pdliu2019's Profile

想一食再食嘅小菜冇嚟一段時間 啲員工熱情咗最念念不忘係呢碟蜜糖薯仔牛柳粒牛柳煮得啱啱好唔難咬 不過牛嘅份量好似畀以前少咗但呢碟餸我更愛啲薯仔薯仔外脆內軟加埋甜甜地帶小小黑椒嘅蜜糖汁 好食到停唔到口相比之下椒鹽九肚魚同生炒骨就一般九肚魚炸得唔夠脆 雖然預咗生炒骨要lun骨但骨嘅比例真係比較多😂另外有叫菜黎平衡番另外幾碟惹味餸金銀蛋浸時蔬揀咗要菠菜比起其他餐廳大份量清清地好好食飯後送上椰汁馬豆糕唔夠食可免費再添…Read More

每次黎幸福鳥食lunch都係食串燒七盛合 ($198) set lunch有齊沙律、湯、飯、溫泉蛋串燒燒到好香口 調味啱啱好唔太咸雞翼拆開咗黎燒 食落好方便唔洗lun骨加小小錢就有埋野飲~餐廳員工好細心食完遞上濕紙巾抹手…Read More

朋友介紹~ 聽講閒日lunch有時都可能要排好耐今日好好彩等咗幾分鐘就有位第一次食當然試最出名嘅醉雞湯米線另外加咗小小錢要埋枝竹呢度係用電話落單可以揀麵嘅種類同多少、多/少酒、走唔走蔥等等落完單野食好快到第一啖緊係飲咗湯先好甜雞件有好多舊 $50幾蚊黎講好抵 仲要唔鞋冬天食完個人感覺暖粒粒 好舒服下次黎會想試下佢其他湯底... 特別係我鍾意辣呢度仲有麻辣同喇沙湯底…Read More

旺角好多好野食但唔想搵路黎朗豪坊美食廣場大把野揀見呢間野唔洗等位又想食台灣野就試下鋪頭好多台灣特色擺設午市套餐揀咗滷雞翼配滷肉飯 ($78)每款飯都有配菜同蛋跟餐有野飲 我就加咗$14要杯黑糖珍珠奶茶大大碗飯 (已叫少飯) 有4隻雞翼 滷肉份量都好夠兩款我都嫌唔夠味 雞翼唔夠入味 好彩嘅係雪味唔係好重滷肉方面可能我比較重口味 覺得唔夠咸可以讚嘅係佢有適當份量嘅肥豬肉唔似有時喺香港食到嘅滷肉飯瘦肉居多 冇晒台灣嗰種嘅口感可能不嬲食開清淡啲嘅人會覺得呢款滷肉味道啱啱好另外出街食黎講 佢個飯配嘅菜都幾多天氣凍叫咗熱珍珠奶茶少甜上到黎暖暖地可以即刻飲 茶味唔夠濃 可能要叫黑糖珍奶綠先多啲茶味…Read More

鋪頭位於荃灣廣場地下一樓閒日午餐唔算多人我本身好鍾意食冬蔭功每次見 fusion 意大利飯/意粉都一定會叫今次都唔例外仲要係手工意粉比較驚喜嘅係都整得幾靚店員細心提示記得落咗青檸汁先食個汁微辣 加埋青檸汁酸酸地好開胃蝦肉彈牙 我個人就幾鍾意呢個意粉驚唔夠食跟餐加多個柚子醬雞翼冇乜特別 我以為會係炸到好脆點知唔係柚子醬正常味道 總結食物正常 同想像中嘅味道一樣 冇乜驚喜坐得舒服嘅 員工態度唔錯…Read More

記得第一次去韓國食時覺得超級好味第二次去再食已經覺得唔係咁驚艷都有啲掛住嗰陣甜甜嘅吐司味道加上沙田市中心早餐嘅選擇唔多今日就去咗食邪惡芝士煙肉薯餅吐司耐冇食 宜家再食番又覺得好好味名副其實真係好邪惡 又薯餅又煙肉又芝士加埋錢要杯咖啡 早餐黎講的確有啲貴不過真係好飽肚 飽到唔洗食lunch…Read More

朝早十點幾十一點唔係好多餐廳開咗壽司郎係其中一間天氣咁凍唔想食太多生冷野於是今次叫個熱烏冬食已經食過壽司郎超過10次都係第一次食烏冬烏冬口感同平時急凍烏冬一樣煙煙韌韌牛肉正正常常 湯底牛味好夠 係略嫌有少少油腐皮正 食完個人暖粒粒好舒服聽聞之前巴斯克蛋糕好受歡迎今次都叫咗件試下果然好好味 同埋同其他壽司郎甜品比呢款係冇咁甜雖然話凍但我都忍唔住叫咗幾件壽司食$100就食咗個好滿足嘅brunch正過食all day breakfast …Read More

幾年前喺京都食過一次覺得冇乜特別個人覺得荃廣附近另一間香港人開嘅吉列牛更加好味不過嗰間長期都大排長龍今晚就黎試下開咗過黎香港好唔好食先~~喺openrice book咗位閒日嘅夜晚餐廳唔算多人walk in都有位坐食吉列牛當然叫最貴嘅和牛會好食啲但又貪心想試多幾樣所以都係叫番最多人叫嘅 京都勝牛三味套餐 ($228)三味包括菲力牛 翼板牛 同 醬味薄牛連9款唔同調味料上 本身菲力牛同翼板牛都係3成熟可以自己煎熟少少呢兩款牛食落去都好淋身同香牛味好食嘅牛點鹽已經好好味👍🏻最鍾意玫瑰鹽醬力薄牛就真係唔洗試🙈可能因為太薄同實 我同朋友都覺得好似食緊平時茶記啲薄牛呢個口感配咖哩醬好夾😂另外仲想試下非吉列牛以外嘅炸物竟然有驚喜鮮嫩脆炸豬柳伴鰻魚套餐 ($158)第一次食炸鰻魚 估唔到又幾好食配嘅醬酸酸地配蘿蔔蓉好開胃炸豬扒個炸粉做到好過吉列牛嗰款係典型日式餐廳炸物好鬆嘅嗰種口感點嘅醬係平時吉列豬扒醬加自己即磨嘅芝麻個人鍾意個吉利豬多過吉列牛👍🏻睇圖見到隻蝦咁大隻心動叫埋單叫要$52一隻+$10有杯飲品所以加埋 (單點飲品都要$30架)隻蝦真係好大隻個炸粉同吉列豬一樣口感所以食完好滿足~~~麥飯 椰菜沙律 同 味增湯都可以無限任添最後想講嘅係 個椰菜沙律真係好正切到好幼 食落好清甜 啱晒配炸物食 可以去咗啲油膩感總括黎講野食方面係唔錯 不過價錢偏貴同未至於好食到要再回頭如果未食過吉列牛 係可以黎試食一次嘅…Read More