sweetkoko's Profile

環境幾好, 近窗位有relax感覺, 而坐餐廳內則有點home feel. 我們2人點了set lunch, 包括自助餐前小食, main course, buffet dessert 及 餐茶. $268一位 (要加一)好抵!! 好過cova 好多好多. (真心話, 因近日去過歷山大廈及海港城2間cova, pasta又唔好食, 連麪包都好少款, 又貴). 食評如下:自助餐前小食: 有多款沙律, 芝士粒, 檻欖, 煙三文魚, 多款火腿等, 味道ok, 賣相亦佳.main course: 一個cheese +tomato pizza, 脆及味濃. 另一份是燒汁豬肉. 好"林" 好入味, 雖然得3小片, 但已夠飽.buffet dessert: 多款水果, fruit tart, cheese cake, 2款布丁. 好味, 女士最開心.** 特別推介: 咖啡!! 好滑好香.侍應們ok, 有講英文的, 亦有香港人可以問他們講解menu (menu全英文及意大利文). 總之好滿足!! 又有甜品食, more than expected…Read More

太興的燒味真係好好味, 燒肉皮脆, 肥瘦適中, 叉燒唔肥又多汁, 碗瀨粉的湯都好有味, 喝了都不會感到口渴. 常餐包括一大碗雪菜肉絲米+ 炒蛋+厚多士一片. D雪菜是甜的, 不是一般茶餐廳的又鹹又硬, 多士亦算脆 (熱D仲好), 整體算滿意. 不過$40好似貴了點.…Read More

約了好友去金都試衫, 去之前在此食下午茶, 點了 "三絲炒烏冬", 等了20分鐘才起菜, 太慢了, 個個客人都不耐煩, 如此慢速點做茶餐廳?個烏冬唔夠乾身, 又超咸!! 好難食!!仲要叫埋單, 個侍應來收錢, 扮自己係餐廳, 但我一蚊tips都無比.…Read More

(1) 致電book位已滿再walk-in, 未夠6時已到, 5-6位已叫大枱, 全場只得4張, 結果等了1.5小時, 約7:30才入. 細枱就多, 多人勿去. 唯一好處是不限時.(2) 款式少, 前菜只有2款凍豆腐及幾款沙律, 烤肉主要是牛 (不同款的牛肉, 牛舌, 牛肝, 牛柏葉等), 雞得2-3款, 魚2款, 豬及羊都好似無. 而主食只有幾種飯, 總之好少款, 好多同款都要叫2-3碟才夠. 不要期望多選擇.(3) 烤肉的味道是好的, 奈何肉質太韌, 根本咬唔開 (唔關生熟問題, 是片肉好多根及渣). 食完好似無食, 唔夠飽. 而其他沙律同飯都ok, 個石鍋食幾好食. 其實d肉唔靚而影響d食物質素是好浪費的, 片片肉都吞唔到, 寧願比多d錢去盛八或依波好過.總結: 不值得等!! 而等好待, 選擇少, 烤肉韌, 如果咁既質素價錢亦唔算平 (今次約$800, 5人). 好多人只是慕名而來, 但真係唔值得得.一次便夠!! 亦不會推介予其他人.…Read More

蔡瀾亦有讚過這裡的新竹米粉, 一心想來試試. $28一小碟, 只有少少蝦干, 三絲等炒成, 又乾又淡, 完全唔好食, 唯一可取是新竹米粉夠幼, 有點台灣風味. 朋友叫了下午茶的墨丸肉燥撈新竹米粉+熱紅棗蜜 ($22), 份量超少, 墨丸得一粒!! d汁同肉碎又少, 完全撈唔到, 又唔夠飽, 好失望呀!! 食完急急腳走人. …Read More

凍凍地想食甜品, 見此店裝修簡潔, 便買了2個外賣, 點了以下食品:(1) 熱三寶糖水, 即蕃薯+薏米+雪耳, 點知出事了, 4塊蕃薯超硬唔甜, 完全唔靚!! 雪耳更差, 有d膠味, 我好驚食左大陸的假雪耳, 真係好差. 連蕃薯同雪耳d咁平的材料都咁差, 完全無心機可言. 一間糖水舖如果連中式糖水都煲唔好, 點可以成功??(2) 凍木糠布甸 , 雪到入晒冰, 食落得d奶粉味, 完全唔係木糠布甸, 唔甜無味, 好難食!!一句講晒, 唔會再去!!…Read More

一向對cova無甚好感, 只是 "某人"喜歡便再嘗一次, (1) 又貴, lunch起碼二三百蚊, 但食物質素一般, 意粉類無咩特別卻要二百蚊, 魚扒肉質算滑, 但個汁是一大敗筆, 又細件. steak又"鞋"又硬, 個意大利飯只有少少肥香腸粒, 蛋糕真係唔好食 (只有賣相)...總之一百個無奈... 最好只有杯咖啡!!(2) 不要想食氣氛, 因為d位又迫又窄, 燈光, 裝修同冷氣都一般, d間太多遊客, 聲線太大, 想食完快d走那種. 侍應們服務一般, 無語氣無笑容 (但價錢唔平喎~~), 人手又不足, 由攞位, 斟水, 收野, 起菜, 埋單都要等, 無時間的話最好唔好試.都有點急.(3) 個menu是意大利文+英文, 無中文字. 有難度!!一次便夠, 再來多次亦一樣.…Read More

見個個都寫小籠包, 我再向各位誠意推介: 牛肉燉湯, 一盅盅以牛展 (約5-6片)燉製, 無油, 由於d湯好清, 第一次飲時以為好淡, 點知飲了一次便上了癮, 因為個味好香濃, d牛展又好淋, 分量足夠2人分. 每次去都會叫.環境好, d服務員又好快手, 經常加水收碟. 但不足是上菜時間太快, 好多野都因食唔切而凍了....…Read More

以平價"利苑"之名, 聲稱品質味道不變. 但價錢真的唔算好平 (一般酒樓價錢), 但服務極差, 先是有出面等叫票時, 我仲差兩步行唔切, 佢已經按另一張票號, 仲同我講話已經按了2次無人應, 當時咁多人阻住點行? 入到去好似無侍應咁 (全部都是年輕, 無咩經驗那種), 點心選擇少, 無茶選, 每次都要叫侍應加水, d位又迫, 好似茶餐廳, 一d都唔似酒樓, 唔好坐亦坐唔耐!! 個個食完即走, 好知上去魚翅城飲茶好過.同利苑差十倍!! 唔好以為執到寶. 唔會再去~~…Read More

今日帶同2個老人家晚飯, 一行共5人六時已到達. 由於小菜都唔算平, 而且想多款d, 因此叫了一個6人餐, 食評如下:(1) 片皮鴨+薄餅. 肉嫩汁多, 唔韌, 又夠熱辣辣.薄餅夠薄, 分量亦多(2) 銀芽炒鴨絲. 初初無咩期望, 但味道好好, 好多鴨肉, 銀芽多汁入味. 仲有些炸米粉墊底. (3) 上湯浸時菜. 今日是白菜仔, 好細條好嫩, 加少少火腿絲, 個湯好夠味 (偏鹹了).(4) 清蒸石班. 剛好, 不太熟(5) 菜膽白肺湯. 湯清, 適合夏天飲. 湯渣可見料十足. 有豬肺, 瘦肉, 菜乾, 大量雞腳. (6) 糖水- 木瓜雪耳. 料多, 但太甜(7) 水果一碟 - 西瓜, 哈密瓜$638 再加一, 茶錢, 小食 = $788. 估唔到小菜都幾好食.今日因為太早, 人手充足, 所以服務幾好. 又有電視睇. 但大部分人都係打邊爐, 叫小菜的頗少. …Read More

清明節訂了位在此店食晚飯, 在訂位時已訂了4款要預訂的菜, 包括: 金錢雞, 太爺雞, 佛跳牆及一個西米焗布甸. 到場再加點咕嚕肉及梅菜蕊蒸菜心, 5個人叫了6款. 食評如下:金錢雞 ($22/件): 在網上食評內是必叫的菜式, 第一次食覺得好特別, 片雞肝十分甘香, 初初見到片肥肉都有d驚肥, 但食落完全唔覺肥及油膩, 反而好滑. 我覺得一定要一啖食先好食, 千萬不要分開食. 由於好少食店有得賣, 而且功夫頗多, 所以值得一試.古法太爺雞 ($128/半隻): 是得獎菜, 煙燻味香, 但雞肉太韌, 皮好肥, 一般吧古方佛跳牆 ($408/6碗): 好味, 是足料的燉湯, 用竹絲雞, 金華火腿, 花膠, 瑤柱, 椎山, 杞子, 腩肉等一齊燉, 十分入味, 飲一碗已好飽.山楂咕嚕肉 ($80): 差不多個個都叫, 因為好出名. 炸得香脆及仲有肉味, 又唔肥. 但汁可以再酸點, 而且太細碟了梅菜蕊蒸菜心 ($55): 好少有的菜式, d豉油同梅菜都好好味, 但得10條左右的菜心, 都算貴白飯2碗西米焗布甸 ($70): 足6碗, 甜度適中, 但是用白糖做, 我覺得用黃糖會好味d. 普通, 可以不試.送桂花糕及紅豆沙, 茶錢$10/位, 再加小食/花生 $28, 免加一, 合共約$200/位.整體是好味的, 無奈是環境太迫太多人, 3人座2人台, 6人坐細台, 無訂位更加無可能有位. 最差是d侍應態度極差, 無禮貌又快收野, 好似成日趕你走咁, 個阿姐仲成日講d無謂野, 好似唔食唔得咁, 真的頗差, d碗碟又唔乾淨, 火爆的人不要去. …Read More

一心以為是咖啡專家, 專登訂位同朋友到此店食lunch, 但menu一張紙, 只有4款lunch set, 是普通意粉同焗飯之類. 最重要想一試餐飲, 點知lunch set只可配咖啡或茶或檸茶等, 不可改配其他咖啡 (e.g. mocha), 我問可唔可以加錢轉都唔得. 最後點了熱咖啡, 但味道一般, 不夠熱不夠香, 完全無"捷榮咖啡"的風範. 去旁邊的榮華飲仲好味.特別要提的是侍應們十分十分之不友善, 問答都一句起兩句止, 語氣差, 笑容更加無, lunch set雖然是$50-70, 但可唔可以做好些? 不值一去…Read More

因為好心急想去行街的關係, 已在此店食了幾次, 現一次過發表對本店的感受:(1) 炸醬撈麵: 不算太辣, 用一條條的肉絲, 肥肉不多, 有口感及感覺更健康. 但個人覺得麵頗硬.(2) 水餃米: 水餃大隻及料多, 比雲吞好(3) 牛腩撈麵: 是真正用牛腩汁的, 汁香濃好味, 牛腩及牛根都好"林", 但肉的份量不多.(4) 用支裝汽水, 更有氣及夠凍(5) 豬潤肉丸粥: 粥好香滑, 料多, 肉丸大粒彈牙, 豬潤剛熟又不會over cooked. 推介~~整體ok, 是傳統味道, 比一般的粉麵店好, 但價錢又貴了點 (一碗麵+一支汽水都差不多$40). 個個侍應可能年紀頗大的關係, 態度頗差. 有一次我後面有位女士問侍應有咩好食, 他粗聲地答: 我點知你想食咩. 對遊客的態度更差. 所以只為食物及地點方便而來, 坐位又迫又唔舒服, 快來快走, 不留半點感情, 完全無舊式店舖那些人情味. 可惜可惜.…Read More

今晚有家姐請食飯, 想食日本野, 但鈇匠無位, 便到此店試試. 家姐點了泡菜豚肉拉麵 ($39), 我點了生薑豚肉定食 ($68), 見到有種小食叫芝士半片($29), 問個侍應好唔好食, 他說好食可以試下, 便點了試試.家姐說個泡菜湯底好好味, 又唔算太辣, 而d豚肉份量不多, 但味道好好, 是有甜味的, 上面有紫菜, 粟米粒等, 味道同賣相都好.我的定食有好大碟豬肉及有少少沙律菜, 菜好新鮮爽口, 而d豬肉有林及入味, 味道是好的, 但全無薑味, 有點失望. 碗飯好大碗, 再配上一小碗烏冬及一小碟泡菜. 份量足夠.最特別的芝士半片, 炸得香脆夠熱, 味道幾好, 好似是魚蛋的口感(但又不是魚蛋), 內有芝士餡(但又無芝士味), 好得意的食品. 整體的食品質素幾好, 但座位有點迫. 侍應亦幾快手及有主動加茶.今日最開心是家姐請食飯, 感謝您!! …Read More

今日放假想去花墟行下及買花, 1:00左右到新世紀搵酒樓. 由於成日去翠園及鴻星, 今日試下未去過的食店. 此酒樓以上海及少許粵式點心為主, 亦些小菜小食及粉麵飯等主食. 環境幾好, 有卡位的, 亦有些新年的裝飾, 像一些新派酒樓. 但侍應人數較少. 今日選了5款點心:杭州醬鴨 - 皮薄不肥, 肉入味, 但骨亦多, 當小食可以一試豆沙鍋餅: 較油, 豆沙料多但唔夠甜狗不理包 - 3個大大個, 肉多入味小籠包 - 皮太厚且湯不夠多, 味道尚可, 但整體可以再多些芋頭腐皮卷 - 此甜點好特別, 芋蓉夠甜及料多, 腐皮卷上有椰絲, 皮脆夠香口整體食品及環境亦可. 而且星期六等位亦不是等好耐, 可以再來.…Read More