icewat's Profile

上個月同朋友去鶴咀淨灘，難得過海，要搵好味既食物慰勞一下自己。依家餐廳一 d 都唔起眼，係條巷仔入面。完全係因為街頭有間好多人排隊既甜品包點舖，先注意到放係街邊既 menu。遊走兩條街原來去左巷仔另一端，就被 pizza 香味吸引左。點左 BRKYLN Pepperoni & Nana's Lasagna，兩樣都好味，尤其 Pepperoni Pizza，軟軟芝士加滿滿的辣肉腸，每一口都好滿足。厚薄適中，邊皮軟硬剛好，又唔太韌，又唔會𠝹咀。就是我喜歡的味道！新年團拜，朋友想食 pizza，我好想將我喜歡的味道分享給大家，所以專程由旺角去中環，買三個 pizza 入元朗開 party。老闆都好意外，不過聽到我對佢既 pizza 讚口不絕，佢表示好恩惠，亦都係佢繼續開店既動力。沿路行去地鐵站時，不斷都有人望住我三盒 pizza，有個老外推住架 BB 車，望到差 D 衝到人，佢一定係諗 --- 一次過買三個，一定係好好味。究竟係邊間店呢？雖然翻熱一定無現場新鮮咁好食，但朋友都話好味，下次要去餐廳堂食。…Read More

朋友推介海鮮火鍋。太子站已經係最近，行行下原來近大角咀。舖頭細細，只有五、六張枱。雖然個頭比較靜，但都建議訂位穩陣Ｄ。有兩個海鮮 set，一個 HKD$198，另一個 HKD$268，差別係麵包蟹 / 肉蟹、蝦同龍蝦、蟶子同蚌。我地六個，點左四個 $268，兩個$198。我地要左皮蛋芫茜同沙嗲湯底，沙嗲好香，食完唔太口渴，不過食到尾尾有點鹹。食海鮮，湯底都係淡Ｄ好。下次一定要試粥底，應該勁鮮甜。成餐既亮點係蟶子同麵包蟹，好新鮮，蟹起多膏同肉，好好味。反而龍蝦無乜驚喜，波士頓都係無乜肉食。初初諗住唔夠食，再點多碟牛肉、墨丸同響鈴，不過原來都夠食，少少過飽。已經即刻諗定約另一班朋友再食多餐。掛住食咩相都無影。…Read More