LuffySuen's Profile

環境唔係食評之中咁靚咁好坐因為佢有兩邊⋯另一邊係細細嘅單位然後⋯佢嘅座位係我有史以來最唔好坐嘅Cafe座位勁細勁窄仲差過放題座位🌚Cafe最基本要舒適好坐㗎啦⋯嘢食方面⋯Hea到爆不過都預咗但真係有啲頹個pizza一咬啲餡料完全分離⋯肉醬意粉同小食就正常發揮冇咩特別好或差Cafe都係想坐得舒服慢慢傾下計玩下game但哩個咁嘅表現都可以咁高好評一係啲人冇乜味覺⋯當佢係普通茶記二係！！美食作家在人間😉旺角大把Cafe…哩間真係冇下次…Read More

繼赤羽之後我好喜歡嘅居酒屋第一次嚟係同事介紹諗住搵個地方傾下偈、食下嘢冇諗過食物如此有驚喜！😋特別係佢個燒菠蘿🍍燒菠蘿非常Juicy、爆晒汁諗返起又想食🤤仲有燒雞皮脆得嚟又好邪惡😈每款燒物都好好食仲有！炸雞🍗我又冇諗過佢做炸雞會咁出色👍🏻炸漿脆得嚟鬆化唔會又乾又硬最勁係咩？炸雞入面仍然鎖住肉汁😋哩區本來有間炸雞店都好正可惜執咗⋯但好彩而家搵過個開心大發現😝同埋相比其他居酒屋瀧亭係性價比高所以哩期有聚會想三五成群吹水都會推介嚟哩到先😋👍🏻…Read More

話說朋友去完外國出差返嚟太耐冇見～所以想搵間餐廳可以比我哋慢慢食、慢慢傾計今次真係冇搵錯地方！Cafe位於一個極隱蔽嘅地方話說我搵個入口⋯搵咗勁耐搵到發脾氣之際唯有打去問餐廳到底點入嚟？！🤣🤣🤣上到去Cafe細細～就隨意叫咗幾份Set Dinner其中一份係是日精選：燒豬腩仔嘩🤩真係好有驚喜肉質嫩滑軟腍豬皮位燒得香香脆嫩另外兩份主菜一個係蝦意大利飯另一樣係雞嚟同朋友傾得太開心所以啲菜式名已經唔記得😅🙏🏻但三樣主食都好好食雞肉又係非常嫩滑就連伴碟嘅薯蓉非常好味😋意大利飯直頭合晒我口味我最鍾意食濃濃嘅蕃茹味嘅嘢🍅朋友都大讚👍🏻為咗傾耐啲我哋動用埋後備嘅胃叫埋3款甜品😋都係因為傾得太高興冇好細緻地睇係咩甜品🤣所以唔記得名大概係：蘋果金寶、鐵板朱古力同唔記得係乜嘢蘋果鐵板朱古力好好食😋😋😋係個蘋果乜乜乜略嫌甜咗少少🤏🏻或者可能大家都飽嚕整體非常滿意今次嘅晚餐😊同埋一讚係服務態度超好👍🏻朋友個電話冇晒電又借咗個叉電比佢又有問我哋今餐嘢食滿意嗎？當然滿意啦👍🏻最有驚喜係個豬腩肉🤤好想再食多次不過佢話哩個係是日精選唔係成日有希望下次嚟可以再食到同埋餐廳好好冇限時限刻我哋食完都冇趕我哋走仲叫我哋繼續坐下先因為我同朋友太多嘢傾啦實在😅而我哋最初目的就係想搵間餐廳可以坐耐啲傾耐啲今次真係冇搵錯地方！臨走時仲提我哋入Mee積分💛推介👍🏻👍🏻👍🏻👍🏻👍🏻…Read More

原址餐廳拍烏蠅多年終於執🙈最近新開咗間台式嘢，有返新景象～有台式牛肉麵、多款肉燥飯、仲有麻辣鴨血麵😋款款都大大碟、份量夠👍🏻仲有埋台式飲品🧋紅燒三寶牛肉麵🍜有齊牛肉、牛筋、牛肚牛肉軟腍～牛骨湯底濃郁清甜。鹽酥雞翼肉燥飯，非常抵食😋有成6隻雞翼㗎🤪🤪🤪雖然雞翼係細Size，以哩個價錢仲想點吖～🤨肉燥加入香菇好好食。生炸雞髀🍗肉燥飯，大大隻雞髀炸到跪卜卜，裡面肉質依然嫩滑😌👍🏻一個餐仲有埋台式飲品，蜂蜜綠茶🐝蜂蜜味濃👍🏻🐝食完嘢點都有味精味，嚟一杯蜂蜜綠茶剛好可以解解口裡嘅咸味☺️仲有冬瓜茶可以解口渴😋…Read More

Staycation package 🦊🏨包咗一個純素Tea Set🥗🌮🍮🍧🥂，一向Tea Set都較少有以素食為主，都好值得一試😋Menu咸點甜點都有，另外仲包咗一杯青檸青瓜梳打特飲🍸素食類咸點都係以蔬菜🥬、Omni pork、豆類入饌整個Tea set用野餐盒餐盒裝起，差個青青草地仲唔係仙樂飄飄處處聞😚米餅略嫌有啲硬唔夠脆，個impossible 素肉係有啲𡁻頭🤪所以第一道咸點不太識欣賞佢。豆乾食落又反而有啲似串燒肉嘅味道，可能係因為用咗日式燒汁，又有少少微辣都幾惹味～唔錯😋望落似壽司🍣但食落去係泰式辣肉米通，個感覺幾得意～酸酸甜甜加上清爽嘅沙律🥗口味清新😋🥬好啦～食晒咸食食甜點黑朱古力配上杏仁，用上黑朱古力唔會得個死甜蓋晒啲味，哩啲組合冇得輸啦～裡面仲有流心朱古力流出嚟😋👍🏻哩個Set就唔用鬆餅，而係用酸種麵包，再配兩款醬汁，一個係普通嘅草莓果醬～另一個就係較少有嘅松子仁牛油，當然配松子仁牛油嘅味道較為有驚喜啦😜設計哩個menu 嘅廚師👨🏻‍🍳非常聰明！甜點多用布丁、啫喱類嘅類型🍮，代替好睇唔好唔食嘅cup cake類甜點🤣甜點如果一味得個死甜又唔食，成個Tea Set即刻會被大打折扣⋯所以不得不讚廚師👨🏻‍🍳哩個聰明才智🤣可以話只有啫喱、布丁類好普通，但至少起碼唔會失手先吖～當然柑橘🍊布丁一定冇失手，酸酸甜甜好清新😝👍🏻白桃啫喱～白桃果肉非常香甜，嫌佢細杯咗唔夠喉😋🤣🤣甜點嚟講我最鍾意哩款👍🏻👍🏻👍🏻👍🏻👍🏻整體哩個Tea Set係好食、滿意嘅😋始終全個Set麵係以素食為主，所以食材有所限制，廚師亦能巧妙地諗到點樣運用各種食材製作哩套Tea Set👍🏻值得欣賞👨🏻‍🍳👏🏻👏🏻👏🏻👏🏻👏🏻服務方面都好好嘅～始終係酒店餐廳🍴上菜嗰陣2個人抬個野餐盒嚟，仲慢慢逐件盒咁拎上枱，又有逐一介紹食物😌…Read More

生日就食好嘢㗎啦🥳嚟到韓國街居然唔係食韓國菜，而係食Omakase😱なに⁉️由於比預定時間早咗到，7pm居然冇乜人，心諗⋯死啦⋯⋯會唔會有伏呢！啲Omakase通常都full house，勁嘢嗰啲起碼一個月前要book啦⋯哩間嘢都係新開冇幾耐，唔諗咁多😖今晚一定要食Omakase😠所以就點咗2份Omakase！（Omakake內容：前菜、時令刺身-5點、壽司🍣-6貫、和食-2味、吸物、漬物、甜品）先嚟一個廚師打招呼👋🏻🧑🏻‍🍳問我哋有冇咩食物係唔食㗎？其實我都唔知有咩菜式唔知邊樣唔食喎⋯師傅就話：咁食住先到時再算啦～🤣好啦🤣一場精湛廚藝嘅Live Show！正式開始🧑🏻‍🍳🍣🎉前菜第一道：安康魚肝魚肝唔腥，豐有鹹香味刺身第二道：蝶魚昆布卷用蝶魚包住昆布一個簡潔而清爽一道菜先清清味蕾，一層層繼續上😌刺身第三道：燒海螺配紫蘇花蕾海螺質感爽脆再加埋小朵嘅紫蘇花蕾飄揚著清新嘅感覺舌頭👅都開始舞動起來🥰刺生第四道：原隻紫海膽喂呀！哩個真係冇得輸囉🤩成個捧住食，好似食雪糕咁😍海膽creamy又鮮甜，再配上魚子，加啲咸香嘅味道，錦上添花🥳食完哩個會食唔返轉頭㗎🥲刺生第五道：沙甸魚卷併燒秋刀魚師傅一介紹哩款刺生時我即刻面有難色😰🥶😰因為我平時好怕食又多骨又腥嘅魚好啦～而家當造季節，試試佢啦⋯一試之下，居然⁉️完全唔腥，己且非常肥美，滿滿嘅魚油🤩非常有驚喜😌👍🏻刺身第六道：大拖羅三文治（with海鹽、紫蘇葉）幸福感係一層一層遞增🥰大拖羅非常肥美，油份滿佈，但太多會油膩，所以師傅好細心，加上海鹽、紫蘇、用紫菜包住嚟食，減少油膩感，但仍可以食到啖啖肥美嘅大拖😋==============================漬物第七道：師傅自家製嘅漬物牛蒡、蕎頭、蒜我自己本身都喜歡食醃製食物，所以正合我意，食下漬物～爽脆得嚟又酸酸味味，醒醒胃，解解膩，好嘢陸續有嚟😋和食第八道：什菌炒北寄貝裙邊哩一味菜我係長知識🧐師傅話哩個係北寄貝嘅殼，北寄貝亦可以重達1KG😱我從來都唔知北寄貝係咁大隻，平時見到嘅都已經係熟咗，原來都好似蚌咁～不過哩味略嫌個黑椒落得重手咗，啲黑椒味搶晒。==============================和食第九道：汁煮比目魚料理比目魚肉非常嫩滑，汁煮籮白入晒味🤩勁想食多舊蘿白🤣🤣🤣==============================廚師發板發好西北海道超甜粟米🌽超級清甜爽脆嘅粟米🌽為咗唔浪費每一粒農夫👨‍🌾嘅心意所以我用手摵嚟食，完整咁食晒🤩先對得住條粟米🌽師傅都忍唔住問我「點解食得咁精緻嘅？」好啦～到壽司環節啦壽司🍣第十道：深海池魚配沙魚軟骨壽司第一味嘅壽司當然係由淡味至濃味咁上池魚味道淡雅壽司第十一道：生北寄貝壽司完全顛覆我對北寄貝嘅感覺平時啲熟嘅北寄貝，又乾又柴，一啲都唔好食，原來佢在生嘅時候，個質感似象拔蚌咁，非常爽又鮮甜～好好食😋壽司第十二道：大拖羅壽司🍣非常之肥美，入口即溶😋完全冇筋👍🏻==============================第十三道：蝶魚裙邊壽司🍣一如既往，火炙過後嘅蝶魚魚油滿滿咁滲發出嚟==============================第十四道：牡丹蝦配蝦膏壽司師傅預先攤開牡丹蝦，等待一個合適嘅溫度免得客人食佢時仍留有冰硬感而失分，哩個位睇得出師傅非常細心👍🏻然後再炙燒蝦膏，即時傳來蝦膏嘅咸香味，牡丹蝦夾蝦膏，兩者絕對係天作之合，幾款壽司當中我最喜歡哩一味，正如我剛才所講，蝦身入口嘅時候溫度來得剛好，清甜爽彈再配蝦膏蝦香味，可謂神來之筆👏🏻👏🏻👏🏻我真係直接同師傅講我好似去咗大澳咁～有大澳嘅味道😋（應該係來自個蝦膏味=聯想起大澳蝦醬）==============================第十五道：秋刀魚壽司🍣不時不食，9月乃秋刀魚當造時候果真新鮮嘅魚不會腥，完全冇腥味己且非常肥美😋魚味濃郁第十六道：滿到爆嘅北海道室根海膽壽司🍣都話食完個紫海膽返唔到轉頭啦！老實講滿到爆都冇用🥲都係紫海膽正好多呀🤣🤣🤣🤣🤣==============================手卷第十七道：中拖羅手卷中拖手卷混入櫻花蝦，原本去到哩個位都已經8成飽，見到食手卷自然會諗⋯飽飽地添，點知～食落發現撈咗櫻花蝦又幾好味😋如果單一中拖又好悶又膩，加下啲櫻花蝦又即刻冇咁寡，師傅真好嘢，完全知道食客嘅諗法🤣👍🏻==============================吸物第十八道：大蜆高湯味蕾受到美食嘅衝擊後仿如跳完一輪勁歌熱舞咁係時候清一清喉嚨。==============================甜品第十九道：赤肉蜜瓜+日焦糖小蛋糕🍰==============================總結：師傅🧑🏻‍🍳其實不停都有同我哋交流，有介紹啲食物嘅來源、製作嘅方法，而唔係求其講乜乜乜壽司擺上枱就走，好賞師傅對每道菜式都有細心研究過用咩食材去配搭，從而每食物更加錦上添花，亦都好識善用食材，能夠將整個食材所有嘅部份去製作唔同嘅菜，例如：個北寄貝會留殼嚟做器皿，裝起雜菌炒北寄貝裙邊，個北寄貝留嚟做刺身👍🏻你可以話哩啲唔係Omakase一定嘅嘢嚟咩？老實講好多所謂Omakase，都係求其猜兩猜舊飯，乜魚都加燒汁、火炙就放上枱，到底個味夾唔夾，根本唔重要⋯整體而言哩間睇得出師傅有用心對待食物，服務態度又好👍🏻後面啲待應妹妹密密不停加茶，真係飲茶飲到唔好意思😅原來亦只係我哋早到，去到7:30pm都已經滿場，放心～我覺得真係冇伏，環境又幾好～抬頭望上天好似一舊舊飯團飄飄下咁☁️☁️☁️（其實係雲嚟嘅🤣）價錢亦合理，冇理由唔返轉頭再食吖😋所以都值得我花心機去打哩篇食評☺️…Read More

屯門區內越嚟越多隱世食店，哩間當然係其中一間不可或缺嘅食店啦！平時可以自行上網預約嚟食，不過店內空間不大，所以座位較少，變相一位難求🥲但又好Lucky~居然可以比我Walk-in入到嚟一試哩到嘅手工意粉🍝入到去店員親切有禮～問我之前有冇嚟過？當然冇啦😢一位難求耶⋯店員即刻為我介紹佢哋嘅特色手工意粉、得意菜、仲有Lunch有咩正嘢、甜品、連同花斑茶社嘅聯乘飲品都介紹埋🤣👏🏻好欣賞佢咁詳盡嘅介紹😌👍🏻先嚟嘅係佢哋自家製嘅酸種麵包質感外脆內軟～麵包依然溫熱再配上佢哋自家製嘅醬汁鍾意食麵包嘅人都會喜歡佢🤗揀咗哩款手工扁意粉🍝配虎蝦、櫻花蝦、菠菜手工意粉🍝質感有種煙韌嘅感覺有淡淡嘅檸檬汁清香令手工意粉唔會帶住濃厚嘅麵粉味虎蝦比想像中略為細隻，平時嘅虎蝦都會連殼上碟，但佢已經全部剁晒殼～啱晒我哩啲又懶又唔想食到整污糟手嘅人😅虎蝦質感爽口彈牙，手工意粉未算驚喜，反而佢嘅菠菜先令我感到驚喜，菠菜配合小小嘅櫻花蝦，居然令我覺得佢有啲似腐乳炒通菜嘅味道，非常惹味～剛好吊起成個手工意粉淡淡嘅味道，一淡一濃·恰到好處！最後一杯簡單嘅檸檬茶作結，下次有機會食晚餐再試試佢嘅特飲😎🍹…Read More

新開嘅日本餐廳一場街坊諗住試試頭炮食：款式係多選擇嘅～淨係lunch set都起碼有15個餐比你揀，嘢食普通，不過不失。份量略為過多⋯嘢食只係大堆頭😅隔離枱好多都食唔晒啲嘢😅😅😅另外可能新開業，我叫咗個Set但漏咗份壽司，等咗好耐都未有⋯要提提佢，先上返份壽司🍣價錢：價錢上相對喺哩區嚟講係貴食一次都夠晒🙄服務態度：較好嘅係女待應都會主動應機，唔會睇到扮睇唔到嗰啲。最差係個收銀肥大叔不停見佢聲大大、講嘢態度巴巴閉咁😒比佢哩啲態度扣晒分👆🏻哩啲扣分位都令人冇下一次趕客！👎🏻…Read More

今餐係另一半訂位慶祝我嘅生日滿心歡喜覺得可以睇晒成個維港夜景好正奇怪地明明仲有窗口位但又安排我哋住後排位置咁可能人哋book咗位未到啫都多口問另一半book位嗰陣有冇得request 咁佢話冇request坐窗口位,只係request 咗係嚟慶生都不以為意，但食咗一大半明明都冇滿坐，仲有好多窗口位我哋嚟慶生都唔安排我哋坐下窗口睇靚景睇住人哋一雙一對望住個維港慶祝特別日子又吹晒蠟燭，好開心咁到食晒啲主菜，等上甜品我就主動問可唔可以安排轉坐窗口位咁個侍應反應係覺得奇怪點解食食下冇啦啦要求要轉位咁都有轉比我哋點知上甜品一刻⋯滿心期待之際🤩佢只係上平時嘅甜品😟😟😟下⋯⋯？！原來佢冇睇到我哋係request 咗嚟慶祝生日🎂🍂好失望⋯⋯唔怪得之咁樣啦😔😔😔最後⋯我哋都仲失望緊食嗰個麻麻地嘅甜品盤侍應就忽然喺側邊攝咗個埋單簿哦⋯多L謝晒，不過唔會再幫襯嚕👋🏻…Read More