kwanriko's Profile

我地幾個人去食，個個叫唔同嘢食，冇一個好食。個個都食唔曬嘢飲要加錢，有個叫左咖啡，餐牌上寫住-10蚊，唔係好清晰，後尾諗應該係按咖啡原價-10蚊，但埋單又冇減到10蚊，照收左三十幾蚊一杯，仲要好普通。冇下次好耐冇食過咁伏嘅食物…Read More

見今日買一送一最後一日，就約左朋友一齊試下。以前見過幾次一幻做依個活動，但都係無緣，所以今次都幾期待。雖然係星期一，但排隊嘅人都好多。門口個哥仔都幾有禮貌。 我地點左辛辣味增蝦湯拉麵同黑蒜嗰個拉麵，兩碗都跟半隻溏心蛋同叉燒。 辛辣湯好香濃，對我黎講辣度ok。食到最後都聞到好大陣蝦湯味，啱晒鍾意重口味嘅人。 黑蒜湯都係濃湯，可能我先試辛辣嗰碗再試黑蒜，所以感覺會比辛辣冇咁重味。要留意黑蒜會有芽菜，所以唔鍾意食嘅人可以試下同店員講聲可唔可以走。 依間嘅感覺應該係專做蝦濃湯，我覺得碗拉麵幾出色，但有d濃導致中途飲左好多水，所以食到最後我地兩個真係超飽。未試過佢嘅拌面，下次一定黎試下。我有俾錢真金白銀，買一送一除開大約50蚊一個人。唔係試食活動！我都想有人請我…Read More

同屋企人經過發現依間咖啡，仲寫住米蘭。跟住我地就要左杯咖啡走奶拎走，嗰個棕色頭髮職員要我地出去等一陣。諗住一杯咖啡又唔洗佢加奶，應該唔會等好耐，我地就出去門口企，但出邊好熱。間舖好戲，得幾張檯，又只係得三個職員喺到。見出邊嗰兩個上菜收碟嘅喺到傾計，行黎行去冇咩嘢做。但佢地叫晒外賣嘅人企喺出邊好耐，都唔出外賣嘢，反而特登行去問下堂食嗰d要唔要收碟，得閒又去郁下檯上邊嘅餐具，擺黎擺去唔知做乜。後尾，隔離個女仔等得太耐，忍唔住入去問嗰兩個職員，佢地先施施然行去整俾佢。之後我地即刻問返嗰兩個職員整完杯咖啡未，棕色頭髮嗰個先慢慢行入廚房，等多幾分鐘先攞出黎。其實個女仔仲遲過我地黎，可想而知佢地完全唔care外賣嗰d，一見我地望住佢地就行去堂食嗰邊上下菜執下嘢。杯嘢完全冇乜咖啡香，叫佢俾個隔熱紙又話佢個紙杯設計係防熱，攞住行幾步就已經熱到辣手:)如果諗住體驗外賣等十幾分鐘，同埋下義大利式嘅服務態度，歡迎去試下…Read More

經過見到依間泰國菜，就諗住試下，點知超級伏。我個friend叫左個單點嘅冬陰功諗住兩個人share，話兩人份，點知個湯黎到得一人份咁。最搞笑係，隻蝦得一隻，想點？我地一人咬一啖？再加多幾條菇，就可以做個冬陰功收人88蚊+1，感覺我都可以開餐廳我就叫左個lunch set，肉碎飯包野飲+10蚊有兩個椰汁糕。個飯成碟碟頭飯咁，毫無誠意。有d米仲係硬，無端端仲食到d殼計落其實個set冇平過服務一般仲要加一，計落嗰兩粒咁嘅椰汁糕要20蚊餐飯食到嗌晒救命，出邊d人見到我地d食物都嚇到走左。唔怪得一開頭幾個侍應係咁想叫我地坐入邊嗰d位。嬲到一邊食一邊上黎睇食評，當場都想問句點解仲未執…Read More

經過見到好多特別口味嘅章魚燒，就買左個。雖然個熱情嘅哥仔話要等6分鐘左右，但2-3分鐘之後就攞到俾我。點知每粒入邊都唔算熟，仲係流質嘅粉漿，出邊就有d焦焦地味。估佢係開大火想快d燒好一大堆，但明明唔係好多人等緊唔知點解要咁急。好失望:(…Read More

今日去葵芳有野做，喺附近餐廳食完野，見到隔離依間壽司店就諗住買d野帶返去做晚飯。入到去，感覺都幾整潔，有幾個客喺到買野。可能今日落雨或者學生放假所以冇咩人。我去嗰陣系下午茶時段，見到有四個選擇+野飲都係20蚊咋。但見到隔離個櫃又有便當，有壽司+冷麵+迷你沙律既，仲有其他壽司拼盤。嗰到d店員都好nice，我揀唔到話我完左活動去買都ok。完左之後去，系另一個店員，佢見我選擇困難發作就推薦我食鰻魚丼，仲話我知原黎我唔記得拉書包拉鍊⋯鰻魚丼都有得送一包紙包飲品，攞左返屋企食，覺得抵過某間外帶壽司店好多，起碼鰻魚唔細，有兩大塊，仲有幾條蟹柳。下邊d黃色丼條都多，放左一層，我買嗰陣仲以為系麵。但就冇中華沙律。味道幾ok，感覺系用心製作，唔係求其dum d野攞個兜到賣比人。我有個fd話佢d便當唔錯，但沙律dry左少少，我見到個櫃仲有章魚小丸子，10蚊有五粒，依個價已經系好耐之前先會喺外邊鋪頭見到啦。間店外邊放左d日本珍珠米可以一袋袋賣，同埋話明用珍珠米做，覺得真材實料。雖然位置對我黎講唔算太方便，但轉食依間好過再去食某間外帶壽司店既野，起碼唔會雪到冇曬味，應該會再去。…Read More

搵餐廳 行過見到依間，睇裡邊都幾潔淨幾新，就入左去本黎同佢講堂食，點知等左一輪佢俾左個外賣我見佢裝好左就算啦，費事要佢再搞過浪費個外賣盒，就諗住攞返屋企先食我冇check清楚就上左車，覺得唔妥，打開睇先發現佢漏左比飲品我係車到大約睇左睇，費事論俊就冇攞下邊個飯出黎睇，佢d飯同餸係分開放四十幾蚊覺得麻麻，比我會揀吉野家不過見應該都新鮮，因為攞到都幾熱味道都ok，冇咩特別…Read More