Lychhi的个人专页

今日趁仲可以食晏同媽媽去左觀塘呢間cafe，果然冇令我失望。開心既係呢度食物唔貴又好食，我地叫左海龍皇蕃茄野菌西西里意大利飯、蜜糖芥末吉列炸蝦蜜桃蟹柳墨西哥卷餅。飯既份量好多，口感軟硬適中，入面仲加咗唔少菇，相當有咬口，結果都食得曬；墨西哥辣辣哋，同入面嘅蜜桃甜味出奇哋夾，味道層次豐富，薯條香脆，上面微灑辣粉，食到停唔到口，份量又係唔少，抵食!飲品點左熱蜂蜜柚子茶同400次玫瑰咖啡，真心推介咖啡配上玫瑰味好特別好好飲，最後仲有加上雪山心太軟同蘋果越橘酥，都有配雪糕，蘋果越橘酥好特別，蘋果加橙既味道，完美既配搭仲有好多貓貓可以逗下添。…查看更多

今晚約左朋友食晚飯，想食海南雞飯但去唔到深水埗咁遠，於是去屋企附近食呢間，味道尚算合格，雞飯明顯落左黃薑上色，本身雞飯用雞湯味道偏淡，雞尚算滑溜，脂肪比例亦低，睇得出有過過冰水處理，有皮凍出現，加上醬汁食味道剛好，不過呢個味道收呢個價錢就有點貴，唯一好處係因疫情人流減少，食完都冇趕我地走，不斷幫我地加水，服務唔錯…查看更多

今晚同老公一齊黎左銅鑼灣諗住食放題，太耐冇食啦，有朋友推介呢一間話唔錯，上去已經排緊隊，好彩冇訂檯情況下都仲入到，值得一讚佢地d海鮮刺身好新鮮，上菜速度又快，加多百零蚊任食生蠔，蠔好甜，推介！選擇同一般日式放題差不多，不過新鮮已經蠃曬…查看更多

朋友講香港開左呢間話一齊去試，知道會多人，冇諗過會咁多人，晏就等左超過2個鐘先入到去，食完都可以當晚餐，不過呢個價錢食到呢個質素cp值算好高，三文魚算厚，抵食；仲有碟三款蝦，一次過可食大蝦、甜蝦；連和牛都有，當然要求唔好咁過，但油份夠都唔錯；另外推介必食佢地既新地，冇記錯最貴係佢，但真係好好味，好有去日本迴轉壽司感覺，好多都係10零蚊碟，唔好要求太高，但比好多連鎖都好食…查看更多

呢間燒味聽朋友講係筲箕灣好多年，由細幫襯到大，今日經開呢邊做野，入去坐低試下，叫左個鴨脾叉燒雙併飯，叉燒微焦鴨脾唔油膩，的確係唔錯，而且飯應該係用蒸飯機煮出黎，特別有飯香…查看更多

由於疫情，果晚我地幾個黎到酒樓門口簡直唔敢相信，每人$268 免加一有8道菜，龍蝦、鮑魚、花膠、燕窩通通有，燒鵝仲要任食，天呀，平到呢個境界真係唔識講，味道不過不失，坦白講唔算特別出色，但肯定唔算難食，當晚全間得3台客，雖然全場得一個部長係度，但一直保持笑容，上菜加水又快，值得支持…查看更多

出黎食牛肉，宜家傢私係一個好好既選擇，佢地既牛扒好似酒店自助餐咁，成舊牛肉去焗再切出黎，質素出奇地好，有肉汁又唔靭，今晚就同朋友過黎九龍灣食，加幾蚊有任飲汽水咖啡，加埋招牌肉丸，價錢都係外面扒房一半，但好食過好多連鎖店。…查看更多

今晚同同事黎1881呢邊聚餐，哪怕有優惠都冇咩人，係呢個咁有歷史價值既建築入面食飯真係零舍不同，前身係水警總部，過百年歷史，呢間餐廳除左裝修風格外，食物都好有水準，當然價錢同外面餐廳比會比較貴一d，但物有所值，今晚點左個牛扒，3成熟，做得好出色…查看更多

今日晏就同新同事去左樓下呢間食晏，等位都等左差不多15分鐘，好多選擇，我選左雙蛋豬扒飯食，食呢個飯全靠鼓油送飯，但真係唔掂，連基本要調較過既鼓油都冇，求其淋現成鼓油就算，或者我應該點其他簡單野食先係…查看更多

又約左住對面海朋友食飯，筲箕灣係首選，我地選左呢間泰國菜館試下，點左軟殻蟹、泰式炒飯、鐵板蠔仔蛋，3款菜式都係偏油，食完個底見到唔少油，連炒飯都係，不過調味方面係幾好，味道唔錯，服務亦好…查看更多

約左朋友黎深水埗見面，佢話想食酸菜魚，於是入左呢間試下，佢既酸菜魚不過不失，唔算難食，但服務真係太差，我地同隔離檯既飲品點左催左幾次，差不多食完先到，阿姐不停話水吧做緊，但根本冇去睇，環境又污糟，真係冇下次。…查看更多

呢間食左好多年，以往晚市都要成日等位，算係因為大件夾抵食，今晚同屋企人出黎點左羊腩煲、大瀨尿蝦、牛柳，另外老公帶左支酒黎開，仲要冇收我地開瓶費，雖然疫情下呢度人流冇之前咁多，唔洗等位，但都坐左7-8成人。…查看更多

今日晏就公司聚餐選左黎銅鑼灣漢和食韓燒，每次黎會不斷食牛舌、三文魚刺身同豆腐花，雖然仲有好多食物選擇，但基本上其他野都比較少食，呢度牛舌厚薄適中，每次都不停去夾，飲品亦都無限供應，美中不足真係太多人黎，好彩佢地補貨速度都夠…查看更多

晏就經過呢間餐廳未試過抱住一試無妨心態去試下，印像中香港刀削麵都好一般，呢間我見到佢有自己削麵機已經加左分，我點左鵝腸刀削麵、菜蜜，鵝腸同麵都幾彈牙，腸內已經冇咩肥膏，麵入口唔會一團粉，呢種小店能夠做到咁既質素真係難能可貴…查看更多

今晚同朋友出左旺角食飯，想食小籠包，就揀左呢間試下，小籠包皮其實冇咩特別味道，就係顏色好特別，另外仲有叫左炒飯同豆腐，味道都算唔錯，呢邊勝在人比較少，等位唔洗咁耐…查看更多