wendylee99999's Profile

之前有晚喺food court見到呢間餐廳食物好似唔錯，但需要排隊，所以冇試到。 適逢去開銅鑼灣，所以心思思想試呢間餐廳，因為已經下午2點了，所以唔需要排隊。最後叫咗兩個午餐加生蠔。水牛芝士蕃茄沙律： 黑醋汁沙律菜算不錯，係全餐最好食嘅一款…生蠔： 跟餐可以加$10一隻生蠔（每個午餐可最多加兩隻），海水味重，金屬味重，爽口冇乜甜味，明白$10隻冇得要求啦，但唔知係咪因為呢個生蠔，搞到我屙咗成晚…肉眼扒： 個樣好靚，完全做到五成熟，但係比較韌及沒有牛味，應該係食材本身嘅問題，嗰幾嚿薯仔就好好食…龍蝦意粉： 意粉同龍蝦汁調味還可以，但主角龍蝦比較韌、冇味，完全唔知自己食緊乜…Ice Cappuccino ：個樣好靚，但只有少少奶味及一叮點咖啡味…Ice flat white : 一嚟到以為嚟錯嘢，飲落去仲差過一杯三合一咖啡，冇奶味、冇咖啡味，一杯淡而無味啡色嘅飲品…總結： 兩個人午餐食咗$462（免加一），食物及咖啡質素都幾失望，性價比超低，好唔明點解咁多好評，可能晚餐好啲啩，不過我應該唔會返兜了…Read More

🐙🐙八爪魚沙律 （普普通通…勝在唔嚡）🐷🐷乳豬 （配菜還可，乳豬皮香脆，乳豬肉超嚡，只有鍾意食雞胸嘅人先至鍾意食）🦞🦞龍蝦意粉（味道好好，全晚最好食）🍧🍧雪糕 （芒果拼開心果，好好味，超抵食）🍮🍮 tiramisu (味道不錯，芝士好滑，底層蛋糕較濕，欠缺酒味）👍🏻👍🏻整體服務非常滿意！…Read More

星期日下午經過將軍澳中心，見到呢間燒肉店好似好正咁，本身食量好細，所以唔選擇任食而選擇午市定食，我哋兩個人各自選咗一份牛餐（每人$158+10%），份量對我哋絕對足夠，而且飲品及甜品任食，不過限1小時內埋單，其實時間係剛剛足夠我哋燒晒成個餐再加好快咁每人食咗一杯雪糕及一枝飲品。個餐嚟嘅時候見到啲肉都足夠，而且睇落好靚，可惜全盤肉都係好難食，任何一款肉都係好韌好嚡，牛舌咬到牙骹軟都食唔到，最後有一部份牛要放棄，實在太差啃唔落，好彩叫做有杯雪糕補數，雖然$158唔算好貴，但絕對唔值，就算呢個餐$58我都唔會再食，呢個餐嘅質素太差….…Read More

初初開張跟本無可能試，現在總算是無咁多人排隊。平日晚飯時間只要6:30pm前到就唔需要排隊，終於可以試試佢了😆👉🏻先黎雜錦壽司，用料很不錯，如要彈只係啲飯有D涷，同埋Wasabi唔係現磨囉。👉🏻跟住叉燒拉麵，真係估唔到咁正👍🏻，無論麵、湯底、叉燒、半熟蛋都係好正，麵條不會太硬或者太軟，湯底濃而不膩，叉燒肥瘦適中而且表面仲燒過令到更香，半熟蛋更加有浸過醬油，非常有心值得一讚。👉🏻再黎係燒多春魚，一般般不太差。👉🏻最後係大蝦雜菜天婦羅，粉漿炸得不錯不會太厚，天婦羅汁味道非常之好，雜菜還可以，但大蝦非常之差，蝦肉超廋不彈口又無味，可以話全晚最差。價錢不算貴，有機會會再翻兜，試試其他種類。…Read More

今日行過見到咁多人排隊，就越想試，等咗20分鐘終於第一間鋪有位，入到去坐低就聞到一陣屎味，已經想走，但排咗咁耐有D不值，諗住快D食完就走，所以都係叫嘢食。叫咗碗五餸車仔麵，但羅蔔冇味，魷魚得個辣字，豬手太淋又唔夠味，冬菇味道可以但無去「定」，只有菜同麵係正常，成間嘢真係好麻麻地，以後唔會再去。…Read More