maggientt's Profile

淥鼎記新出套餐，488/head，一出就當然即刻試下，食一次過滿足三個願望 (酸菜魚、刺身、邊爐)，三樣齊！🥳環境坐卡位，夠闊落，抽氣夠勁，啲邊爐味比較細，食完都唔使擔心臭住走刺身🍣刺身款式非常多，除咗普通日本刺身之外，仲有生蝦刺身同龍蝦刺身，所有刺身都好新鮮，尤其龍蝦刺身，爽口彈牙酸菜魚🐟啲魚一啲都冇腥味同埋好滑，加埋蓮藕蘆筍同埋薯粉入曬味，係我食過其中一間最好食嘅酸菜魚邊爐🍲嗌咗花膠美人鍋，個湯底清清地又甜甜地。每台必有嘅牛小排同牛柳粒，烚咗出嚟之後，配埋個湯底，令到牛味昇華又濃左！…Read More

環境成間鋪以跑步來作為主題，裝修非常有特色，有唔少Vintage裝飾，包括以前嘅黑膠碟、枱同燈飾☺️呢間Cafe每個星期都有派飯俾街友，仲鼓勵加油一齊去做運動，令佢哋可以搵返啲生活目標，之前仲資助左五個街友去台灣跑馬拉松🏃🏻‍♀️🏃‍♂️🏃🏻‍♂️🏃🏻🏃🏻‍♂️！，經過Cafe嘅話，記得入去幫襯，多多支持！飛毛腿薑黃飯🍚🍗蜜糖雞髀係即叫即焗，蜜糖唔會過多，味道剛剛好，焗完出嚟之後香噴噴，聞到食慾大增。薑黃飯都係第一次食，薑黃味唔會好濃，其他地方都好少有得食，去到可以一試！☺️☺️…Read More

朋友酷愛台灣料理，今次就去到中環呢間由台灣人主理嘅餐廳。⏱用餐時間只有大概一個鐘，午市時間比較多人，所以要人齊先可以入座。滷肉飯🍚份量適中，滷肉入味，配菜開胃又帶點辣鹽酥雞🍗九層塔嘅味道好出，但雞肉就略嫌冇咩咬口肉鬆蛋餅🥞王牌小食，肉鬆好多多到爆出嚟咁，啖啖肉鬆，食到好爽珍珠奶茶🧋唔太好甜野，叫左走糖，味道啱啱好，茶底夠濃環境以呢個價錢可以都坐得ok，同食物ok，喺中環來講性價比高，況且附近冇咩正宗台灣野，值得一試…Read More

平時大多數同屋企人一係就飲茶，一係就食西餐，餐餐都肉，得閒都想食吓齋中和一下。唔去到鑽石山/寺院食咁遠，就去大自然素食試吓。環境寬敞乾淨，仲有落地大玻璃可以望出去睇下景。口水雞凍素雞加麻辣，辣味入晒素雞嗰度，夠惹味砂鍋菜遠雲吞翅雲吞始終冇有肉嘅雲吞咁好食，湯底清，間唔中食下都OK蟹黃芙蓉翅炒蛋白炒得剛剛好，蛋黃整爛咗之後再加上醋酸酸地，夏天撈飯一齊食，簡直一流北京片皮鴨素鴨嘅肉硬左少少，但係都可以接受，加埋嗰醬甜甜哋，都真係有少少似食緊片皮鴨黑松露牛油果醬炒飯黑松露味濃，一上枱就成陣香味，係成餐飯最好食嘅一個主菜…Read More

係附近剪完頭髮，順便試下呢間台式人氣便當小店。環境舖頭面積唔大，所以都要等下位先入得去。枱與枱之間的距離比較近，唔建議拎住好多嘢嘅時候去食。香酥脆雞便當 (海苔味)配菜頗多，味道偏重啲啲，但係飯量偏少，如果男仔比較大食可能未必夠飽，可能加啲小食就啱啱好。啲雞好大件基本上cover成個碗，一黎到視覺非常震撼。海苔粉都幾多，味道偏濃，都幾好味，炸粉如果少啲啲就perfect!朋友叫左那個滷排骨飯，個排骨好似仲大過個碗😂 食肉獸千祈唔好錯過！…Read More

懷舊茶居  |  唔係食味道，係食懷舊🇭🇰感情環境🫖去之前預咗要排隊排差唔多半個鐘/以上，因為茶居嘅舖位比較細，唔係好多枱，所以坐落一定會比較迫少少，但係就係鍾意幫襯良心小店，因為用料一定係好，童叟無欺❤️鵪鶉蛋燒賣🥚食到一半先記得要影😂 而家香港買少見少，蝦膠同豬肉嘅比例做得好，咬落有少少彈牙，連埋鵪鶉蛋，童年回憶即刻翻返嚟芋頭流沙包 因為叫到一枱點心，食到好後先開始食呢個流沙包，佢凍咗都可以照流沙到，好波芋頭味濃，如果鍾意食芋頭包嘅可以一試~牛肉球有少少肥肉喺入邊，牛肉味重，食落比其他酒樓有口感彈牙，師傅可能打牛肉打到起膠，真心推介盅頭飯 (鳳爪排骨飯) 🍚啲飯可能蒸得太耐，有啲爛不過好彩有我最鍾意嘅鳳爪同排骨補救返🥰…Read More

荃灣冇咩上海菜可以食，咁啱經過荃灣廣場就入咗去食上海姥姥環境坐得OK舒服，好多卡位，排隊排十幾分鐘就入得去上菜速度好快，基本上落咗單10至15分鐘之內就上得菜醉豬手豬手夠入味，夠酒香，豬手唔會食落起膠 💯小籠包小籠包嘅皮比較厚，不過餡料都算多，肉汁冇流出嚟，不過不失擔擔面🍜香，夠辣，夠多肉碎，麵質不錯乾煸四季豆🫒小失望，味道偏鹹，啲豆太軟身，叫其他菜會好d桂花酒釀丸子🍡桂花味好出同酒糟配合得好好，本身鍾意食酒釀小丸子嘅朋友唔好錯過…Read More

想係旺角食平價西餐，平時都好難搵到，咁岩喺OpenRice見到呢間餐廳就去咗試位置💯好方便，喺正朗豪坊隔離環境🌴燈光柔和，枱與枱之間嘅空間足夠，咁啱被編排係餐廳比較入嘅位置，坐得舒服，同朋友傾偈都傾得開心啲食物🍽脆炸鱈魚牛油果蕃茄醬意大利飯 $128牛油果非常新鮮，鱈魚肉質有質感，意大利飯配上蕃茄醬比較開胃澳洲有骨肉眼扒 $198呢個價錢可以食到肉眼扒真係幾抵，肉質比較林，肉汁都多嘅，配上黑椒汁，都可以一試逢星期一至四加$30就可以升級至套餐，可以有埋沙律、餐湯同飲品…Read More

想試婆婆好耐，黎之前都專登上網book定位先咁就唔洗等位🥰餐廳主打日式定食，嘢食搭配任你選擇。食物配搭嘅選擇都幾多，每樣食物其實個味道都不錯，但呢間餐廳最重要食嘅係環境，有令你去咗日本旅行時亂入嘅小店嘅感覺🥰…Read More

朋友生日，又好鍾意食上海菜，所以就上網見到呢間餐廳就嚟咗試。必食小籠包皮薄，餡料夠，湯汁濃，即叫即蒸，必食之選，嗰日仲同朋友叫咗兩籠烤雙方用中式包點嘅皮，包住金華火腿最上乘嘅部份，配以蜜糖汁同炸豆腐皮，入口酥軟，鹹甜交融，係我最鍾意嘅上海菜之一，又係一個必食之選！清炒蝦仁選材上乘，蝦夠新鮮，爽口彈牙，以大火快炒，令到肉汁鎖住，師傅功力夠！💯環境枱與枱之間有適當嘅距離，唔會似一般中式酒樓，感覺比較逼。如果係尖沙咀要揾地方食上海菜嚟講係一個好嘅選擇！…Read More

一知小房子要再暫別就即刻book枱食🥲日式飯團🍙定食之前行完山食，食完就有滿滿嘅幸福感，有日式小家庭嘅感覺，好似食完之後就會俾咗好多Energy你咁定食可以揀兩個小食抹茶蒴餅軟身，唔太甜💯另1個唔記得咗名，但係個沙律幾好食冷泡桂花烏龍茶桂花味濃配埋烏龍清新可口，好啱夏天飲另外朋友就叫咗個鰻魚意粉同ocean blue，食嗰陣都讚不絕口。今次冇食到蛋糕，但係之前聖誕有買過佢嘅蛋糕嚟食，真係好高質，希望佢快啲重開。…Read More

辣肉碎炒飯啲飯炒到粒粒分明，辣肉碎辣得入味，應該放左1整隻辣椒入去。豆角同豬肉比例剛剛好，加埋半生熟反蛋，蛋汁包住啲飯粒，真係好正。炸蝦餅蝦膠彈牙，唔會食落梅梅地咁，炸粉不多不少，水平之上。…Read More

朋友推介呢間小店嘅Dirty好飲，所以專登去佐敦試。Dirty💯將Espresso倒入凍奶，因為奶夠凍先至可以將Espresso同奶分開，咁飲落就會首先飲到香濃嘅咖啡味，過多一陣就會飲到奶同咖啡交融嘅味，咖啡同奶香層次分明，到最後先至會飲到咖啡同奶完全融合嘅味，一杯咖啡有幾個層次，所以都幾鍾意飲dirty。All day Breakfast份量大，當lunch咁食就啱，味道ok，想食薯餅就去冚棒唥喇！…Read More

去日本旅行嗰陣我好鍾意食日本嘅飯，因為日本嘅兼米通常都比泰國米飽滿同埋香甜，所以帶着滿滿嘅期待去試米気。主打一汁多食，俾食客自由選擇如何配搭煮飯、主食、冷食、熱食、甜品同飲品，每款價錢不一，款式選擇多。醬油蛋飯🍚醬油蛋幼滑，加落去日本國產米，令飯食落更飽滿，香味更突出。汁煮鯖魚🐟本身諗住想個主食食得清淡少少，所以叫魚，但係個魚嘅味度偏咸忌廉蟹肉餅🦀加檸檬去除油膩感，蟹肉打成蟹膠拎去咋，炸粉份量適中，都不錯…Read More

腐皮壽司🍣呢間餐廳最出名嘅菜式，我叫左蟹膏甜蝦同柚子胡椒油甘魚蓉試。蟹膏甜蝦，鮮味十足，蟹膏唔會cover晒甜蝦味。柚子胡椒，口味清新，配油甘魚，可以令油甘魚嘅油膩感減低，從而突出魚鮮味。奶蓋白玉烏龍🧉🫖🍡喺Menu度見到佢個樣就叫左，擺設得好靚，奶蓋味香但唔會好rich，配白玉烏龍，飲落唔會滯，反而覺得清。辣吞拿魚蓉飯通常吞拿魚蓉都係陪葱，冇辣味，但係呢個丼有辣味，食落更加開胃。炙燒左口魚蟹膏飯😋左口魚油脂味十足，炙燒完之後，將油脂迫晒出嚟。…Read More