chun2005336的個人專頁

紀念日慶祝見呢間裝修靚就book咗嚟到先發現其實唔洗book 成晚根本都冇幾枱客兩個人叫咗set dinner B沙律冇特別龍蝦湯冇龍蝦味仲有碎殼焗蠔 味道完全冇記憶點 又係成口碎殼大蝦意粉冇大蝦味慢煮豬鞍似well done巴斯克蛋糕係成世人食過最難食的冇芝士味 冇甜味 連忌廉都冇味而且一叉落去就散似足你啲過期粉底兩杯要加錢嘅smoothie 似落香精 仲稀過老麥奶昔成餐飯最好食嘅竟然係跟湯上嘅酸種麵包衰過工廠區樓上cafe咁就掠咗成千我覺得去隔離IKEA食美食站會更開心…查看更多

首先餐具污糟似冇洗過咁單叫一個威靈頓店員推薦加200轉set有甜品、有酒、有前菜同餐湯但啲湯係中學canteen白汁湯級數個前菜原來只係粟米沙律酒好難飲 比較澀好啦 個威靈頓嚟到話係二人份其實都幾細先唔講味道 薯茸上面仲黐住條長頭髮費事搵店員 挑走就算舊威靈頓牛中間望落都仲係紅紅地以為OK啦點知又乾又柴牛肉乾咁把刀切都切唔開我係成舊牛叉住嚟食最後食甜品啦味道冇乜特別但舊芝士蛋糕未解晒凍中間都係冰睇食評見到其他人個set又同我地好似唔一樣咁餐湯同前菜都好過我地唔知係咪因為一開始個威靈頓牛係半價所以個set都差啲但最後埋單都要六百近七百早知係咁寧願食返正價set至於服務都OK 店員係幾nice的但嘢食真係唔掂唔會再去…查看更多

同女朋友收工去灣仔食晚飯，行完好耐都決定唔到食乜。剛好路過呢間土耳其餐廳，女朋友又未食過類似食物，所以就決定入去啦。入去後坐係門口隔離的卡位，座位係幾舒服，但就正對冷氣口，女朋友都要拎返外套衫着。食物方面，我地見隔離枱分量好大，所以只係點一份香草烤牛肉鹵汁飯、鷹嘴豆泥拼伊絲美沙律、土耳其乳酪同芝士甜餅。香草烤牛肉飯上到之後都好大份，兩個人share完全可以，牛肉應該係轉轉燒烤，牛肉味不太突出，下次可以試食其他。不過醬汁有少少鹹，可能係因爲鹵汁，建議可以多叫一個白飯。沙律非常清新，可以解膩，不過鷹嘴豆泥食完都幾飽肚。土耳其乳酪係自家製，覺得味道同本人屋企整的好似，所以覺沒乜特別。另外乳酪可以叫鹹味，不過我地就唔敢挑戰啦。最後甜品芝士甜餅又甜又香口，好好食，推薦！最後不得不提店家都有自製醬料畀食客加，分別係蒜蓉、辣椒同薄荷。三隻都好好食，推薦！食完之後老闆仲請飲紅茶，服務唔錯。…查看更多

同朋友係灣仔收工搵嘢食啦。上網就搵到呢間車仔麵好似幾出名下。食飯時間都有啲人流，不過唔洗排隊。入到都算企理乾淨，冷氣又夠，算舒服。咁坐低就掃QR code落單啦，每人叫一碗58蚊八寶麵。嚟到正正常常，但食落就知嚟料啦。唔知係咪因為佢地生意好，啲餸都唔係淋嘅，尤其係蘿蔔同豬皮。蘿蔔中間好硬、豬皮又好韌，完全唔好食。坐我地隔離有個姐姐，佢仲慘。個姐姐叫菜底，但啲菜心唔熟都係硬嘅。而且食食下佢碗嘢仲有一隻甲甴仔游緊水。講真你58蚊都唔可以話平啦。但啲食物質素同衛生咁樣真係好唔掂。服務更加不值一提，兩個人掃同一個QR code，臨尾係用八達通分單畀又好似唔多高興咁。要我地下次提早講。不過放心，絕對冇下次。…查看更多