lamstarstar 's Profile

同朋友特登約埋去食呢間bookmark咗好耐嘅靚靚cafe，餐廳佈置已充滿聖誕氣氛，仲有放置咗好靚嘅粉紅聖誕樹🎄我地叫咗兩個Brunch set，再加個甜品，好滿足😋Smoked Salmon Focaccia Bread $130意大利包烘得外脆內軟，入面夾住厚厚嘅煙三文魚，煙三文魚鹹鮮香氣十足，口感油潤啖啖肉，配埋清新creamy嘅牛油果，真係絕佳嘅配撘，面層水煮蛋半生熟好睇又好食！Dirty Beef Burger $140牛肉漢堡好juicy，牛味十足！煙肉煎到脆卜卜，隻蛋煎得好靚！係燶邊蛋呀！熔岩芝士醬芝味十足但又唔會好漏，焦糖洋蔥甜甜地好惹味！麵包非常軟熟，而且好香牛油味🤤薯條脆口又唔油膩，好食到停唔到！Daily Salad煙鴨胸香桃沙律，沙律份量都唔少，清新開胃。Daily Soup蘑菇湯夠熱，而且啖啖蘑菇蓉，足料好味！Soufflé Omelette $115必食梳乎厘，好大份，蛋味濃郁，質感濕潤！Hot Taiwanese Fruit Tea (+$30)熱台式水果茶甜度適中，有好多生果，每口都係滿滿嘅果香。Pineapple Hat (+$28)嚟到一定要叫嘅pineapple hat！打咭搶眼，仲好好飲，菠蘿味清甜唔漏，仲有爆珠喺入面，係杯有實力嘅打咭特飲。…Read More

呢日唔洗老婆煮飯，同佢出去二人世界，我地去左灣仔既Ninetys 撑枱腳。餐廳裝修簡約高尚，樓底高空間十足，好啱聚會傾偈。我地先叫左 Poland Pork Belly (HKD 118)，Hokkaido Scallop (HKD 138)，Chip with Crap Sip (HKD 98)，Black Truffle Pasta (HKD 168)。飲品就叫左 Orange Juice (HKD 58)同Fruit Romance (HKD 48)。Poland Pork Belly (HKD 118)Poland Pork Belly 賣相唔錯，肥瘦均勻，食落去有入口即溶既感覺。點埋佢個南瓜蓉醬，味道同口感更加豐富有層次。Hokkaido Scallop (HKD 138)帶子味道鮮甜，肉質嫩滑，感覺好FRESH好清新。Chip with Crap Sip (HKD 98)個人最鍾意佢地既薯條，因為佢自製個蟹黃醬真係一流，酸酸甜甜，同時鮮味十足，喺第二間食唔到。佢個薯條炸得好香口，唔會over grilled或者太油膩。Black Truffle Pasta (HKD 168)黑松露香氣四溢，醬汁好creamy，意粉煙韌彈牙，賣相仲好colorful。Orange Juice (HKD 58) & Fruit Romance (HKD 48)Organe juice係fermented，味道比較濃郁厚身。Fruit romance飲落去好香鮮果味，好冰涼好清新，非常解暑。…Read More

今次黎到北角匯既人氣燒肉店。餐廳空間感好夠，張枱夠闊擺六、七碟野再加飲品 同前菜。上菜既侍應招呼得十分周到且有禮貌，成餐飯食得十分舒服。 食物方面，由於同同行友人都有啲肚餓既關係，我地兩個人就揀左Set A既濟州五 花肉套餐同兩杯飲品。前菜係蕃茄仔、醋酸青瓜、泡菜、沙律菜同醃蘿蔔，蕃茄仔又新鮮又開胃，加上前 菜喺呢度係可以無限refill的，當然不能放過，而其他前菜都無令人失望。爐邊一邊 係泡菜加蛋，一邊係芝士粟米，同樣係食哂侍應就會過黎自動自覺幫你refill，呢樣 真係十分抵讚！我同朋友係因為太肚餓既關係先會揀Set A配搭既韓式炒粉絲而唔揀大醬湯，原本只想填飽啲個肚，但試完反而有驚喜。最緊要係炒出黎火喉夠，軟硬適中，洋蔥、 野菜等都炒得好有鑊氣，估唔到呢間燒肉店既炒小菜竟有如此質素。首先試個特選黑毛和牛上貝身肉，貝身肉係肉眼扒最精華的既部份，油脂含量啱啱好，建議燒到五至七成熟就好。食堂牛小排(鹽燒) 牛肉紋理好靚，油脂豐富，超嫩，可以一啖過擺入口，正!醬油豬梅肉肉汁好豐富，厚厚一塊食落卻食落一啲都唔膩，好有滿足感。濟州五花肉 大塊到差啲差啲放唔哂落個爐😂建議點麵鼓醬食，味道最夾。牛舌好香好爽口!肉質又夠滑，建議可以點鼓油或麵鼓醬食。可惜今次唔小心燒得熟左啲，否則口感應該會更佳。食堂蘋果梨汁雞肉，雞肉嫩滑多汁，蘋果梨汁都好清新，食完完全冇罪惡感。墨魚燒緊已經聞到香噴噴，建議唔洗點醬，就咁點椒鹽食。飲品梳打有四款可以揀，我同友人都揀左荔枝梳打。夏日炎炎飲住梳打食韓燒真係好暢 快! 甜度唔高、口感清新，所以都幾快飲哂，如果可以再大杯啲就更好了。總括黎講濟洲燒肉食堂既食物質素真心高，鍾意食靚牛既可以揀各種高級和牛，豬肉同雞肉既價錢又夠經濟實惠，性價比高，而且最重要係服務態度良好，成個用餐體驗都十分愉快，推薦比喜愛韓燒既人。…Read More

真係好耐冇出黎抖個氣食個飯。今日要放空一下自己，去環境優美既西貢既食之劇場歎番個日本野😍。 我地叫左一個廚師發板(HKD 1400)同一個天餐 (HKD 1400)。店員見我地一齊黎所以就兩個餐同時上菜。先黎既係前菜，有海苔加磯煮鮑魚，螢光魷魚加上醋麵豉同埋甜番薯加蝦加合桃。賣相精緻，鮑魚非常爽口，配上淡淡既海苔，真係絕佳配搭。個魷魚味道爽口鮮甜，佢個蕃薯好甜，唔知點解同埋合桃食有幾好feel。跟住就黎刺身有真鯛，赤貝同埋 拖羅，8爪魚咀，深海池魚 ，牡丹蝦，令和之怪物（蠔）。所有刺身色澤亮麗，味道新鮮，個人最鍾意拖羅有入口即溶既感覺。佢既刺身愈食愈濃味，口感一層一層咁遞上。跟住黎就係汁燒A4 grade和牛，燒魚大根同埋太刀魚卷加柚子麵豉味加香菇加鰻魚。 這些煮物都唔錯，但個人比較喜歡和牛，肉質鮮嫩，唔韌，好稔呀！跟住就黎壽司有帶子，衣左木，左口魚加左口魚邊，拖羅，海膽青瓜壽司。一件精彩過一件，味道愈黎愈強，由清新，到略濃到到口感豐富，個感覺好正。跟住最尾都會有配魚生飯，味道唔錯，分量適中，賣相幾好。之後仲會有拖魚湯加玉子豆腐。個湯好清新，個豆腐好好味。佢個黑糖布丁好好味，唔甜，唔會太滯，佢個strawberry好甜好好味，個人覺得個macroon味道尚可。…Read More

唔知點解天氣一熱就好想食日本野👉🏼👈🏼刺身，壽司通通喺到呼喚我😍朋友最近食過棉登徑間嵐橋，讚不絕口，食物選擇多，用料新鮮！於是我又走嚟試下！門面好有日本特色！內裡環境舒服，好有居酒屋feel，呢到樓高兩層，我地坐2/F吧枱，環境闊落，座位舒服，啱哂傾計。🥗和風刺身沙律 $118醬汁酸甜醒胃，沙律菜新鮮爽甜，刺身啖啖鮮味，份量多，非常足料❤️連朋友平時唔食沙律都大讚好味，仲食咗半碟😂係必食嘅清新之選！🦐刺身(中拖羅、活赤貝、金線鯛) $294中拖羅油脂甘香，入口鮮味大爆發，成個口腔都充滿魚油嘅甘甜，口感細緻滑溜，有種入口即溶嘅感覺👍🏻活赤貝質感爽厚，非常鮮甜，係我最愛既貝類之一。金線鯛則係紅衫魚，第一次嘗試刺身食法，味道較為清香，口感柔軟，加上炙燒過嘅魚皮，為刺身增添魚香，頗有驚喜！🍣壽司（左口魚、油甘魚）$136大大塊厚切刺身，完美包住手握赤醋飯，醋飯用上赤醋，顏色略帶啡紅，醋味香醇，更能襯托出刺身嘅鮮味。🐟日本花魚一夜干 $128一端上枱就聞到勁香😍引得我同朋友都嘩嘩聲，流哂口水呀！魚嘅底面都燒得好香好脆，內裡肉質就仍然保持嫩滑濕潤，好juice好正，味道鹹鹹鮮鮮，好有風味。不過呢款魚比較多細骨，唔擅長吐骨嘅朋友就要小心啲啦。🥘壽喜燒(安格斯肉眼) $168安格斯肉眼肉質細膩柔嫩，油脂甘香，肉味香濃，令整個壽喜燒都充滿濃濃嘅牛香😋入面嘅配料豐富，雜菜同菇都入哂味❤️🦪吉列廣島蠔 $98係我最愛嘅蠔😍面層炸漿厚薄適中，緊緊包裹住廣島蠔🤤外層脆口鬆化得嚟唔油膩，蠔身保持嫩滑兼爆汁，好重蠔味😍惟旁邊嘅椰菜沙律比較澀，唔太啱我口味，否則就perfect 啦❤️…Read More

呢晚喺銅鑼灣買完嘢，經過鵝頸橋附近，又同老婆上咗嚟牛之鍋打邊爐，之前試過lunch覺得唔錯，價錢又抵，特登再試下佢地嘅晚餐！晚市食物有更加多選擇，刺身/火鍋料/天婦羅/揚物/燒物/壽司/手卷/軍艦/沙律/一品料理/海鮮/甜品，全部都係任食！外面仲有飲品雪櫃，都係自助任飲！自助蔬菜吧都有好多選擇，有各式菜類/菇類/豆品類/麵等。肉類方面有: 美國牛肉/美國極上牛肉/紐西蘭羊肩肉/特選豚肉，肉質質素唔錯，解凍程度亦都啱啱好，唔會冰住成舊，亦唔會全解凍滲哂血水。最後我哋兩個人食咗四碟肉😂成績唔錯。火鍋配料有十多款丸/腸/餃類，仲有啲係特別款，例如芝士波波腸，唔係度度有得食㗎。我哋仲有叫咗唔同嘅日式食品。刺身/壽司都新鮮，質素味道都唔錯。串燒/天婦羅亦係正常發揮。最後連甜品都有好多款選擇，由於我哋食得太飽嘅關係😂只係叫到五款試吓，每款都好味有特色！最鍾意佢嘅Waffle，外脆內軟，蛋香十足！呢度嘅食物種類真係好多，而且整體質素中上，性價比高！下次會再嚟！…Read More

朋友話疫情期間，屋企附近新開咗間唔錯嘅菜館，趁住最近限聚放鬆，過去搵朋友飲個茶，聚一聚。呢到嘅點心好多都可以選擇一籠兩件，兩個人嚟食都唔怕，可以叫多幾款選擇！⭐️蝦餃(2粒) $18蝦餃皮皮薄煙韌唔痴咀，餡料飽滿，蝦肉鮮味彈牙！⭐️燒賣皇(2粒) $18面頭鋪上大蝦仁及蟹籽，色澤亮麗，賣相討好。豬肉半肥瘦，質感爽口。⭐️牛柏葉 $28口感較腍，同時保持爽脆，薑蔥香氣夠入味。⭐️金錢肚 $27彈牙易咬嘅金錢肚，黑椒香氣十足，但唔會過鹹或過濃味，食落非常惹味！⭐️腐皮卷(2件) $16皮薄酥脆，內裡用料足，點醋食一流！⭐️普寧灌章(2件) $18特別嘅潮式點心，唔係四圍有得食。外層煎得香脆，內口蘿蔔絲煙韌軟滑，同時食到白蘿蔔嘅清甜！⭐️海蜇拼燻蹄 $88海蜇爽脆，燻蹄皮爽肉嫩，點埋蒜醋，令人食過翻尋味！⭐️五香牛展 $68牛展火喉夠，炆得入味軟腍，味道帶點甜，係個好開胃嘅涼盤小菜。⭐️蒜蓉炒西蘭花 $68健康啲炒返個菜嚟食，估唔到又幾有鑊氣，蒜香十足，西蘭花仲炒得軟硬度適中。⭐️炸雲吞(2件) $14超脆皮，炸得乾身唔油膩，必食！⭐️馬拉糕$23見到差唔多枱枱都有叫嘅馬拉糕，當然跟住叫埋一份，果然冇令人失望！馬拉糕鬆軟有彈性，而且香氣十足！⭐️桂花紅豆糕(4件) $18紅豆軟腍，上下兩層桂花糕清甜有彈性！⭐️蛋白杏仁茶(1位) $22最近食過最好味嘅杏仁茶，杏仁香氣特出但溫和，甜度適中。…Read More

最近Weekend都好慢活，因為疫情底下，冇得一大班人食飯，冇得睇戲冇得做gym冇得唱K。放假嘅日子過得好清閒😂做得最多嘅反而係cafe hopping☕️近日留意到觀塘碼頭附近有間新開嘅大型cafe。每逢週末，四圍嘅cafe都人頭湧湧，呢到勝在環境夠大，座位夠多，可以快啲入座！甜品櫃😍下次外賣去觀塘海濱野餐都唔錯！⭐️全日早餐 $128賣相一流，而且好足料😍有太陽蛋、炒雜菌、新鮮沙律菜、辣香腸、煙肉、酸種麵包。沙律菜新鮮清甜，配上清新蘋果片令人更開胃！微微煎過嘅煙肉，油香四溢🤤辣香腸個人認為只係微辣，啖啖肉，正！炒雜菌份量都唔少，仲有啲芝士粉喺面，令整體更惹味！酸種麵包煙煙韌韌，而且麥味香濃👍🏻⭐️豬肉･蘋果･楓糖三文治 $88賣相同樣吸引😍煙肉圈住隻流心蛋🤤酸種麵包上鋪滿蘋果片同豬肉，加上楓糖漿，味道清甜不膩。⭐️巴斯克伯爵茶芝士蛋糕 $52巴斯克蛋糕鬆軟綿密，伯爵茶cream好清新，啖啖伯爵茶嘅清香，同芝士蛋糕味道好夾。⭐️煙肉 ‧ 迷迭香 ‧ 芝士 Scone $25Scone質感鬆化，外層略帶焦香，但裡面仍能保持微微濕潤，令整體唔會太乾。煙肉 ‧ 迷迭香 ‧ 芝士呢個鹹食口味的確唔錯！煙肉芝士香濃惹味，配上迷迭香嘅香草氣息，好啱我口味！⭐️Flat White $34奶味啡味平衡，啡味濃而不酸，入口順滑。⭐️值得留意嘅係，呢到有室內外座位，仲係Pet-Friendly❤️…Read More

星期六返公司做完少少嘢，就同同事去附近嘅cafe飲杯咖啡，輕鬆下。平時成日經過Coffeelin都被佢嘅門面同裝修吸引到，但次次經過都見裡面好多人。呢日趁早唔洗點等位，即刻入去試下！⭐️Latte $42拉花圖案精美，線條細緻，啱哂打咭。而且咖啡同奶嘅比例啱啱好，入口香滑。⭐️Matcha Latte $46奶量適中，唔會蓋過抺茶嘅甘香，令抺茶味保持突出。⭐️Lemon Cake $18好可愛嘅造型，蛋糕鬆軟有彈性，檸檬香氣十足，酸酸地，味道非常清新。⭐️Pumpkin Spiced Cake $40南瓜香料蛋糕面層佈滿南瓜籽，口感香脆；蛋糕味道清甜，同時帶有玉桂，豆蔻等嘅幽香，食落口感綿密，而且質感保持濕潤，唔會食到口乾乾。⭐️Porchetta Panni $68呢到嘅panni都好出色！即叫即焗，熱辣辣好正！包身烘至外表金黃香脆，內裡嘅半熔芝士加上多層火腿非常足料惹味！…Read More

同老婆喺上環食完飯，行行竟然俾我地見到Nuttea！原來Nuttea喺中環都有分店喇！Nuttea力推健康飲料，佢地唔用牛奶，只用堅果奶！飲品種類款式多，例如堅果奶蓋茶，堅果奶茶，堅果奶，沖精品咖啡，水果茶，冷萃茗茶，奶蓋，純堅果乳。我地叫咗粉紅莓好堅果奶蓋茶同伯爵朱古力堅果奶蓋茶。值得一提嘅係，由於Nuttea係主打健康飲料，除咗只用堅果奶同時亦會細心提議客人揀微糖。個人覺得微糖嘅味道啱啱好！兩杯飲料賣相都唔錯，賣相吸引，而且分量都幾大杯，抵飲！粉紅莓奶蓋茶，飲落去先有淡淡清香嘅天然草莓味，跟住就會嚐到濃厚嘅奶蓋，面層仲有脆脆果仁碎，口感豐富，好有層次感。伯爵朱古力堅果奶蓋茶絕對係必飲嘅推介！可以鏟嚟食嘅厚厚奶蓋，滲透出濃濃嘅堅果香味，質感豐盈，好滑溜。微糖亦突顯出伯爵茶香同朱古力味，層次多變，令人一試便愛上！…Read More

難得放假，梗係要抖一抖氣。今次要遠離城市，走入西貢chill下relax下，發現原來搭車入西貢係好快同好方便。今次呢間Kachimushi係喺西貢比較新開嘅文青cafe，有齊時下嘅打咭元素。以白色為主調嘅木系裝潢，飲品食品好睇又好食，唔怪得咁多年青男女係入面食野傾偈。我地叫左兩杯野飲同幾樣野食：⭐️Cafe Mocha $40咖啡味同朱古力味平衡得好好，朱古力唔會過重而掩蓋咖啡嘅香氣。同時甜度比較低，令人可以更加專注朱古力嘅香氣，而且個拉花仲好有心思好靚。⭐️Honey Roasted Oolong $58我個人比較喜歡呢個，茶具組合再配上精美嘅玻璃熱水壺，啱哂打咭📸同時要讚讚店員嘅細心講解，簡單同我哋解釋咗泡茶嘅流程同次序。茶味香醇，味道甘香，飲後回甘，而且香氣久久不散。⭐️Daily Soup $52Clam Chowder呢款蜆湯略帶酸甜，非常開胃，而且有大大隻蜆，分量仲好大。⭐️Cheese Platter $198呢個cheese platter有3款Emmental Cheese，Goat Cheese同Blue Cheese。佢地既味道分左三個不同層次。你可以根據自己既喜好選擇用不同芝士來佐送。除咗用麵包亦都可以佐送Parma Ham。啲toppings有Figs，Apricot，Walnuts同Raisin。⭐️Open Toast-SRF Beef $108必食嘅SRF牛肉Toast！除咗有SRF Beef，仲有Emmental Cheese，Arugula ，Caramelized Onions。SRF呢個係和牛級別，牛味香濃，肉質非常鮮嫩，多士烘得香脆，多士上嘅芝士半溶狀態，真係諗返起都流口水！最上層嘅焦糖洋蔥同火箭菜，更將味道提升到極致。⭐️Dutch Baby Pancake-Fig $62Pancake熱辣辣，上面有Fresh Figs同Walnuts 做toppings。我地呢個pancake既口味係honey，但係唔會好油膩太甜個種。味道口感師傅都拿捏得好好。另外記得一定要加雪糕，真係好好味！⭐️Basque Burnt Cheesecake $38至於巴斯克芝士蛋糕，面層焦香，內裡芝味濃郁，甜度適中，食落去口感軟滑柔軟。個人好喜歡同極力推薦！…Read More

因為疫情既關係，我要work from home。不過好彩同老婆一樣A,B team，都叫做可以一齊食lunch。我地去左西貢既食之劇情chill下，食個日本菜。個度風景係好靚，環境清靜，真係好適合去拍拖食飯。餐店內裝修設計簡約，甚有日本風。我地叫左兩個set lunch： 鰻魚(HKD 380) 同黑豚豬 (HKD 350)。兩個餐都有野菜沙律，味道酸酸甜甜，食落口感清新，唔錯既開胃菜。另外，仲會有三文魚腩漬物，賣相精緻，味道都唔錯。個餐亦附送昆布蒜頭，牛蒡同喬頭用以佐送日本飯。鰻魚分量好大，佢個肉質鮮甜，加上醬汁略帶甜，係的確唔錯既。至於醬燒北海道夢之大地黑豚腩片，食落去有入口即溶既感覺，賣相亦幾好，食到我同老婆lam lam脷。佢個餐仲會有自家製咖啡味雪糕，我個人覺得好好味，仲想添多兩個添。…Read More

好耐冇同老婆出去食飯，所以假期一到，點都要出個街relax下，chill下。我地去左尖沙嘴既焱丸水產度食個lunch enjoy下。我地叫左蟹味噌甲羅燒$68，黑松露蟹肉甲羅燒$68，松葉蟹膏帆立殼燒$80，海膽帆立貝燒$85，鮑魚殼燒$136，唐楊八爪魚$80，海膽帆立貝$110，蟹子蟹肉薯仔沙律$78， 白蜆磯燒$45。飲品叫左2熱柚子茶$48。個甲羅燒有原味同黑松露味，有細心既店員幫我地燒。我個人最鍾意黑松露既香味，層次多左，味道更濃郁。至於個帆立殼燒，啖啖肉，而且仲有厚厚既海膽。 個鮑魚同白蜆燒肉質鮮嫩，味道唔錯。 至於個八爪魚炸得好脆，味道爽口。個沙律令人有驚喜，咸咸地，引到我食慾大增，而且又健康。正。個柚子茶味道都好香濃。…Read More

星期五收工，趁weekend約咗朋友一齊食飯，輕鬆一下。堅尼地城嘅呢間LG Taproom位置方便，MTR C出口對面揸路就係。✨石上燒澳洲穀飼牛板腱(10oz) $178大廚將牛燒至三成熟，餘下就可以由我地自己燒，生熟程度完全由自己掌握。旁邊三碟分別係蒜油、自家製紅酒汁同意大利海鹽。店員好細心，提醒咗我地幾次石板好熱，要小心。另外亦向我地詳細介紹烹調步驟:首先用蒜油掃滿石燒板，店員提醒記得要夾走蒜頭，如果唔係就好容易燶同痴底。之後就可以慢慢燒牛，得閒補下蒜油，好容易掌握牛肉肉質軟腍，牛味濃郁，邊食邊燒，好過癮！✨特色燒春雞配脆薯角(半隻) $98估唔到咁大碟😂半隻燒春雞都好多肉！燒春雞肉嫩又入味，而且薯角份量都唔少，食落脆卜卜！✨手打鴛鴦檸檬紅茶 $28茶底甘香唔澀，鴛鴦檸檬比單款檸檬嘅檸味更出眾，更清新！…Read More

是夜提早做節，之前同同事試過淥鼎記印象唔錯，呢日就去買兩個小菜返屋企加餸打邊爐！淥鼎記就喺apm隔離嘅opc，地點位置都非常方便。外賣包裝值得一讚👍🏻店員幫忙包得非常穩陣！外賣盒好實淨，外層再包多層保鮮紙，返到屋企依然保持到一滴不漏👍🏻酸菜魚非常足料！一打開盒已經聞到好香，令人流哂口水🤤酸菜魚入面有大量酸菜同魚片，仲有蓮藕等嘅多款配菜！味道超級開胃，欣賞佢地嘅酸味適中，唔會過酸，同時有效提升魚嘅鮮味！魚片比較厚身，食落啖啖肉，肉質唔會咁易鬆散。食哂啲魚再加湯拎嚟打邊爐，一菜二用💪🏻雞煲同樣出色，香料濃郁，好惹味之餘，但唔會過鹹👍🏻雞件好入味，而且結實滑溜，肉質彈牙，值得encore！…Read More