man_ho's Profile

因為要幫朋友攪一個兄弟姐妹既GATHERING, 所以我首選係依喥包場, 4個鐘, WEEKDAY只需$3500, 都幾抵呀。答應過老闆啲野好味就幫佢寫食評, 所以我黎得寫食評咁即係好味啦!店內環境給人有人種好舒服既感覺, 不得不提, 店內的油畫真的很美, 同埋佢地啲staff 超 nice, 所以想係喥推薦俾各位!Welcome Drink我選擇咗FRUIT PUNCH同埋MINT LEMONADE MINT LEMONADE - 初初我都好擔心會好薄荷架, 因為我係一個唔太鍾意薄荷既人, 但見到樓下食家話好飲, 所以一試, 依杯野我都飲咗3-4杯呀, 真係好味喎! 不過我都想係喥同老闆講聲唔好意思, 唔係因為MINT LEMONADE唔好飲, 係因為佢地班人覺得綠色好怪, 冇人敢試, 可能佢地少上openrice睇食評啦! FRUIT PUNCH - 用了新鮮的果肉製成, 讚!Salad and Appetizers芝士元貝焗薯蓉泰式香茅雞翼/ 蜜糖焗雞翼 MIX辣味薯角 拼脆雞件明蝦鮮果沙律芝士元貝焗薯蓉 - 初初我以為係會粉開, 但後尾食落好似有粒粒既薯仔係喥喎, 同埋有好香既蒜溶呀, 好好味。泰式香茅雞翼/ 蜜糖焗雞翼 MIX - 味道岩岩好~~~~辣味薯角 拼脆雞件 - 薯角炸得好脆明蝦鮮果沙律 - 係新鮮生果黎整, 好難得…Read More

唔係因為要換公仔既關係, 我相信我朝早流流唔會食麥記囉~~~同埋我相信我唔會再去依間麥記喥買任何野食囉, 初初開業已經大有問題架, 環境衛生已經差架啦, 廚房同員工更差呀, 一啲都唔專業, 返工好似係喥玩 , 之前買魚柳包, 內面塊芝士係硬晒架??心諗有冇攪錯呀, 乜依家唔係即叫即整架咩???點解個包出黎會係咁????今日仲更加離譜囉, 塊傻仔餅竟然幫我加左古古力奶架, 雖然我係外賣, 我都預左塊傻仔都會淋, 但我冇預到會加左古古力奶喎, 又咸又甜仲要係濕, 唔駛食都知難食啦~~~服務又差喎, 我竟然要同個員工講三次我係外賣架, 都唔知佢訓醒未, 都已經八點半啦, 依間麥記啲後生仔仲衰過出面麥記既阿姐呀…Read More

食完葡菜之後, 就黎細龜喥買外賣做消夜。一早上網搵定佢既地址, 有食家話近十六蒲,所以我就係十六蒲附近搵, 都行左好耐先之搵到呀, 但就好易認到囉。叫左個干炒牛河外賣返酒店食, 真係好夠鑊氣呀,同埋外賣盒係鍚紙底返到酒店個外賣仲熱架, 非常好呀…Read More

想食葡菜, 又唔想去媽早廟個邊食咁遠, 上OPENRICE搵到加米路, 而且仲好近我地既酒店呀,不過要小心啲, 因為附近有一間同佢個名差一個字既葡國餐廳。好在早兩日打過黎BOOK定位架啦, 都知星期六一定人多呀, 不過都早左半個鐘黎到, 都OK啦。一坐低就叫左, 馬介休, 白酒煮蜆, 西班牙海鮮焗飯仲有木糠布甸。其實依間葡國餐廳既味道係偏淡架, 不過對於我黎講都OK。埋單都係兩百六十幾蚊, 都算幾抵食呀~~~…Read More

第一次黎瑪嘉烈買葡撻要排隊, 仲要一排排左我半個鐘呀, 我只係買一個葡撻咋~~~不過新鮮出爐熱辣辣既葡撻真係好好味呀。…Read More

過大海之前一早就上OPENRICE搵到要食啲咩, 希望今次食一啲自己未黎過既食店。青洲劉記真係好隱密, 一落船搭左差唔多40蚊的士黎到, 不過俾我想像中易搵得到呀。估唔到差唔多五點既時候, 仲係有好多人黎食野喎, 搵到位即叫豬扒包, 西多, 魚旦同豬扒搾粗,魚旦同豬扒撈粗又真係幾好, 不過我諗試過一次就算啦, 因為都係隔涉呀。不過值得一提係依喥啲姐姐好好人架, 因為我地冇叫野飲, 姐姐拎左兩杯茶俾我地呀。…Read More

為左慳返啲時間去血拼SOGO, 所以食晚餐都揀間近啲既餐廳,第一時間就諗起佢啦, 因為有好多間都試過, 為有佢仲未試呀。黎到依喥好似一定要食咖哩咁呀, 不過食間真係冇咩好揀呀,有機會既話, 我都想去試下另一間CURRY BEE呀。今次我揀左吉列咖哩豬扒烏冬, 味道就普通左啲, 不過烏冬都煮得唔錯呀。…Read More

諗左好耐都諗唔到食咩, 友有介紹黎依喥食, 因為佢話價錢唔貴, 所以即管試一試啦,睇一睇餐牌, 發覺價錢出奇地平喎, 心諗佢都唔知比啲咩野豚肉我食啦,不過好肯定唔係十勝囉, 所以咁既價錢我都預左架啦, 不過最重要係好味~~~第一次黎叫左佢既薄豚肉飯, 網味, 都幾好味呀, 只係要30蚊既價錢就食到, 總好過去食吉吉家先啦, `店舖環境都唔差呀, 都幾有日本餐廳FEEL呀。咁既環境, 咁既價錢, 咁既食物質數, 我會再黎囉。…Read More

第一次去到一間餐廳, 裝修環境幾好, 打算影幾多相, 再黎依家寫一寫食評。所以只影左幾多餐廳環境咋, 食物影唔到lu,不過我覺得食物睇落靚就靚, 但味道非常之普通, 真係好睇唔好食~~哈熱冬冬就"林"左啲, 冷冬冬就硬左啲,仲有左個魚餅, 係sogo買既仲好味過佢。只係唔明白食物質素咁普通, 點解唔比人影相呀???…Read More

想黎試左好耐架啦, 仲好識心打扮先之黎, 因為睇門面已經覺得好高級啦, 加上朋友生日, 又點能失禮自己呢?雖然感覺好似好高級, 但價錢一啲都唔貴呀, 之不過服務都係差左少少, 唔夠細心。食物水準都OK, 而依個價錢加埋依個環境, 都值得黎試下。…Read More

要搵一間餐廳大家都喜歡真係好傷腦筋呀,當冇目標係OPENRICE漫遊緊既時候, 無意之中比我見到依間私房菜,而且見到啲食評都幾GD GD, 所以決定黎依喥攪十月之星既生日會。我地8個女仔ORDER左13碟餸,1. 生菜包 --> 好正連唔食辣既我都覺得好味道2. 咖哩雞 -->啲汁連蒜茸包一齊食一流3. 哈春卷 -->普通左啲, 哈餅正好多4. 蒜茸包X2 --> 連咖哩汁食無敵5. 哈餅 --> 脆, 唔油, 秘製醬正, 下次一定會再叫6. 海南雞飯 --> 平靚正, 有成隻雞, 都只係收我90蚊7. 冬陰公 --> 我冇飲呀, 不過其他人話希左啲, 但都ok8. 燒豬頸肉9. 通菜10. 柚子沙律 --> 好正, 柚子好甜, 不過如果冇左啲椰絲我會更愛11. 太式炒金邊粉-->反而炒金邊粉我就有啲失望啦, 唔知係唔係佢地今日失左手, 下次我唔會叫囉12. 芒果燸米飯x2 -->芒果好甜呀第一次食私房菜都預左人手唔夠架啦, 因為佢地冇請到人, 全部都係自己人, 就連PR都係由一個小妹妹擔任, 所以大家鍾意有人service既話依間唔係一個好既選擇, 但對於我黎講依樣野唔算得太重要囉。…Read More

終於有個值口比自己去買拿破崙黎食啦, 拿破崙一直都係我既心頭好呀。一到十月我地8個女仔入面就有4個生日, 咁可以唔大事慶生先。聽聞依間既拿破崙好耐, 地點真係有少少難搵, 為左搵食又點會難到我我都明白之前有人話拿破崙好硬, 但我覺得有啲拿破崙應該係咁樣的,同埋重要既係拿破崙入面除左吉士之外, 重有非常之多既芒果 / 士多啤梨,真係好難得有咁多料, 而且味道非常之滿意, 有機會都想試下佢其他既旦糕。…Read More

如果用茶餐廳來形容阿摩, 我覺得唔係太似, 因為茶餐廳上餐一定唔會咁慢吞吞,真係人如其名呀, 阿摩慢摩摩呀, 本人係喥勸大家趕時間既話千其唔好黎食間食呀,因為我等左十分鐘先之有湯飲, 廿分鐘之後先之有意粉食喎, 再等多五分鐘先之有咖啡飲,甜品就快啲啦~~~~其實如果佢地上餐可以快啲既話, 真係可以再黎多次呀。環境同食物質素真係唔成比例架, 環境真係差左少少, 但竟然出到依種食物質素都真係唔錯。上次我唔駛趕上堂既話都會再黎食多次~~啲意粉都幾好味, 好有HOME-MADE feel呀。吉士蛋都好好味架。…Read More

原本想約個朋友黎依喥慶生, 點之友人遲遲都不能收到工,所以係喥變左一餐普通DINNER啦 。今晚我叫左一個獅子蛋包飯加一杯熊仔Mocha,朋友仔就叫左All Day Breakfast加心形Capp.當我既獅子蛋包飯上枱時, 真係好想大叫嘩~~~好CUTE呀,不過我冇咁做到, 反而係杯Mocha上場時, 就真係叫左出黎, CUTE成咁真係好可愛呀。不過值得一贊係佢地服務好細心, 因為我遲遲都唔捨得食我既獅子蛋包飯, 佢地竟然走黎問我係唔係有咩野問題喎, 我答我係等埋朋友既All Day Breakfast上場呀,不過其實我想答佢, 獅子蛋包飯太可愛有啲唔捨得食左佢呀。哈哈哈PS: 啲食物味道都OK架…Read More

第一次食YOGURT既我, 覺得依間既YOGURT好似軟雪糕咁呀, 好好味呀。原本我想食MIXED BRRY架, 但試過之後唔係想像中既味道, 所以叫左euro tart, 酸酸地幾開胃。有機會既話我再帶我啲好朋友再黎試下佢~~希望下次佢有士多啤梨味啦。順帶一提, 老闆佢地都好NICE架, 介紹我地食咩野味道呀。…Read More