physicat's Profile

我們今日收工後準備行花市，行花市之前梗係要醫肚先啦。經過太子又想食米線就去咗這間魚米。我們叫咗個筍殼魚米線，條筍殼魚都煎得唔錯，米線都可以，但唔明點解要收加一服務費，其實乜服務都無，水，豉油，碗筷全部自己搞掂，除咗落單傳菜外。到最後看見墊枱張紙寫著全日免收加一，茶芥，出到去櫃面話比收銀聽，點知佢一句都無講就收起張紙，態度極差，唔會有下次，最衰無影低張單，唔係實去消委會投訴。…Read More

路過尖沙咀，老婆介紹話媽咪雞蛋仔好好味，即管買番底來試試。去到鋪頭，嘩! 估唔到有好多人排隊買雞蛋仔，好彩又唔駛等好耐就輪到我，我們買咗原味雞蛋仔，成20蚊底，都幾貴，買完飛之後就等number。過了一會終於有得食啦，好心急睇睇，嘩，分開了兩層，可能人多，整得好求其。雖然樣真係麻麻，但食落真的好好食，外脆內軟，甜度合適，又有蛋香，值得再食。…Read More

這間小小的麵包鋪都幫襯了很多年，我們陣中都會買些麵包做早餐，她的麵包又平又好味，價錢很多年都沒有變，都是3蚊5蚊一個，但麵包樣貌就改變了。吞拿魚包由最初的包住很多吞拿魚變成得少少吞拿魚在麵包頂。吞拿魚包 5蚊前面是菠蘿包，後面是雞尾包這裡的菠蘿包很好味，每次食完一個總覺得不夠喉，好想食多個。總體而言，這裡的麵包經濟又好味。…Read More

最初抱著很期待的心情去食葡撻，點知食落口比想像中差很多，10元一個唔值這個價錢，更加唔值得花時間排隊買。不知是否出了名多人買，好唔好食都無所謂。個葡撻完全無蛋味，唔夠香，而且仲好油，唔會再有下次。…Read More

我們點了豬扒包，葱油雞撈丁和凍檸茶。先來了一個葱油雞撈丁，食落去塊雞扒無雞味，個丁唔似丁，都唔知係唔係真係丁。之後再來豬扒包，一上枱，我們都嘩一聲，十分愕然，點解個包咁細個。個包食落無乜特別，算是普通貨色。再飲一口凍檸茶，嘩.......茶無茶味，檸無檸味，一般茶餐廳都好過佢，我們唔明點解會有咁多人排隊食。…Read More

環境都可以, 坐得都幾舒服, 食品都ok, 但沒有椰汁冰就比就失望. 這使我朋友有點失落.服務也不錯, 加水速度都很快, 但不夠細心, 叫檸檬茶竟然沒有匙.我們點了幾個菜式, 都不是等了很久就可以享用.其中一味蘭葉雞, d葉炸到卜卜脆, 仲以為可以食埋塊葉, 內裏的雞不乾, 都好食, 起碼都知道仲係雞.…Read More