superyo.food's Profile

最近柴灣開了新餐廳，見馬六等位耐。就轉戰呢間新既冰室、茶記食下聽講荃灣都有一間先講店員態度，其實幾好既因我哋比較多人，都好快分到位俾我哋坐底。食飯時間就遷就下啦餐廳主要係用QR Code下單，只收八達通及現金。而食物方面，賣相是豐富的，只是雞唔夠滑，味道太淡不過配料就還好既收費一個餐$68，建議去同區既第二間食可能會好一點。其實都唔緊要，但等得太耐同行的人叫既餐都說不是太好味。有人有投票過值唔值得食，個人覺得去一次就足夠。…Read More

一開始見到，是因著想食冬甩而排隊。都好難決定，因每一款都睇落幾好食，仲有出咗新口味。見上一個客（一家大小）買咗，不過我哋無跟住叫。叫左一款原味冬甩、法式扭紋及士多啤梨冬甩。味道方面，口感偏甜、法式扭紋就幾特別（有種食落有種鬆軟的口感）顏色方面，原味冬甩及法式扭紋呈金黃色、而士多啤梨冬甩就正常。價錢方面介乎在19-22蚊左右。店舖不大，需要排隊、人手店面有3個職員左右。如果未試過，口痕都可以食下。不過，好視乎個人口味及當下需求。…Read More

捉住尖沙咀分店的最後尾巴來品嚐一下來自澳洲的Coffee店，一試難忘。叫了兩個Brunch Set，好抵食又好味！有牛吞、沙律、芝士波腸、麵包同韓國泡菜飯。兩個人食簡直都已經好足夠及豐富，午餐食完飽到晚餐都可能不用吃。不過，如果男生食的話，可能要叫其他，未必足夠份量。環境方面，比較寧靜、優雅、佈置也十分靚。好有森林的感覺，一個字：高質！另外，餐廳設有Qr Code落單、加一服務費及不能帶外來食物。如果日後想再食，可能要去其他區lu🥹…Read More

食lunch到祥興居一試風味，值得推薦。我們叫咗陳醋排骨麵、醉雞飯、雞扒擔擔麵及回鍋肉飯。充滿著春夏秋冬的風味，有辣味而入味的醉雞、有淡味但都正宗的擔擔麵配脆口嫩滑的雞扒。而回鍋肉飯辣味不夠、陳醋排骨值得一嘗。另外，非常建議帶外國遊客前去品嘗一下。等位需要，可能入座時間會耐d。有房間可坐2人檯，但空間比較侷促。（可自行考慮）餐廳收費方面，是收現金或八達通。牆上也有餐牌，方便等位時看一看，節省時間。…Read More

朋友介紹的餐廳，望住個餐牌有點眼花繚亂。因好多都好好味，只可惜有些無相就穩陣起見無試到。感謝店員建議及幫忙，我哋試咗個出名既豬扒撈檬同西薈飯。撈檬就正常，酸酸甜甜。而西薈飯入口鬆軟、有飯香，再上配蝦是一流。好食！飲品飲咗椰汁🥥同檸檬茶，都還好。我飲的是椰汁，味道都偏甜。朋友飲的是檸檬茶環境方面，比較細。以白色為主，算是小型店鋪。樓面店員有2個，但出餐都有效率。主要係掃qr code落單另外，餐廳內沒有洗手間。…Read More

第一次去尖沙咀牧羊少年，有喜有失望。環境：係幾高級、幾靚，仲有個好大型既咖啡吧可以望見咖啡師沖咖啡、飲品食物味道：我哋叫咗烤美國露荀烤雜菌蒜香菠菜苗黑松露青醬意大利飯（需要黑松露）、照燒汁三文魚柳 配暖三色藜麥北非小米同桂花梳打濃縮咖啡（凍）。覺得味道麻麻地，得個樣。另外，食物等得好耐先上（差唔多飲完嘢先有）不過，要讚係職員態度都好好、好盡責。*洗手間要排隊、餐廳有加一價錢就中價位，建議都係多人去食會抵d。都幾快有位（要攞飛先）…Read More

幫襯過幾次，嘢食雖然一般，但環境舒服、優美，仍然好貼心。記得有次去食，廚師唔小心炸得唔好食物，但仍補上別的食物當賠償。另外，飲品都幾好飲…知道他們好有心改進環境方面，主要是以優質裝修為主，有酒櫃同戶外空間可以坐，亦可以自由選擇坐屋內。與朋友坐幾耐無限制，人流唔多，傾計都一流。點餐可以scan檯上嘅qr code或到台前俾又得。有興趣，都可以一嘗嘅！PS 他們有提供聚會到會服務，如果需要都可以打去查詢。…Read More

朝聖！去咗呢間新聞同柳柳粉都有提及過嘅餐廳餐廳都唔容易搵、不過，餐廳裝修上的確花咗唔少心思。值得留心觀察，餐廳嘅色調主打係簡約白、灰配木同綠嘅元素，有啲似置身於大自然嘅餐廳。嘢食方面，我叫咗午夜抺茶、半邊雞加薯菜、沙律同苔玉，雞偏鹹，薯條同沙律都好食，一個人份量嚟講都夠飽、午夜抺茶…個人麻麻地，抺茶好似未攪勻咁～不過值得一試嘅係甜品，真係好好食😋同埋，賣相都幾好、好可愛！至於，都幾多柳柳粉都帶同Jer嘅公仔朝聖架，同埋都keep住啲人流無停過環境都係自己揀位嘅、啲木紋同畫都幾靚仲有，棵樹放喺餐廳都幾震撼、有feel有機會，可以去餐廳試吓、體驗下！順帶一提，餐廳需要收加一費用，整體價錢可能會貴少少。大家留意啦…Read More

嗯！好耐無食過其實地方嘅嘢食，對於我哋嚟講都係一個幾特別嘅體驗。先講講店舖環境，哈！其實好細…如果你哋想去食嘢嘅話，就要預早去啦（我哋當晚係好彩有位）不過，環境都幾特別嘅，裝修都幾令人放鬆同正面。嘢食方面，可以睇到外國人包餃子🥟都幾有趣，明明係西式嘢但食到唔同國家嘅食物…其實佢同我哋講20分鐘等候時間，最後等咗40分鐘先上菜，呢方面要俾啲忍耐力同堅持🥴嘢食嘅味道係幾好食😋 堅持係值得嘅，我哋叫咗芝士雞、一籠餃子同肉醬意粉🍝純粹同平時食到嘅肉醬意粉唔同好正宗！份量方面，建議叫多少少會比較好下次可以再試！亦歡迎大家有機會要去試吓🤤…Read More

今日去食咗一間好抵食嘅麵館，雖然唔係食麵，但都唔錯。其實之前都食過佢嘅蘿蔔牛腩飯（$50內有找），不過上次就鹹啲，今次好欣賞佢哋有進步、味道都有好明顯嘅改善。另外，一入到去店員都好有禮貌去建議我哋坐比較涼啲嘅位置同上菜都好快手。好適合趕時間嘅都市人去食一餐，都好多選擇。仲有一定要試佢嘅谷古飲品，係其他地方少見啲。（阿華田味帶有啲朱古力）局格嚟講，日系風格裝修、以木色為主，都相對闊落，幾好架。付款方面，提提大家只有現金、支付寶同PayMe。希望嚟緊有八達通啦，不竟多人用啲嘅。…Read More

Well 今日去咗一間位於樂道嘅餐廳，叫九龍餐室…入到去都幾多人，感覺都算唔錯架好地道、餐牌又多款揀，餐室嚟講都算係咁lu不過，下午茶嚟計都唔算平，可能係位於尖沙咀，價值方面都相對上高價啲？望咗個餐牌一陣，叫咗星州炒米…送嚟嘅嘢食睇顏色方面偏黃、餸都算正常。只不過好辣呢，好彩有杯紅豆冰中和返，都算幾夾。食食下條舌頭可能適應咗，又okay喎。嗯！對於食辣嘅朋友，呢個餐都真唔錯架雖然其實常餐會更抵食嘅。…Read More

香港人嘅街邊手搖店…其實好多選擇本身想chill下，就嚟飲叫左返杯薄荷奶綠。點知都幾失望😥，雖然價錢平，但味道真係好似飲緊薄荷水咁…好淡但有奶綠色嘅。😂至於，鋪頭方面唔算大，不過都算清潔企理嘅，可以接受嘅。👀而店員都好用手聆聽客人嘅需要、沖得都算快，兩個人嚟講都算唔錯。👍🏻服務態度希望可以繼續維持啦！不過，可能係平嘢就會無咁好？至於同對面天仁茗茶相比，平啲啦唔肯定，可能下次試下其他會無咁怪～…Read More

介紹返俾大家，話說沙田開咗間高質嘅扒房位於沙田市中心地下其實未入去前，已覺得格局好高質。用咗木系裝修配柔和燈，睇起上嚟好舒服，坐係度又唔會眼瞓。另外，椅方面都好寛落，俾我哋一家人有一個好高質嘅晚餐時間。食物方面，一開始送上嚟嘅薯條已經好好味，再加埋醬(有特別想食嘅醬要再同服務員講)，簡直係一流。😋晚餐叫左個慢煮扒($238)，送上嚟嘅時候已經好吸引。食落口嘅口感又好味，只係份量嘅話，可能男生嚟講未必夠。試左佢杯新出飲品，啲茶同Cream好夾。PS 薯條都條免費任食架，飲品要用QR code掃。…Read More

初嘗陶源記哈 其實一開始我哋去前都以為係桃園酒樓😂不過，去到嘅環境都係具中式酒樓嘅格局，傳統，以紫黃色設計為主，因我哋係自己獨有嘅房間，所以場地方面有啲婚禮feel~不過，洗手間就比較唔方便…食物方面，尚算可以嘅，除咗伊麵嘅口感就太濕外，其他味道上都正宗。尤其冬瓜盅、菜同燒賣係非常好味又足料。😋一圍8個人食嘅一餐飯，啱啱好。傾吓計、打下機都幾開心架 都係一個幾難忘嘅回憶，大家有機會可以同親朋好友一齊去下…Read More

第一次嚟呢度食呢個餐，食前人人都話一定要試吓…就叫咗。👀果然謝謝推介，整體來講口感都唔錯嘅。雖然油多咗少少，但口感相對上比較軟，啲麵食落口嘅口感唔會過份硬。下次有機會你都可以叫下佢架！🤤PS：如果啲位可以坐得再鬆動啲就更好啦，不過我哋午餐時間去就無法啦🤔另外，啲服務員態度都唔錯，即使要等耐少少但係都值得架，佢哋都好用心機聽我哋嘅需要，會盡力做到同唔怕我哋人多太多orders，謝謝你們嘅服務質素。…Read More