ferris's Profile

等左1個鐘，小店只帶田8個位置，十分乾淨企理。麵果方面，麵岩岩好，唔會太腍。蝦湯濃到我係覺得唔夠飲。牛肉味濃亦帶豐富油脂。呢碗麵真心無野好講，自己去試，等兩個鐘都值得。最後俾錢兩位老闆仲同我講唔好意思要我等，我只能回答：值得。其實俾劣評果幾位應該係唔識食或者係心理有問題。…Read More

近期個個都話香港飲食點差點差，又貴又唔好食又無服務… 昨晚難得可以同老婆出去食飯，點都要支持下本地野，所以就去左開左都好耐的呢間主打大排檔風味的食店-明廚。呢間店近來見到佢擴張，銅鑼灣都開埋，仲要裝修到好靚，睇佢都係走高級中菜的路線，但我地就食番地道風味，所以就特登去番旺角店。入場當然同銅鑼灣店無得比，正常舊式食店，尚算整潔。坐底我地先叫左火焰奄仔蟹，然後再慢慢睇下餐牌，最後我地決定叫多3樣，冰火辣味魷魚、啫啫通菜、豉椒炒花蛤。我同太太商量的過程大約十分鐘左右加埋3樣餸，好驚喜地火焰奄仔蟹已經到啦。係咪見到都好想食呢？鹽焗火焰A級奄仔蟹呢隻奄仔蟹係本店其中一樣招牌菜，半隻的蟹身只係比我手掌心細小小，算得上係非常大隻，雖然大隻，但580一隻係我評價係算貴嘅。咁我地就睇下佢究竟值唔值呢個價啦。奄仔蟹本身用鹽焗，眾所週知，鹽焗海鮮可以保持住海鮮大部分的鮮味，而呢味餸最特別的地方就係食之前會落花雕玫瑰露然係點火，當酒精蒸發完，玫瑰露清香撲鼻的氣味立即衝擊住整個嗅覺系統。可以想像到玫瑰露的香已經完全同奄仔蟹的蟹膏混成一體。當火焰熄滅的時候，我地已經等唔切要立即享受下呢隻580蚊的奄仔蟹。可以見到蟹偏乾身，本來我懷疑係點完火蟹膏乾身左少少，好啦咬落去，果然蟹膏已經同玫瑰露混成一體，果種甘香加埋玫瑰露的清爽，可以話係一絕。不過食多一兩淡開始食到蟹肉就出事。蟹肉乾到已經無哂水份，極‘鞋’，好明顯係嚴重overcook!!!咁只有兩個可能性，一係一早焗定，一直低溫焗住，一係失手直接煮的時候手控制唔到火喉再overcook。無論邊樣一個580蚊的招牌菜整到咁都真係不可原諒！但我認為佢最可能的真係前者，一早焗定，所以我地坐底叫完10分鐘多少少就有蟹食！完全好吻合！如果真係咁，更加罪加一等！海鮮預早做，你不如唔好再做海鮮！海鮮最緊要係鮮，特別的烹飪技巧會為海鮮昇華，錦上添花。但你依家連最基本的鮮都無埋，做再多的野都只係花巧野。呢隻蟹真心只得啖膏食得，如果係咁點解我唔去食大閘蟹？580各位自行評價！然後冰火辣味魷魚，係叫的時候我已經估到佢係用水魷，但我本人真係唔太鐘意食水魷。因為水魷本身‘啤’哂水，得個爽字，咩味都無哂，最大問題係依家好多人都關注呢d浸泡食物會有太多化學野而引起食安問題。不過我咁講呢味菜算係overall成晚表現得最好！佢冰爽的感覺，佩埋佢的辣汁，係唔錯嘅冷盤。啫啫通菜，唔啫，仲要啫到出水，味道正常，不如我食炒菜，完。豉椒炒花蛤，老婆想食，我本來唔想叫，因為其實依家香港間間唔係太厚粉就太多汁，完全做唔到以前，少汁又夠汁掛到果種。總括黎講都係交行貨，結果呢味都無令我失望，行貨一碟。花蛤大隻，厚身，但奇怪地無咩。應該係飛水再炒，唔好聽d咩電視講咩生炒，飛水炒好正常，因為怕有死花蛤。可惜佢都係有幾隻有沙，同埋無咩味應該係飛水飛耐左，又無用番飛水d水黎整汁去炒。技巧問題！埋單1千0九十幾。奄仔蟹fail，魷魚小食店貨仔但都好，其他兩樣行到不得了。明過於實，失望，唔會有下次。其實好難怪人地番大陸食野，平過香港，同樣食材，佢地平好多，內地普遍烹調技巧越黎越好。仲有最大的服務問題，你俾少少錢，佢地服務完可以當狗咁任你舞，享受大爺的感覺。本人完全唔認同呢種思想，我從來食野就係食野，唔洗俾服務我。烹飪係一種做藝術，一位傑出的藝術家，有脾氣係好正常！明廚服務算好，仲好醒目咁等我去埋廁所先搵我埋單，而唔搵我老婆。 但服務再好，食物質素差到咁，又有咩用呢？香港美食天堂呢個名真係要拜托各位師傅，從新用心做菜而去維持呢個美譽。香港人爭氣呀！…Read More

呢d咁慘的日子，諗住食好d去cheer up 下。所以屋企一行5人今晚到德記吃飯。6點左右，不算多人。我們點了雞粥、炒麵、蒜蓉粉絲蒸蟶子皇、乳鴿，椒鹽中蝦、腐竹咸蛋浸波菜、汽水及啤酒。首先飲品先到，完全唔夠凍。夏天黎架大佬（對我黎講香港已經無秋天）。2/5然後雞粥到，其實食左好多次沙田雞粥，次次都差唔多。記得有一次老闆同我講，佢地煲好個粥，然後再將隻半熟的雞放入去粥度，咁隻雞就唔會’鞋’。佢講得岩，咁多次都係唔’鞋’，仲幾滑。但係咁個粥有咩好味呢？可能傳統一向都係咁，所以無人覺得有咩問題。小弟唔算係咩一流廚師，都只係係屋但煮下飯仔。但我煲雞粥，會先放雞骨落魚袋，放入水煲佢幾個鐘，拎起個魚袋，撈起上面飄浮物，再落米。等到粥煲到7788，最後先放半熟的雞。會唔會咁先真係叫雞粥呢？傳統係咪一定要一成不變呢？所以我本身對呢d所謂的沙田雞粥，完全無感。3/5好另一個主角，乳鴿出場。嘩，唔講我以為燒春雞，咁鬼大隻！曾經有人話呢度d乳鴿唔算大隻，我心諗果條友都傻架。乳鴿要吃嫩，就一定唔會大隻。可能老闆睇到佢個食評，立即入青少年鴿。一撕開，咬落去，’鞋’到呢，而肉汁偏少！某些位置炸得不夠令皮不夠脆（可能無回鑊再炸第二次），亦有可能是青少年鴿，所以皮不夠薄。我想講，紅燒乳鴿，唔係就咁炸，係吊起隻乳鴿慢慢淋油淋到佢熟。我都唔期望你會咁做，可能功夫太多，所以大家都掟落鑊油，一鑊熟。都唔緊要，可以材料又貨不對版，炸又炸唔好。呢d乳鴿，你食埋我果份！1/5 （有負分的話-5/5）然係蒸蟶子皇係乳鴿出現左一陣就出現！兩個字精彩，咁簡單的野，其實都係睇時間。隻蟶子皇縮到勁幼，未食都知道精彩。好啦咬落去好似食橡筋咁，我太太直情咬唔到落去，最後淨係食左d邊位！真心，好唔好意思上枱？1/5 （有負分-10/5）炒麵上啦，我成日都話唔應該用扁面炒，用番平時d幼麵就得。個麵偏咸、無鑊氣、太濕，明顯唔夠功夫。所以用番幼麵咪好，係要自暴其短！2/5波菜正常 3/5椒鹽中蝦就係成晚最正常，蝦都新鮮，略嫌椒鹽味不足及火候過左少少，但都好食！4/5大排檔，令人諗起鑊氣、小炒。再高級的，還有海鮮。火炭沙田，令人諗起雞粥、乳鴿。德記將火炭大排檔令人的聯想完全向反面擴張。記得上一次明明無咁差，再上一次又好d。點解依家會變到咁？講真如果真係2024年要執，真係唔可惜。大排檔係香港的特色，唔該，俾d心去做啦！！！…Read More

環境好有氣氛點了南瀛海鮮盛合，南瀛七點盛，飛機貨的金目鯛4片，香蒜牛舌。南瀛海鮮盛合，這個價錢絕對不貴，有蜆仔，超甜證明新鮮。兩隻扇貝唔算大，但過熟，不過都甜。三塊皇帝蟹joint位加一塊皇帝蟹末端，燒得岩岩好，表面香裡面有汁，鮮甜。小弟對鮑魚興趣不大，原因係好多香港食的鮑魚都無味，但今次絕對有驚喜，兩隻大鮑魚岩岩熟，好彈牙而且好鮮甜，正。兩隻大蝦，爽彈甜。最後兩隻大蠔，應該係美國珍珠蠔，又係岩岩好而且甜，但小弟對珍珠蠔不大興趣。南瀛七點盛，三文魚、油金魚、平目魚、扇貝、大拖羅各三片，鯛魚5片，牡丹蝦兩隻。總括黎講，明顯係雪得太耐唔夠新鮮，部分魚切得過厚，而且太濕。鯛魚唔爽而且偏淋。牡丹蝦中規中矩。金目鯛4片，話係飛機貨，廚師推介。金目鯛一般會火炙個魚皮一陣，除左個魚皮香之外，新鮮同肥美的金目鯛，佢的魚油會滲透出皮同魚肉入面。單單只係端上枱的一刻，魚油香撲鼻，令人食指大動。今次...小小香有嘅。首先，第一件事，目測佢火炙個魚皮可能只有兩三秒，無法把所有魚油香帶出黎。第二不夠肥美，入口的時候魚油不夠，所有就算佢炙多陣，都只會幫助得小小。最後係雪得耐，入口個魚的甜味唔夠，明顯係雪得耐無鮮味。總括，所有刺身都失望。最後就係香蒜牛舌，牛舌一定要生燒，外面香脆，裡面彈牙爽口多汁。而呢個牛舌，明顯係炆到淋哂，再去燒。唔合格！浜燒一流，但其他...下次我會試其他野。…Read More

牛肉麵-麵如肉身，湯如靈魂，缺一不可！今天下午一嘗這碗牛肉麵。老婆點了三寶乾撈，我點了紅燒牛肉麵。乾撈先到，沙茶醬底撈麵。麵質非常好不軟不硬，好‘煙銀’，但沙茶醬撈感覺有點差，味道不夾。牛肉方面，我沒有要求，因為我原本就對呢類炆/燉肉類不感興趣，外面是軟，但肉汁已全部流失。anyway,但這牛肉也不夠林。牛肚，可以的！牛筋也正常。然後主角來了，紅燒牛肉麵！第一口一定是湯，湯了一口，um，無牛牛湯的香濃，再試一口，真的沒有。只是很普通很普通的湯，感覺你好似係一間food court,或者酒店buffet,總之就係咩都有得食的地方，但無一樣野做得好的地方而食一碗牛肉麵的感覺。不過麵底依然出色。但一樣野有肉身沒靈魂，基本上只係行屍走肉！最後差點忘了，麻辣醬，好輕好輕的辣，好輕好輕的麻，香味輕到接近聞唔到，仲要咸到喊出黎，咸醬ja,呃我喊唔到gei。麵10分滿分我俾9分。湯底2分，麻辣醬-10分，其他野4-5分。呢碗麵，無下次！…Read More

真係沒有最難食，只有更難食。昨晚，我跟女朋友工作完。身心疲累下，走進這間grill n more. 星期一晚上208一位燒肉放題，看格局價錢就知道絕對不會是很高級的那種，但以平價的燒肉放題他絕對不算便宜。打量不久，我們走進去因為太累不想再找了。一進去看到食物，牛只有一種-護心肉。就知道中伏了。看看雪櫃的飲品不要說可X可樂，連百X也沒有。就知道這個伏不簡單！好，夾好東西，先開動。熱盤炸雞翼，嘩！不得了，凍的，面且沒味。簡簡單單炸雞翼也可如此，真的不簡單。好！喝個 人參雞湯。全晚最‘正常’的就是這個湯，完全像美女廚房一樣，不求好吃，但求正常。開始吃燒烤了，牛護心肉明顯就是那些醃的肉，一看就知道絕對連7成熟也不敢，但一全熟絕對韌到咬不開。好燒完後絕對不負所望。好！再來燒雞翼。燒雞翼都係醃好的，就看他們醃得好不好。我人生曾經吃過一間燒烤場-白X，不得了！未吃過那麼難吃的醃雞翼。好了，這次真的天外有天，被白X更誇張。看他都不像自己醃，他自己醃得那麼難吃我會明白，不竟他們絕對不知道料理為何物，但看他們我覺得是買回來的，真想問他們究竟在那裡買。還有其他的魷魚鬚，牛舌，等等.....不想多說。要試的朋友，祝君好運。吃過這裡，其實漢X苑真的沒有很差。…Read More

本人星期日都會間中都會去譽居買個早餐之前譽居的鼓油皇炒麵做得很好 先不評論他是什麼麵但功夫非常好！ 整體不錯， 是近年粥店少有的有心作品。之於麵食,以前的雲吞麵比較參差，麵質時硬時軟，但尚算可以。撈麵他一向沒問題。但上兩個月開始，明顯有很大轉變。首先，早餐的炒麵hea到一個點， 放左太耐開始發漲，0鑊氣，顏色很淡，完全沒豉油香味。以前從來未試過，一次半次還可接受。但到今天為止已經是第三次，三次品質也是如此！ 然後雲吞麵，雲吞麵之前整體尚好！ 麵質偏軟也是可接受程度。可是現在每次都偏軟，湯頭還淡如水！這個雲吞麵！不能吃！不能吃！不能吃！很重要！機會真的給了很多次 。誰叫我是雲吞麵痴！普普通通也可以吃得開心愉快，但太差的話，你就是在侮辱食物！不過撈麵還是可以，可能沒放湯，比較好控制！還有 當大X樂一個雙併燒味飯要4x 時，還沒有燒鵝，譽居雙併燒鵝飯才4x。姑勿論燒鵝質素，燒鵝還是燒鵝，這樣你還會去大X樂這個'良心企業'嗎？回到主題，譽居還是有他的優點，可惜再這樣下去，只會變成另一家大X樂…Read More