DingSiu2014's Profile

永和唔係只有賣情懷，就算係賣都係街坊價，上下四層都係原居民、街坊同附近做野嘅人。閒日只係8蚊一位茶，頂點只係33蚊，重有48蚊午市特價粉麵飯。時菜雞柳炒麵上檯時重飄係水蒸氣，師傅係正正宗宗傳傳統統嘅鄉村粵菜手勢，可能我年紀大左，真係覺得好食，係由細食到大嘅好味，不過最好味嘅味菜炒麵，今次叫特價嘅。每次我都叫鯪魚球，已經唔記得响幾時响邊度，重可以見到有西洋菜墊底嘅蒸鯪魚球，味道唔算好濃，好似海棉一像軟軟哋。鄉村酒樓人情味好濃，阿姐冇排斥外人，雖然唔係殷勤式嘅服務，但係有傾有講，介紹你食特價嘢， 親切有禮，快手快腳。兩個人清清淨淨坐咗2粒鐘，一碟炒麵，2個中點，一共$125，泊車泊遠少少露天停車場，$16一個鐘，除左冇豪華裝修，比北上清淨舒服。…Read More

好多人鍾意北上，其實香港有好多平靚正酒樓，屯門地鐵站坐多幾站去到大興邨食晚飯，今日好好生意，全場滿坐。2個人蒸條魚炒個菜2個白飯，員工部長經理都好親切有善，原本我叫炒涼瓜$78蚊，侍應姐姐主動推薦特價$68涼瓜炒牛肉，一啲都唔介意我叫兩個特價餸👍，本來有糖水送，8点鐘已經送哂。2百1兩個人，只係比俾茶餐廳俾多少少，但係質素唔錯份量夠，乾淨衛生，重冇收酸菜小食錢，香港真係有好多好地方可以去，亦唔一定要去大商場食。…Read More

由屯馬綫兆康站落車，F出口行10幾分鐘到領大，我由停車場入囗入去，上樓梯行去到食堂，搭電梯上一樓。$7一位茶，的確係平，星期六中1點到，8成滿坐，多數都係外來人，坐到兩點已經冇乜人，好清靜咋。我哋坐大堂，樓底好高，有個樓梯上二樓一間房。午蝦餃係頂點，質素對得住價錢有餘，其他點心都ok。職員態度可以 ，好唔好視乎你嘅要求，其實大學嘅酒樓，一般唔會太差，但係又唔會係好一流，不竟顧客主要係教職員，有學校管理質素，衛生都係可以嘅，…Read More