MoWanHo's Profile

話說心引起想食煲仔飯，就試D間啦一去到見到前面有廿三十人等緊，排隊攞飛等廿十幾個號碼，一場嚟到都要等㗎，等咗45分鐘有等到有D肚餓終於有位，即刻落Order啦豉汁白鱔煲仔飯，白鱔新鮮，豉汁惹味，飯乾身帶飯焦土魷蒸肉餅煲仔飯，肉餅有質感，唔會好乾好柴，飯唔夠乾身帶飯焦臘腸排骨煲仔飯，臘腸質量唔得，排骨OK，飯乾身帶飯焦，但有啲奇怪只食飯焦時喺口咬多幾啖，會有淡淡一陣鹼水味整體黎講：呢個價錢，有咁嘅質素，冇得輸啦，排隊等45分鐘，落單後再等30分鐘，食埋煲飯大約用咗105分鐘，如果怕等位嘅需要考慮考慮。…Read More

環境舒適，食物賣相靚，味道還可以，有改善空間。電話訂咗位，酒樓二次聯絡確認時間、人數及交枱時間，有交帶係好，但有無必要聯絡二次呢。一坐低唔係問飲咩茶，係再提你幾點要交枱，開完茶約5分鐘都未有餐牌提供，點餐後上菜速度正常，職員執嘢加水都會自動自覺，服務週到。食物：叉燒，好味，肉質彈牙，略嫌蜜糖太多偏甜蜂巢芋角，味道還可以，芋頭唔夠香，翻炸唔夠熱蝦腸，望落皮厚，蝦夾爽口，豉油偏甜蝦餃，不過不失燒賣，餡料比例問題，肉多蝦少蟹肉菜苗餃，正常嘢叉包燒，京式做法，但味道偏淡整體舒適，服務好，價錢中上，唯獨味道及食物溫度，有待改善。…Read More

停留在六、七十年代裝修，店員年齡七十幾歲，就嚟消失嘅浸水式啤酒櫃，懷舊度十分滿分。蠔爽外脆內Juicy，薄粉漿加入魚露咸鮮，正豉油王鵝腸鵝腸新鮮，大豆芽爽口，但味道及外觀完全唔係豉油王勝瓜蝴蝶腩勝瓜已去表面硬皮，蝴蝶腩淋咬落慢慢滲出豬肉香味，正冰梅骨梅味唔濃反而密蜜糖味濃咗D，不過不失金沙墨魚咀金沙香皮脆、墨魚咀唔夠爽，但咸係超咸咸肉炒芥蘭咸肉本身已經好咸，加埋落個菜仲咸豉油皇炒麵有別於一般食開嘅，用咗粗鹼水麵，味道都係格格不入整體嚟講，幫襯完一次可能要約期做體檢，開始懷疑人生🤣🤣，碟餸菜份量算大碟，六個餸加個麵 及 5/6支啤酒，埋單一千零幾，一班朋友出街叫餸食飯，平極都要3幾百啦，人均消費兩舊，價錢超經濟。樓上環境嘈好嘈，(聽力測試) 唔好話同朋友傾偈，基乎連自己講嘢都聽唔到，(聲線測試)所以會不自覺地講得越來越大聲，(腎功能測試)食物一般都偏咸，個別餸菜超咸。…Read More

滿有期待嘅乳豬，剛巧賣晒，即時無晒心情，order咗3個小食，一個Main course。紅酒辣肉腸，不過不失，但無紅酒味西班牙蛋餅，焦香但入口蛋味唔重春卷皮黑松露薄餅，脆香口唔油燒豬肉焗天使麵，麵有點乾，豬肉好食總結：出品比以前差咗，冷氣不足有待改善。…Read More

剛幫襯完，一次夠應該唔會有下次，話說幾天前已經訂枱，今日仲WhatsApp確認過，訂19:00上到去無枱，問收銀(年長女士)話安排中，等咗5分鐘再問有枱埋緊單會留比我哋，點知執完枱店(男士)，有人訂咗唔係比你唔好誤會，再三追問下，有位年青D嘅女士又講安排緊，再等多幾分鐘最終都係坐番嗰張剛執好嘅枱，已經有D火火哋...有位就算。坐低點菜已經係19:15，落完單唔洗5分鐘出整4樣餸，好有效率快過大排檔....我哋都唔差50分鐘食完埋單仲叫埋甜品食添...廢話唔講。滷水鵝片例牌 - 鵝肉嚡口滷水唔香蝦蟹棗 - 蝦棗叫做出色D，蝦 或 蟹味唔夠濃，蝦棗唔夠彈但Juicy水瓜烙 - 粉少煎得唔夠脆黏唔住d瓜，一夾就散晒鹹魚炒芥蘭 - 堅鹹烏沙水晶包 - 勁，後加單2分鐘唔洗上枱，個皮有d蒸完凍咗又返蒸感覺，煙韌得離有啲硬總結：搬咗過嚟，環境好咗，人氣又高咗，但部份員工態度及餐廳待客之道，有好大改善空間，全程感覺係你好快d食完走啦，唔好咗住張枱，應該唔會有下次。…Read More

朋友生日，book咗土瓜灣總店，好幾年前食過舊舖有驚喜，但由於book位真係有難度，直到今次先有機會再幫襯，環境好咗好多，但期待嘅味道己經改變咗。賣相靚咗，但食物質素下降咗。拔絲咕嚕肉味道剛好咕嚕肉肉質淋得嚟又有咬口，好食，但個拔絲同威化糖想點呢，拔絲煙韌預早整定d都唔脆，威化糖同個餸格格不入豉椒炒蜆普通正常口味啫啫唐生菜煲咸堅係咸海山骨南乳味好出，疑似用上有骨豬扒，肉淋入味，好食小炒皇正常，但唔夠嘢味，食落會好似差d咩又講唔出感覺椒鹽豆腐可以用唔好食嚟形容，韌皮唔脆黑松露墨魚餅松露味蓋過咗墨魚味，唔夠彈牙胡椒蝦眼見煲內蝦頭同蝦身分離，自己諗我無食，比唔到太多意見炸饅頭普通嘢總結：環境OK，價錢唔貴，但論食味就未必會再幫襯。…Read More

幾年無嚟過食，環境及服務都無變，唯一食物質素好似差咗。食物：蘿蔔乾豬肚湯失望係因為有期望，色水及味道都淡咗，記得之前飲味道好濃，十足十媽媽煲足料老火蘿蔔乾湯友人就分別叫咗胡椒豬肚湯及海螺湯無試味，所以無評論鵝片滷水味香但肉有點鞋鵝蛋好大隻，比普通食開嘅大咗一倍，可惜蛋白奀皮蛋黃唔夠香川椒雞雞肉及味道都還可以，碟邊炸葉唔脆係一d都唔脆，疑似炸起咗一段時間吸番晒d入去炸雙棗蝦棗質感可以，但蝦味唔濃蟹棗好食d，有蟹味冬菇芥菜煲OK，可能季節性問題，芥菜有點苦潮州炒魚麵味道可以，但唐芹太多蓋過咗魚味，最特別係用長方形魚片，切到一條條幼過筷子size炒出嚟甜品：當然唔少得反沙芋啦，芋頭香，中間軟硬適中總結：短時間內都唔會再嚟，有代提升回復以前食物質素。…Read More

上次同幾位女士，食唔到d乜，只係記得醉鮑魚大隻又好食同筍殼魚好味，今次再嚟搵咗d有食力嘅朋友試真D。前菜：話梅番石榴，石榴入曬話梅味，咸咸地得嚟又唔會無曬石榴味椒鹽白飯魚，外脆內軟醉鮑魚，大隻、酒味香、入味鮑魚諗香煎墨魚餅，攞過嚟已經香氣撲鼻，入口彈牙，如果加埋有一粒粒嘅墨魚就無敵主菜鹽焗手撕雞，皮爽雞肉滑，略嫌鹹咗啲溫公齋煲，南乳味好出砵酒桶蠔，呢個就一般，蠔juicy可惜砵酒味唔夠出紅燒豆腐，豆腐好滑油浸龍躉仔，本嚟留筍殼魚，不過無貨，轉用龍躉仔，肉就容易鬆散啲都OK，不過個人都係鍾情筍殼魚多D欖角骨，唔韌肉諗，微微蜜糖甜味主食招牌炒粉絲，乾身好味總結：所有菜式，都不過不失，小店經營，氣氛融洽，價錢合理，朋友聚腳聊天，不二之選。…Read More

四人歡聚，吹足一晚，由於掛住吹水部份餸唔記得影相食物：滷水拼盤 - 滷汁香食物入味、元蹄唔肥、腩肉肥瘦適中、鵝片算滑、滷蛋香、大腸肥美雞蛋焗魚腸 - 呢個真係不得了，面脆有蛋香、唔腥菜脯肉碎煎蛋角 - 不過不失蒜蓉炒唐生菜 - 正常嘢，份量就細咗d乾鍋花菜 - 由於友人唔食辣，所以我哋走辣菠蘿黑醋骨 - 一般貨色、炸粉硬咗d及舊肉乾咗少少福建炒飯 - 呢個比較失望、淡口菜粒淋曬，無咗口感總結：上個月幫襯過，有朋自遠方來，自己傾到無食咩食過餸，所以今次要試清楚，有85折價錢合理，食物及味道都OK，一定有下次，可以再試其他餸…Read More

之前試過食午餐，覺得都可以，點知晚餐伏咗。食物：雞翼，唔記得水牛城 定 煙燻xx，普通嘢黑松露意大利飯，死罪太淋意式雲吞，口感好d，但個人都唔太喜歡慢煮豬鞍扒，芥茉汁OK，扒真係不得了，無豬味不特止，入口肉質鬆散仲要嚡啵，薯條好味好多甜品：心太軟，呢個好食，朱古力做到流心唔會太甜，但舊雪糕唔得，奶味太重，需要分開嚟食紐約芝士餅，真心唔掂，入口有粉粒感覺，一d都細滑雖然唔好味，但原來芝士餅配士多啤梨醬係好夾㗎總結：食物質素參差，可一不可再…Read More

食物美味，服務優質，三五知己聚會暢談嘅好地方小食：順德煎魚餅，魚餅配蜆介醬，彈牙有魚味，食得出自家出品椒鹽豆腐，脆漿夠味豆腐嫩滑清酒鮑魚，建議唔好點太多Wasabi，入口先有清酒香味，咬落有淡淡荔枝清香湯：冬瓜盅（預訂），清香足料加咗羊肚菌，但個人偏好味濃，所以感覺淡咗D小菜：濃湯粗疏，豆腐質感好特別，口感似食魚蛋同蒟蒻之間，一般老媽豉油新鮮雞（預訂），嫩滑入味自家製叉燒，有別於一般食開嘅叉燒，賣相唔吸引，但加咗桂花有淡淡桂花香，幾得意主食：蟶子皇豉油王炒麵，麵唔會太乾身聖子皇嫩滑，但得兩嚿聖子比較少甜品：豆腐布甸，好味送嘅砵仔糕，紅豆足料，糕底煙韌唔會好甜…Read More

環境舒適，食物中上，有驚喜亦有失望今日5人用餐前菜：脆炸雙菇、柚子醋海蜇頭小菜：蝦多士、蜜汁脆鱔、蟹肉粉絲、麥皮蝦、豆腐煲、梅菜蒸菜心、芥辣蝦球主食：豉油王炒麵驚喜菜式：梅菜蒸菜心，甜梅菜唔會死甜，夾埋菜心一齊食，非常好味；蜜汁脆鱔，皮脆肉彈，蜜汁唔會太多加咗檸檬汁，恰到好處；蝦多士，乾身唔油，唔會炸到過火，蝦彈牙，麵包中間仲係軟嘅；中伏菜式：蟹肉粉絲，粉絲係乾身，但係唔夠味及好少蟹肉；麥皮蝦，蝦算新鮮，個人略嫌蝦殼炸得唔夠脆（因為個人喜好炸蝦喺連殼食的），但味道好一般；豆腐煲，睇落幾好，食就淡而無味，淨係食到豆腐味；豉油王炒麵，乾到爭啲濁親，係我食過最差嘅炒麵；總括黎講，不過不失，價格偏貴…Read More

良朋好友聚餐，今晚食咗都幾多餸，4個人食咗7個餸，2支啤酒+2罐黑啤。由於掛住食關係，相片唔整及碟碟都食到大半先記得影，請見諒。泰式鳳爪海蜇鳳爪爽口，辣味剛剛好，略嫌海蜇太碎。燒肉好食，唔會好咸、皮脆唔肥。小炒皇呢個不得了，料足有獲氣，有蝦干、魚仔干及魷魚。海皇撈粉絲粉絲炒得乾身，椰菜食落有d脆口。天下第一咀個人覺得失色，粉厚墨魚咀炸時間唔夠，無咗彈牙口感。雞油豆苗正正常常，唔多講炸蝦餅一般啦，足料味道可以，但炸得唔夠或搓得唔夠膠，內裡比較鬆散總結：好耐都無幫親過容記，因為幾年前食過，環境好嘈，坐係圓枱同對面個朋友傾偈，好似嗌交咁先聽到，今次再食仲於有番好感，一定會再嚟食過。…Read More

今晚好友聚會，我哋人唔多都食咗幾多餸，先嚟個湯藥材走地雞湯、砂鍋豆腐蝦、泰式炭燒豬頸肉、金銀蛋浸時蔬、荔芋油鴨煲、扣肉包及蝦子蝦球炒飯。好彩有訂位，當晚可能近農曆新年，坐無虛席，上菜時間比平時慢，但好在水準仲keep到。藥材走地雞湯，不過不失，湯藥材味都算濃，玉竹有咬口，湯唔油膩泰式炭燒豬頸肉，比平時份量細碟咗少少，但都好味砂鍋豆腐蝦球，普普通通啦金銀蛋浸時蔬，正常荔芋油鴨煲，芋頭好味油鴨偏咸及硬身扣肉包，個人覺得以前好食D﹐扣肉過肥，夾咗包後都有點感覺太油膩蝦子蝦球炒飯，飯夠乾身，味道正常…Read More

由於朋友有狗，今次坐戶外，剛好今日天陰有霧唔熱。先嚟個泰式拼盤，不過不失啦；再嚟半打串燒，豬、牛雙拼，食味可以，但個醬就硬係挣啲；泰式炒椰菜苗，個汁偏甜；燒豬頸肉，以前好食D﹐豬頸肉無咗彈牙口感(可能師父切得太薄)，個汁唔夠惹味；干燒大蝦，蝦嘅肉質唔掂，有點梅梅哋感覺，但出奇地個汁辣辣哋好味啵；最後食咗碎肉包生菜，個人覺得好味，再辣D仲好；總結：食物質素一般，價錢正常唔算貴，泰爸爸已經幫親過好幾次，但食物質素下降咗，涼涼哋想Chill吓都可以一試。…Read More