啡！👍🏻Beer +$68 坐咗室外，緊係要飲返啲冰涼嘅啤酒！咁啱果日Stella Artois買1送1，超抵飲啊！🥳總括🥄整體來講，成個午市套餐算係幾抵食，有前菜，主菜同埋甜品🍮🫶🏻同埋食物質素都幾唔錯！推介大家可以叫baby back ribs啊，仲可以同朋友一齊share tim!👍🏻同埋侍應都好friendly😂見OpenRice有人話服務唔好，我果日又好唔錯喎！🥳———————————————————————————📍 將軍澳唐賢街29號藍塘傲地下9號舖價錢：🎖🎖🎖🎖食物：🎖🎖🎖*5🎖為最高⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰🔍#是但求其將軍澳…Read More

泰簡單 - 環境幾靚但係食物大伏既餐廳😓😓海南雞飯（跟湯）$68啲飯一上到泥就feel到伏！啲飯好淋而且係冇油飯味，啲雞既份量都唔錯既，不過偏肥🥲而海南雞個三色醬係其中一個精粹！但呢度只配有兩隻醬，而酸辣汁既表現都好差，個汁偏向甜冇咗果啲酸酸辣辣令人開胃嘅效果。最最最大鑊係啲飯入面食食下有枝類似牙籤嘅物體🥲簡直係伏伏伏啊😮‍💨辣炒泰式豬肉寛粉 $60一上枱我又係嚇親，咁港式茶餐廳既😂不過一開始叫呢樣都係見佢幾特別咁（好似？）但就⋯好似一大堆菜炒埋一碟😅真係好失望！跟餐有野飲🫖可以揀泰式或者港式奶茶！呢個係幾好既同埋糖都可以自己落，唔怕會飲到極甜嘅泰式奶茶，不過味道都係一般。😗泰簡單 - 環境幾靚但係食物大伏既餐廳😓😓總括🥄伏啊！😮‍💨😮‍💨😮‍💨真係未試過泰國菜都可以咁伏😓仲要俾我睇返openrice先見有人買外賣又係有類似牙籤嘅物體！😥廚房衛生情況有待改善⋯不過講價錢就係銅鑼灣區泥講好實惠既，但試唔試就⋯大家自己諗啦🤣———————————————————————————📍銅鑼灣謝斐道517號總統戲院頂樓價錢：🎖🎖🎖食物：🎖*5🎖為最高⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ …Read More

PICI - 門口有靚靚打卡位！同埋weekday lunch set勁抵食！！！🤩$158 就有齊starters, pasta 同dessert🍨一泥就會先有餐包食住先👍🏻～有得點黑醋+橄欖油，仲可以添如果想食多啲！🤣但我就麻麻哋了，真係真係太太太硬了🗿🥗Starters 1️⃣Andrea’s Cold Cuts 估唔到份量都幾多！😂而且啲parma ham都幾正常～👍🏻2️⃣Tuna tartare 好食好食😜啲醬應該落咗醋，勁香胃🤩🍝Pasta期待咗勁耐，因為一直都有勁多人介紹！😗1️⃣Tagliolini Truffle +$28📸係幾特別嘅，上枱嘅時候侍應會即場喺你面前刨啲松露片，而且絕對冇hea你，份量都好多！😂而啲手工意粉係粗身同埋黃色既～睇落感覺有啲似油麵，其實食落都有小小似，不過呢個手工意粉會再彈牙啲！🤩2️⃣Lasagna Classica +$10😗見呢樣又係推介必叫！不過呢個千層麵比較失望既，冇我想像中咁好食，對我泥講比較普通🥲而且我食既時候完全做唔到拉絲既較果！🤧🧁Dessert1️⃣Tiramisu 好食，滑而啲酒味都啱啱好！🫶🏻🫶🏻🫶🏻2️⃣Panna Cotta 一般！個奶凍好滑不過就比較甜😮‍💨🍹Coolers1️⃣Raspberry & peach soda +$30比較普通，叫佢係因為佢有peach味，但係peach味唔出!🤧2️⃣Italian Passion +$30有驚喜地唔錯！真係好香熱情果味，但係要攪下同真係吱返個掛杯檸檬既汁落去，🤣如果唔係就會有啲甜！總括🥄Weekday lunch set 真係好抵食！🫶🏻其實$158有齊starter,pasta同dessert已經係冇野好講😂大家有時間的話就平日去試吓啦👍🏻🥳*收加一服務費———————————————————————————📍將軍澳澳南海岸唐賢街33號Capri Place 地下G17號鋪 價錢：🎖🎖🎖🎖食物：🎖🎖🎖🎖*5🎖為最高⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰🔍#是但求其將軍澳…Read More

Cafe Bohéme - 成日經開都好似幾多人食，又有抵食lunch set!😋$128 就有齊starters, main 同dessert🍨/drinkStarters Salmon Salad 有一塊smoked salmon，而個醬係黑醋，但我就覺得落得太少🥲餐包好脆～不過唔知點切切到勁薄好似塊餅咁😂Caesar Salad 唔知係咪整果時又整緊salmon，呢碟啲菜有啲腥味😓好奇怪！但反而salmon salad又冇事架喎😮‍💨MainMargarita Pizza 唯一一個唔使加錢嘅choice！😂不過唔錯啊🫶🏻，超多芝士可以拉絲打卡！📸佢啲Pizza全部都係偏向薄同脆既～如果鐘意麵包質感嘅Pizza呢間未必啱你！Seafood Linguine +$20😗一般般，啲扁意粉係幾好食，煮得啱啱好唔會太淋太硬，而個汁ok啦係偏甜嘅蕃茄汁，但就啲海鮮有小小腥～🤧Pepperoni Pizza +$20 好食好食！pepperoni好多足料啊🍕不過食到後期就會覺得有少少咸🤧Drink冇叫到甜品，我揀咗飲品！🤣我叫咗iced coffee，普通啦。😮‍💨總括🥄Weekday lunch set 真係幾抵食既🥳！🫶🏻不過就比較推介食pizza多啲，而餐廳係冇水供應的，要另外付費啊！🤣*收加一服務費———————————————————————————📍將軍澳唐賢街29號藍塘傲地下8號舖價錢：🎖🎖🎖食物：🎖🎖🎖*5🎖為最高⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰🔍#是但求其將軍澳…Read More

LAGOM - 餐廳好大：有outdoor同indoorFish and chips $88Errr…啲魚質比較普通，不過外脆內軟，炸皮亦唔會太厚，但就同我想像中有啲唔同😂諗緊係傳統果啲兩大塊炸魚，但佢地果啲係偏向係魚手指shape!不過咁樣方便同成大班朋友仔share既🫶🏻🫶🏻🫶🏻而啲薯條係粗薯好食仲要份量好多！🤩Latte $34 好飲！咖啡味好香好濃，但又唔會酸，個人泥講覺得好好飲🥰而且拉花仲要好靚，用泥打卡都冇問題！🥳總括🥄同成班朋友食飯絕對係好選擇，地方大又靚，坐得好舒服（😗仲可以慢慢傾），同埋仲可以一齊share野食！🥳啲野食仲要大部分都好高質～———————————————————————————📍觀塘偉業街180號 Two Harbour Square 1樓 價錢：🎖🎖 🎖食物：🎖🎖🎖 🎖 *5🎖為最高⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰…Read More

元州牛肉麵 - 成間鋪都keep住話mirror啲歌😂😂招牌元州牛肉麵 $55啲牛肉有啲啲嚡😮‍💨，牛既份量比較少得三塊，不過都係厚切既～但個湯底係紅燒牛肉湯，唔會太咸但夠味，而啲麵我揀咗粗麵，有咬口似烏冬，可以掛到湯汁，正！🫶🏻🫶🏻🫶🏻總括🥄唔錯既台式牛肉麵，但係啲牛肉份量比較少😮‍💨但我見醉雞飯好似幾好食，大家可以試吓佢！🤣———————————————————————————📍 旺角通菜街80號地鋪價錢：🎖🎖🎖食物：🎖🎖🎖 *5🎖為最高⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰🔍#是但求其旺角...#旺角美食 #旺角 #旺角cafe #旺角有咩食 #下午茶 #旺角下午茶 #旺角茶餐廳 #旺角冰室 #旺角茶記 #旺角burger #旺角台灣#likeforlikes #likeforlikehk #hkfoodie #foodie…Read More

Urban Coffee Roaster - 一入舖頭就已經超香咖啡味☕️ 門口有兩個飲啡先會坐既打卡位🤣因為對住條馬路，都幾熱下！如果真係要打卡既話將軍澳分店會靚好多😉🫶🏻慢煮雞胸肉沙律 $109啲慢煮雞胸肉係切粒狀的，肉質好嫩滑，可以肉既份量真係少🥲好似得10粒仔🤣🤣🤣而個沙律都同一般沙律冇大分別，都係有幾種沙律菜，蕃茄仔同埋牛油果！而個醬係落咗黑醋，不過我就覺得唔夠多🥲總括🥄健康人士之選，同埋因為加埋藜麥特別有飽腹感！🫶🏻🫶🏻🫶🏻不過肉既份量係呢個價錢下真係比較少🥲*收加一服務費———————————————————————————📍尖沙咀碧仙桃路7號美麗都大廈地下44號舖價錢：🎖🎖🎖食物：🎖🎖🎖🎖*5🎖為最高⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰🔍#是但求其尖沙咀...#尖沙咀美食 #尖沙咀 #尖沙咀cafe #尖沙咀有咩食 #下午茶 #尖沙咀下午茶 #尖沙咀茶餐廳 #尖沙咀冰室 #尖沙咀茶記 #尖沙咀burger #旺角台灣#likeforlikes #likeforlikehk #hkfoodie #foodie …Read More