taroshin's Profile

早個幾月前食的。 汁燒牛脷飯有牛脷湯 同 配菜 汁燒牛脷， 正。 有日本feel, 一片片上，厚度剛好， 口感一流。 期望中既咬口。 跟埋大蔥， 好好送飯。 牛脷湯 入面既係牛脷粒， 口感係腍身既。 都Ok 呀。 食左幾錢 唔太記得， 好似百拎蚊個set， 加左支梳打水,同叫左杯梅酒，價錢都唔記得，冇印象既黎講就應該唔太貴掛，自制梅酒梳打， 哈哈。 呢間專做牛脷既店，我鍾意濃味同照燒汁。 會返食。 P.s. 其實之後 先後有兩次晚上10點幾特登返去想再食， 但開門時間應該改左? 但明明第一次食果陣已經11點。 希望下次經開再去有得食。…Read More

好少去柴灣，係附近行outlet，有人介紹去街市据扒，但去到太晏，關左。 之後周圍行，就撞到呢間個腦即時好有共鳴既茶記。 香江茶餐廳。呢類型舊式茶餐廳 已經買少見少。老式幾十年既裝橫，對比宜家一街連鎖茶餐廳... 真正見證時代變遷。小時候長大既畫面出哂黎。個人覺得有時食野味道真係唔係最重要一環。叫左椒鹽骨飯 凍奶茶。味道稱不上特別， 就可能因為呢種平凡，唔係特別好食，但一啖一啖食下食下就食哂。食既可以話係回憶，人情味, 一住食，一住好多回憶。 細個周圍爬既繩網，火車架等等.. 同阿爸阿媽樓下樓上既鄰居d仔女玩捉。等等.. 旁邊仲有d舊式士多，呢個老區比我諗返起好多野。真係買少見少，希望呢d老鋪老師傅可以支持落去。P.s. 碟飯好大碟，價錢便宜，各樣都實屬一般，呢個好評係支持佢地咁多年到宜家既堅持，份精神。 …Read More

fb見到有朋友去左食，好似幾好。上呢度睇原來開通宵。 早兩晚咁岩同d fd係果頭，12點幾去左試。本身落單時，其實係叫 美人鍋 加 麻辣鍋既… 點知黎到食到要加湯果陣 先知，原來比錯左養生鍋， 不嬲我地唔緊要啦，還掂2個都未試過。 養生鍋 幾濃，奶白色，有蔘味， 我岩， 但我有d朋友就好怕呢個味。 口味既野真係睇人。麻辣鍋 還好揀鴛鴦鍋， 所以唔食蔘味既幾位朋友 全程食呢個。 揀左 小辣 ， 味道正常。叫左牛，腐皮，響玲，丸，餃，a菜等等. 都不過不失， 正常打邊爐既。 有d話臺灣直入tim。覺得特別好食既係， 跟2個湯入面既鴨血。 讚一下。宵夜 有折 ，除返開2百幾 3百 1位。都ok既。總結： 有機會既話，宵夜時段會再食既，試美人鍋。同埋注意： 呢個鍋好熱， 要小心，我地幾個都唔小心辣到。 我地第一次，唔知釘，走果陣見到原來有2款臺，一款個鍋凸出張臺上，即係我地辣到果款，下次試下入座時揀另外果款個鍋入臺果d位坐。8…Read More

好耐冇寫openrice, 哈哈，過左3分鐘熱度，見到相簿呢張相，寫返個先。成日渣車經過， 不嬲都好鍾意食牛，前排終於試左。叫左牛筋腩菜飯，醉雞脾。一碗入面有 牛筋，牛腩，羅白。牛筋 好淋入味，好吃。羅白 牛腩 都一樣好吃， 因為其實係個清湯底好濃郁，沾一沾湯就好好味。 配埋菜飯十分好。唯獨一個問題， 係食完好口渴，真係好口喝果隻， 可能有味精？ 另外，醉雞脾， 黎到係暖暖既，我比較鍾意暖上，酒味夠又唔會澀，都係唔錯，係我鍾意既野。 外面好多都係冷盤上。價錢 冇影底，唔記得左， 好似個飯唔過70蚊。雞脾就真係冇印象。 地方窄d, 不過明白的。總結：雖然係口渴， 但我一定會返食，始終人就係鍾意好味既野多過健康。 …Read More

香港食韓國野真係好易伏…呢間唔值炸雞 百7蚊 完全冇味道… 大粒版KFC 炮谷雞…… 或者 叫1做冇味版 豪大大雞粒都ok…… 跟左個鹽 同 韓國辣醬 dip... 170蚊可以買 17個炮谷雞… /5包大既豪大大…唔係難食， 只係唔值… 另外叫左個chibee 拉面 60幾蚊…… 真係即食公仔面連湯粉都用埋果隻... 加2塊手指公咁大既午餐肉… 60幾蚊… 再叫左個泡菜飯團 3件 58蚊... 味道黎講呢個最值，起碼叫做有味道…… 飲品叫左fruitpunch, 正常...總結：唔值，埋單4百幾蚊... 食特式菜食完滿足唔到味蕾，填飽左個肚，空虛... …Read More

今日到北角開完會，午飯時間地鐵站附近亂行，見到個個行入條後巷咁古怪，我又跟住行入去原來入面好多野食，茶記西餐日本餐星馬餐等等，左睇右睇，兩間好多人排隊，2選1揀左呢間，一人行，等左陣有位。叫左古滑雞飯，再嗌左個特飲跟餐三色奶茶同九菜花。雞飯：個汁好味加埋辣椒醋更加惹味，配油飯， 個底仲要有本人最愛既鴨舌 估佢唔到， 古惑雞係咪咁意思?！奶茶：一問原來係馬來西亞既椰糖，個甜好特別，茶味較港式濃，幾夾菜就正常，配個咸咸甜甜豉油總結：埋單個雞飯原來先48蚊，特飲加15蚊，港島區呢個價位食呢個質素真係冇得輸，平時食茶記都5，60蚊。唔怪得之咁多人。下星期睇下帶埋屋企人過黎試多幾樣野。P.s. 臨走先見到原來兩年米芝蓮推介，實至名歸，仲支持聽障就業，值得嘉許。 …Read More

食物一般服務一般。年半前黎食過，果陣各樣感覺都ok。今次之後，應該都唔會再返食。因為相同價位菜式既餐廳，食物較好既，香港實在大有選擇。4拼：醉雞，川雞，烤夫，甜酸排骨。好普通…… 4樣野味道真係好普通，唔係難食，但真係冇特別…煎餃：只有外表， 皮厚肉少，唔夠熱。小龍包：全晚咁多樣野入面最好，但其實只屬基本質素。咸肉菜飯：飯粒一粒粒好，比較油。總結：成晚食完之後，感覺好空虛… 雖然唔係貴，但真係冇預期中好… 食完好空虛… 唔會再返食… 返去食大家姐餃子仲滿足d... …Read More

老人家壽宴 十圍臺第一次日航飲地方舒服 望海 服務員都好有笑容 冇催收工感覺, staff人數安排足夠，一住留意用膳進度同司儀配合成件事，refill野飲等等都好暢順，做得好。（曾經去過其他婚宴，d staff好似趕收工咁… 係咁問你食完未，野飲又唔refill…）至於野食方面，酒店級有既水準黎，用料足，記憶較深既係大花菇，炸帶子芋頭同南瓜燕窩，前者厚肉冇異味，中者唔油芋泥夠味不膩，後者足料。其他食品方便，正常，冇特別好，亦冇特別唔好。總結: 如果擺酒飲宴，我會揀服務行先，呢度絕對ok, 食物亦都冇問題，係唔知一圍幾錢。…Read More

聽到好幾年 去附近傾野 試下整體講 食心態 食物服務環境價錢各方面都屬一般 可取之處 地方夠大 空間感夠 大班人去hea ok但唔好用要食好野既心態 用返一個附近做野既人既一個舒適d既飯堂既心態去 因為各方面真係一般正常普通餐廳早幾年，呢度裝修會係突出之處 亦都冇咁多地方夠大又morden既臺式cafe 但近年連大家樂大快活茶邊茶記都裝修到一式一樣既時代，變左本來突出之處變普通，冇辦法，香港就係咁。一行三人點左三個餐鹽酥雞老肉飯牛面正常臺式味道，當飯堂係ok既飲品 奶茶咖啡 飲落都係港式味道…Read More

渣車去左果頭，見到文華雞飯，以前係尖沙咀做野想試一住撞唔岩時間，原來搬左鋪好耐。還掂咁岩黎到，所以決定同屋企人入去呢間當食團年。雞飯餐入面有飯有菜可選肉骨茶。老人家話ok。我都覺得味道一般，可能本身太掛住新加坡當地既海南雞飯，因為年頭去果面旅行食左個覺得係世界第一既雞飯，無論雞肉/油飯/雞汁都係我心目中既世界級，可能咁樣，所以有比較。總結: 雞算滑，冇骨，啖啖肉，油飯味道冇乜味，辣椒ok, 肉骨茶一般，迷你版，有兩個豆卜，價位都ok 。…Read More

上星期日食完hugos燒牛肉太正， 就同個好朋友講， 跟住佢話金鐘lawry燒牛肉都好出名，跟手第2晚就心思思book左去試，當聚下舊又醫我口癮。先飲個龍蝦湯，特濃，好味，龍蝦肉爽之後就正餐，牛有得分唔同厚度，加錢揀左個超厚. 黎左知出事，原來真係好大塊 哈. 肉係無野挑剔，伴碟跟薯蓉，仲有沙律果d都可以加。因為岩岩食過hugo, 比較之下，湯lawry呢個好，而牛方面，兩個都燒得好好，而燒汁方面我個人喜好就比較鐘意hugo個燒汁，因為lawry個汁比教重酒味。總結: 晚餐食真係好拿利，服務環境食物質素成正比，睇下幾時去hugo食個晚飯再做個比較。…Read More

紀念日帶女友去食hugos semi brunch buffet. 早一星期book臺去到比左張坐到5人既sofa臺我地2個. 好濶落，環境舒服。brunch buffet選擇唔多，但用料高質，咩價錢食咩質素。少buffet會做既白蘭地生他他牛. 任食. 魚子醬任食. 停唔到口. 泡沫湯都有得refill.主食可選一款，女友揀龍蝦，我揀燒牛肉. 好好味 嫩牛加埋個燒汁 冇得輸. 總結: 嫌晚餐太貴既話，可以揀食呢個semi brunch buffet. 用ae白金有折。唔駛8舊 1個人， 呢個質素，比得合理。開心既一個中午。…Read More